کۆمەڵەی شاخەوانی کوردستان Kurdistan Mountaineering Association

  • Home
  • Iraq
  • Sulaimanieh
  • کۆمەڵەی شاخەوانی کوردستان Kurdistan Mountaineering Association

کۆمەڵەی شاخەوانی کوردستان Kurdistan Mountaineering Association Contact information, map and directions, contact form, opening hours, services, ratings, photos, videos and announcements from کۆمەڵەی شاخەوانی کوردستان Kurdistan Mountaineering Association, Sulaimanieh.

ئامانجی سەرەکی بە کلتورکردن و پێشخستنی ڕەوتی وەرزشی شاخڕەوی و شاخەوانی و ژینگە و تەندروستی کۆمەڵگایە لەگەڵ ئاشناکردنی سروشت و چیاکانــی هەرێمی کــوردستان بە هاونیشتیمانیانی ئازیز و جیهان .

الهدف الرئيسي هو تعزيز ثقافة تسلق الجبال والبيئة وصحة المجتمع والتعريف بطبيعة وجبال إقليم كوردستان للمواطنين والعالم. The main goal is to promote the culture of mountaineering, environment and health of society and to introduce the nature and mountains of the Kurdistan Region to the citizens and the world.

گەشتێکی مێژوویی بۆ زنجیرە شاخی سورێنزنجیرە شاخی سورێن یەکێکە لە جوانترین و گرنگترین ناوچە شاخاوییەکانی کوردستان، کە مێژو...
07/06/2026

گەشتێکی مێژوویی بۆ زنجیرە شاخی سورێن

زنجیرە شاخی سورێن یەکێکە لە جوانترین و گرنگترین ناوچە شاخاوییەکانی کوردستان، کە مێژوویەکی دەوڵەمەند و سروشتێکی سەرسوڕهێنەری هەیە. گەشت بۆ ئەم زنجیرە شاخییە تەنها سەردانێکی ئاسایی نییە، بەڵکوو گەڕانەوەیەکە بۆ ناو مێژوو، سروشت و ناسنامەی نەتەوەیی.

لە ماوەی ئەم گەشتەدا، شاخەوانان و خۆشەویستانی سروشت لە ناو دۆڵ و گرد و لوتکەکانی سورێن تێپەڕین و بە چاوی خۆیان جوانییە سروشتییەکانی ئەم ناوچەیەیان بینی. هەروەها ئەم گەشتە دەرفەتێکی باش بوو بۆ بەهێزکردنی پەیوەندییە مرۆیی و کۆمەڵایەتییەکان لەنێوان ئەندامان و گۆڕینەوەی ئەزموون و زانیاری شاخەوانی.

زنجیرە شاخی سورێن بەهۆی شوێنە مێژوویی و سروشتییەکانییەوە، هەمیشە جێگای سەرنجی گەشتیاران و شاخەوانان بووە. هەنگاونان لەسەر خاکی ئەم شاخانە هەستێکی تایبەتی سەربەرزی و پەیوەندی بە خاک و مێژووی نیشتمان دروست دەکات.

ئەم گەشتە مێژووییە جارێکی دیکە سەلماندی کە شاخەوانی تەنها وەرزشێک نییە، بەڵکوو پەیامێکی خۆشەویستی بۆ سروشت، هاوکاری، یەکگرتوویی و پاراستنی میراتی سروشتی و مێژوویی کوردستانە.

کۆمەڵەی شاخەوانی کوردستان

کۆمەڵەی شاخەوانی کوردستان بە سەرکەوتوویی و لە چوارچێوەی پرۆگرام و چالاکییە وەرزشی و ژینگەییەکانی خۆی، گەشتێکی زۆر سەخت، ...
07/06/2026

کۆمەڵەی شاخەوانی کوردستان بە سەرکەوتوویی و لە چوارچێوەی پرۆگرام و چالاکییە وەرزشی و ژینگەییەکانی خۆی، گەشتێکی زۆر سەخت، پڕ لە تاقەت بۆ زنجیرە شاخی سورێن ئەنجامدا، کە یەکێکە لە قورس‌ترین گەشتەکانی ئەم وەرزە.

ئەم گەشتە ڕۆژی هەینی، ڕێکەوتی ٥-٦-٢٠٢٦، لە گوندی بانی شار دەستی پێکرد و بە ئاراستەی ئەشکەوتی مەڕداڵ و ناوچە دژوار و هەڵدێرەکانی زنجیرە شاخی سورێن بەردەوام بوو. ڕێگاکە بە هۆی قورسایی سروشتی، هەڵکشانی توند و کێشەکانی جوگرافیایی، تاقیکردنەوەیەکی ڕاستەقینەی توانای جەستەیی و دەروونی شاخەوانان بوو.

لە ئەم چالاکییەدا ژمارەیەک لە ئەندامان و دۆستانی کۆمەڵەکە بەشدارییان کرد، هەروەها چەند شاخەوانێکی خۆشەویست لە شاری کەلار میوانی کۆمەڵەکە بوون. لە سەرەتای گەشتەوە تا گەیشتن بە شوێنە دیاریکراوەکان، ڕۆحی هاوکاری، یەکگرتوویی و هاوڕێیەتی بە شێوەیەکی بەرچاو دەبینرا. کۆمەڵەکە بە گەرمی بەخێرهاتنی میوانان دەکات و سوپاسی بەشداری و هاوکارییان دەکات.

تەواوی بەشداربووی گەشت بە درێژایی ڕێگای شاخی سورێن ماندووبوون و قورسایی ڕێگا لەسەر هەموو بەشداربووان کاریگەری خۆی هەبوو، بەڵام بە هۆی ئیرادەی بەهێز، هاوکاری و پشتگیریی نێوان ئەندامان، هەموو قۆناغە سەختەکان بە سەرکەوتوویی تێپەڕێندرابوون. ئەم گەشتە بە ڕاستی تاقیکردنەوەیەکی گرنگ بوو بۆ بەرزکردنەوەی توانای جەستەیی، دەروونی و تەکنیکی شاخەوانان.

بەشداربووان، سەرەڕای ماندووبوونی جەستەیی، بە دڵێکی پڕ لە خۆشی و شانازییەوە گەڕانەوە و گەشتەکە بە ئاشتی، سەلامەتی و سەرکەوتوویی تەواو بوو.

کۆمەڵەی شاخەوانی کوردستان هەمیشە هەوڵدەدات لە ڕێگەی ئەم جۆرە چالاکیانەوە ڕۆحی وەرزش، خۆشەویستی سروشت، پاراستنی ژینگە، هاوکاری و پەیوەندییە کۆمەڵایەتییەکان بپارێزێت و پەرەپێبدات. بێگومان سەرکەوتنی ئەم گەشتەش بەرهەمی دڵسۆزی، ئیرادە و هاوکاریی هەموو ئەندامان و بەشداربووان بوو.

سوپاسی هەموو ئەو کەسانە دەکەین کە بە هەر شێوەیەک بەشدارییان لە سەرکەوتنی ئەم گەشتەدا هەبوو، و هیوادارین لە چالاکی و گەشتەکانی داهاتووشدا بە هەمان ڕۆحی یەکگرتوویی و خۆشەویستییەوە بەردەوام بین.

ڕاگەیاندن و پەیوەندییەکانی
کۆمەڵەی شاخەوانی کوردستان

کۆمەڵەی شاخەوانی کوردستان بە سەرکەوتوویی و لە چوارچێوەی پرۆگرام و چالاکییە وەرزشی و ژینگەییەکانی خۆی، گەشتێکی زۆر سەخت، ...
07/06/2026

کۆمەڵەی شاخەوانی کوردستان بە سەرکەوتوویی و لە چوارچێوەی پرۆگرام و چالاکییە وەرزشی و ژینگەییەکانی خۆی، گەشتێکی زۆر سەخت، پڕ لە تاقەت بۆ زنجیرە شاخی سورێن ئەنجامدا، کە یەکێکە لە قورس‌ترین گەشتەکانی ئەم وەرزە.

ئەم گەشتە ڕۆژی هەینی، ڕێکەوتی ٥-٦-٢٠٢٦، لە گوندی بانی شار دەستی پێکرد و بە ئاراستەی ئەشکەوتی مەڕداڵ و ناوچە دژوار و هەڵدێرەکانی زنجیرە شاخی سورێن بەردەوام بوو. ڕێگاکە بە هۆی قورسایی سروشتی، هەڵکشانی توند و کێشەکانی جوگرافیایی، تاقیکردنەوەیەکی ڕاستەقینەی توانای جەستەیی و دەروونی شاخەوانان بوو.

لە ئەم چالاکییەدا ژمارەیەک لە ئەندامان و دۆستانی کۆمەڵەکە بەشدارییان کرد، هەروەها چەند شاخەوانێکی خۆشەویست لە شاری کەلار میوانی کۆمەڵەکە بوون. لە سەرەتای گەشتەوە تا گەیشتن بە شوێنە دیاریکراوەکان، ڕۆحی هاوکاری، یەکگرتوویی و هاوڕێیەتی بە شێوەیەکی بەرچاو دەبینرا. کۆمەڵەکە بە گەرمی بەخێرهاتنی میوانان دەکات و سوپاسی بەشداری و هاوکارییان دەکات.

تەواوی بەشداربووی گەشت بە درێژایی ڕێگای شاخی سورێن ماندووبوون و قورسایی ڕێگا لەسەر هەموو بەشداربووان کاریگەری خۆی هەبوو، بەڵام بە هۆی ئیرادەی بەهێز، هاوکاری و پشتگیریی نێوان ئەندامان، هەموو قۆناغە سەختەکان بە سەرکەوتوویی تێپەڕێندرابوون. ئەم گەشتە بە ڕاستی تاقیکردنەوەیەکی گرنگ بوو بۆ بەرزکردنەوەی توانای جەستەیی، دەروونی و تەکنیکی شاخەوانان.

بەشداربووان، سەرەڕای ماندووبوونی جەستەیی، بە دڵێکی پڕ لە خۆشی و شانازییەوە گەڕانەوە و گەشتەکە بە ئاشتی، سەلامەتی و سەرکەوتوویی تەواو بوو.

کۆمەڵەی شاخەوانی کوردستان هەمیشە هەوڵدەدات لە ڕێگەی ئەم جۆرە چالاکیانەوە ڕۆحی وەرزش، خۆشەویستی سروشت، پاراستنی ژینگە، هاوکاری و پەیوەندییە کۆمەڵایەتییەکان بپارێزێت و پەرەپێبدات. بێگومان سەرکەوتنی ئەم گەشتەش بەرهەمی دڵسۆزی، ئیرادە و هاوکاریی هەموو ئەندامان و بەشداربووان بوو.

سوپاسی هەموو ئەو کەسانە دەکەین کە بە هەر شێوەیەک بەشدارییان لە سەرکەوتنی ئەم گەشتەدا هەبوو، و هیوادارین لە چالاکی و گەشتەکانی داهاتووشدا بە هەمان ڕۆحی یەکگرتوویی و خۆشەویستییەوە بەردەوام بین.

ڕاگەیاندن و پەیوەندییەکان
کۆمەڵەی شاخەوانی کوردستان

06/06/2026

گەشتی کۆمەڵەی شاخەوانی کوردستان بۆ سروشتی دڵڕفێنی زنجیرە شاخی سورێن و ئەشکەوتی مەڕداڵ، یەکێک لە جوانترین و سەرنجڕاکێشترین شوێنە سروشتی و گەشتیارییەکانی هەرێمی کوردستان.

لە چوارچێوەی بەرنامە و چالاکییە وەرزشی، ژینگەیی و گەشتیارییەکانی کۆمەڵە، ژمارەیەک لە شاخەوانان و دۆستانی سروشت بەشداری ئەم گەشتەیان کرد و ڕێگایەکی سەخت و سەرکێش لەناو دیمەنە سروشتییە دڵفڕێنەکانی سورێن بڕین.

ئەم گەشتە هەڵگری پەیامی خۆشەویستی سروشت، پاراستنی ژینگە و بڵاوکردنەوەی ڕۆحی هاوکاری و هاوپشتی نێوان شاخەوانان بوو. هەروەها ئەشکەوتی مەڕداڵ و ناوچە دەوروبەرەکەی وەک بەشێک لە سامانی سروشتی و گەشتیاریی کوردستان ناسێنرا و خراوەتە بەر سەرنج.

کۆمەڵەی شاخەوانی کوردستان بەردەوام دەبێت لە ڕێکخستنی چالاکی و گەشتە سروشتییەکان بۆ ناساندن و پاراستنی جوانییە سروشتییەکانی وڵاتەکەمان و بەرزکردنەوەی هۆشیاری ژینگەیی. (Show Caves of the World)

كۆمەڵەی شاخەوانی کوردستان

06/06/2026

ئەشكەوتی مەڕداڵ زنجیرە شاخی سورێنی سەخت

06/06/2026

ئەشكەوتی مەڕداڵ زنجیرە شاخی سورێنی سەخت و عاصی

06/06/2026

شاخی سورێن؛ نیشانی شکۆی سروشت و یەکێک لە هەڵکەوتە سەختەکانی ڕۆژهەڵاتی ناوەڕاست

شاخی سورێن یەکێکە لە ناودارترین و سەختترین ناوچە شاخییەکانی ڕۆژهەڵاتی ناوەڕاست، کە بە پێکهاتەی جوگرافی تایبەت و سروشتی دژوارەوە، جێگای سەرنجی گەشتیاران، شاخەوانان و توێژەرانی بواری ژینگە بووە. ئەم شاخە بە بەرزی و قەبارەی خۆی، وەک دیوارێکی سروشتی لە نێوان چەند ناوچەی گرنگدا دەردەکەوێت و هەست بە شکۆ و قورسایەتی سروشت دەکات.

لە ڕووی جوگرافییەوە، شاخی سورێن پێکهاتووە لە چەند قۆناغ و زنجیرەی شاخیی جیاواز کە هەر یەک لەوان تایبەتمەندی خۆی هەیە. ڕووبەری فراوان، قەبارەی توند و بەردەوامی هەوا و کەشوهەوا لەو ناوچەیەدا وای کردووە کە بوونی ژیان لە هەندێک بەشدا قورس بێت، بەڵام لە هەمان کاتدا بوونی جۆرە زۆر گیاندار و ڕووەکی تایبەتی لێ پێک هاتووە کە تەنها لەم جۆرە ناوچانەدا دەبینرێت.

شاخی سورێن بەهۆی پێکهاتەی سنگی و خاکی خۆی، وەک شوێنێکی گرنگ بۆ توێژینەوەی زەوی و جوگرافیا دادەنرێت. لێرەدا توێژەران دەتوانن زانیاری زیاتر لەسەر چۆنیەتی دروستبوونی شاخ، گۆڕانی قەشە و گەشەی زەوی و گەڕانی کات بۆ سروشت وەرگرن. هەروەها، ئەم شاخە بەهۆی بەرزی و دژواری خۆی، یەکێکە لە شوێنە گرنگەکان بۆ شاخەوانی و پڕۆگرامی وەرزشی.

لە ڕووی ژینگەییەوە، شاخی سورێن جێگای ژیان بۆ جۆرە جیاوازەکانی گیاندارانە، لەوانە چەند جۆر ئاژەڵی کێوی، باڵندەی شاخی و ڕووەکی دەرەختی تایبەت. ئەم جۆرە جیاوازییە ژینگەییە وای کردووە کە ناوچەکە ببێتە پارێزگایەکی سروشتی گرنگ، کە پێویستی بە پاراستن و گرنگیدان هەیە.

لە ڕووی کلتوری و کۆمەڵایەتییەوە، شاخی سورێن لە ژیانی خەڵکی ناوچەکەدا جێگایەکی گرنگی هەیە. خەڵکی دەوروبەر لە مێژوودا بە شاخەکە وەک سەرچاوەی ئاو، شوێنی چەرانەوە و هەندێک جار وەک قەڵای سروشتی بۆ پاراستنی خۆیان سەیر کردووە. هەروەها، شاخەکان بوونەتە بەشێک لە ناسنامەی کلتوری و هۆز و گوندەکانی ناوچەکە.

بە گشتی، شاخی سورێن تەنها شاخێکی بەرز و سەخت نییە، بەڵکو نمونەیەکی زۆر باشە لە شکۆی سروشت و هاوسەنگی نێوان مرۆڤ و ژینگە. پاراستنی ئەم جۆرە ناوچانە گرنگییەکی زۆر هەیە بۆ داهاتووی ژینگە و نەوەکانی داهاتوو، چونکە ئەوان بەشێکن لە مێژووی زەوی و سروشتی ناوچەکە،

حاجی أنوەر پێنجوێنی

بە بۆنەی ٥ی حوزەیران، ڕۆژی جیهانی ژینگەڕۆژی ٥ی حوزەیرانی هەموو ساڵێک بە ڕۆژی جیهانی ژینگە ناسراوە، بۆنەیەک کە لە سەرتاسە...
05/06/2026

بە بۆنەی ٥ی حوزەیران، ڕۆژی جیهانی ژینگە

ڕۆژی ٥ی حوزەیرانی هەموو ساڵێک بە ڕۆژی جیهانی ژینگە ناسراوە، بۆنەیەک کە لە سەرتاسەری جیهاندا ژینگەدۆستان، دامەزراوەکان و ڕێکخراوە نێودەوڵەتییەکان چالاکی و بەرنامەی جۆراوجۆر ئەنجام دەدەن بۆ بڵاوکردنەوەی هۆشیاری ژینگەیی و پاراستنی سروشت و سەرچاوە سروشتییەکان.

ژینگە بریتییە لە کۆی هەموو پێکهاتە زیندوو و نازیندووەکان کە ژیانی مرۆڤ و زیندەوەران پێوە گرێدراوە. پاراستنی ژینگە تەنها بەرپرسیارێتی حکومەت و دامەزراوەکان نییە، بەڵکوو ئەرکێکی هاوبەشی هەموو تاکەکانی کۆمەڵگەیە.

ئەم ڕۆژە لە ساڵی ١٩٧٢دا لەلایەن نەتەوە یەکگرتووەکانەوە لە کۆنگرەی ستۆکهۆڵم بۆ ژینگە ناسێنرا و هەمان ساڵ بەرنامەی نەتەوە یەکگرتووەکان بۆ ژینگە (UNEP) دامەزرا. ئامانجی ئەم ڕۆژە بەرزکردنەوەی ئاستی هۆشیاری ژینگەیی، هاندانی خەڵک بۆ بەشداریکردن لە پاراستنی ژینگە و سەرنجڕاکێشانی بڕیاردەران بۆ گرنگی ئەم پرسە چارەنووسسازەیە.

لە ئێستادا پیسبوونی ژینگە بووەتە یەکێک لە گەورەترین هەڕەشەکانی بەردەم مرۆڤایەتی. پیسبوونی ئاو، هەوا و خاک، نەبوونی سیستمی دووبارە بەکارهێنانەوەی خاشاک، زۆربوونی ژمارەی ئۆتۆمبێلەکان، زیادبوونی کارگە و پیشەسازییەکان، بڕینەوە و سوتاندنی دارستانەکان، کەمبوونەوەی سەرچاوە ئاوەکان، ڕاوکردنی ئاژەڵ و باڵندە کێوییەکان و فڕێدانی ماددە پلاستیکییەکان، هەموویان لە هۆکارە سەرەکییەکانی پیسبوونی ژینگەن.

لە هەرێمی کوردستانیش ئەم کێشانە بە شێوەیەکی ڕاستەوخۆ کاریگەریان لەسەر ژیانی هاوڵاتیان و داهاتووی سروشتی ناوچەکە هەیە. بۆیە پێویستە هەموو لایەنەکان بە هاوکاری یەکتر هەنگاوی کردارین بنێن بۆ کەمکردنەوەی پیسبوونی ژینگە، پاراستنی سەرچاوە سروشتییەکان، چاندنی دار و درەخت، ڕێکخستنی خاشاک و بەرزکردنەوەی هۆشیاری ژینگەیی.

هەروەها ڕۆژی ١٦ی نیسانی هەموو ساڵێک بە ڕۆژی ژینگەی هەرێمی کوردستان ناسراوە، کە دەبێتە دەرفەتێکی گرنگ بۆ زیاتر ناساندنی گرنگی ژینگە و پەرەپێدانی کەلتووری پاراستنی سروشت لەناو کۆمەڵگەدا.

لەو بۆنە پیرۆزەدا، بانگەواز دەکەین بۆ هەموو هاوڵاتیان و دامەزراوە حکومی و ناوەندییەکان کە بە هەستێکی بەرپرسیارانە مامەڵە لەگەڵ ژینگە بکەن، چونکە پاراستنی ژینگە پاراستنی ژیان و داهاتووی نەوەکانی داهاتووە.

ژینگەی پاک، بنەمای ژیانێکی تەندروست و کۆمەڵگەیەکی سەقامگیرە.

ئـــاگــاداری 📣 ئـــاگــاداری 📣 ئـــاگــاداری 📣 ‏‎ سەرجەم ئارەزوومەندانی سروشت و شاخ و دۆستانیئاگاداردەکەینەوە کە...
02/06/2026

ئـــاگــاداری 📣 ئـــاگــاداری 📣 ئـــاگــاداری 📣

‏‎
سەرجەم ئارەزوومەندانی سروشت و شاخ و دۆستانی
ئاگاداردەکەینەوە کە #کۆمەڵەکەمان ڕۆژی هەینی ڕێكەوتی( ٥/٦/٢٠٢٦ )بە گەشتێکی شاخەوانی ڕوودەکاتە شاخی سورێن دەسپێکی گەشت ( گوندی بانی شار+حەبلەکان+ئەشکه وتی مەڕداڵ)

ئاستی گەشت :- سەخت

بۆ بەشداریکردن و حجزکردنی شوێن و ناونوسین پەیوەندی بکەن بەم ژمارەیەوە :
☎️ 07701484030

کات و شوێنی کۆبوونەوە :
کاتژمێ (٥)ی سەر لەبەیانی لە دەروازەی پارکی ئازادی بەرامبەر فەرع و مزگەوتی کانی ئاسکان کۆدەبینەوە ، کاتژمێر { ٥:٣٠} بەڕێدەکەوین.

‏‎🙏 🙏تــکــایـــە پــابــەندی کــــات بن 🙏🙏‏‎

‏‎ :
‏* ‎جلوبەرگی شاخەوانی.
* پێڵاوی گونجاوی شاخەوانی.
‏* ‎باتووم (گۆچانی شاخەوانی ).
* جانتای کۆڵە پشت ،کڵاوی گەرم .
* جانتای فریاگوزاری سەرەتایی.
‏* ‎ئاوی خواردنەوەی پێویست.
* خواردنی یەک ژەمی ئاسان .

‏‎٭ سوپاس بۆ پابەندبونتان بەکات و ڕێنمایی ڕێبەر و سەرپەرشتیاران
‏‎
دەستەی ڕاگەیاندن و پەیوەندییەکانی

02/06/2026

كۆمەڵەی شاخەوانی كوردستان
لە ئەمڕۆدا ٢-٦-٢٠٢٦، ژمارەیەک لە وەرزشکارانی شاخەوانی سەر بە کۆمەڵەی شاخەوانی کوردستان، لەسەر شاخی گۆیژە وەرزشی پیادەڕەوییان ئەنجامدا و ڕۆژێکی پڕ لە چالاکی، تەندروستی و خۆشەویستی سروشت بەسەر برد.

بەم بۆنەیەوە، سڵاو و ڕێزی خۆمان ئاراستەی سەرۆکایەتی و ئەندامانی کۆمەڵەی شاخەوانی کوردستان و هەروەها هەموو هاوڕێ و ئازیزانی ئەو کۆمەڵەیە دەکەین کە بە ڕۆحی هاوکارێتی و خزمەتکردنی وەرزش و ژینگە، ڕۆڵی گرنگ دەگێڕن.

🌱 کۆمەڵەی شاخەوانی کوردستان، هێمای خۆشەویستی سروشت، تەندروستی و یەکگرتووییە.

هیوادارین دواڕۆژێکی پرشنگدار، ئاسۆیەکی ڕوون و بنیاتنەر لەبەردەم وەرزشی شاخەوانی و گەشەپێدانی کولتووری وەرزش لە کوردستاندا بێت.

🌿🏔️ بەهیوای سەرکەوتن و بەردەوامی بۆ هەموو شاخەوانان

Address

Sulaimanieh

Website

Alerts

Be the first to know and let us send you an email when کۆمەڵەی شاخەوانی کوردستان Kurdistan Mountaineering Association posts news and promotions. Your email address will not be used for any other purpose, and you can unsubscribe at any time.

Contact The Business

Send a message to کۆمەڵەی شاخەوانی کوردستان Kurdistan Mountaineering Association:

Shortcuts

Share