17/05/2026
आईजीजेएफलाई ठुलो झट्का!
पार्टीका CWC Member एवं प्रवक्ता आर.के. शर्माले दिए पार्टीबाट राजीनामा
तिनले राजीनामा पत्रमा लेखेका छन्:-
"प्रति, अजय एडवड मुख्य संयोजक IGJF
दार्जिलिङ
विषयः राजीनामा पत्र
महोदय,
म IGJF को प्रवक्ता पद, केन्द्रीय कार्यसमिति (CWC) सदस्य पद तथा साधारण सदस्यत्ताबाट आजको मितिदेखि राजीनामा दिन चाहन्छु।
जुन सोच एवं विचार लिएर म पार्टीमा आएको थिएँ, समयसँगै त्यो पूर्ण रुपमा मेल खान नसकेको महसुस मैले गरेको छु। पार्टीको कार्यशैली, पार्टीको विचार तथा कथनी र करनीमा देखिएको भिन्नता, पूर्ण निष्ठा एवं इमानदारिताका साथ काम गर्दा पनि त्यसको उचित मूल्यांकन नभएको अनुभब, साथै पार्टीभित्र बढ्दो एकल निर्णय र एकल नीतिका कारण मैले यो निर्णय लिन बाध्य भएको हुँ।
वास्तवमा म यो राजीनामा विधायक (MLA) निर्वाचनअघि नै दिन चाहन्थे, तर निर्वाचनको समयमा पार्टीलाई कुनै प्रकारको क्षति नहोस् भन्ने सोचले मात्र मैले आफ्नो निर्णय रोकेको थिएँ। त्यसै कारण निर्वाचनको समयमा पनि मैले कुनै विशेष योगदान दिन सकिन।
अब निर्वाचन सम्पन्न भइसकेको छ, परिणाम पनि सार्वजनिक भइसकेको छ र सम्पूर्ण प्रक्रिया समाप्त भएको छ। त्यसैले अब म आफ्नो समय आफ्नो परिवार तथा आफ्नो ठाउँ खर्साङको हित र सेवामा समर्पित गर्न चाहन्छु।
पार्टीमा रहँदा प्राप्त साथ, सहयोग तथा अनुभवका लागि सम्पूर्ण नेतृत्व एवं कार्यकर्ताप्रति हार्दिक धन्यवाद व्यक्त गर्दछु। साथै पार्टीको आगामी यात्राका लागि शुभकामना व्यक्त गर्दछु।
धन्यवाद
भवदीय,
Ram Krishma Sharma
रामकृष्ण शर्मा (आर.के.)
मितिः 16/05/2026
स्थानः खरसाङ"
