12/12/2025
क्रीडा आयुक्तालयात महाराष्ट्र ऑलिंपिक संघटनेच्या पदाधिकाऱ्यांची सदिच्छा बैठक ✨
राज्य ऑलिंपिक स्पर्धा, 2029 राष्ट्रीय क्रीडा स्पर्धा, तसेच 2030 कॉमनवेल्थ आणि 2036 ऑलिंपिक स्पर्धांच्या तयारीवर सविस्तर चर्चा झाली. राज्याचे मा. मुख्यमंत्री व महाराष्ट्र ऑलिम्पिक असोसिएशनचे मुख्य आश्रयदाते मा.ना.श्री देवेंद्रजी फडणवीस, मा. उपमुख्यमंत्री व असोसिएशनचे अध्यक्ष मा.ना.श्री अजितदादा पवार आणि मा. केंद्रीय राज्यमंत्री व असोसिएशनचे वरिष्ठ उपाध्यक्ष मा.ना.श्री मुरलीधरजी मोहोळ यांच्या मार्गदर्शनाखाली राज्यातील क्रीडा पायाभूत सुविधा, तयारी, आणि क्रीडा संघटनांच्या आर्थिक बळकटीसाठी सीएसआर निधी वाढवण्याबाबत महत्त्वपूर्ण मुद्दे चर्चिले गेले.
या बैठकीस आयुक्त सौ. शीतल तेली-उगले यांच्यासह महाराष्ट्र ऑलिंपिक संघटनेचे माननीय मा. खासदार आणि उपाध्यक्ष मनोज कोटक, उपाध्यक्ष मनोज भोरे, महासचिव संजय शेटे, सहसचिव शैलेश टिळक, प्रदीप खांडरे आणि निलेश जगताप यांसह प्रकाश तुळपुळे, दत्ता आफळे, योगेश दोडके उपस्थित होते. सहाय्यक संचालक सुधीर मोरे यांची शासन प्रतिनिधी म्हणून उपस्थिती होती.
बैठकीत शासन आणि ऑलिंपिक संघटना यांच्यातील कार्यपद्धती अधिक पारदर्शक, सुसूत्र आणि गतिमान करण्याच्या दृष्टीने एस.ओ.पी. तयार करण्यावरही चर्चा झाली. तसेच राज्य प्रतिनिधींना राष्ट्रीय फेडरेशनमध्ये अधिक सहभाग मिळावा यावर भर देण्यात आला.
बैठकीनंतर बालेवाडीतील प्रस्तावित ऑलिंपिक भवनाच्या बांधकाम प्रगतीचा आढावा घेण्यात आला. यावेळी मा. खासदार मनोज कोटक यांनी बांधकाम नियोजित वेळापत्रकानुसार गतीने पूर्ण करण्याबाबत संबंधित अधिकाऱ्यांना स्पष्ट निर्देश दिले.
