01/06/2026
कैवल्यधाम योगोत्सव २०२६ – SAYK सहभाग वृत्तांत
दि. २९ व ३० मे २०२६ रोजी कैवल्यधाम, लोणावळा येथे आयोजित योगोत्सव २०२६ मध्ये श्री अंबिका योग कुटीर,ठाणे (SAYK) ने उत्साहपूर्ण सहभाग नोंदविला.
योगोत्सवामध्ये SAYK तर्फे दैनंदिन योगाभ्यास कार्यक्रमाचे (Daily Yoga Practice Program) एक विशेष सत्र आयोजित करण्यात आले. या सत्रामध्ये विविध राज्यांतील सुमारे ३० सहभागी सहभागी झाले. कार्यक्रमानंतर सहभागींच्या अभिप्राय फॉर्ममधून त्यांनी कार्यक्रमाबद्दल अत्यंत समाधान व आनंद व्यक्त केला.
या सत्रात श्री सिद्धार्थ कोरी आणि सौ. सरिता शेट्टी यांनी योगाभ्यासाचे उत्कृष्ट प्रात्यक्षिक (Demo) सादर केले, तर सौ. छाया मॅडम यांनी अत्यंत प्रभावीपणे सूचना व मार्गदर्शन करून संपूर्ण सत्र यशस्वीरीत्या पार पाडले. सहभागींकडून त्यांच्या सादरीकरणाचे विशेष कौतुक करण्यात आले.
या योगोत्सवात SAYK ला १० x १० फूट जागेचा स्टॉल उपलब्ध करून देण्यात आला होता. या स्टॉलमध्ये संस्थेची विविध प्रकाशने, योग प्रमाणन मंडळ (YCB) संदर्भातील माहिती, तसेच हठयोगी निकम गुरुजींची विविध योगासनांतील छायाचित्रे प्रदर्शित करण्यात आली. स्टॉलला उपस्थित योगप्रेमी, शिक्षक व साधकांनी मोठ्या प्रमाणात भेट दिली व संस्थेच्या कार्याची प्रशंसा केली.
स्टॉलच्या यशस्वी उभारणी व व्यवस्थापनामध्ये श्री नागेश सावंत, श्री सुधीर सावंत आणि श्री मिलिंद नारखेडे यांचे विशेष योगदान लाभले. त्यांच्या नियोजनबद्ध, समर्पित आणि अथक प्रयत्नांमुळे SAYK चा स्टॉल आकर्षक व प्रभावी ठरला.
या योगोत्सवामुळे SAYK च्या कार्याचा व्यापक परिचय विविध राज्यांतील योगसाधक, शिक्षक व संस्थांपर्यंत पोहोचला.
