08/03/2023
الوصف معروف نوع من انواع الشعر الغزلي وصف البنات وماهو عيب ولا هو جديد الكبير والصغير يصف جمال الشكل في البنات سمعنا كتير من الغزل الجميل والطاعم ويتفاوتو الشعرا في نوع وشكل الغافيه بالنسبه لي البت المقصوده في الشعر مرات مسادير ومرات مرابيع ومجاراه وكلام كتير حسب الجمال والدافع لإنو الشاعر لو ما عندو دافع وحسس من جوا بالتأكيد م ببدع ، ومختلف من تشوف بي عينك وتوصف ومن تسمع وتوصف
عبدالرحيم احمد الحصان الضرير قال لي جدنا علي ود الفكي تغني إنت فوق فلانه دي بعد ما تشوفه ان م شفتها ما تغني استنوها بعيد جات مارقه شافوها غنى جدنا علي والضرير غنى بعد جدنا علي والضرير معروف ليهو مكانتو في الوصف والغزل شاعر يصعب مجاراتو لكين عندو الناس البغنو معاهو اها
جدنا علي قال
دقر ياعين قدر منو لبسوهن شاح
فايتاهن ذكا وكايله العين وزايده سماح
جبرين من الهيبه زاده كل صباح
وهلكت روح ولا هسع تهلك ارواح
الضرير قال
قت كيف يا العم قولك كلو صايب وصاح
وطاعونه القبيل صايب الضلع ما راح
ما دام ناره تقرش فينا كل صباح
انابي وين القه راحه وعقلي كيف يرتاح
