10/06/2026
Við erum gífurlega stolt af okkur manni/mönnum!
Það var taugatrekkjandi að fylgjast með síðustu holunum og bráðabananum á mánudagskvöld þegar Gulli tryggði sig inn á US Open. Meðvituð um samkomulag þeirra félaga þá tók stjórn klúbbsins samtalið þegar ljóst var í hvað stefndi og auðvitað kom ekki annað til greina en að gefa Bjarka frí ef kallið kæmi (sem kom!).
Bjarki flýgur vestur um haf á föstudag og verð ég staðgengill hans á meðan Ameríkudvölinni stendur, sem verður vonandi sem lengst! Strákarnir okkar í móttökunni munu taka símann og svo má alltaf senda tölvupóst á [email protected]
Við óskum þeim félögum alls hins besta og sendum góða strauma til Shinnecock Hills og að sjálfsögðu verður sýnt frá mótinu í nýja klúbbhúsinu okkar.
Fh. Golfklúbbs Borgarness
Þorkell Már Einarsson, formaður
Borgnesingurinn Bjarki Pétursson, fyrrverandi atvinnukylfingur er búinn að kaupa sér farmiða til New York en hann verður kylfusveinn Gunnlaugs Árna Sveinssonar, áhugakylfings sem tryggði sér þátttökurétt á erfiðasta risamóti atvinnukylfinga, Opna bandaríska meistaramótinu, US Open...
