19/10/2023
स्केटिंग असोसिएशन ऑफ महराष्ट्र आणि रोलर स्केटिंग असोसिएशन अलिबाग यांच्या मार्फत दिनांक १४ ऑक्टोबर रोजी घेण्यात आलेल्या रायगड डिस्ट्रिक्ट स्केटिंग चॅपियनशिप्स २०२३ च्या मॅचमध्ये टी७५ रोलर स्केटिंग क्लब पनवेलमधील मुली व मुलांनी ५ सिल्वर मेडल, १६ ब्रॉंझ मिळवून यशस्वीरीत्या विजय मिळवला. त्याचबरोबर विजेते अद्विका भोसले, याद्निक्य पाटील, नव्या बाटले, आरुष वाणी, साजिरी मंडलिक व मैत्री बोडकर आणि काव्यांश राजपुरोहित यांचे विरार येथे होणाऱ्या ३३ महाराष्ट्र स्टेट रोलर स्केटिंग चॅम्पियन्शिप्स २०२३-२४ च्या रायगड टीममधून सिलेक्शन झाले असून ते सर्व खेळाडू रायगड डिस्ट्रिक्टचे प्रतिनिधित्व करणार आहेत. शिवाय त्यांचे कोचिंग महाराष्ट्र टीम कॅप्टन २०२१ आणि रायगड भूषण पुरस्कार २०१९ चे विजेते प्रसाद महेश ढवळे करणार आहेत. तसेच खोपोली येथे दिनांक १६ ऑक्टोबर रोजी पनवेल महानगरपालिका इंटर्स्कुल स्केटिंग चॅम्पियनशिप २०२३-२४ खोपोली आणि रोलर स्केटिंग असोसिएशन अलिबाग यांच्या माध्यमातून घेण्यात आलेल्या अद्विका भोसले, याज्ञिक्य पाटील व काव्यांश राजपुरोहित या खेळाडू विजेत्यांची इंटरनॅशनल झोनल स्केटिंग चॅम्पियनशिप २०२३-२४ मध्ये निवड करण्यात आली. या उत्कृष्ट कामगिरीमुळे कोच प्रसाद महेश ढवळे (रायगड भूषण २०१९/टीम महाराष्ट्र कॅप्टन/टी७५ रोलर स्केटिंग क्लब कोच पनवेल) आणि स्कुलचे नाव उंचावले आहे.
