28/07/2023
പ്രമേയം 5 ജില്ലാ ക്രിക്കറ്റ് ടീം സെലക്ഷനിൽ പങ്കെടുക്കുന്ന കളിക്കാർക്ക് അപ്പീലിനുള്ള അവകാശം ഉണ്ടാകണമെന്ന്
ക്രിക്കറ്റ് ടീം തിരഞ്ഞെടുപ്പ് എന്ന് പറയുന്നത് ഏറ്റവും വിഷമം പിടിച്ച ഒരു കാര്യമാണ് .എത്ര നന്നായി നടത്തിയാലും പല കുട്ടികൾക്കും തങ്ങൾക്ക് അന്യായമായി സെലക്ഷൻ കിട്ടിയില്ല എന്ന അഭിപ്രായം ഉണ്ടാകും .ഏതെങ്കിലും ഒക്കെ സെലക്ഷന് കുറ്റം പറയാത്ത ഒരു കളിക്കാരൻ ഉണ്ടാക്കാനും വഴിയില്ല. ചില കുബുദ്ധികൾ മനപ്പൂർവം നടത്തുന്ന ഒതുക്കലുകളും സെലക്ഷൻ്റെ ഭാഗമായി ഉണ്ട് എന്ന വസ്തുതയും തള്ളിക്കളയാൻ ആവില്ല .കളിക്കാരുടെ മുകളിൽ സെലക്ഷൻ എന്ന ഒരു വാൾ തൂക്കിയിട്ടിരിക്കുന്ന അവസ്ഥയും ഉണ്ട്.
പലപ്പോഴും ടീമുകളുടെ സെലക്ഷൻ കോമ്പിനേഷൻ പല ക്യാറ്റഗറിയിലും പല സെലക്ഷനുകളിലും അങ്ങോട്ടുമിങ്ങോട്ടും മാറ്റി അർഹതപ്പെട്ട ചില കുട്ടികൾക്ക് കിട്ടാതെ പോകുന്നതും ഉണ്ട്. ചില കുട്ടികളുടെ മുൻവർഷത്തെ പ്രകടനങ്ങൾ അറിയാത്ത പുതിയ സെലക്ടേഴ്സ് വരുന്നതുമൂലം അർഹതയുള്ള ചില കളിക്കർക്ക് കിട്ടാതെ പോവുകയും ഉണ്ട്. എന്താണ് സെലക്ഷന്റെ മാനദണ്ഡം എന്ന് അറിയാത്ത കുട്ടികൾക്ക് അതനുസരിച്ച് കളിക്കാനും പറ്റാത്ത സാഹചര്യവും ഉണ്ട്.
ഇപ്പോഴത്തെ പത്തനംതിട്ട ജില്ലാ അസോസിയേഷൻ വളരെ നല്ലരീതിയിൽ സെലക്ഷൻ സുതാര്യമായി നിഷ്പക്ഷമായും നടത്തുവാൻ പരമാവധി ശ്രമിക്കുന്നുണ്ട്. മാത്രമല്ല ഭീഷണി നിറഞ്ഞു നിന്നിരുന്ന അന്തരീക്ഷം മാറ്റി സുതാര്യമായി കളിക്കാർക്ക് ഭീതിയില്ലാതെ സെലക്ഷനിൽ പങ്കെടുക്കാനുള്ള ഒരു അവസരം ഉണ്ടാക്കിയത് എന്ന് പറയുന്നത് ഒരിക്കലും ഒരു ചെറിയ കാര്യമല്ല. എങ്കിൽ പോലും കഴിയുന്നത്ര ആക്ഷേപങ്ങൾ കുറയ്ക്കുന്നതിനായി ചില നിർദ്ദേശങ്ങൾ സമർപ്പിക്കുന്നു.
1.സ്ഥിരം സെലക്ഷൻ കമ്മിറ്റി 4 വർഷത്തേക്ക് ഉണ്ടാക്കുക. അതിൽ പുറത്തുനിന്ന് ഒരാളെ വിളിക്കുന്നുണ്ടെങ്കിൽ അദ്ദേഹത്തെയും സ്ഥിരമായി എല്ലാ സെലക്ഷനും പങ്കെടുക്കാൻ പറ്റിയ അറിവുള്ള ഒരാളെ സ്ഥിര അംഗം ആയും ഒരു സീനിയർ കളിക്കാരനെയും ചേർത്ത് സെലക്ഷൻ കമ്മിറ്റി ഉണ്ടാക്കുക.
3. യാതൊരു കാരണവശാലും ജില്ലയിലെ കോച്ചിംഗ് ക്യാമ്പ് നടത്തുന്ന കോച്ചസിനെ സെലക്ഷൻ പ്രക്രിയയിൽ ഉൾപ്പെടുത്താതിരിക്കുക
4.ആദ്യഘട്ടം മുതൽ അവസാനഘട്ടം വരെയും ഉള്ള എല്ലാ സെലക്ഷനും ഈ സെലക്ഷൻ കമ്മിറ്റി തന്നെ ചെയ്യുവാൻ പ്രത്യേകം ശ്രദ്ധിക്കുക.
5. സെലക്ഷനിൽ പങ്കെടുക്കുന്ന കുട്ടികൾക്ക് വേണ്ടി എന്താണ് സെലക്ഷന്റെ മാനദണ്ഡം എന്നതിനെപ്പറ്റി ഒരു എഴുതപ്പെട്ട മാനദണ്ഡങ്ങളുടെ രേഖ കമ്മിറ്റി ഉണ്ടാക്കി അത് സെലക്ഷൻ നടക്കുന്ന സ്ഥലത്ത് ഫ്ലക്സ് ആയി പ്രദർശിപ്പിക്കുകയും ചെയ്യുക.
6.അതിൽ ഏതൊക്കെ പൊസിഷനിലേക്ക് ആണ് സെലക്ഷൻ നടത്തുന്നത് എന്ന് വ്യക്തമായി ഉദാഹരണം എത്ര ബാറ്റ്സ്മാൻ,ഫാസ്റ്റ് ബൗളർ,സ്പിന്നർ,ആൾ രൗണ്ടെർ etc
7. റിസർവ്വ് ലിസ്റ്റില് നിന്നും അവശ്യം വന്നാൽ അന്തിമ ടീമിൽ ഉൽകൊള്ളിക്കുന്നതിന് ഉള്ള മാനദണ്ഡം.
8. പ്ലയിങ് ഇലവൻ തിരഞ്ഞെടുക്കുന്നതിന് ഉള്ള മുൻഗണന മാനദണ്ഡങ്ങൾ (priority norms)
9. ക്യാപ്റ്റനെ തിരഞ്ഞെടുക്കുന്നതിനുള്ള മാനദണ്ഡം.
10. അപ്പീൽ നൽകാനുള്ള അവകാശം.
11. അപ്പീൽ നൽകാൻ ഉള്ള വ്യവസ്ഥകളും മാനദണ്ഡവും ഉണ്ടാക്കുക.
12 അയതിനുള്ള എൻ്റെ കരട് നിർദേശങ്ങൾ.
A. അപ്പീൽ നൽകുന്ന കളിക്കാരൻ്റെ പേര്,അഡ്രസ്സ്,ഫോൺ നമ്പർ, വയസ്,കാറ്റഗറി,
ഏതു ടൈപ്പ് കളിക്കാരൻ ആണ് എന്നുള്ള വിവരം എന്നിവയും എതിർ കളിക്കാരൻ്റെ പേര്,ടൈപ്പ് എന്നിവയും സെലക്ഷൻ ട്രയല് നടുത്തുമ്പോൾ എഴുതാനുള്ള പെർഫോമൻസ് ഷീറ്റ് ,സെലക്ടർസ്,കളിക്കാർ എന്നിവർക്ക് ഒപ്പിടാൻ ഉള്ള സ്ഥലം എന്നിവയുള്ള ഫോം ഉണ്ടാക്കുക.
B.അപ്പീൽ ഉള്ള കളിക്കാരെ മാത്രം ഒരേ ബൗളർ/ ബാറ്റ്സ്മാൻ മാരെ കൊണ്ട് 12 ബോൾ ബാറ്റ് ചെയ്യുകയോ ബൗൾ ചെയ്യുകയോ ചെയ്യിക്കുക.
C. പെർഫോമൻസ് ഷീറ്റിൽ ഓരോ ബോളും കളിച്ച വിധം / ബൗൾ ചെയ്ത ബോൾ nte ക്വാളിറ്റി എന്നിവ രേഖപ്പെടുത്തുക.
D.അതിൽ നിന്നും ബെസ്റ്റ് ആയ ആളെ തിരഞ്ഞെടുക്കുക.
E.കളിക്കാർ,സെലക്റ്റ്ർസ് എന്നിവർ ഒപ്പിടുക്.
ഏറ്റവും സുതാര്യവും നിഷ്പക്ഷവും ആയി സെലക്ഷൻ നടക്കണം എന്ന് ആഗ്രഹിക്കുന്ന ഇപ്പോളത്തെ ഭരണസമിതി ഈ പ്രമേയം പാസാക്കാൻ സഹകരിക്കും എന്ന പ്രതീക്ഷിക്കുന്നു.
അഭിലാഷ് സി എം
റാന്നി ക്രിക്കറ്റ് ക്ലബ്.
28/7/2023.
