اثير العنبكي

اثير العنبكي نجتمع هنا من اجل الاستمتاع بكرة القدم

بيها مجال صدارة لو انشيلوتي عنده رأي ثاني؟
07/12/2024

بيها مجال صدارة لو انشيلوتي عنده رأي ثاني؟

اتحاد غرب اسيا يعتبر العراق خاسراً امام الأردن ولبنان ضمن بطولة غرب اسيا للناشئين بسبب التزوير ، سؤالي احنه ليش نزور؟ ول...
07/09/2024

اتحاد غرب اسيا يعتبر العراق خاسراً امام الأردن ولبنان ضمن بطولة غرب اسيا للناشئين بسبب التزوير ، سؤالي احنه ليش نزور؟ ولشوكت نبقى هيج؟ وبوره سنين نشوف منتخبنا الشاب ميكدر ينافس اضعف فرق آسيا! العّلة من جوه ..

#تكتيكخانه #اكسبلور

‎واخييييرا صارت!!! علاوي حيلعب تحت امرة سيسك فابريغاس ومن وراه رافائيل فاران والبيرتو مورينو واندريا بيلوتي!! تستاهل حلق...
23/07/2024

‎واخييييرا صارت!!! علاوي حيلعب تحت امرة سيسك فابريغاس ومن وراه رافائيل فاران والبيرتو مورينو واندريا بيلوتي!! تستاهل حلقة علاوي اصبرولي 🫡

#تكتيكخانه #اكسبلور

صورة تشك شك ودريس حلو وكلشي تمام ، بس وين رودريغو؟ ليش دااحسه حينباع؟ لاعب قيمته السوقية فوك ال ١٢٠ مليون ليش هذا التهمي...
22/07/2024

صورة تشك شك ودريس حلو وكلشي تمام ، بس وين رودريغو؟ ليش دااحسه حينباع؟ لاعب قيمته السوقية فوك ال ١٢٠ مليون ليش هذا التهميش 😐 واذا منباع (وهذا الصح) ، صعبة تحطه بصورة وتحسسه هوه مهم؟

#تكتيكخانه #اكسبلور

حزروا منو هذا اللاعوب الصغيرون؟ ميسي مسبحه لا؟ 😁
22/07/2024

حزروا منو هذا اللاعوب الصغيرون؟ ميسي مسبحه لا؟ 😁

تحقيق حلم الطفولة موضوع چبير ، ملعب خلصت تذاكره بربع ساعة ، انباعت ٨٥ الف تذكرة يعني الاجواء فول الفول .. بعدني شايف تق...
16/07/2024

تحقيق حلم الطفولة موضوع چبير ، ملعب خلصت تذاكره بربع ساعة ، انباعت ٨٥ الف تذكرة يعني الاجواء فول الفول .. بعدني شايف تقديم رونالدو جان ورح يبقى الاعظم بس اليوم يوم كيليان ، حط نفسك مكانه دقيقة ، غمضت عينك وحلمت حلم من انت طفل ، جبت كاس عالم وانت بعدك تحس حلمك ناقص ، توسل بيك رئيس دولة حتى تترك الحلم وماتركته ، واليوم وانت باحلى عُمر بعمرك ، جيت تكتب التاريخ ، والاهم من التاريخ هو تحقيق الحلم ، وهسه فتحت وحلمك صار حقيقة تره شعور لا يوصف والله ..

#تكتيكخانه #اكسبلور

موسم اكثر من رائع للخال كارفاخال ، لو شويه الصحفيين يلزمون الدنبگ تكدر تخليه مرشح كرة ذهبية عادي كلش .. اذا مو علمود هذا...
15/07/2024

موسم اكثر من رائع للخال كارفاخال ، لو شويه الصحفيين يلزمون الدنبگ تكدر تخليه مرشح كرة ذهبية عادي كلش .. اذا مو علمود هذا الموسم الخرافي الي شايل بيه كل البطولات وجان مؤثر جداً ، فعلمود ال ٢٧ بطولة الي شالها منهم ٦ دوري ابطال و ٢ ويه المنتخب ، الرجال مخسران ولا فاينل بحياته!! بس هذا الاعلام يهتم بمنو يبيع قمصان اكثر وكم متابع عنده ومامدى اثارته للجدل ، اهم مدافع لبس قميص الريال بعد راموس اذا مو راس براس وياه .. يوم الي يعتزل ، تعويضه حيكون اهم من تعويض الرقم ٩ او ١٠ بالفريق ..

#تكتيكخانه #اكسبلور

دموع ابو الميس ، ليش الدموع وانت مركض لواعيب الكوكب ١٥ سنة وراك؟ #تكتيكخانه #اكسبلور
15/07/2024

دموع ابو الميس ، ليش الدموع وانت مركض لواعيب الكوكب ١٥ سنة وراك؟

#تكتيكخانه #اكسبلور

بعد اصابة بيدري الكل جان متخوف من ضياع خط وسط اسبانيا ، حتى يطلع اولمو يگول ويصنع ضد المانيا ، بعدين يسجل ضد فرنسا ، وين...
14/07/2024

بعد اصابة بيدري الكل جان متخوف من ضياع خط وسط اسبانيا ، حتى يطلع اولمو يگول ويصنع ضد المانيا ، بعدين يسجل ضد فرنسا ، وينقذ فريقه بآخر ثواني اليوم!! من حبيس الدكة الى نجم غيّر مسار البطولة💫

#تكتيكخانه #اكسبلور

صورة تعبر عن كلشي ، مراهق عبث باوربا فساداً ، زملائه منذهلين !! اعجاااز كروي !! جمالك جمال والله !! #تكتيكخانه #اكسبلور
09/07/2024

صورة تعبر عن كلشي ، مراهق عبث باوربا فساداً ، زملائه منذهلين !! اعجاااز كروي !! جمالك جمال والله !!

#تكتيكخانه #اكسبلور

مپاپي كاتب "حب حلمك ، لحد ما حلمك يحبك" ومنزل صورته من جان طفل شلون ملهوف ، ماكو أي شك هو حقق حلم الطفولة بس اني عندي مش...
03/06/2024

مپاپي كاتب "حب حلمك ، لحد ما حلمك يحبك" ومنزل صورته من جان طفل شلون ملهوف ، ماكو أي شك هو حقق حلم الطفولة بس اني عندي مشكلة شخصية وياه ، باب ريال مدريد انفتحله ٢٠٢٢ وهو بيده سده ، وبوقتها الريال چان بأمّس الحاجه لخدماته خصوصاً بعد طلعه رونالدو وبناء مشروع شاب جديد ، رفض مپاپي حلمه وگعدله سنتين بباريس شاف بيها الضيم ، وعض اصابيعه ندم بعد ما كل الانظار اتجهت ناحية هالاند كونه هداف اقوى واكثر دوري مشاهدة بالعالم ، في حين مپاپي ينشاف ٤ مباريات بالموسم ، (دور ال ١٦ وال ٨ من دوري الابطال اذا الله وفق باريس)

سراعان ما حس بغلطته وافتهم انو المادة مو كلشي ، لان ال ١٠٠ مليون اخت ال ١٥٠ مليون (لان صدگوني الريال مرح يقصر وياه) ، ولانه كرة القدم عبارة عن بطولات وانجازات جماعية تترجم بعد كل موسم الى القاب فردية ، اتذكر انو بحياته مرح ياخذ كرة ذهبية ولا يفكر يجيب دوري ابطال وهو يلعب بدوري الفلاحين (مع جل احترامي للفلاح)

اليوم مپاپي جاي وهو الي محتاج الريال (مو العكس) وجاي ورجله فوگ راسه ، وتارك بباريس مشاكل ويه رئيس النادي والجمهور لانه رفض يكمل العقد!! جاي لفريق مدجج بالنجوم مرشحين لكرة ذهبية بنهاية الموسم .. عجبني تصريح بيريز قبل يومين من جابوا الخامسة عشر وانسأل عن مپاپي گال "هذا ليس وقت الحديث عن لاعبين آخرين ، بل علينا الحتفال بلقبنا"! يعني گرصه اذن خفيفة تره الفريق هذا اكبر من أي اسم ..

اجه ببلاش وراتبه مرح يزيد عن راتب فيني وبيلنگهام ، لاعب يملك احسن جودة متوفرة بالعالم اليوم ، جاي جوعان بطولات ، فالمستفيد الاكبر هو الريال ، والسادسة عشر من هسه العين عليها 🤓

#تكتيكخانه #اكسبلور

Address

Baghdad

Website

Alerts

Be the first to know and let us send you an email when اثير العنبكي posts news and promotions. Your email address will not be used for any other purpose, and you can unsubscribe at any time.

Contact The Business

Send a message to اثير العنبكي:

Shortcuts

Share

Category