08/03/2026
شەوی قەدر تەنها شەوێکی ئاسایی نییە، پێنج نهێنیی تێدایە کە زۆربەی خەڵک لێی بێئاگان!
ئەم پۆستە بنێرە بۆ هاوڕێکانت، با پێکەوە ئەم خێرە گەورەیە دەستەبەر بکەین:
١. نهێنیی یەکەم: "قەدەرەکان لێرەدا دەنووسرێنەوە" 📝
خوای گەورە دەفەرمووێت:
﴿فِيهَا يُفْرَقُ كُلُّ أَمْرٍ حَكِيمٍ﴾.
لەو شەوەدا مەلەفی ساڵێکی نوێی ژیانت دەکرێتەوە، ئەگەر تا ئێستا هاوسەرگیریت بۆ نەنوسرابوو، یان بڕیار وابوو ئەمساڵیش منداڵت نەبێت، یان ڕزقت کەم بێت، بەهۆی دوعاکانتەوە لەم شەوەدا "قەدەرت" دەگۆڕێت! چونکە دوعا تاکە شتە قەدەر دەگۆڕێت، بۆیە ئەو شەوە بە پاڕانەوە زیندوو بکەرەوە.
٢. نهێنیی دووەم: "جوبرەئیل و سوپای فریشتەکان دێنە خوارەوە" ✨
خوای گەورە دەفەرمووێت:
﴿تَنَزَّلُ الْمَلَائِكَةُ وَالرُّوحُ فِيهَا﴾.
پێغەمبەر (ﷺ) دەفەرمووێت: ژمارەی ئەو فریشتانەی دێنە خوارەوە لە بەردی سەر زەوی زیاترن!
لە سەرووی هەمووشیانەوە "جوبرەئیل"ە.
دەزانی بۆچی دێن؟
بۆ ئەوەی کاتێک تۆ دەپاڕێیتەوە و دەڵێیت "خوایە ڕزقم بدە، خوایە شیفام بدە"، هەموو ئەو سوپایە پێکەوە بڵێن: ئامین!
وێنا بکە، دوعایەک ملیاران فریشتە ئامینی بۆ بکەن چۆن ڕەت دەبێتەوە؟!
٣. نهێنیی سێیەم: "شەوی ئاشتی و سەلامەتییەکی بێوێنە" 🕊️
خوای گەورە دەفەرمووێت:
﴿سَلَامٌ هِيَ حَتَّىٰ مَطْلَعِ الْفَجْرِ﴾.
لە سەردەمی ئێوارەی ئەم شەوەوە تا بانگی بەیانی، شەیتانەکان ناتوانن هیچ شەڕ و ئازارێک بە مرۆڤ بگەیەنن. شەوێکە پڕە لە ئارامییەکی ڕۆحی،
ئەگەر دڵت لای خوا بێت، بەتەواوی هەستی پێ دەکەیت و هیچ دڵەڕاوکێیەک لە دڵتدا نامێنێت.
٤. نهێنیی چوارەم: "گەورەترین دوعای لێخۆشبوون" 🤲
دایکمان عائیشە (ڕەزای خوای لێ بێت) پرسیاری لە پێغەمبەر (ﷺ) کرد: ئەگەر گەیشتمە شەوی قەدر چی بڵێم؟ پێغەمبەری میهرەبان (ﷺ) فەرمووی ئەم دوعایە بخوێنە:
«اللَّهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنِّي».
واتە: خوایە تۆ لێخۆشبوویت و لێخۆشبوونت خۆش دەوێت، لێم خۆش ببە.
«گەورەترین ئامانج ئەوەیە لەم شەوەدا بە پاکی و بێ تاوانی دەربچیت».
٥. نهێنیی پێنجەم: "پاداشتێک کە مێشکی مرۆڤ نایبڕێت" 💎
خوای گەورە دەفەرمووێت:
﴿لَيْلَةُ الْقَدْرِ خَيْرٌ مِّنْ أَلْفِ شَهْرٍ﴾.
نەیفەرمووە یەکسانە، بەڵکو فەرموویەتی "خێرترە". واتە یەک خێر، یەک نوێژ، یەک فرمێسک لەم شەوەدا، پاداشتەکەی زۆر زیاتر و گەورەترە لەوەی 84 ساڵ بەردەوام و بێ وەستان هەمان ئەو کارەت کردبێت!
"لیلة القدر" دەرفەتێکە خوای گەورە دایناوە بۆ قەرەبووکردنەوەی تەمەنە کورتەکەمان.
مەمەد مەمەدی
