23/04/2026
ئەیھەم جامی: پاشئێخستنا خ*لی ئەم
تووشی زیانێن مەزن کرین
د دیدارەکێ دا ئەیهەم جامی سەرۆکێ یانەیا باتیفا بۆ روژنامەیا ئەڤرۆ دلگرانیا خوە دیارکر و بەحسا زیانێن پروژە و بەرهەڤیێن یانەیێ بو وەرزی نوو یا خ*لا پله دوو یا کوردستانی و گازندەیێن یانەیێن ژ بۆ پاشئێخستنا خ*لێ ب گشتی کر.
زێدەتر ناڤهاتی گۆت: ژ بەر ئالۆزیێن دەڤەری و بریارا فیدراسیۆنا فۆتبۆلێ بؤ پاشئێخستنا پله دوو یا کوردستانی، بؤ ئەگەرێ هندێ زیانێن مەزن ل یانەیا مە کەفت، هەرچەندە ئەڤ ساله دا مە داهاتەکی باش ل بەر دەست وەرگرتبوو بو هندێ ئەم دەستکەفتەکی ببینین، دەستپێکا وێ مە داهاتەکی مەزن خەرجکر د ئینانا یاریزانان و بو دەمێ مەهەکی مووچەیێن هەموو یاریزانان هاتنەدان، زیانەکا مەزن ل یانەیێ کەفتیە و ئەو هەمی پارە ب هەدەرچوو، یاریزانێن باش مە بەرهەڤکربوون ب ئارمانجێن مەزن.
ئەیهەم دیار ژی کر: دەهـ یاریزانێن باژێری گرێبەستێن وان هاتبوونه ئیمزاکرن و دووماهیک هاتبین و شەش یاریزان یێت زاخۆ، ئێک یاریزان ل سلیمانیێ، دوو یاریزان ژ ئاکرێ، چار پیشەکار، دوو خەلکی بەغدا، ئێک سینگالی و یاریزانەک کۆلۆمبی بوو، ئەڤ یاریزانه هەمی مە بەرهەڤکربوون و گرێبەستێن وان هاتبینە ئیمزاکرن و راگەهاندن، هەمی ژ بو هندێ بشێن تیمەکا رێکوپێک و باش بهێته ئامادەکرن، ئەڤ ساله ژ هەمی سالا پترێ مە یاریزان ئینان ناڤ باژێری و یانەیا خوەدا و بشێن هەڤرکیەکا دژوار و سەرکەفتنی بؤ خ*لا دویێ یا کوردستانی بکەن، ئەم وەک گەلەک یانەیێن دیترێ زەرەرمەندبین د ئینانا یاریزاناندا.
ناڤهاتی گۆت ژی: ئەڤ دەمە د بەرژەوەندیا یانەیا مە و چەند یانەیێن دیترێ نەبوو، پاشئێخستنا خ*لێ دێ بەرنامەیێ مە گوهۆریت بؤ خوه بەرهەڤکرنێ، دێ لدووف بریارا فیدراسیۆنا فۆتبۆلێ بؤ دەمێ دەست نیشانکرنا خ*لێ مینیت، چێدبیت گەلەک یاریزان ژی بهێنە گوهۆرین و هندەک یاریزانێن دیتر بهێن، چونکو هندەک یاریزانێن مە یێن خ*لا نایاب و ئێک ئێرانی نە هەتا وی دەمی چێدبیت گەلمە ئامادەنەبن، ژبەر ڤێ ئەگەرێ یانە دێ توشی زیانێن مەزن بن.
