09/01/2018
#കാവനൂർ_മജ്മഅ_ഇരുപതാം_വാർഷിക_വാഫി_ഹിഫ്ള്_സനദ്ദാന_മഹാ_സമ്മേളനത്തിന്_ഉജ്ജ്വല_പരിസമാപ്തി
73 വാഫികളും 23 ഹാഫിളുകളും സനദ് സ്വീകരിച്ചു. (സുപ്രഭാതം ദിനപത്രം)
അരീക്കോട്: മതവൈജ്ഞാനിക ഗോപുരത്തിലെ വിളികേട്ട് കാവനൂർ റഹ്മത്ത് നഗരിയിൽ സമ്മേളിച്ച നൂറുകണക്കിനാളുകളെ സാക്ഷിയാക്കി കർമസാഫല്യത്തിന്റെ നിറവിൽ കാവനൂർ മജ്മഅ ഇരുപതാം വാർഷിക വാഫി ഹിഫ്ള് സനദ് ദാന സമ്മേളനത്തിന് പരിസമാപ്തി കുറിച്ചു. കേരളക്കരയിലെ ഇസ്ലാമിക പ്രബോധന പ്രവർത്തന വീഥിയിൽ രണ്ട് പതിറ്റാണ്ടിലേറെയായി സമന്വയ വിദ്യയുമായി നിറഞ്ഞു നിന്ന മജ്മഇന്റെ നവോഥാന വിപ്ലവത്തിന് കരുത്ത് പകർന്ന് 73 വാഫി പണ്ഡിതരും 23 ഹാഫിളുകളും സമസ്ത ഉപാധ്യക്ഷൻ പാണക്കാട് സയ്യിദ് ഹൈദരലി ശിഹാബ് തങ്ങളിൽ നിന്നും സനദ് സ്വീകരിച്ച് പ്രബോധന വീഥിയിലിറങ്ങി. ഇരുപതാണ്ടിന്റെ ചരിത്ര സാക്ഷ്യവുമായി നവോഥാനത്തിന്റെ അക്ഷരമുറ്റത്ത് നാല് ദിവസങ്ങളിലായി നടന്ന ഗഹനമായ ചർച്ചകളും നവോഥാന വിചാരങ്ങളും വിജ്ഞാന സമ്പന്നമായ സെഷനുകളും മജ്മഇന്റെ സന്ദേശം സ്വീകരിക്കാൻ സമൂഹം പ്രതിജ്ഞാബദ്ധരാണെന്ന് തെളിയിക്കുന്നതായിരുന്നു. സമന്വയ വിദ്യഭ്യാസം പ്രദാനം ചെയ്യുന്ന അനന്ത സാധ്യതകൾ ഉപയോഗിച്ച് കാലഘട്ടത്തിന്റെ വെല്ലുവിളികൾ ഭേദിച്ച് പ്രബോധന രംഗത്ത് ചരിത്രം രചിക്കാൻ കർമ്മസജ്ജരായ 73 യുവ വാഫി പണ്ഡിതർ കൂടി സനദ് സ്വീകരിച്ചതോടെ വിദ്യഭ്യാസ നവജാഗരണത്തിന്റെ വിളംബരം മുഴക്കിയ മജ്മഇൽ നിന്നും പുറത്തിറങ്ങിയ വാഫികളുടെ എണ്ണം 137 ആയി. മുസ്ലിം പൈതൃകത്തിന്റെ അടയാളങ്ങൾക്ക് പിന്തുടർച്ച നൽകി വിജ്ഞാനത്തിന്റെ കൊടിയടയാളം തീർത്താണ് മജ്മഇന്റെ ഇരുപതാം വാർഷിക പരിപാടികൾ സമാപിച്ചത്. സമാപന സമ്മേളനം പാണക്കാട് സയ്യിദ് ഹൈദറലി ശിഹാബ് തങ്ങൾ ഉദ്ഘാടനം ചെയ്തു. ശൈഖുനാ അത്തിപ്പറ്റ മൊയ്തീൻ കുട്ടി മുസ്ലിയാർ സ്ഥാനവസ്ത്ര വിതരണം നിർവഹിച്ചു. സ്വാഗത സംഘം ചെയർമാൻ പാണക്കാട് സയ്യിദ് ബശീറലി ശിഹാബ് തങ്ങൾ അധ്യക്ഷനായി. പി. കുഞ്ഞാണി മുസ്ലിയാർ സനദ് ദാന പ്രഭാഷണം നടത്തി. സമസ്ത ജനറൽ സെക്രട്ടറി പ്രൊഫ.കെ.ആലിക്കുട്ടി മുസ്ലിയാർ അനുഗ്രഹ പ്രഭാഷണം നിർവഹിച്ചു. അൽ അസ്ഹർ യൂണിവേഴ്സിറ്റി മെഡിക്കൽ കോളജ് പ്രിൻസിപ്പൾ ഡോ.ഇസ്ഹാഖ് അബ്ദുൽ ആൽ അബ്ദുൽ അലി, ഇന്റർ നാഷണൽ ഇസ്ലാമിക് യൂണിവേഴ്സിറ്റി ലീഗ് ഡയറക്ടർ ഡോ.വലീദ് അബ്ദുൽ മുൻഇം അസ്സഈദ് ഈജിപ്ത്, എം.ഡി അബ്ദുൽ വഹാബ് ദത്ത് മലേഷ്യ, ദഅവാ ഇൻസ്റ്റിറ്റ്യൂഷൻ ഓഫ് തുർക്കി ഡാക്ടർ ഡോ. സഊദ് ജനാൻ എന്നിവർ മുഖ്യാതിഥികളായി. പ്രൊഫ.അബ്ദുൽ ഹക്കീം ഫൈസി വാഫീസന്ദേശം കൈമാറി. എം.ടി അബ്ദുല്ല മുസ്ലിയാർ, സയ്യിദ് മുഹമ്മദ് കോയ തങ്ങൾ ജമലുല്ലൈലി, ശൈഖുനാ അത്തിപ്പറ്റ മൊയ്തീൻ കുട്ടി മുസ്ലിയാർ, എം.പിമാരായ പി.കെ കുഞ്ഞാലിക്കുട്ടി, പി.വി അബ്ദുൽ വഹാബ്, ഇ.ടി മുഹമ്മദ് ബഷീർ, എം.ഐ ഷാനവാസ്, ഡോ.ബഹാഉദ്ധീൻ മുഹമ്മദ് നദ് വി, കാലിക്കറ്റ് സർവ്വകലാശാല വി.സി ഡോ.കെ.മുഹമ്മദ് ബഷീർ, കെ.എ റഹ്മാൻ ഫൈസി കാവനൂർ, പി.കുഞ്ഞാണി മുസ്ലിയാർ, എം.എം മുഹ്യുദ്ധീൻ മുസ്ലിയാർ ആലുവ, കെ.ടി ഹംസ മുസ്ലിയാർ വയനാട്, വി.മൂസക്കോയ മുസ്ലിയാർ, കെ.പി.എ മജീദ്, ചെറുവാളൂർ ഹൈദ്രോസ് മുസ്ലിയാർ, സയ്യിദ് കെ.ടി തങ്ങൾ, സി.എം കുട്ടി സഖാഫി വെള്ളേരി, പി.കെ അബ്ദുറബ്ബ് എം.എൽ.എ, പി.കെ ബഷീർ എം.എൽ.എ, പി.ഉബൈദുല്ല എം.എൽ.എ, മെട്രോ മുഹമ്മദ് ഹാജി, ചെമ്മുക്കൻ കുഞ്ഞാപ്പു ഹാജി, എം.പി മുസ്തഫൽ ഫൈസി, സെയ്ത് മുഹമ്മദ് നിസാമി, അബ്ദുസ്സമദ് പൂക്കോട്ടൂർ, നാസർ ഫൈസി കൂടത്തായി, കാടാമ്പുഴ മൂസ ഹാജി, കോട്ടക്കൽ സൈതലവി ഹാജി, ഹസൻ സഖാഫി പൂക്കോട്ടൂർ, എം.സി മുഹമ്മദാജി, പി.എം.എസ്.തങ്ങൾ തുവ്വൂർ, ബാലത്തിൽ ബാപ്പു ഹാജി, ഒ.പി കുഞ്ഞാപ്പു ഹാജി, ഒ.ടി.മുസ്തഫ ഫൈസി, എൻ.വി മുഹമ്മദ് ബാഖവി, എം.പി മുഹമ്മദ് മുസ്ലിയാർ കടുങ്ങല്ലൂർ, പനോളി ചെറീത് ഹാജി, താജുദ്ധീൻ വാഫി, ടി.കെ.എം അബ്ദു മുസ്ലിയാർ, കെ.പി.എം.എസ് ഇണ്ണി തങ്ങൾ സംബന്ധിച്ചു...
