05/02/2016
Via
અંકલેશ્વરનો યુવાન ક્રિકેટર સુરતમાં અફઘાનિસ્તાનની ટીમ સામે ટી-૨૦ સ્કોર્ડમાં રમશે.
યુવરાજે અગાઉ કુંચ બિહાર ટ્રોફીમાં ગુજરાતની ટીમ વતી રમીને આઠ મેચમાં ૩૭ વિકેટો મેળવી હતી.
અંકલેશ્વરનો લેફટ આર્મ ફાસ્ટ બોલર સુરત ખાતે અફઘાનિસ્તાનની ટીમ સામે રમાનાર ટી-૨૦ સ્કોર્ડ રમીને હરીફ ટીમનાં બેસ્ટમેનોને ક્લિન બોલ્ડ કરશે.
સુરતનાં ક્રિકેટ ગ્રાઉન્ડ ખાતે તા-૫ થી ૧૪મી ફેબ્રુઆરી દરમ્યાન ગુજરાત રણજી ટ્રોફી ટી-૨૦ સ્કોર્ડની પાંચ ક્રિકેટ મેચ યોજાવાની છે, ભારતમાં જે ટી-૨૦ વિશ્વકપ યોજવનો છે તેમા અફ્ઘાનિસ્તાનની ટીમ ટી-૨૦ વિશ્વકપ ની તૈયારીના ભાગરૂપે સુરત ખાતે પાંચ મેચ રમશે.
અંકલેશ્વર ગાર્ડનસીટી ખાતે રહેતો યુવરાજસિંહ ધર્મેન્દ્રસિંહ કોસમિયા ગુજરાતની ટીમમાંથી તેઓનું સિલેકશન થયું છે. લેફટ આર્મ ફાસ્ટ બોલર યુવરાજ ભરૂચ ડિસ્ટ્રિક્ટ ક્રિકેટ એસોશીએશનમાંથી ક્રિકેટનું કોચીંગ લઇને હરીફ ટીમના બલ્લેબાજોને ક્લિન બોલ્ડ કરવા માટેની તૈયારી કરી છે.
અંકલેશ્વરમાં ઉભરતા ક્રિકેટર યુવરાજસિંહે જણાવ્યુ હતુ કે તેઓનાં પિતા ધર્મેન્દ્રસિંહ પણ ક્રિકેટમાં ઊંડો રસ દાખવતા હતા અને પિતાનાં શોખ નેજ તેઓએ પણ કારકિર્દી માટેની સીડી બનાવી સફળતાની ફલક સુધી પહોંચવાનું લક્ષ્ય સાધ્યુ છે.
ડિપ્લોમા મિકેનીકલ સુધીનો અભ્યાસ કરનાર યુવરાજે અગાઉ કુંચ બિહાર ટ્રોફી વર્ષ ૨૦૧૫-૨૦૧૬માં ગુજરાતની ટીમ વતી રમીને માત્ર આઠ મેચમાં ૩૭ વિકેટ મેળવીને ઓલ ઓવર ઈન્ડિયામાં અનોખી સિધ્ધી પ્રાપ્ત કરી હતી. તા- ૫મી ફેબ્રુઆરી-૨૦૧૬થી સુરત ખાતે શરૂ થનાર ગુજરાત રણજી ટ્રોફી ટી-૨૦ સ્કોર્ડ માટે તેનું સિલેકશન થતા યુવરાજે આનંદની લાગણી વ્યકત કરીને આ તબક્કે ભરૂચ ડિસ્ટ્રીક્ટ ક્રિકેટ એસોશીએશનનો આભાર વ્યકત કર્યો હતો.
