13/12/2025
துரோணாச்சாரியா விருது 2025 🏆
இன்று மிகவும் அற்புதமான நாளாகவும் , மிகவும் ஆசிர்வதிக்கப்பட்ட நாளாகவும் உணர்கிறேன் என்பதை நெஞ்சம் நெகிழ்ந்து உங்களுடன் பகிர்கிறேன் 🙏
ஆம் , சர்வதேச ரோட்டரி சங்கத்தின் DIistrict - 3234 சார்பாக ஏற்பாடு செய்யப்பட்டிருந்த பல்வேறு துறைகளில் சிறந்து விளங்கி வருபவர்களை அடையாளம் கண்டு அவர்களுக்கு துரோணாச்சாரியார் விருதினை அளித்து கெளரவப்படுத்தினர் நானும் அவர்களின் தேர்வுப் பட்டியலில் இடம் பெற்றிருந்தேன் 😇
பள்ளிப் பருவத்தில் இருந்து கபாடி , தேசிய அளவிலான ஜூடோ போட்டியில் பங்கேற்று எண்ணற்ற பதக்கங்களை வென்று எனது விளையாட்டுத்திறமை நாளடைவில் உடற்பயிற்சி ஆசானாக உருவெடுக்க காரணமாக அமைந்தது , கடந்த 16 ஆண்டுகளாக இப்பணியினை செம்மையாக செய்து வருகிறேன் ..
தினமும் அதிகாலை 4 மணிக்கு எழுந்து 5 மணிக்கு வகுப்பினை துவக்கி பிறர்நலன் மேம்படுத்த வெயில் , மழை , குளிர்காலம் என்று பாராமல் தினமும் 150 - 200 km இருசக்கர வாகனத்தில் பயணித்து ஒவ்வொருவரின் உடலினை உறுதி செய்ய அவர்களின் எண்ண ஓட்டங்களுக்கேற்ப பயற்சி கொடுப்பதே எமது தலையாய கடமையாகும் 💪
நான் செய்யும் இப்பணியினை நன்கு அறிந்த திருமதி DrJayashree Kadambi Honoris Causa அவர்கள் என்னை துரோணாச்சாரியார் விருதிற்கு பரிந்துரைத்தார் அவர்களுக்கு என் மரியாதைக்குரிய நன்றிகள் 💐🙏
நன்றி : Rotary District 3234
உண்மையும் உழைப்பும் இருந்தால் நாம் எத்தகைய நிலையிலும் வெற்றி பெறலாம் என்பதற்கு உதாரணமாக விளங்கியது இன்றைய நிகழ்வு 🫶
என்னை ஈன்ற தாய் , தந்தை மற்றும் எனது ஆசான்களான தெய்வத்திரு . மதிவாணன் மற்றும் V. குப்பன் அவர்களுக்கு இவ்விருதினை சமர்ப்பிக்கிறேன் 💐🙏🫶
