01/02/2023
मालवण मध्ये रंगणार कै. विलास बांदिवडेकर स्मृती चषक
टोपीवाला स्पोर्ट्स अकॅडमीच्या वतीने 2 फेब्रुवारी ते 27 फेब्रुवारी दरम्यान आयोजन.
14 वर्षां खालील मुलांच्या क्रिकेट कौशल्याला उत्तेजन देण्याच्या हेतूने टोपीवाला स्पोर्ट्स अकॅडमीच्या माध्यमातून लेदर बॉल क्रिकेट स्पर्धेचे आयोजन करण्यात आले आहे.
हि स्पर्धा कै. श्री. विलास बांदिवडेकर यांच्या स्मृती प्रित्यर्थ आयोजित केली जात आहॆ. श्री.विलास बांदिवडेकर हे मालवणचे सुपुत्र व भारतीय क्रिकेट बोर्डाचे वरिष्ठ पंच होते ज्यांनी अनेक रणजी आणि आय. पी. एल च्या सामन्यात पंच म्हणून कामगिरी पार पाडली.गतवर्षी कोरोना काळात ते स्वर्गवासी झाले. श्री. विलास बांदिवडेकर यांनी भारतीय आणि मालवण क्रिकेटला दिलेले योगदान हे अतुलनीय आहॆ म्हणूनच त्यांच्या स्मृती प्रित्यर्थ हि स्पर्धा आयोजित करण्यात आली आहॆ.
या स्पर्धे मध्ये सिंधुदुर्ग जिल्ह्यातील 7 तर सांगली जिल्ह्यातील एका संघाने सहभाग घेतला आहॆ.
