16/08/2021
#काल_आपल्या_जिम_मध्ये_स्वातंत्र्यदिन_अनोख्या_पद्धतीने_साजरा_करण्यात_आला...!!
● स्वातंत्र्यदिनाच्या पर्वावर युवकांचे प्रोत्साहन वाढविण्यासाठी बेंच प्रेस व पुल्स अप या जिम प्रकाराच्या स्पर्धेचे आयोजन करण्यात आले होते. या स्पर्धेत २८ स्पर्धक सहभागी झाले होते. या दोनही स्पर्धा प्रकारात अत्यंत चुरशीची स्पर्धा होऊन गुणांनुक्रमे आलेल्या यशस्वी स्पर्धकांना प्रमाणपत्र व बक्षीस वितरण करण्यात आले. या बक्षीस वितरण समारोहासाठी प्रेस क्लबचे कार्याध्यक्ष प्रा.संतोषकुमार राऊत, महात्मा फुले शिक्षण संस्थेचे संचालक स्नेहलकुमार भोपळे, सुनील वाकोडे,प्रा.गणेश भोपळे यांची प्रमुख उपस्थिती होती. बेंच प्रेस या स्पर्धेत प्रथम ◆अदनान खान, द्वितीय ◆नदीम खान व तृतीय ◆अश्विन गायकी व चतुर्थ क्रमांक ◆निलेश वानखडे यांनी पटकावला. पुल्स अप यात प्रथम ◆नजाकत अली, द्वितीय ◆आपताप खान व तृतीय ◆रवि भोयर व चतुर्थ क्रमांक ◆विवेक भोपळे यांनी मिळविला. या यशस्वी स्पर्धकांना गौरव पत्र व रोख बक्षीस वितरित उपस्थित मान्यवरांच्या हस्ते प्रदान करण्यात आले.यावेळी प्रा.संतोषकुमार राऊत यांनी सैन्य व पोलीस भरती यासह विविध स्पर्धा परीक्षा व जीवनात शारीरिक तंदुरुस्तीचे महत्व लक्षात घेता या केंद्राच्या माध्यमातून जास्तीत जास्त युवकांनी फिटनेसचे धडे घ्यावयास हवे, असे आवाहन याप्रसंगी केले.या स्पर्धेच्या यशस्वीतेसाठी सेंटरचे संचालक अँड.कौंतेय भोपळे यांच्या मार्गदर्शनाखाली ट्रेनर ●अक्षय मोरखडे, ●पंकज भड, ●दिनेश शर्मा यांनी काम पाहिले. या कार्यक्रमाचे संचालन ●प्रा.कौस्तुभ भोपळे यांनी केले.
