Phy.Health

23/05/2022

؟
الجواب نعم
ندخل بالتفاصيل ، اساس موضوع نزول الوزن بالتفاصيل ، يعني بكل بساطة تاكل سعرات اقل مما يجعل جسمك يتناسب مع الوزن
باقي الامور مثل نوع الاكل ، نوع الدايت ، الرياضة ، كلها امور مكملة للموضوع ، بس يبقى الاساس هو نقص السعرات
فلهذا الجواب نعم ، تكدر تنزل وزنك بدون رياضة فقط عن طريق الدايت من خلال تقليل السعرات اكثر. بس هل هذا معناه نعوف الرياضة.؟ لا طبعا ، الرياضة اهميتها بالنشاط ، المزاج ، صحة الجسم ، المحافظة على العظام والعضلات.
سابقًا جان مثل القانون ان الكارديو هو الافضل لانقاص الوزن ، بس حالياً البديل صار تمارين الاوزان وصارت المفضلة اذا تريد تصعد او تفقد وزن .

*صورة توضيحيه بالتعليقات .

19/05/2022

.؟

16/05/2022

#الكرياتين
الكرياتين ‏ مركب نيتروجيني عضوي يتم الحصول عليه عن طريق الأغذية التي يتناولها الرياضي يوميا مثل اللحم والسمك الذي يحتوي كل كلغم منها على 5 غم تقريبا ، الكرياتين متكون من جزيئات البروتين التي يتم تكوينها داخل الالياف والانسجة العضلية.

وهو من اهم المكملات الغذائية لأي لاعب او شخص رياضي

الفوائد:
1- يعمل على حبس الماء داخل العضلات💪🏻💧
2- يزيد من كفائة عمل الانزيمات الهاضمة في المعدة.
3- للكرياتين اهمية في تجميع وتزويد العضلات بالطاقة الازمة لتحمل التمارين الطويلة والمجهدة.
4- يساهم في عملية تجديد الخلايا العضلية اثناء وبعد التمرين لتجنب حصول اي اصابة او تلف عضلي.

14/05/2022

14/05/2022

14/05/2022

؟
من اكثر الاسئله اللي الواحد يسالها ، شنو الوقت المثالي للتمرين؟
*تمرين الصباح :
يحرق دهون اكثر شويه ، باعتبار بعدك مماكل شي ، وينطيك نشاط لباقي اليوم ، وبنفس الوقت بعدك مبادي بانشغالاتك اليوميه ، بس سلبياته طاقتك بالتمرين راح تكون اقل شويه ، لان مماكل شي ، يعني نكدر نكول يناسب الكارديو والتمارين الخفيفه لغرض الضعف

** تمرين الظهر والمساء :
جسمك راح يكون مستعد كلش للرياضه ، وايضا تكون ماكل ومتغذي زين ، كفائتك وطاقتك بالتمرين تكون عالية ، يعني مناسب لتمارين البناء ، بس مشكلته ان صعب تلكي وقت بنص انشغالاتك اليوميه ، وايضا مايصير قبل وقت النوم بشويه ، لان جسمك ترتفع حرارته ونبضات القلب والتنفس كله يصعد بالتمرين ، فاذا جيت وراه تحاول تنام راح تتخربط نومتك .
بعد الوجبه الكامله ، يفضل ان تنتظر ٣ ساعات ، وبعد السناك نص ساعه يلا تبدي تتمرن ، حتى لا معدتك المتروسه تضايقك ، ولا تتأثر عمليه الهضم ، ولا تتأثر انت بالخمول اللي يصير وره الاكل .
بنهايه الحجي ، مو مهم بيا وقت تتمرن ، المهم ان تخصص وقت تتمرن بي ، مع مراعاة الملاحظات الذكرتها فوك .

14/05/2022

.
شنو الفكره منها ؟
الفكره منها ان العضلات تحتاج طاقة ، تجيبها اما من الاكل اللي تاكله او من مخزون الكلايكوجين ، انت اذا تريد تبني عضلات فالمفروض تحافظ قدر الامكان على مخزون الكلايكوجين ، لان هو ينطي شويه ضخامه للعضله .
هل تحتاجه باي نوع رياضه ؟
الجواب لا ، تحتاجه فقط بالتمرين القوي مثل الاوزان الثقيله ، او النشاط الطويل مثل مراثون ، او اي نشاط مطول ، بس اذا تمرين هوائي او شويه كارديو او تمارين تمدد عضلي ستريتج ، فمراح تحتاج هيج شي.
شنو مكوناته ؟
الاغلبيه يكولون الافضل كاربوهيدرات ، لان هي الاسرع هضم والاكثر توفر والاسرع بالتحضير ، وممكن وياه فاكهه و غذاء مكثف السعرات ، مثل موز و خبز و زبد الفستق ، او تسويها بشكل سموذي يجمع كل المكونات المطلوبه
جماعه البناء العضلي ، اهل المسابقات (المخابيل) يسويها وجبه كامله ، مو بشكل سناك يعني ، ويضيف وياها كافايين ، حتى يزيد انتباهه وتركيزه ويرفع معدل ضربات قلبه .
قبل شكد من التمرين ؟
يفضل من ساعه الى ثلاث ساعات ، حسب الكميه والنوع ، لان الجسم ورة الاكل يوزع الدم باتجاه القناه الهضميه وياخذه من العضلات ( هذا سبب الخمول وره الاكل) فاذا انت جيت تمرنت بهالوقت راح يرجع الدم يتركز بالعضلات و ينسحب من القناه الهضميه ، وهالشي يخربط عمليه الهضم .

14/05/2022

؟
هوايه تسمع ناس ، بس يشوفون واحد ياخذ بروتين ، خصوصا مسحوق البروتين ، راسا يكولون دير بالك تره هذا ضار بالجسم ، يدمر الكليه ، يدمر الهرمونات ، يوكع الشعر ، يسوي عقم ، يسوي حب شباب ... هل هذا الحجي صحيح ؟
البروتين هو جزء اساسي من الاكل ، واكو ناس عايشين على دايت معظمه بروتين ، مثل اهل سيبريا و الاسكا وغيرهم ...
ياعضو يتعامل ويه البروتين؟
الكبد هو مسؤول عن التعامل مع الاحماض الامينيه ، والناتج اللي هو يوريا ، تطرحه الكلية خارج الجسم ، بالانسان الصحي السليم الكليه تكدر تتعامل ويه اي كميه بروتين تاكله وبدون اي مشاكل كجزء من التكيف ...
هالحجي يشمل كميات كبيره من البروتين ، لحد حتى ٢ غم لكل كيلو من وزن الجسم ، كل الدراسات تكول ضمن هذا الحد ماكو اي مشكله صحيه بالانسان السليم ، بس من ٢ غم الى حد ٣.٥ غم لكل كيلو من وزن الجسم ، قد يسبب ، وركز على كلمه قد ، قد يسبب مشاكل بالمدى البعيد بالكليتين والهرمومات والجهاز الهضمي ....
بالمناسبه مقياس البروتين بالجسم هو توازن النتروجين بالدم ،
هذا يمثل كميه البروتين الداخل ناقص الخارج ، فاذا طلع موجب يعني الجسم دياخذ كفايته ، واذا سالب معناها مدياخذ كفايته من البروتين
والاضرار اللي ذكرتها بالبدايه ، فهاي تخص اللي يستعمل الهرمونات .

14/05/2022

5 دقائق من تمارين البطن اليومية

14/05/2022

من المفاهيم الخاطئه ، واحد فهيم يشوف عندك كرش يكلك ليش ماتسوي تمارين بطن؟
لو تظل عشر سنين تسوي تمارين بطن بدون دايت ، فمراح تبرز عضلات بطنك ولا يروح كرشك ..
عضله البطن ، اللي هي بالعاميه يسموها س*س باك
هذني عضلات هيكلية ، يعني بالتمرين تقوى وتضخم عادي ، بس مشكلتهن ان خاتلات جوه الشحم الوسطي اللي هو الكرش ، فاذا انت متسوي دايت تنزل كرشك ،وتبقى تسمع بس نصيحه الفهيم اللي كلك اخذ تمارين بطن ، راح تقوى عضلات بطنك بس ماراح تبرز ولا راح يروح كرشك.
حتى تبرز هاي العضلات لازم الكرش يروح ، ولازم نسبه الدهون بجسمك تنزل الى حد معين ، هذا الحد يقال هو اقل من خمسة عشر بالمية .

14/05/2022

شنو هو " شد الجسم " ؟
اولا ليش تصير الترهلات ؟ البشره عدها قابليه تنمط شويه ، بس لحد معين ، من يعبر هذا الحد ، راح مترجع لحالتها الاصليه بعد وتترهل وتصير بيها ، التشققات ،
جرب جيس نايلون ، ومطه راح يتحمل شويه بعدين راح تطلع بي تشققات وميرجع لوضعه ابد ، نفس الفكره تماما نفسها ...
ثانيا طبقات الجسم من الخارج للداخل هي البشره ، الدهون ، العضلات ، من الانسان جان سمين يعني جانت طبقه الدهون جبيره عنده ، والبشره الفوكاها متمدده حتى تحتويها ، بينما العضلات كلشي مابيها واحتمال اصلا تصغر ... من يضعف هذا الانسان طبقه الشحم راح تقل ، بس تبقى البشره مترهله والعضلات على حالها ، فراح تصير بشره متمدده مترهله فوك طبقه شحميه قليله (لان ضعف هو ) وطبقه عضليه ، شنو الحل بهالحاله ؟ البشره مترجع لوضعها الاصلي فشنسوي احنه ؟ نكبر طبقه العضلات اللي جواها حتى تتناسب ويه البشره المتمدده وتقلل الترهل ظاهريا ، يعني كانما نترس مكان الدهون الراحت بالعضلات ...
شون نضخم العضلات ؟ بتمارين بناء العضلات اللي هي اوزان (حديد)
يعني بالنهايه "شد الجسم " هو نفسه بناء العضلات بدون اي تفلسف ....
يعني اذا بشره ذراعك مترهله ، لازم تلعب تمارين عضلات الذراع ...وهكذا
لذلك احسن رياضه تسويها ويه فقدان الوزن هي مو الكارديو وانما الحديد ...

هالحجي كله يشمل الشغل الطبيعي ، دون التطرق لفيكات الجراحه والليزر والبوتوكس

14/05/2022

بكد ما موضوع فقدان الوزن مهم ، زياده الوزن ايضا مهم لبعض الناس ، وهمين بي خطوات صحيحه لازم تمشي عليها ، لان اذا تمشي خربطه مجرد تاكل هوايه فراح تكرش ويتخربط جسمك .
اول خطوة تسويها ، تحسب شكد تحتاج سعرات بالنسبه لطولك وعمرك ونشاطك ، موقع مايوكلنك الطبي بي هيج خاصيه ، موجود بالبايو خليته ، من يطلعلك عدد السعرات المطلوبه يوميا الك ، تزيد فوكاها فد ميتين الى اربعميه سعره وتخلي هذا الهدف مالتك اللي توصله باليوم ، هذا المبدأ هو اساس زياده الوزن ،
سعراتك بهالحاله لازم تجي من عده مصادر ، دهون ، بروتين، كاربوهيدرات (بس مو سكريات) ، ولازم فواكه وخضروات وحبوب
همين الافضل تسوي رياضه ، والافضل تكون الرياضه اوزان ، حتى الصعود يصير منتظم وحلو
اما شلون تحسب السعرات ، فحساب السعرات لوجبات الريوك سهل ، وجبات العشا والشغلات الگلي والمعلبات هم سهل ، الخضروات والفواكه والحبوب سهل ، عدا شغلات الغدا صعب تحسب بيها سعرات لان اكلات مركبه مثل مرگه ، دولمه وهكذا ، فشون تحل هاي المسأله؟
فرضا انت يحتاجلك الفين سعره باليوم ويه السعرات الاضافيه ، شتسوي احسب سعرات الوجبات الباقيه و كلشي عدا الغدا ، ووصلها مثلا الف وستميه ، وخلي الباقي الاربعميه ع الغدا ،واذا زادت شويه مو مشكله عادي وهكذا .