29/01/2021
സുഹൃത്തുക്കളെ,
ഒരു അന്താരാഷ്ട്ര ചലച്ചിത്ര മേളയ്ക്ക് വേദിയാവുകയാണ് നമ്മുടെ വെളിയങ്കോട് ഗ്രാമം. മാർച്ച് 20 മുതൽ 25 വരെ നടക്കുന്ന തൃശ്ശൂർ അന്താരാഷ്ട്ര ചലച്ചിത്ര മേളയുടെ(IFFT) ഒരു പ്രധാന വേദിയായി വെളിയങ്കോട് തിരഞ്ഞെടുക്കപ്പെട്ട വിവരം നിങ്ങളെ സന്തോഷപൂർവ്വം അറിയിക്കുകയാണ്. പതിനാറ് രാജ്യങ്ങളിൽ നിന്ന് മുപ്പത് വ്യത്യസ്ത ഭാഷകളിൽ ഏകദേശം നൂറോളം ചലച്ചിത്രങ്ങൾ പ്രദർശിപ്പിക്കുന്ന ഈ മേളയോടനുബന്ധിച്ച് വിവിധ കലാസാംസ്കാരിക പരിപാടികളും സെമിനാറുകളും അഭിമുഖങ്ങളും സംഘടിപ്പിക്കുന്നതായിരിക്കും. വെളിയങ്കോട് ഗ്രാമപഞ്ചായത്ത്, മറ്റ് സമീപ പഞ്ചായത്തുകൾ, MTM കോളേജ് എന്നിവയുമായി സഹകരിച്ച് ചലച്ചിത്രകേന്ദ്രമാണ് ഈ മേള സംഘടിപ്പിക്കുന്നത്. കൂടുതൽ വിവരങ്ങൾ പങ്കു വയ്ക്കുന്നതാണ്.
