Village of sports PB 31 .

11/06/2026

ਕਦੇ ਤਾਂ ਪਊਗਾ ਮੁੱਲ ਖੋਟੀ ਤਕਦੀਰ ਦਾ,
ਸੀ ਗੂੰਜਦਾ ਸਪੀਕਰਾਂ ਚ ਨਾਂ "ਗੋਲਡੀ ਝੁਨੀਰ" ਦਾ। 💪💪🏍️🏍️🏍️
ਸਮੁੱਚੇ ਕਬੱਡੀ ਜਗਤ ਲਈ ਬਹੁਤ ਹੀ ਖੁਸ਼ੀ ਦੀ ਗੱਲ ਹੈ ਕਿ ਕਬੱਡੀ ਦੇ ਚੀੜ੍ਹੇ ਜਾਫੀ ਗੋਲਡੀ ਝੁਨੀਰ ਦਾ ਜਗਤਾਰ ਚੰਡੀਗੜ੍ਹ, ਲਾਡੀ ਮੋਹਾਲੀ, ਰਛਪਾਲ ਭੁੱਲਰ, ਚਾਨਣ ਸਿੰਘ ਇੰਗਲੈਂਡ ਵਾਲਿਆਂ ਵੱਲੋਂ ਉਸਤਾਦ ਮਨਜੀਤ ਫਿੱਡੂ ਵਰਗਿਆਂ ਦੇ ਸਹਿਯੋਗ ਨਾਲ ਨਵੰਬਰ ਵਿੱਚ ਹੋਣ ਵਾਲੇ ਕਬੱਡੀ ਕੱਪ "ਫ਼ੱਕਰ ਝੰਡਾ" ਉੱਤੇ BULLET MOTERCYCLE ਨਾਲ ਸਨਮਾਨ ਕੀਤਾ ਜਾਵੇਗਾ ਜੀ। ਕਬੱਡੀ ਵਿੱਚ ਇਹੋ ਜਿਹੇ ਅਣਗੌਲਿਆਂ ਹੀਰਿਆਂ ਦਾ ਸਨਮਾਨ ਹੋਣਾ ਬਹੁਤ ਜ਼ਰੂਰੀ ਹੈ ਜਿਨ੍ਹਾਂ ਖਿਡਾਰੀਆਂ ਨੇ ਆਪਣੀ ਜ਼ਿੰਦਗੀ ਕਬੱਡੀ ਲੇਖੇ ਲਾ ਦਿੱਤੀ। ਪਹਿਲਾਂ 32,35,40,45, 50,52,57 ਕਿਲੋ ਵਜ਼ਨੀ ਕਬੱਡੀ ਗੋਲਡੀ, ਸਵ: ਦੋਧੀ,ਤੋਤੀ ਵਰਗਿਆਂ ਦੀ ਟੀਮ ਮਸ਼ਹੂਰ ਹੋਈ। ਜਿੱਤ ਹਾਰ ਕਰਮਾਂ ਦੀ ਪਰ ਚੋਬਰ ਜਿੱਥੇ ਖੇਡਦੇ ਸਿਰਾ ਕਰਾਉਂਦੇ ਸਨ। ਉਸਤੋਂ ਬਾਅਦ ਹੌਲੀ ਹੌਲੀ ਗੋਲਡੀ,ਜੱਗੇ ਵਰਗਿਆਂ ਨਾਲ 65,70,75,80,85 ਬਹੁਤ ਹੀ ਤਕੜੀ ਕਬੱਡੀ ਖੇਡਿਆ। ਜਦੋਂ ਉਸ ਸਮੇਂ ਦੀਆਂ ਟੌਪ ਦੀਆਂ ਟੀਮਾਂ ਨਾਲ ਮੈਚ ਹੁੰਦਾ ਸੀ ਦੁਨੀਆਂ ਪੱਬਾਂ ਭਾਰ ਹੋ ਕਿ ਵੇਖਦੀ ਹੁੰਦੀ ਸੀ ਆਹ ਕਿਹੜੇ ਨਿੱਕੇ ਜਿਹੇ ਸਰੀਰ ਦੇ ਗੱਭਰੂ ਨੇ ਟੌਪ ਟੌਪ ਦੇ ਰੇਡਰ ਮੂਧੇ ਕਰ ਦਿੱਤੇ। ਦੁਨੀਆਂ ਚੜ੍ਹਦੀ ਤੋਂ ਚੜ੍ਹਦੀ ਪਈ ਹੈ ਪਰ ਉਸ ਸਮੇਂ ਦੀ ਵਜ਼ਨੀ ਕਬੱਡੀ ਵਿੱਚ ਸ਼ਾਇਦ ਹੀ ਕੋਈ ਰੇਡਰ ਹੋਵੇ ਜਿਸਨੂੰ ਗੋਲਡੀ ਨੇ ਜੱਫ਼ਾ ਨਾ ਲਾਇਆ ਹੋਵੇ। ਉਹਨਾਂ ਸਮਿਆਂ ਵਿੱਚ ਝੁਨੀਰ ਦੀ ਟੀਮ ਦਾ ਨਾਂ ਵੱਡੇ ਵੱਡੇ ਕੱਪਾਂ ਉੱਤੇ ਆਪ ਮੁਹਾਰੇ ਬੋਲਦਾ ਸੀ ਕਿਉਂਕਿ ਪਹਿਲੀ ਗੱਲ ਤਾਂ ਇਹਨਾਂ ਦੀ ਜਿੱਤ ਪੱਕੀ ਹੁੰਦੀ ਸੀ ਪਰ ਜੇ ਕਿਤੇ ਉੱਨੀ ਇੱਕੀ ਹੋ ਵੀ ਜਾਂਦੀ ਤਾਂ ਜਿੱਤ ਨਾਲੋਂ ਵੱਧ ਇਹਨਾਂ ਦੀ ਹਾਰ ਬੋਲਦੀ ਸੀ ਕਿਉਂਕਿ ਦਰਸ਼ਕ ਕਹਿੰਦੇ ਹੁੰਦੇ ਸੀ ਕਿ ਆਹ ਮੁੰਡੇ ਆਉਣ ਵਾਲੇ ਸਮੇਂ ਵਿੱਚ ਸਿਰਾ ਕਰਵਾਉਣਗੇ ਜਿਨ੍ਹਾਂ ਨੇ ਅੱਜ ਝੁਨੀਰ ਨੂੰ ਹਰਾ ਦਿੱਤਾ। ਵਜ਼ਨੀ ਕਬੱਡੀ ਵਿੱਚ ਆਪਣੇ ਪਿੰਡ ਤੋਂ ਇਲਾਵਾ ਗੋਲਡੀ ਝੁਨੀਰ ਵਾਲੇ ਨੇ ਸ਼ੇਰੋਂ ਵਾਲੇ ਘਾਕੇ ਅਤੇ ਰਾਈਏ ਪਿੰਡ ਦੀਆਂ ਟੀਮਾਂ ਵਿੱਚ ਖੇਡਕੇ ਬੈਸਟ ਜਾਫੀ ਬਣਕੇ 200 ਦੇ ਕਰੀਬ ਐਲ,ਸੀ, ਡੀਆਂ ਅਤੇ ਐਲ ਈ, ਡੀਆਂ ਜਿੱਤੀਆਂ, 15 /20 ਵਾਸਿੰਗ ਮਸ਼ੀਨਾਂ, ਮੁੰਦੀਆਂ, ਅਨੇਕਾਂ ਨਗਦ ਇਨਾਮ, ਕੱਪ ਅਤੇ ਟਰੌਫੀਆਂ ਜਿੱਤਕੇ ਆਪਣੀ ਖੇਡ ਦਾ ਲੋਹਾ ਮਨਵਾਇਆ। ਜੇਕਰ ਕਬੱਡੀ ਓਪਨ ਦੀ ਗੱਲ ਕਰੀਏ ਤਾਂ ਸਵ: ਜੀਤ ਕੋਟਲੀ ਵਰਗਿਆਂ ਨਾਲ ਮਿਲਕੇ ਗੋਲਡੀ ਝੁਨੀਰ ਵਾਲਾ ਜ਼ਿਆਦਾਤਰ ਆਪਣੇ ਪਿੰਡ ਝੁਨੀਰ ਦੀ ਟੀਮ ਵੱਲੋਂ ਹੀ ਖੇਡਿਆ । ਕਬੱਡੀ ਓਪਨ ਵਿੱਚ 2019 ਵਿੱਚ ਪਿੰਡ ਬੀਰੋਕੇ ਕਲਾਂ ਤੋਂ ਮੋਟਰਸਾਈਕਲ ਜਿੱਤਿਆ ਸੀ ਅਤੇ 1 ਮੋਟਰਸਾਈਕਲ ਨਾਲ ਵਿਸ਼ੇਸ਼ ਸਨਮਾਨ ਵਜੋਂ ਜਗਪਾਲ ਸਿੰਘ ਖਹਿਰਾ ( ਮੌਜੂਦਾ ਸਰਪੰਚ ਝੁਨੀਰ) ਵੱਲੋਂ ਦਿੱਤਾ ਗਿਆ ਸੀ। ਕਲੱਬਾਂ ਦੇ ਮੈਚਾਂ ਵਿੱਚ ਗੋਲਡੀ ਝੁਨੀਰ ਵਾਲੇ ਨੂੰ ਕਬੱਡੀ ਕੋਚ ਕਾਕਾ ਸ਼ੇਖ ਦੌਲਤ ਦੀ ਰਹਿਨੁਮਾਈ ਹੇਠ ਕਬੱਡੀ ਕਲੱਬ ਨਿਊਜ਼ੀਲੈਂਡ ਵੱਲੋਂ ਖੇਡਣ ਦਾ ਮੌਕਾ ਮਿਲਿਆ ਅਤੇ ਤੱਲਣ ਕਬੱਡੀ ਕੱਪ ਦਾ ਬੈਸਟ ਜਾਫੀ ਬਣਨ ਦਾ ਸੁਭਾਗ ਪ੍ਰਾਪਤ ਹੋਇਆ ਸੀ। ਗੋਲਡੀ ਝੁਨੀਰ ਦੇ ਕਹਿਣ ਮੁਤਾਬਕ ਗੋਲਡੀ ਕਹਿੰਦਾ ਆਪਾਂ ਕਬੱਡੀ ਵਿੱਚ ਚੀਜ਼ਾਂ ਜਿੱਤਣ ਤੋਂ ਜ਼ਿਆਦਾ ਦਰਸ਼ਕਾਂ ਦੇ ਦਿਲ ਜਿੱਤੇ ਹਨ ਅਤੇ ਜਿਨ੍ਹਾਂ ਯਾਰਾਂ ਨਾਲ ਆਪਣੀ ਯਾਰੀ ਹੈ ਉਹ ਵੀ ਸਿਵਿਆਂ ਤੱਕ ਦੀ ਆ ਕਿਸੇ ਨੂੰ ਫੋਕਾ ਯਾਰ ਯਾਰ ਨਹੀਂ ਕਹਿੰਦੇ। ਪਿਛਲੇ ਕੁਝ ਸਮੇਂ ਤੋਂ ਗੋਲਡੀ ਝੁਨੀਰ ਵਾਲਾ ਘਰੇਲੂ ਰੁਝੇਵਿਆਂ ਕਾਰਨ ਕਬੱਡੀ ਖੇਡਣੋਂ ਹੱਟ ਗਿਆ ਸੀ ਪਰ ਆਪਣੇ ਪਿੰਡ ਦੇ ਕਲੱਬ, ਸਾਬਕਾ ਖਿਡਾਰੀਆਂ, ਮੌਜੂਦਾ ਖਿਡਾਰੀਆਂ, ਦੋਸਤਾਂ ਮਿੱਤਰਾਂ ਅਤੇ ਸਮੁੱਚੇ ਨਗਰ ਝੁਨੀਰ ਨਾਲ ਮਿਲ ਕੇ ਉਪ ਪ੍ਰਧਾਨ ਦੀਆਂ ਸੇਵਾਵਾਂ ਸਦਕਾ ਕਬੱਡੀ ਦਾ ਬਹੁਤ ਵੱਡਾ ਕਬੱਡੀ ਕੱਪ ਜ਼ਰੂਰ ਕਰਵਾਉਂਦੇ ਹਨ। ਅਕਸਰ ਜਦੋਂ ਕਦੇ ਮਿਲਦੇ ਹਾਂ ਗੋਲਡੀ ਝੁਨੀਰ ਵਾਲਾ ਕਹਿੰਦਾ ਹੁੰਦਾ ਭਰਾ ਮੇਰਿਆ ਜੀਅ ਬਹੁਤ ਕਰਦਾ ਕਿ ਦੁਬਾਰਾ ਖੇਡੀਏ ਪਰ ਘਰੇਲੂ ਰੁਝੇਵਿਆਂ ਕਾਰਨ ਸਮਾਂ ਨਹੀਂ ਮਿਲਦਾ। ਇਕੱਲਾ ਗੋਲਡੀ ਝੁਨੀਰ ਵਾਲਾ ਨਹੀਂ ਉਸ ਸਮੇਂ ਦੀਆਂ ਬਹੁਤ ਸਾਰੀਆਂ ਵਜ਼ਨੀ ਟੀਮਾਂ ਬਹੁਤ ਜ਼ਿਆਦਾ ਤਕੜੀਆਂ ਸਨ ਅਤੇ ਅਨੇਕਾਂ ਵਜ਼ਨੀ ਕਬੱਡੀ ਦੇ ਸਟਾਰ ਖਿਡਾਰੀ ਘਰਾਂ ਦੀਆਂ ਮਜਬੂਰੀਆਂ ਵਿੱਚ ਰੁਲ਼ ਗਏ। ਅੱਜ ਗੋਲਡੀ ਝੁਨੀਰ ਵਾਲੇ ਦੇ ਬੁਲੇਟ ਮੋਟਰਸਾਈਕਲ ਨਾਲ ਸਨਮਾਨ ਹੋਣ ਦੀ ਬਹੁਤ ਖੁਸ਼ੀ ਹੈ। ਸਮੁੱਚੇ ਕਬੱਡੀ ਜਗਤ ਨੂੰ ਬੇਨਤੀ ਹੈ ਕਿ ਵਜ਼ਨੀ ਕਬੱਡੀ ਦੇ ਪੁਰਾਣੇ ਅਤੇ ਨਵੇਂ ਖਿਡਾਰੀਆਂ ਦਾ ਸਨਮਾਨ ਜ਼ਰੂਰ ਕਰਿਓ ਕਰੋ ਜਿਸ ਨਾਲ ਹਜ਼ਾਰਾਂ ਕਬੱਡੀ ਖਿਡਾਰੀਆਂ ਦਾ ਭਵਿੱਖ ਸੁਨਹਿਰਾ ਬਣ ਸਕਦਾ ਹੈ ਜੀ। ਇਸ ਮਾਣ ਸਨਮਾਨ ਦੀਆਂ ਗੋਲਡੀ ਝੁਨੀਰ ਵਾਲੇ ਨੂੰ ਬਹੁਤ ਬਹੁਤ ਮੁਬਾਰਕਾਂ। ਵਾਹਿਗੁਰੂ ਮੇਹਰ ਕਰੇ ਇਸ ਮਾਣਮੱਤੇ ਖਿਡਾਰੀ ਨੂੰ ਦਿਨ ਦੁੱਗਣੀ ਰਾਤ ਚੌਗਣੀ ਤਰੱਕੀ ਦੇਵੇ। ਵਾਹਿਗੁਰੂ ਮੇਹਰ ਕਰੇ 🙏🙏♥️♥️ Goldy Jhunir Goldy Jhunir Manjit Fiddu Hardev Fakkar Jhanda Kamal Jhunir Harpreet Jhunir Pala Sharma Roop Sharma Kulveer Jatana Kulveer Samoan Comenter Deep Commentators Natheha

12/05/2026

30/04/2026

ਅੱਜ ਸਾਡੇ ਪਿੰਡ ਝੰਡੂਕੇ ਦੇ ਕ੍ਰਿਕਟ ਖਿਡਾਰੀਆਂ ਵੱਲੋਂ ਗਰਾਊਂਡ ਨੂੰ ਮੁੜ ਸੁਰਜੀਤ ਕਰਨ ਲਈ ਗ੍ਰਾਮ ਪੰਚਾਇਤ ਝੰਡੂਕੇ ਵੱਲੋਂ ਦਿੱਤੇ ਗਏ ਸਹਿਯੋਗ ਲਈ ਗ੍ਰਾਮ ਪੰਚਾਇਤ ਝੰਡੂਕੇ ਦਾ ਗਰਾਊਂਡ ਵਿੱਚ ਮਾਣ ਸਤਿਕਾਰ ਅਤੇ ਧੰਨਵਾਦ ਕੀਤਾ ਜੀ। ਸੀਨੀਅਰ ਖਿਡਾਰੀਆਂ ਦੀ ਬਦੌਲਤ ਨੌਜਵਾਨ ਖਿਡਾਰੀ ਅਤੇ ਬੱਚੇ ਵੀ ਗਰਾਊਂਡ ਆਉਣ ਲੱਗ ਪਏ। ਆਉਣ ਵਾਲੇ ਸਮੇਂ ਵਿੱਚ ਗ੍ਰਾਮ ਪੰਚਾਇਤ ਝੰਡੂਕੇ ਹਮੇਸ਼ਾ ਇਹਨਾਂ ਖਿਡਾਰੀਆਂ ਦਾ ਹਰ ਸੰਭਵ ਸਾਥ ਦੇਵੇਗੀ ਜੀ। ਹੋਰ ਨੌਜਵਾਨਾਂ ਨੂੰ ਬੇਨਤੀ ਹੈ ਕਿ ਵੱਧ ਤੋਂ ਵੱਧ ਨੌਜਵਾਨ , ਬੱਚੇ ਗਰਾਊਂਡ ਵਿੱਚ ਪਹੁੰਚ ਕੇ ਮਿਹਨਤ ਕਰਿਆ ਕਰੋ। ਆਓ ਰਲ਼ ਮਿਲਕੇ ਆਪਣੇ ਪਿੰਡ ਨੂੰ ਖੇਡਪਸੰਦ ,ਸੋਹਣਾ, ਸਾਫ਼ ਸੁਥਰਾ, ਹਰਿਆ ਭਰਿਆ ਅਤੇ ਅਗਾਂਹਵਧੂ ਪਿੰਡ ਬਣਾਉਣ ਲਈ ਸਾਂਝਾ ਉਪਰਾਲਾ ਕਰੀਏ ਜੀ। ਵਾਹਿਗੁਰੂ ਮੇਹਰ ਕਰੇ 🙏🙏♥️♥️ Gagan Sharma Gagan Chouhan Gagandeep Singh Gagan Dandiwal Gurwinder Jhanduke Gurpreet Dandiwal Gurmeet Singh DrPardaman Sharma

01/04/2026

ਕਮਾਲਪੁਰੇ ਆਲੇ ਜਦੋਂ ਕਰਦੇ ਸਿਰਾ ਹੀ ਕਰਦੇ ਆ,,, ਕਰਲੋ ਨੋਟ ਦਿਲਾਂ ਦੀਆ ਡਾੲਰੀਆਂ ਤੇ

28/03/2026

ਗ੍ਰਾਮ ਪੰਚਾਇਤ ਝੰਡੂਕੇ ਵੱਲੋਂ ਪਿਛਲੇ ਮਹੀਨਿਆਂ ਵਿੱਚ ਢਾਬ ਵਾਲੇ ਗਰਾਊਂਡ ਦੇ ਪਾਣੀ ਨੂੰ ਬਾਹਰ ਕੱਢ ਕੇ ਸੁਕਾਇਆ ਗਿਆ ਸੀ। ਅੱਜ ਇਸ ਗਰਾਊਂਡ ਨੂੰ ਮੁੜ ਸੁਰਜੀਤ ਕਰਨ ਲਈ ਸਾਡੇ ਪਿੰਡ ਝੰਡੂਕੇ ਦੇ ਕ੍ਰਿਕਟ ਅਤੇ ਫੁੱਟਬਾਲ ਦੇ ਖਿਡਾਰੀਆਂ ਵੱਲੋਂ ਟਰੈਕਟਰਾਂ ਨਾਲ ਸਾਫ਼ ਸਫ਼ਾਈ ਸ਼ੁਰੂ ਕੀਤੀ ਗਈ। ਥੋੜੇ ਦਿਨਾਂ ਬਾਅਦ ਇਸ ਗਰਾਊਂਡ ਵਿੱਚ ਫੇਰ ਪਹਿਲਾਂ ਵਾਂਗ ਰੌਣਕਾਂ ਲੱਗਣਗੀਆਂ। ਇਹਨਾਂ ਦੇ ਜਜ਼ਬੇ ਤੋਂ ਅੰਦਾਜ਼ਾ ਲਾਇਆ ਜਾ ਸਕਦਾ ਹੈ ਕਿ ਖਿਡਾਰੀਆਂ ਲਈ ਗਰਾਊਂਡ ਪ੍ਰਤੀ ਕਿੰਨਾ ਪਿਆਰ ਸਤਿਕਾਰ ਹੁੰਦਾ ਹੈ। ਵਾਹਿਗੁਰੂ ਮੇਹਰ ਕਰੇ ਇਹਨਾਂ ਉੱਦਮੀ ਨੌਜਵਾਨਾਂ ਨੂੰ ਦਿਨ ਦੁੱਗਣੀ ਰਾਤ ਚੌਗਣੀ ਤਰੱਕੀ ਦੇਵੇ ਅਤੇ ਆਪਣੀ ਮੰਜ਼ਿਲ ਤੱਕ ਪਹੁੰਚਣ ਦਾ ਬਲ ਬਖਸ਼ੇ ਜੀ। ਵਾਹਿਗੁਰੂ ਮੇਹਰ ਕਰੇ। 🙏♥️ Arshdeep Singh Chauhan Gagan Sharma Gagan Chouhan Ajitpal Singh Jagjit Chouhan Gurwinder Jhanduke Tarsem Chouhan Gurwinder Singh Gurjit Dandiwal Babbi Sukhwinder Buta Singh Dandiwal

04/03/2026

ਫੋਕੇ ਬਾਈ ਬਾਈ ਕਦੇ ਆਪਾਂ ਨਹੀਂ ਕਹਾਏ,
ਜੀਹਦੀ ਬਾਂਹ ਫੜੀ ਉਹੋ ਕਿੱਤੇ ਵੀ ਲਗਾਏ। 🙏❤️❤️❤️
ਵਾਹਿਗੁਰੂ ਜੀ ਦੀ ਕਿਰਪਾ ਨਾਲ ਕਬੱਡੀ ਦੇ ਨਾਲ ਬਲਾਕ ਝੁਨੀਰ ਅਤੇ ਸਰਦੂਲਗੜ੍ਹ ਵਿੱਚ ਜੰਗਲ ਵੀ ਲਗਾਵੇਗਾ ਕਬੱਡੀ ਖਿਡਾਰੀ ਸੰਦੀਪ ਝੰਡੂਕੇ Job Started with Roundglass Foundation । ਪਿਛਲੇ ਸਾਲ ਗੋਡੇ ਉੱਤੇ ਸੱਟ ਲੱਗਣ ਅਤੇ ਆਪਣੇ ਪਿਤਾ ਦੇ 11000 ਵੋਲਟੇਜ ਤਾਰਾਂ ਦੇ ਕਰੰਟ ਲੱਗਣ ਕਾਰਨ ਆਰਥਿਕ ਤੰਗੀਆਂ ਕਰਕੇ ਕਬੱਡੀ ਵਿੱਚ ਵਾਪਸੀ ਕਰਨ ਲਈ ਸੰਘਰਸ਼ ਕਰ ਰਿਹਾ ਸੀ। ਵਾਹਿਗੁਰੂ ਮੇਹਰ ਕਰੇ ਹੁਣ ਸਵੇਰੇ ਸ਼ਾਮ ਮਿਹਨਤ, 8 ਤੋਂ 5 ਡਿਊਟੀ ਅਤੇ ਛੁੱਟੀ ਵਾਲੇ ਦਿਨ ਮੈਚ ਵੀ ਖੇਡੇਗਾ। ਵਾਹਿਗੁਰੂ ਮੇਹਰ ਕਰੇ ਕਿਸੇ ਵੀ ਖਿਡਾਰੀ ਦੇ ਸੱਟ ਫੇਟ ਨਾ ਲੱਗੇ ਅਤੇ ਹਰ ਖਿਡਾਰੀ ਦਾ ਸੁਪਨਾ ਪੂਰਾ ਹੋਵੇ।🙏♥️♥️
ਨੋਟ 👉 ਜਿਨ੍ਹਾਂ ਖਿਡਾਰੀਆਂ ਨੇ ਆਪਣੇ ਪਿੰਡ ਵਿੱਚ ਪੰਚਾਇਤ ਦੇ ਸਹਿਯੋਗ ਨਾਲ ਜੰਗਲ ਅਤੇ ਆਪਣੇ ਗਰਾਊਡਾਂ ਵਿੱਚ ਬੂਟੇ ਲਗਾਉਣੇ ਹੋਣ ਓਹ ਸੰਦੀਪ ਝੰਡੂਕੇ ਨਾਲ 76819 20207 ਤੇ ਸੰਪਰਕ ਕਰ ਸਕਦੇ ਹਨ ਜੀ। ਵਾਹਿਗੁਰੂ ਮੇਹਰ ਕਰੇ 🙏 ♥️
ਰਘਬੀਰ ਸਿੰਘ ਮਾਨ Kaka Sheikh Daulat Gogi Aujla Chhahar Gaggi Beniwal Dhot S Kambo Pala Sharma Sandeep Deep Goldy Jhunir Ghoni raniwala Seera Pitho Roop Sharma Kulveer Jatana Balli Fakkar Jhanda Shinda Chouhañ

18/02/2026

ਕੱਲ੍ਹ ਵਾਲਾ ਗੁੱਸਾ ਅੱਜ ਮੁੰਡਾ ਲਾਹ ਗਿਆ,
ਬਣ ਕੇ ਬੈਸਟ HAPPY BIRTHDAY ਮਨਾ ਗਿਆ।🏍️🎂🏆
ਰੁੜਕਾ ਕਲਾਂ ਕਬੱਡੀ ਕੱਪ ਤੋਂ ਬੈਸਟ ਜਾਫੀ ਬਣਨ ਲਈ ਸੋਨੀ ਫ਼ੱਕਰ ਝੰਡੇ ਵਾਲੇ ਨੂੰ ਬਹੁਤ ਬਹੁਤ ਮੁਬਾਰਕਾਂ ਜੀ। ਵਾਹਿਗੁਰੂ ਮੇਹਰ ਕਰੇ ਇਸ ਮਾਣਮੱਤੇ ਖਿਡਾਰੀ ਨੂੰ ਦਿਨ ਦੁੱਗਣੀ ਰਾਤ ਚੌਗਣੀ ਤਰੱਕੀ ਦੇਵੇ ਅਤੇ ਆਪਣੀ ਮੰਜ਼ਿਲ ਤੱਕ ਪਹੁੰਚਣ ਦਾ ਬਲ ਬਖਸ਼ੇ ਜੀ। ਵਾਹਿਗੁਰੂ ਮੇਹਰ ਕਰੇ 🙏♥️♥️ Hardev Fakkar Jhanda Bhala Fakar Jhanda Gill Village of sports PB 31 . Hinda Fakar Jhanda

10/02/2026

ਕਬੱਡੀ ਦੇ ਹਰਮਨ ਪਿਆਰੇ ਪ੍ਰਮੋਟਰ ਸਤਿਕਾਰਯੋਗ ਜਗਮੇਲ ਠੱਠੀਭਾਈ ਅਤੇ ਅੰਮ੍ਰਿਤ ਠੱਠੀਭਾਈ ਵਾਲਿਆਂ ਵੱਲੋਂ ਕਬੱਡੀ ਦੇ
"ਉੱਡਣੇ ਬਾਜ਼ 🦅🦅" ਸੰਦੀਪ ਦੋਦੇ ਵਾਲੇ ਦਾ ਸਨਮਾਨ 5911 ਟਰੈਕਟਰ ਨਾਲ ਪਿੰਡ ਰਾਜੇਆਣਾ ( ਮੋਗਾ) ਦੇ ਕਬੱਡੀ ਕੱਪ ਉੱਤੇ ਕੀਤਾ ਜਾਵੇਗਾ ਜੀ। ਸਮੁੱਚੇ ਕਬੱਡੀ ਜਗਤ ਨੂੰ ਇਸ ਸਨਮਾਨ ਦੀ ਖੁਸ਼ੀ ਹੋਵੇਗੀ ਕਿਉਂਕਿ ਸੰਦੀਪ ਦੋਦਾ ਇਹੋ ਜਿਹੇ ਸਨਮਾਨ ਦਾ ਹੱਕਦਾਰ ਸੀ ਜਿਸਦੀ ਘਾਟ ਇਹਨਾਂ ਪ੍ਰਮੋਟਰ ਵੀਰਾਂ ਪੂਰੀ ਕਰ ਦਿੱਤੀ ਹੈ ਜੀ। ਵਾਹਿਗੁਰੂ ਮੇਹਰ ਕਰੇ ਇਹਨਾਂ ਪ੍ਰਮੋਟਰ ਵੀਰਾਂ ਨੂੰ ਦਿਨ ਦੁੱਗਣੀ ਰਾਤ ਚੌਗਣੀ ਤਰੱਕੀ ਦੇਵੇ ਅਤੇ ਸੰਦੀਪ ਦੋਦੇ ਵਾਲੇ ਨੂੰ ਪਹਿਲਾਂ ਵਾਂਗੂ ਹੋਰ ਤਕੜਾ ਹੋ ਕੇ ਖੇਡਣ ਦਾ ਬਲ ਬਖਸ਼ੇ ਜੀ। ਵਾਹਿਗੁਰੂ ਮੇਹਰ ਕਰੇ।

Kaka Sheikh Daulat Village of sports PB 31 . Pala Sharma Gogi Aujla Chhahar Dhot S Kambo Goldy Jhunir Gaggi Beniwal ਰਘਬੀਰ ਸਿੰਘ ਮਾਨ Ghoni raniwala Sandeep Deep Seera Pitho

07/02/2026

ਹਾਲਾਤ ਬਦਲਣ ਲਈ ਮੈਦਾਨ ਵਿੱਚ ਲੜਨਾ ਪੈਂਦਾ,
ਗੱਲਾਂ ਨਾਲ ਜਵਾਨੀ ਨੂੰ ਨਸ਼ਿਆਂ ਤੋਂ ਨਹੀਂ ਬਚਾਇਆ ਜਾ ਸਕਦਾ। 🙏🙏♥️♥️ ਵਾਹਿਗੁਰੂ ਮੇਹਰ ਕਰੇ 🙏♥️🙏♥️

Village of sports PB 31 . Gogi Aujla Chhahar Kaka Sheikh Daulat Dhot S Kambo Gaggi Beniwal ਰਘਬੀਰ ਸਿੰਘ ਮਾਨ Goldy Jhunir Sandeep Deep Laddi Sidhu Pala Sharma Ghoni raniwala Roundglass Foundation RoundGlass Sports Government of Punjab

29/01/2026

ਕਬੱਡੀ ਕੱਪ ਪਿੱਥੋ ਫਾਈਨਲ ਨਤੀਜੇ 👉👉👉👉👉👉👉👉 ਪਹਿਲਾ ਇਨਾਮ 👉 ਸੂਰੇਵਾਲਾ 👉 71000💸+🏆🏆

ਦੂਸਰਾ ਇਨਾਮ 👉 ਕਾਲੋਕੇ 👉51000💸+🏆

ਬੈਸਟ ਰੇਡਰ 👉 ਗੁਰਲਾਲ ਸੋਹਲ 6 ਰੇਡਾਂ 6 ਨੰਬਰ

ਬੈਸਟ ਜਾਫੀ 👉 ਗਗਨ ਸੂਰੇਵਾਲਾ+ ਵਿੱਕੀ ਹਰੀਕੇ ਕਲਾਂ 2/2 ਜੱਫੇ
ਬੈਸਟਾਂ ਨੂੰ 👉 ਨੁੱਕਰੇ ਵਛੇਰੇ 🐎🐎🐎🐎

ਸੂਰੇਵਾਲਾ 👉 ਗਗਨ ਸੂਰੇਵਾਲਾ, ਵੰਸ਼ ਸੂਰੇਵਾਲਾ,ਵਿੱਕੀ ਹਰੀਕੇ ਕਲਾਂ, ਸੋਨਾ ਵਾਂਦਰ ਡੋਡ, ਗੁਰਲਾਲ ਸੋਹਲ ਆਦਿ।

ਕਾਲੋਕੇ 👉 ਪਰਮ ਕਾਲੋਕੇ, ਰਣਜੀਤ ਕਾਲੋਕੇ,ਹਰਮਨ ਕਾਲੋਕੇ, ਰਿੰਕੂ ਹਰਿਆਣਾ, ਅੰਮ੍ਰਿਤ ਤੂੰਬੜਭੰਨ ਆਦਿ।

ਟੀਮਾਂ ਜ਼ਿਆਦਾ ਹੋਣ ਕਰਕੇ ਫਾਈਨਲ ਲੇਟ ਹੋ ਗਿਆ ਪਰ ਸਬੱਬੀਂ 12:12 ਵੱਜ ਗਏ ਨਾ ਮਿੰਟ ਵਧੇ ਨਾ ਘੰਟੇ ।