14/11/2025
*പട്ടാമ്പി റെയില്വേ കമാനത്തോട് ചേര്ന്നുളള അടിപ്പാത നവീകരിച്ച്* *ഗതാഗയോഗ്യമാക്കി*
*എം.ഇ.എസ് ഇന്റര്നാഷണല് സ്കൂള്*
വിദ്യാര്ത്ഥികള് ഉള്പ്പെടെ ആയിരത്തിലധികം ജനങ്ങളുടെ യാത്രാദുരിതത്തിന് ആശ്വാസമായി പട്ടാമ്പി എം.ഇ.എസ് ഇന്റര്നാഷണല് സ്കൂളിന്റെ നേതൃത്വത്തില് റെയില്വേ കമാനത്തോട് ചേര്ന്നുള്ള അടിപ്പാത നവീകരിച്ച് നവംബര് 14 ന് ഔദ്യോഗികമായി തുറന്നുകൊടുത്തു.
റെയില്വേ അധികാരികളുടെ സഹകരണത്തോടു കൂടിയാണ് അടിപ്പാതയുടെ നവീകരണത്തിന്റെ പൂര്ത്തീകരണത്തിന് വന്ന മുഴുവന് ചെലവുകളും സ്കൂള് എറ്റെടുത്തുകൊണ്ട് സ്കൂള് മാനേജ്മെന്റിന് ഈ സംരംഭം പൂര്ത്തിയാക്കാനായത്.
പട്ടാമ്പി ടൗണില് നിന്നും താലൂക്ക് ആശുപത്രി, സിവില് സ്റ്റേഷന് എന്നിവിടങ്ങളിലേക്ക് കാല്നടയായി വരുവാന് ഈ വഴി ഒരു ആശ്വാസമാണ്. ഒരു ദിവസം ആയിരത്തിലധികം ആളുകള് ഈ വഴി ഉപയോഗിക്കുന്നു. കുറച്ച് വര്ഷങ്ങളായി മഴക്കാലത്ത് വെള്ളക്കെട്ടും ഇഴജന്തുക്കളുടെ ശല്യവും കാരണം അതിലൂടെയുള്ള യാത്ര ദുഷ്ക്കരമായിരുന്നു.
കുടാതെ കോഴിക്കുന്ന്, ലിബര്ട്ടി സ്ട്രീറ്റ്, ആലിക്കപ്പറമ്പ് തുടങ്ങി പട്ടാമ്പിയുടെ വടക്ക് ഭാഗത്തു നിന്നും വരുന്ന ജനങ്ങള് പട്ടാമ്പി ടൗണിലെത്താന് ഈ വഴിയാണ് ആശ്രയിച്ചിരുന്നത്. രണ്ടായിരത്തി അഞ്ഞൂറോളം വിദ്യാര്ത്ഥികളും മുന്നൂറിലധികം ജീവനക്കാരും ഉള്ള പട്ടാമ്പി എം.ഇ.എസ് ഇന്റര്നാഷണല് സ്കൂളിലേക്ക് വരുന്ന കുട്ടികള്ക്കും രക്ഷിതാക്കള്ക്കും റെയില്പാളം മുറിച്ചുകടക്കാതെ സ്കൂളിലെത്തുവാന് ഈ വഴി ഉപയോഗപ്രദമാണ്.
കേരളാ എം.ഇ.എസ് സി.ബി.എസ്.ഇ സ്കൂള് എജുക്കേഷന് ബോര്ഡ് ചെയര്മാന് ഡോ.കെ.പി അബൂബക്കര് ഉദ്ഘാടനം നിര്വ്വഹിച്ച ചടങ്ങില് സ്കൂള് ചെയര്മാന് ഡോ. കെ.പി മുഹമ്മദ് കുട്ടി, സെക്രട്ടറി ഡോ. എ അബ്ദുള് ഗഫൂര്, വൈസ് ചെയര്മാന് പി.കുഞ്ഞലി, ട്രഷറര് പി.എം.എ റഷീദ്, പ്രിന്സിപ്പാള് പി.ശ്രീലേഖ, അഡ്മിനിസ്ട്രേറ്റര് എന്. അഹമ്മദ് കുഞ്ഞി, എം.ഇ.എസ് സംസ്ഥാന ജില്ലാ താലൂക്ക് ഭാരവാഹികള് തുടങ്ങിയവര് പങ്കെടുത്തു.
ഈ സംരംഭത്തോട് സഹകരിച്ച എല്ലാ അധികാരികളോടും ജനങ്ങളോടും നന്ദി അറിയിക്കുന്നു.
എന്ന്,
*ഡോ.എ. അബ്ദുള് ഗഫൂര്,*
സെക്രട്ടറി,
എം.ഇ.എസ് ഇന്റര്നാഷണല് സ്കൂള്,
