26/12/2023
, एक मित्राने मला प्रश्न विचारला. ध्येय प्राप्तीच्या दिशेने जाताना स्वतःला सतत मोटिवेट कसं ठेवावं ? सोप्पं आहे. उद्योजकांच्या यशोगाथा वाचा आणि साथसंगत करणारा प्रामाणिक मित्र शोधा. असा मित्र जो तुमच्या सारखाच प्रेरित, ध्येयवेडा असेल. कारण निश्चित ध्येयाच्या दिशेने वाटचाल करणाऱ्या मित्रांमध्ये नक्कीच अनेक गोष्टींचा मेळ साधलेला असतो. तुमच्या यशाची शक्यता अधिक व्यापक करण्यासाठी एक साथ देणारा मित्र उपयुक्त ठरेल. तुमच्यातील दोष, त्रुटी, उणिवा दूर करून, तुमच्यामध्ये नव्या सवयी रुजवण्यासाठी तुम्ही सतत योग्य मार्गावर असल्याचे तो परीक्षण करेल. वेळोवेळी तुमच्याशी चर्चा करेल, सुचना आणि अभिप्राय देईल. तुम्हाला असा मित्र कुठे भेटेल ? सोप्पं आहे. तुम्ही कुणाचे तरी मित्र बना, तोच तुमचाही मित्र होईल. जे तुम्ही जगाला द्याल तेच अनेक पटींनी तुमच्याकडे येईल.
