Sjálfsrækt

07/09/2026

Það virðist einhvern veginn fylgja því að sem við eldumst þá förum við að tala meira um líkamann og það sem er að angra okkur. Bakið er eitthvað að stríða okkur, öxlin ekki alveg eins góð og hún var og það tekur aðeins lengri tíma að koma sér í gang á morgnana. Við skellum síðan skuldinni á hækkandi aldur. Það er vissulega rétt að við eldumst stöðugt og líkaminn breytist með aldrinum. Ég velti því þó oft fyrir mér hvort við séum stundum aðeins of fljót að skrifa allt á aldurinn því eitt sem líkaminn er ótrúlega góður í er að aðlagast því sem við gerum og því sem við hættum að gera.

Sem börn hugsum við ekkert sérstaklega um hreyfigetu. Við setjumst auðveldlega á gólfið, stöndum upp, skríðum, klifrum, höngum, hlaupum, hoppum og snúum okkur í allar mögulegar áttir. Svo líður tíminn og hreyfingarnar verða færri og einhæfari. Við sitjum meira og lengur, keyrum á milli staða og þegar við hreyfum okkur er það oft á svipaðan hátt. Sama mynstrið endurtekið aftur og aftur. Þannig, í rauninni, erum við að þjálfa það.

Líkaminn er gerður til að hreyfast í allar áttir. Við beygjum okkur, réttum úr okkur, færum okkur til hliðar og snúum upp á okkur. Við snúum okkur eftir einhverju í aftursætinu, teygjum okkur upp í skáp, stígum yfir eitthvað eða grípum okkur þegar við missum jafnvægið. Þannig viljum við geta hreyft okkur í daglegu lífi, án þess að þurfa að hugsa um það.

Vandinn er að ef við hættum að gera ákveðnar hreyfingar verðum við smám saman verri í þeim. Mjaðmirnar verða stífari, við eigum erfiðara með að snúa okkur og bakið er ekki eins vant því að beygja sig og áður. Og þá kannast margir við að eitthvað sem virðist ósköp saklaust verður allt í einu til þess að maður „festist í bakinu“, fær tak í hálsinn eða finnur að líkaminn er bara ekki eins tilbúinn í hreyfinguna og maður hélt.

En lífið hættir ekki að kalla á þessar hreyfingar. Við þurfum enn að moka snjó, bera innkaupapoka, lyfta einhverju upp af gólfinu eða snúa okkur snögglega. Þess vegna er svo mikilvægt að halda áfram að nota líkamann á sem fjölbreyttastan hátt.

Ef einhverjar hreyfingar hafa tapast með tímanum er ekki þar með sagt að þær séu farnar fyrir fullt og allt. Við getum byrjað að æfa þær aftur, byggt okkur smám saman upp og kennt líkamanum aftur það sem hann hefur kannski ekki gert í mörg ár.

Lestu alla greinina hér: https://www.sjalfsraekt.is/frodleikur/

06/09/2026

Hvernig virkar skráning í tíma hjá okkur? ✨

Hér höfum við tekið saman það helsta sem gott er að vita um skráningar, afskráningar og biðlista hjá Sjálfsrækt.

Við hvetjum þig sérstaklega til að skrá þig á biðlista þó tíminn sé fullur. Pláss losna reglulega og þá færðu sjálfkrafa tilkynningu í Abler appinu ef þú kemst inn.

Og ef þú sérð fram á að komast ekki í bókaðan tíma, mundu að afskrá þig svo einhver annar fái tækifæri til að nýta plássið 🤍

Við hlökkum til að taka á móti þér í Sjálfsrækt.

04/09/2026

Tvö karlanámskeið hefjast í næstu viku og enn eru nokkur laus pláss 🙌

✨Fyrir þá sem vilja aukna ró þá er Jóga vellíðan fyrir karla mjúkt og slakandi námskeið fyrir karla sem vilja minnka streitu, losa um spennu og stirðleika og fá góða endurnæringu inn í vikuna.

✨Á námskeiðinu Liðleiki og styrkur fyrir stirða stráka erum við að vinna með að hreyfa þig betur, hvort sem markmiðið er að losna við verki, ná betri líkamsbeitingu og árangri í íþróttum eða einfaldlega auka lífsgæði og kraft frá degi til dags.

Vertu með í flottum félagsskap og góðu umhverfi Sjálfsræktar!

👉Skráning og nánari upplýsingar á www.sjalfsraekt.is

03/09/2026

⏰ Hvenær opnar húsið?

Við opnum húsið 15 mínútum áður en tími hefst.

Til að flæðið virki sem allra best í Sjálfsrækt er gott að hafa þetta í huga:

💚 Mættu 5–15 mínútum fyrir tímann.
Þá gefst þér tími til að hengja af þér, slökkva á símanum og vera tilbúin/n þegar kennarinn býður þér inn í salinn.

💚 Ekki þarf að mæta fyrr.
Stundum eru tímar hver á eftir öðrum og þá viljum við gefa þeim sem eru að ljúka sínum tíma ró og næði til þess að klára og/eða kennaranum rými til þess að undirbúa sig fyrir tímann sem er framundan.

💚 Ef þú kemur að læstum dyrum.
Stundum læsum við þegar tími er hafinn svo við getum forðast truflun á kennslu. Mættu því alltaf nokkrum mínútum áður en tíminn þinn hefst.

Svona hjálpumst við að við að skapa notalegt rými þar sem gott er að koma inn, lenda og njóta💚

25/08/2026

Í nýjasta pistilinum fjallar Guðrún um mikilvægi góðrar hreyfigetu á öllum aldri.

Linkur í fyrstu athugasemd

„Það er aldrei of seint að hreyfast betur“ er yfirskrift heilsupistils Guðrúnar Arngrímsdóttur, þar sem hún fjallar um líkamann og það að eldast, þegar við eldumst virðist fylgja að við tölum meira um líkamann og það sem er að angra okkur.

Hlekkur á pistil í fyrstu ummælum.

24/08/2026

Nú styttist í að hversdagsleikinn taki aftur við eftir sumarið. Skólar byrja, vinnan kemst á fullt, æfingar og tómstundir fara aftur inn í dagatalið og áður en við vitum af eru vikurnar orðnar ansi þéttskipaðar.

Ég held að mörg okkar þekki þá tilfinningu að vera stöðugt að reyna að ná í skottið á sjálfum sér. Það er alltaf eitthvað sem við ættum að vera búin að gera, einhver sem við ætluðum að hringja í, verkefni sem bíður, þvottur í körfu, tölvupóstur sem þarf að svara eða eitthvað skemmtilegt sem okkur langar líka að koma að. Lífið er einfaldlega fullt af hlutum sem eru þess virði að gera.

Fyrir nokkru skrifaði ég grein sem hét Við getum gert allt, en ekki allt á sama tíma. Þar velti ég meðal annars fyrir mér þeirri hugmynd að lausnin við annríki sé ekki endilega að verða enn betri í að skipuleggja okkur eða koma meiru fyrir. Stundum erum við einfaldlega með of margt á okkar könnu.

En það er ekki bara tíminn sem setur okkur mörk. Því þó að við séum nokkuð vön því að hugsa um tímann sem takmarkaða auðlind, held ég að við gleymum stundum annarri auðlind sem skiptir ekki síður máli. Orkunni okkar. Það er nefnilega eitt að hafa tíma fyrir eitthvað og allt annað að hafa orku fyrir því.

Lestu alla greinina hér:
https://www.sjalfsraekt.is/frodleikur/

20/08/2026

Hvernig væri að eiga eitt kvöld í vikunni þar sem þú þarft ekki að gera neitt annað en að mæta og slaka á.

Engin keyrsla. Engin krafa um að standa sig. Bara klukkutími þar sem þú hægir á, andar aðeins dýpra og gefur líkamanum og huganum smá rými.

Jóga vellíðan fyrir karla er mjúkt og slakandi námskeið fyrir karla sem vilja minnka streitu, losa um spennu og stirðleika og fá góða endurnæringu inn í vikuna.

Við förum rólega inn í stöðurnar, gefum líkamanum tíma til að mýkjast og vinnum vel með öndun og slökun.

Þú þarft ekki að hafa neina reynslu af jógaiðkun og alls ekki að vera liðugur. Þú þarft bara að mæta.

Gott mótvægi við annasama daga, mikla vinnu, æfingar eða einfaldlega líf þar sem oft er mikið um að vera.

8 vikur | 8. september – 27. október
Kennari: Alfa Jóhannsdóttir

👉Skráning er hafin.

19/08/2026

Langar þig að hreyfa þig meira en veist ekki alveg hvar þú átt að byrja? 💚

Nokkur námskeið eru að hefjast hjá okkur í Sjálfsrækt og kannski er eitt þeirra akkúrat fyrir þig.

Hvort sem þig langar að byggja upp styrk, auka liðleika, finna meiri vellíðan eða einfaldlega koma þér af stað, þá leggjum við áherslu á faglega leiðsögn, litla hópa og að þú getir byrjað þar sem þú ert.

💚 Jóga Vellíðan fyrir karla
💚 Liðleiki og styrkur fyrir stirða stráka
💚 Byrjaðu hér
💚 Styrkur og uppbygging, hópþjálfun fyrir konur

Finndu það sem hentar þér og vertu með!

👉 Skráning og nánari upplýsingar á sjalfsraekt.is

13/08/2026

Sjálfsræktarhelgi
kannski er komið að þér 🤍

Í lok september förum við aftur í Helgafell á Svalbarðsströnd og eigum saman heila helgi þar sem allt snýst um að hafa það gott.

Við hreyfum okkur, förum í Jóga Nidra, losum um spennu, borðum góðan mat, förum í saunu, spjöllum, hlæjum og gefum okkur góðan tíma inn á milli.

Við vorum með dásamlegan hóp síðast og ummælin á myndunum segja kannski meira um upplifunina en við getum gert sjálfar.

Nokkur pláss laus.

📍 Helgafell á Svalbarðsströnd
📅 25.–27. september
🤍 89.000 kr. – gisting, öll dagskrá og matur innifalinn

Langar þig með? Skráning er opin og við tökum svo sannarlega vel á móti þér.

12/08/2026

Ertu orðinn aðeins stífari en þú kærir þig um að viðurkenna? 😅

Kannski finnurðu það þegar þú stendur upp eftir vinnudaginn, þegar þú ætlar niður á gólf, þegar þú sveiflar golfkylfunni, ferð á hjólið, í ræktina eða gerir eitthvað sem áður var bara ekkert mál en er orðið aðeins erfiðara núna.

Þá er Liðleiki og styrkur fyrir stirða stráka pottþétt námskeiðið fyrir þig.

8 vikna námskeið fyrir karlmenn á öllum aldri sem vilja hreyfast betur, verða sterkari og liðugri og halda áfram að geta gert það sem þeim finnst skemmtilegt.

Markmiðið er að hreyfast betur og fá líkamann til að virka betur í vinnunni, í ræktinni, í golfinu, á fjöllum og bara í daglegu lífi.

Við vinnum sérstaklega með þau svæði sem eiga það til að stirðna upp, mjaðmir, bak, axlir, brjóstbak og ökkla.

8 vikur | 9. september – 28. október
Aðgangur í alla opna tíma Sjálfsræktar fylgir á meðan námskeiðinu stendur.

Kennari: Guðrún Arngrímsdóttir

👉 Skráning er hafin.