Lunglei District Cricket Association LDCA

31/03/2026

*HNAHTHIAL DCA TOUR TO LUNGLEI DCA*

Hnahthial DCA ten 5th Inter District Cricket Tournament Serchhip khawpuia neih tur inbuatsaih nan Lunglei DCA te inkhelh puiah min sawm angin Lunglei DCA te chuan Lunglei khawpuia mual tha ber C. Thuamluaia Mual ah kan lo mikhual a.
Hnahthial DCA te President Pu Dina hovin dar 11 velah an lo thleng a. Match tan nghal ani. Match Summary hetiang hi a ni;

Toss ah Lunglei DCA te chakin Bat hmasak an thlang a, Over 20 ah Run 214 vaw chhuakin mi 4 an Out a.
Sachin Prajapati : Runs 123/42 Balls (not out)
Malsawmtluanga Rivung : Runs 26/21 Balls
Hnahthial DCA atangin Emmanuel Lalthantluanga, H. Vanlalruata leh H. Lalruatdika ten wicket 1 theuh an la.

2nd Innings ah Hnahthial DCA tan Emmanuel Lalthantluanga'n Ball 42 ah Run 51 a siam a. Hnahthial DCA tan siam tam ber a ni. Hnahthial DCA ten Run 138 an siam hman a, Over 20 a zo hman. Lunglei DCA bowler atangin Charles Bronson, Jack Lalnunmawia leh LH. Lalsangzuala ten wicket 2 theuh an la a.

Lunglei DCA te Runs 80 in hnehna an chang a ni.

Lawmthu sawina : Hnahthial DCA ten Lunglei DCA te inkhelhpui-ah min sawm hi thinlung takin lawmthu kan sawi a. Tun hi a tawpna ni nghal mai lo se kan duh a. In hman tlan hun apiangin min lo khelhpui turin kan sawm a che u..

Lunglei DCA te mihring ve bawk kan nih avangin Hnahthial DCA te kan lo dawn sawn naah fello palh emaw duhthusam lo lai leh duat in ngaihna laiah kan in duat tawk loh lai a awm kan ring, chutiang alo awm anih chuan min ngaidama kan tihsual te min theihnghilh sak turin kan inngen ani e.

*Issued by : Media & Documention Committee, Lunglei DCA*

19/03/2026

LUNGLEI DCA SEASON OPENING TOURNAMENT KHELH ZAWH A NI TA

Lunglei District Cricket Association buatsaih Season Opening Cricket Tournament chu zawh fel ani ta.
Lunglei District chhungah Lunglawn Cricket Club ten ro an rel.
Lunglei DCA buatsaih Season Opening Cricket Tournament chu ni 16th March atanga khelh tan kha ani a, Team 8 chhuakin LMC Area atangin Team 7 leh LMC Area pawn lam atangin Team 1 te an ni.

Team chhuak te hi a then chu an vawikhat Tournament lo khel te an ni a, Lunglei DCA hruaitute chuan an ngaihluin vawikhatna atana Tournament lo fight tu zawng zawngte chungah thinlung takin lawmthu kan sawi e.

Vawiin Match summary;

First Innings: Chanmari Cricket Club ten Toss chakin Batting hmasak an thlang a. Over 20 hmang zovin Run 134 an siam a, Chanmari Cricket Club tan hian C. Lalthazuala'n run 28 a vaw chhuak a, Malsawmtluanga Rivung in run 26 a vaw chhuak bawk.
Lunglawn Cricket Club bowling a chhe hran lo a, Sachin Prajapati leh LH Lalsangzuala'n wicket 2 ve ve an la a ni.

Second Innings: Lunglawn lamin bat ve lehin Lunglawn tan hian Sachin-a'n mimalin Run 80 zet a vaw chhuak a. Z. Lalramthara'n Run 22 a siam bawk. Lunglawn Cricket Club te an target 135 chu Over 14.1 ah an um chhuak a ni. Final match ah hian Sachin Prajapati chu Man of the Match ah thlan ani.

Tournament chhung zawng zawnga khel thaber hnena lawmman an sem Man of the Tournament pawh Sachin Prajapati, Lunglawn Cricket Club hnenah pek ani. Chamari Cricket Club player Chales Bronson'n Buarpui lakah Wicket 5 lai a la a, Tournament chhunga 5 wicket haul thei awmchhun ani.

Lunglei DCA hnuaia Affiliated Club ten nasa takin hma an sawn a, Lunglei khawpui chhunga Veng lian deuh te chuan Cricket Club an neih theih nan hian Lunglei DCA hruaitute chuan nasa takin hma an la zel.

Lunglei DCA te hian k*min bikah chhim lamah Cricket hmasawn anih theih nan nasa takin hma an la a, Hnahthial, South Vanlaiphai, Chithar lamah te Promotional Fund hmangin an lo fehchhuak tawh a. Hun hmasa berah District chhunga khaw lian deuhah te chuan kal leh turin ruahmanna siam mek e..

Tournament dang hi Naupang pual leh Puitling pual turin May thla chhungin vawikhat neih leh tura ruahmanna siam mek a ni.

Lunglei DCA Season Opening Cricket Tournament hi C. Thuamluaia mualah khelh niin Cricheros Apps hman ani.

Issued by : Media & Documention Cell, Lunglei District Cricket Association

16/03/2026

LDCA SEASON OPENING TOURNAMENT TAN A NI

Lunglei DCA in k*m tina a buatsaih thin Lunglei District Cricket Association Season Opening Cricket Tournament chu vawiin Dt. 16th March 2026 atangin C. Thuamluaia Mual ah neih tan a ni. Tournament hian tunkar a daih tur ani ang.

Season Opening Cricket Tournament ah hian Team pariat an tel thei a, District anga kan lawmna chu a vawi khatna atan LMC area pawn atangin Buarpui Cricket Club te he tournament khel turin an lokal ve.
Team pariat te chu ;
1. Zobawk Cricket Club
2. Lunglawn Cricket Club
3. Cricket Club Ramthar
4. Chanmari Cricket Club
5. Venglai Cricket Club
6. Bazar Veng Cricket Club
7. Young Peoples' Cricket Club, Serkawn
8. Buarpui Cricket Club

Vawiin Tournament ni hmasa berah match hnih khelh a ni a,

1st Match ah YPCC Serkawn leh Venglai Cricket Club te in hmachhawnin YPCC, Serkawn lamin over 20 ah run 216 zet siamin run 89 in hnehna an chang a ni.

YPCC lam atan hian Rohlua'n run 133 a siam chhuak a. Player of the Match ah thlan nghal a ni.

2nd Match ah Lunglawn Cricket Club leh Bazar Veng Cricket Club te in hmachhawnin Lunglawn lamin bat hmasa in over 20 ah Run 192 siamin, 5 an out hman a. 2nd Innings ah Bazar Veng lamin batting lehin Run 80 an siam hman tiah an all out a. Lunglawn Cricket Club ten Run 112 in hnehna an chang. Lunglawn tan Z. Lalramthara'n Run 52 siamin Sachin'an Run 48 a siam bakah LH. Lalsangzuala'n run 38 a siam bawk.

Tihian naktuk Dt. 17th March 2026 tukthuan eikham dar 10ah 1st Match chu Chanmari Cricket Club leh Cricket Club Ramthar inkarah khelh ani anga, dar 1 ah Buarpui Cricket Club ten Zobawk Cricket Club te an lo hmachhawn bawk ang.
Tournament ah hian Cricheros hman a ni.

Issued by : Media & Documentation Cell, Lunglei DCA

04/03/2024

SAWMNA
🏏🏏🏏

Cricket Association of Mizoram (CAM) leh Lunglei District Cricket Association (LDCA) te tangkawp chuan Mizoram Under 15 Women Cricket Team a tel turin selection an kalpui dawn a. State players nih theihna kawng awlsam tak a in hawng dawn a ni.

Under 15 Girls trial hi District dangte chuan Aizawlah kal chilhin an nei dawn a, Lunglei mi te tan chuan Lunglei hmunah 1st Trial neih tur ani dawn a, 1st Trial atangin mi 5 thlanchhuah tur ani a, tlingte veivahna senso tum sak an ni ang.

1st Trial paltlang tur hian Bat hum/vuak emaw Ball vawm dik a ngai hran dawn lo a, Athelete angin an che thei em tih chiah endik an ni ang..

Trial tur te chu ni 01/Sept/2009 atanga ni 31/Aug/2011 inkara piang an ni tur a ni. Naupang hi k*m dik tak thlan tur a ni a, probables a tel tawh chu BCCI in BONE TEST a ti veka, an tla tho zel, bakah, an document - birth certificate bakah marksheet thlengin an check vek bawk, chuvangin a hnuaia tarlan ni hian mahni Educational Certificate, Aadhar Card, lo keng theuh turin kan inngen nghal ani e.

In tu fa ten infiamna hlawk tak atangin eizawnna an neih theih nan a hnuaia hmun leh hunah hian lo kaltir ve ta che..

A hmun : Lunglawn Mual

A hun : Dt. 05/March/2024 (Tuesday) 11:00 A.M.

Hrechiang duh tan LDCA Secretary 📱(9089 669 859)office hun chhungin a biak theih reng e.

Secretary
LDCA

06/01/2024

CADC CA Tour Report
🏏🏏🏏

Dt. 03th Jan 2023 khan LDCA chuan Tour program kan nei a, CADC Cricket Association (Chawngte) te tlawhin he hun hi hman ani a, tukthuan eikham dar 9:00 ah Chawngte panin kan kal a, dar 2:00 velah kan thleng a, CADC Cricket Association hruaitute ten Chakma Rest House ah min lo dawngsawng a. Hruaituten hun thawl tak neiin t**i hona hun pawh kan nei thei a ni.

A tuk leh Ni 04th Jan 2023 ah Chawngte 'C' Football Field ah CADC Cricket Association te nen Friendly Match khelh ani.

LDCA lamin Toss chakin Bat hmasak kan thlang a, Lunglei atanga players tha tha kal an nih avangin beiseina sang tak nen Yeahyea leh PT. Lalrinnunga ten bul an tan a. Chakma Bowlers tha te hmaah LDCA players te kan khelh tam loh a lang chho a, Batting line a collapse chho ta a, Run 129 kan siam hman tiah kan all out ta tlat mai.
Second Innings ah Chakma lamin bul an tan leh a, Wicket 5 an hlauh ve mai a, an dinhmun a derthawng chho ve mai dawn emaw tih laiin Julias-a leh Krishna Kanti Chakma ten inkhel an lo thunun hman a, harsa lo tein Over 17 na ah Target an chase chhuak ta a ni.

LDCA ten beisei ang result nei lo mah ila, insiamthat kan ngaihna lai te kan inhre thei a. Team Combination a tha chho zel turah beisei a ni. Tin, Players ten hun remchang a awm anih chuan District hla lo dangte pawh la tlawha hun hmanpui nise tiin Tour program a zawngchhang thlak zia an sawi.

He Tour Program kan neih theih nana a tul ang ang min ngaihtuah saktu LDCA Hruaitute chungah lawmthu kan sawi a, hneh taka min lo dawngsawng tu CADC Cricket Association te chungah lawmthu kan sawi bawk a, Players te inpekna avangin lawmthu kan sawi bawk e...
Cricket Association of Mizoram
David Chakma

https://fb.watch/ppkCxtyGlx/?mibextid=Nif5oz

Sd/-
Secretary
LDCA

29/12/2023

ASSOCIATE LAWMNA TOURNAMENT REPORT

Lunglei District Cricket Association chuan Associate a hlankai lawmna atan tournament a buatsaih a. Thuamluaia mual awl hun remchangah lain nikhatah match 3 khelin Final tan pawh ni hran ruat lovin a zawna khelh tir niin ni 2 chhungin he tournament hi zawh fel a ni. He Tournament ah hian team 6 te an in lan thei.

Nimin (Dt 27th/12/2023 lam First match ah Lunglei Warriors leh YPCC Serkawn te an in hmachhawn a, YPCC lamin hnehna an chang a, Final an lut nghal a ni. Second match ah Lunglawn ten Venglai Cricket Club te an hmachhawn leh a, Lunglawn vannei zawkah an tang a, 3rd match ah Chanmari lamin hnehna an chang a ni.

Dt 28th/12/2023 ah Lunglawn leh Chanmari CC te in tum lehin Lunglawn lamin hnehna an chang a, FINAL ah an lut ve nghal bawk.

Final match ah Lunglawn leh YPCC te intum hi match hmuhnawm a tling pha a, Lunglawn CC lamin Toss ah chakin Bating an thlang a, Run 139 siamin YPCC tan target 140 an hnutchhiah a ni.
YPCC lamin run chase tumin theihtawp an chhuah a, khua a thim t**ih tawh leh over zo tep tihah Run 139 an siamin over a zo hman a, match a tie (Draw) ta a ni.

Super Over khel tur ani a, mahse khua a thim hnan tawh avangin LDCA President in Lunglawn Cricket Club hruaitute be rawnin YPCC zawk chu Champion ah a puang ta zawk a ni. He match hi a hmuhnawmin Lunglei District tan chuan ni chhinchhiah thlak a tling a ni.

LDCA President Pu Lalrotluanga (Pu Marova) chuan k*mthar atang chuan Tournament hi tun aia tam zawka buatsaih tum anih bakah Night Cricket ang pawhin hmalak anih tur thu a sawi bawk. Registration leh Club Management/Administration pawh tun aia kan kal uluk tur thu a sawi bawk.

Tournament a lo awm theih nana Associate a min hlankaitu CAM chungah lawmthu kan sawi a, tin Tournament a lo hlawhtlin theih nan phal taka mual min hman tirtu LDFA hruaitute chungah LDCA hruaitute ten thinlung takin lawmthu an sawi e. Club zawng zawngte an inpekna avangin LDCA hruaitute chuan thinlung takin lawmthu kan sawi e.

Sd/-
Secretary
LDCA

25/12/2023

Lunglei Dist. Cricket Association (LDCA) hmingin Lunglei District chhunga Cricket ngaina ve tu zawng zawngte Krismas chibai kan buk vek a che u..🎄🎄

He hun hi chhungkua a hlim leh lawm taka hmang turin duhsakna ka hlan che u..🙏🤝🤝

17/12/2023

*LDCA REPORT TAWI*

CAM atanga kan hruaitu lokal Hony. Secretary Pu P. Lalremruata (Pu Makuka) leh Hony Jt. Secretary Pu Lalfakawma Varte (Pu Faka) te nen Lunglei Dist. Cricket Association hruaitu te chuan Dt. 15th Dec 2024 (Friday) ah Lunglei khawpui chhunga cricket hmunhma te tlawh kualin hun an hmang a. Zing karah Serkawn hmunah Pitch siamna tur hmun te enin hun an hmang a, he hunah hian YPCC aiawhin an Club hruaitute an tel bakah khawtlang hruaitu aiawh pawh an tel ve. Lunglawn Pitch en leh nghalin Lunglei Dist. hruaituten khawpui chhungah Cricket Ground a awm theih nana hmunhma an lo hmuh tawh te en kual a ni a.

Tun tum Cricket Association of Mizoram atanga lo kal kan Hotu lian te hian Siaha leh Serchhip an tlawh nghal anga, an zin report hi karleh thawhlehni-ah CAM Apex General Meeting ah an thlen nghal ang. Lunglei Cricket hmasawnna an hmuhah a lungawithlak an ti a. Dist. hmalakna a kal zel nan theihtawp an chhuah tur thu an sawi bawk a ni.

14/12/2023

Dt. 14th December 2023 (Thursday) zanah Cricket Association of Mizoram atangin Hony. Secretary Pu P. Lalremtuata (Pu Makuka) leh Hony. Jt. Secretary Pu Lalfakawma Varte (Pu Faka) ten Lunglei District Cricket Association te min lo thlawh a.

Seasons Hotel ah inkawmna hun kan nei a, Hruaitu lokal te pualin zanriah buatsaih nghal ani a, hun thawl tak nen Lunglei Cricket tih hmasawnna ruhrel kan sawiho thei a.. District in kan mamawh ang angte ziakin kan thlen a, a tul anga hma min laksak chhunzawm zel pawh kan beisei e.. LDCA in hmabak eng tak kan neiin a lang...

02/07/2023

28/06/2023

Duleep Trophy(Cricket)-ah Mizo tlangval Joseph Lalthankhuma a in lan ta.

Duleep Trophy hi Cricket tournament lian te zinga mi niin, India ram hi Zone 6 ah an then a. Joseph Lalthankhuma hi North East aiawha khel niin, Mizo zinga khel thei hmasa ber a ni.

An hlawh pawh hi a chhe lem lo. Khuma hi a la naupangin, domestic match hi a la khel tam lova. BCCI in dan a siam angin match 40 la khel tling lo te hlawh atan, nikhat a Rs 40,000 la tura a tih chu vawiin hian a hlawh nghal dawn tihna anih chu.

North Zone nen hian ni 4 chhung an intum ang a. Chung atanga a match money hlawh tur zat chu Rs 1,60,000 tihna a ni. Tin, Ni 25 atanga in kulh tan tawh an nih avangin nitin DA hi Rs 3,500 an khelh loh ni pawhin an la tel zel bawk. Tichuan, match khat a a hlawh tur zat chu lo chhut tawh mai tur ☺️

An chak chuan Semi Final-ah South Zone an hmachhawn ang a. Khelh tam leh hlawh tam tihna a ni ber mai e.

He Tournament hi July ni 18 thleng khelh tura ruahman niin, chak chho zel turin duhsakna kan hlan a. Tin, he Tournament hlut em em na pakhat chu; India team selector te hian an en zel avang hian, khel tha tan chance a tha zual hle.

Inkhel.com atanga kharchhawn ani e.