Aðdáendasíða Kormáks

29/08/2026

Leik er lokið á Blönduósi, þar sem internetið segir okkur að KFA hafi skorað sigurmark 2-3 á mínútu 99.

Það er ansi súrt, en Livey útsendingin rofnaði eðlilega þegar svona langt var komið fram yfir eðlilegan leiktíma. Það er stöngin út hjá okkar mönnum þessa dagana, en þá gildir að reisa sig við og klára tímabilið þeð sæmd!

Tveir leikir eftir af deild og svo stóri bikarleikurinn - áfram Kormákur Hvöt!

29/08/2026

Í dag klukkan 14:00 mæta Austfirðingar og etja þar kappi við okkur Húnvetninga. Þetta er næst síðasti heimaleikurinn í deildinni þetta árið og í dag viljum við láta gott af okkur leiða inni á vellinum og utan hans.

Söfnun er í gangi fyrir leik, á meðan og eftir hann. Gómsætar vöfflur í vallarskúr, miðaverð allt í gott málefni og vonandi geta okkar menn glatt augu innan vallar.

Eins og oft vill verða hjá fámennum leikmannahópum þá er farið að kvarnast, meiðsli, bönn og heimþrár farin að gera vart við sig. Þá er nú enn mikilvægara að allir leggist á eitt og ýti vagninum yfir línuna.

Áfram Kormákur Hvöt - sjáumst á vellinum!

28/08/2026

Laukrétt Feykir! Saman getum við skipt sköpum í dag, á morgun og áfram þaðan!

Sjáumst á vellinum og áfram bleikir!

Á morgun, laugardaginn 29. ágúst, leikur Kormákur Hvöt næst síðasta heimaleik ársins í 2. deildinni en það er lið KFA frá Austfjörðum sem kemur í heimsókn

27/08/2026

Ný styttist í leikinn góða gegn Austfirðingum, sem fer fram laugardaginn 29. ágúst klukkan 14:00.

Viðtökur við söfnuninni eru fram úr vonum og þegar hefur safnast ágætis summa. Við hvetjum alla okkar aðdáendur til að leggja málefninu lið, koma á völlinn og sýna að Húnaþing stendur saman þegar á reynir - eins og við höfum marg oft gert hingað til!

Minnum á söfnunarreikninginn fyrir þetta góða málefni:
- reikningsnr. 0133-26-001833
- kt. 621220-0470

❤ Stöndum saman fyrir gott málefni! ❤

Næstu helgi leikur Kormákur Hvöt næst síðasta heimaleik ársins, þar sem KFA frá Austfjörðum koma í heimsókn.

Stjórn félagsins hefur ákveðið að láta allan aðgangseyri af leik liðsins renna óskiptan til Bergrósar Hafsteinsdóttur frá Skagaströnd, sem nýlega greindist með illvígan sjúkdóm. Samfélagið skiptir félagið máli og með þessu viljum við sýna samstöðu í verki og hvetjum alla þá sem eiga heimangengt að mæta á völlinn, styðja við gott málefni og sýna samstöðu. Saman getum við skipt sköpum!

Einnig er hægt að leggja beint inn á reikning fyrir málefnið, þar sem margt smátt telur saman í eitt stórt. Upplýsingarnar fyrir það eru hér:

- reikningsnr. 0133-26-001833
- kt. 621220-0470

25/08/2026

❤ Stöndum saman fyrir gott málefni! ❤

Næstu helgi leikur Kormákur Hvöt næst síðasta heimaleik ársins, þar sem KFA frá Austfjörðum koma í heimsókn.

Stjórn félagsins hefur ákveðið að láta allan aðgangseyri af leik liðsins renna óskiptan til Bergrósar Hafsteinsdóttur frá Skagaströnd, sem nýlega greindist með illvígan sjúkdóm. Samfélagið skiptir félagið máli og með þessu viljum við sýna samstöðu í verki og hvetjum alla þá sem eiga heimangengt að mæta á völlinn, styðja við gott málefni og sýna samstöðu. Saman getum við skipt sköpum!

Einnig er hægt að leggja beint inn á reikning fyrir málefnið, þar sem margt smátt telur saman í eitt stórt. Upplýsingarnar fyrir það eru hér:

- reikningsnr. 0133-26-001833
- kt. 621220-0470

22/08/2026

Lið Kormáks Hvatar laut rækilega í gras í dag gegn KFG í furðulegum leik. Stærsta tap sumarsins varð raunin, 0-4, í leik þar sem tölur sýna sennilega að við höfum stýrt leiknum.

Eins og í nokkrum leikjum undanfarið þá virtist planið vera að leyfa okkur að vera með boltann og refsa svo með skyndisóknum. Það tókst. Okkar þunnskipaði hópur bensínlaus eftir þriðja leikinn á átta dögum sprakk svo á límmiða undir lokin.

Jákvætt tökum við í pokann að nú er hægt að hvíla sig í viku. Okkar ungu peyjar fengu dýrmætar mínútur í kladdann og komust klakklaust frá.

Stöngin út í dag. Áfram í næsta bardaga!

21/08/2026

Svið helgarinnar er Miðgarður í Garðabæ, þar sem heimamenn í KFG bíða okkar í 19. umferð 2. deildar. Þeir verma síðasta sæti deildarinnar, en vöknuðu til lífsins nú í síðasta leik eftir langa taphrinu.

Okkar menn eru um miðja deild og hafa misst af lestinni þegar kemur að toppsætum, en ljúft væri að jafna góðan árangur síðasta árs og tryggja okkur topp fjögur sæti í deildinni. Vegferðin að því hefst í hlýjum salarkynnum Miðgarðs, þar sem verið er að skipta um teppi á aðalvelli Stjörnunnar. Og ógeðisveður úti.

Sjáumst þar hress og kát - áfram bleikir!

19/08/2026

Þá er leik lokið á Blönduósvelli, þar sem heimsækjararnir í Haukum þjösnuðu 1-2 sigri yfir endalínuna.

Okkar menn byrjuðu leikinn hreint ömurlega og með mænulausum varnarleik hleyptu þeir efsta liði deildarinnar í 0-2 forystu áður en áhorfendur voru almennilega búnir að koma sér fyrir. Varnarleikur til háborinnar ófyrirmyndar.

Staðan lagaðist aðeins þegar Pol gerði vel í undirbúningi og Manu sendi fyrir á Guzman sem skoraði. Það sem eftir lifði leiks var lið Kormáks Hvatar í hlutverki úlfsins sem blés og blés, en múrsteinahús síðasta svínsins hélt út leikinn.

Niðurstaðan er ljós; fyrsta heimatap á Blönduósi í tvo mánuði og í fyrsta sinn í sumar töpum við tveimur leikjum í röð. Nú burstum við þetta af okkur og fleytum sterku punktunum úr leiknum í næsta bardaga sem er strax á helginni gegn KFG í Garðabæ.

Áfram gakk takk!

19/08/2026

Já þá er runninn upp leikdagur 18 í 2. deildinni og í heimsókn kemur milljarðalið Hauka, sem trónir á toppi deildarinnar bæði fyrir og eftir þennan leik. Þeirra er krúnan og uppferð næsta vís.

Í síðustu tveimur leikjum liðanna hefur niðurstaðan verið jafntefli og í fyrri leik þeirra í Hafnarfirði varð einnig jafntefli. Hér eru tvær bestu varnir deildarinnar að mætast og heimamenn eru væntanlega banhungraðir í að sýna sitt rétta andlit eftir skell gegn Magna í síðustu umferð.

Sýnt verður frá herlegheitunum í beinni útsendingu á Livey, þar sem Hafþór okkar Laursen verður á hljóðnemanum af sinni einskærru snilld. Við hvetjum alla sem eiga heimangengt að ganga að heiman´(eða keyra) og á völlinn, því stuðningur úr bílum og bossar í sæti eru fyrsta skrefið að árangri innan vallar.

Let's go - sýnum umheiminum að við erum engin lömb að leika við á heimavelli. Áfram bleikir!

13/08/2026

Eitt af því sem við komum næst nágrannaslag í 2. deildinni eru glímur við Grenvíkinga. Einn slíkur er á dagskrá komandi helgi, útileikur við Magna. Þetta eru alltaf líflegir leikir og mikið fjör.

Þeirra lið fór brösulega af stað, en hefur mjög rétt úr kútnum í síðustu leikjum. Okkar menn hóta að blanda sér í baráttu efstu liða, en úrslit í þessum yfirstandandi umferðum ráða miklu um það.

Fátt er frísklegra en bíltúr á víkina góðu, svo við hvetjum alla til að fara í hana. Veður er bara veður og ekkert um það vitað þegar þetta er skrifað.

Áfram bleikir!