20/12/2022
*ഒരെത്തിനോട്ടം*
2020 ജനുവരി പന്ത്രണ്ടാം തീയതി തോട്ടറയുടെ മണ്ണിൽ നടന്ന കോട്ടയം അതിരൂപതാതല വടംവലി മത്സരം കാണികളെ ആവേശത്തിലാഴ്ത്തി മ്രാല ടീം കപ്പ് ഉയർത്തിയപ്പോൾ വരാനിരിക്കുന്ന നിരവധി മത്സരങ്ങൾക്കുള്ള തുടക്കമായിരുന്നു, പക്ഷേ നിർഭാഗ്യവശാൽ കോവിഡ് എന്ന മഹാമാരിയിൽ ലോകം മൊത്തം നിശ്ചലമായപ്പോൾ നമ്മളും വടംവലി കോർട്ടും ഉറങ്ങേണ്ടിവന്നു, ഏകദേശം രണ്ടു വർഷത്തോളം നീണ്ട കാത്തിരിപ്പിനൊടുവിൽ ചേർപ്പുങ്കലിന്റെ മണ്ണിൽ മത്സരം നടക്കുകയും തോട്ടറ എന്ന രാജാക്കന്മാരുടെ വരവിന് സാന്നിധ്യം പകരുകയും ചെയ്തു. 📣📣
2022 ഫെബ്രുവരിയിൽ മോനിപ്പള്ളിയിൽ നടന്ന ടൂർണമെന്റിൽ കപ്പു നില നിർത്തിക്കൊണ്ട് തോട്ടറ തങ്ങൾ അജയ്യരാണെന്ന് തെളിയിച്ചു. 🎗️🎗️
2022 മെയ് ഒന്നാം തീയതി കൂടല്ലൂരിൽ വച്ച് നടന്ന ക്നാനായ വടംവലി ചാമ്പ്യൻഷിപ്പ് കോട്ടയം അതിരൂപത തല വടംവലി മത്സരങ്ങൾക്ക് പുതിയ മാനം നൽകുകയും തെക്കൻസ് ചേർപ്പുങ്കൽ എന്ന രാജാധി രാജാക്കന്മാർ കപ്പ് ഉയർത്തുന്ന നിമിഷത്തിന് കൂടല്ലൂർ സാക്ഷ്യം വഹിച്ചു.🎖️🎖️
കാലവും സമയവും കടന്നുപോകുന്ന നിമിഷങ്ങളിൽ ഇനിയൊരു ക്നാനായ വടംവലി മത്സരം വേണം എന്ന ആശയവുമായി തന്നെ സമീപിച്ച തൊമ്മനും മക്കളും കൂട്ടായ്മയോട് നീതി പുലർത്തിക്കൊണ്ട് വടംവലി ലോകത്ത് പകരം വെക്കാൻ ഇല്ലാത്ത നാമധേയം മെജിറ്റ് കുറുപ്പന്തറ ഒറ്റയാൾ പോരാട്ടത്തിലൂടെ കുറുപ്പന്തറ ഇടവക സമൂഹത്തിനെയും കൂട്ടുപിടിച്ചുകൊണ്ട് നടത്തിയ അഞ്ചാൾ പോരാട്ടം പുതുചരിത്രം എഴുതിയപ്പോൾ പുതിയ ചാമ്പ്യന്മാരും ആ ചാമ്പ്യന്മാരായി ഉഴവൂരിന്റെ മക്കളും വാഴ്ത്തപ്പെട്ടു. 🏆🏆
കോട്ടയം, എറണാകുളം, ഇടുക്കി, എന്നീ പ്രദേശത്ത് മാത്രമായി ഒതുങ്ങി നിന്ന കോട്ടയം അതിരൂപത തല വടംവലി മത്സരത്തിന് കൂടുതൽ മിഴിവേകുവാനും കൂട്ടായ്മകൾ വളർത്തുവാനും വേണ്ടി മടമ്പം ഫൊറോനാ സംഘടിപ്പിച്ച ഫൊറോന തല വടംവലി കോട്ടയം അതിരൂപതല വടംവലിയായി മാറ്റിയെടുക്കാൻ തൊമ്മനും മക്കളും കൂട്ടായ്മ പരിശ്രമിച്ചതിന്റെ ഒരു വിജയമായിരുന്നു, പയ്യാവൂർ നടന്ന വടംവലി മത്സരം. മലബാറിന്റെ മണ്ണിൽ നിന്നും 15 ടീമുകളും കോട്ടയത്തു നിന്നും 13 ടീമുകളും പങ്കെടുത്ത ഈ പോരാട്ടത്തിൽ ഉഴവൂർ സെൻറ് സ്റ്റീഫൻ ടീം ചാമ്പ്യൻ പട്ടവും കൈക്കലാക്കി കോട്ടയത്തേക്ക് വണ്ടി കയറി.🥁🥁
പയ്യാവൂരിന്റെ ആവേശം ഉൾക്കൊണ്ട് പെരിക്കല്ലൂർ, ക്രൈസ്റ്റ് നഗർ, സംയുക്തമായി നടത്തിയ ടൂർണമെന്റിൽ ഉഴവൂർ ടീം തങ്ങളുടെ ജൈത്ര യാത്ര തുടർന്നപ്പോൾ സെമിഫൈനലിൽ ഇടംപിടിച്ചുകൊണ്ട് മൂന്നു മലബാർ ടീമുകൾ തങ്ങളുടെ കരുത്തു തെളിയിച്ചു.♻️♻️♻️
മലബാറിൽ നിന്നും പകുത്തു കിട്ടിയ ആവേശം ഉൾക്കൊണ്ടുകൊണ്ട് നീണ്ടൂര് സംഘടിപ്പിച്ച വടംവലി മത്സരത്തിൽ 34 ടീമുകളുടെ പങ്കാളിത്തം വളരെ ശ്രദ്ധേയമായി. ഈ ടൂർണമെന്റിലും കപ്പ് ഉയർത്തിക്കൊണ്ട് ഉഴവൂർ തങ്ങൾ അജയരാണെന്ന് തെളിയിച്ചു.🔥🔥
കോട്ടയത്ത് നിന്നും ദീപശിഖയുമായി ഇടുക്കിയുടെ മണ്ണിൽ കരിങ്കുന്നത് നടത്തപ്പെട്ട മത്സരം ചരിത്രത്തിലെ താളുകളിൽ എന്നും തങ്ക ലിപികളാൽ എഴുതപ്പെട്ടിരിക്കും, സംഘാടക മികവിന് പേരുകേട്ട കരിങ്കുന്നം മത്സരം ആവേശത്തിൽ ആറാടിയപ്പോൾ മലബാറിൽ നിന്നും ആദ്യമായി ഒരു ടീം പൂർവപിതാക്കന്മാരുടെ നാട്ടിലേക്ക് ഇറങ്ങി കനക കിരീടവുമായി മലബാറിലേക്ക് പഴയ കുടിയേറ്റത്തിന് ഓർമ്മകളുമായി യാത്ര തുടങ്ങിയപ്പോൾ അതിന് മുന്നിൽനിന്ന് നയിച്ചത് സെൻറ് സ്റ്റീഫൻസ് ചമുതച്ചാൽ ആയിരുന്നു.🚌🚌
ആവേശം അല കടലായി കാലം മുന്നോട്ടു പോകുമ്പോൾ മള്ളുശ്ശേരി റോയൽ ക്നാനായ ക്ലബ്ബ് സംഘാടനവുമായി മുന്നോട്ടുവന്നപ്പോൾ കോട്ടയം അതിരൂപതാ തല വടംവലി മത്സരത്തിന് എന്നും ലോകമെങ്ങും വടംവലി പ്രേമികൾ ക്നാനായ വടംവലിയെ നെഞ്ചിലേറ്റുന്ന കാഴ്ചയാണ് കാണുവാൻ കഴിഞ്ഞത് നീണ്ട രണ്ട് പതിറ്റാണ്ട് കാത്തിരുന്ന കനക കിരീടം ഒളശ്ശയുടെ മണ്ണിലേക്ക് വണ്ടി കയറുന്നതും ലോകം ആവേശത്തോടെ കണ്ടു.💫💫
2022 എന്ന വർഷം തീരുകയാണല്ലോ എന്ന് ദുഃഖിച്ചിരുന്ന വടംവലി പ്രേമികൾക്കിടയിലേക്ക് ഒരു അടാർ സമ്മാനവും ആയാണ് കരിപ്പാടം സെന്റ് മേരിസ് ഇടവക കടന്നുവന്നത് ക്നാനായ വടംവലി ചരിത്രത്തിലെ ഏറ്റവും വലിയ സമ്മാനത്തുകയുമായി അരങ്ങേറിയ മത്സരത്തിൽ, കോട്ടയം അതിരൂപതാ തല വടംവലി രംഗത്ത് ആരും ചെറുതല്ല ആരും വലുതല്ല എന്ന് തെളിയിച്ച പോരാട്ടത്തിൽ പയ്യാവൂർ സെൻറ് ആൻസ് ടൗൺ ടീം ചാമ്പ്യന്മാരായി കപ്പുമായി പയ്യാവൂർ പള്ളിയിലേക്ക് നടത്തിയ ഘോഷയാത്ര ലോകമെങ്ങും വൈറൽ ആയത് നമ്മളെല്ലാവരും കണ്ടതാണ്.👏👏
ലോകം ഒരു കാൽപന്തിലേക്ക് ചുരുങ്ങിയ അവസ്ഥയിൽ പോലും കമ്പവലി എന്ന പോരാട്ടവീര്യത്തെ നെഞ്ചിലേറ്റിയ തെക്കൻസ് ചേർപ്പുങ്കൽ ടീമും, ഇടവകയും സംയുക്തമായി നടത്തിയ 2022ലെ അവസാന പോരാട്ടത്തിൽ അമ്മയ്ക്കൊരു കപ്പ് എന്ന പ്രതിജ്ഞയുമായി പടപൊരുതി, മുത്തിയമ്മയുടെ തിരുനടയിലേക്ക്, കനക കിരീടവുമായി യാത്രതിരിച്ച കടുത്തുരുത്തിയുടെ, ചാമ്പ്യൻ പ്രഭാവവുമായി ഈ വർഷം അവസാനിക്കുന്നു.🤝🤝🏻
💥💥ഒന്നും ഇവിടെ അവസാനിക്കുന്നില്ല, പുതിയ തുടക്കം, പുതിയ വർഷം, 2023ലെ രണ്ടാം ദിവസം ജനുവരി രണ്ടാം തീയതി ഇടക്കാലം കൊണ്ട് കൊഴിഞ്ഞു പോയെങ്കിലും ജനമനസ്സുകളിൽ എന്നൊന്നും ഓർമ്മയായി ജ്വലിച്ചുകൊണ്ടിരിക്കുന്ന ഷാജി അച്ഛൻറെ ഓർമക്കായി🙏🏻🙏🏻 കടുത്തുരുത്തി പാഴ്തുരുത്തിലൂടെ പുതുവർഷം ആരംഭിക്കുമ്പോൾ ക്നാനായ വടംവലി ലോകത്തിലെ തേടിയെത്തുന്നത് നിരവധി ചാമ്പ്യൻ പോരാട്ടങ്ങളാണ്. ഇന്നുവരെ കാണാത്ത ചാമ്പ്യൻ സമ്മാനങ്ങളും സമ്മാനത്തുകളുമായി കോട്ടയം അതിരൂപതയിലെ വടംവലി സംഘാടകർ നിരനിരയായി അണിനിരക്കാൻ തയ്യാറെടുക്കുന്നു കാത്തിരിക്കാം വരാൻ പോകുന്ന അസുലഭ നിമിഷങ്ങൾക്കായി.🎊🎊
P R O
തങ്കച്ചൻ
കോതനല്ലൂർ
തൊമ്മനും മക്കളും ക്നാനായ വടംവലി കൂട്ടായ്മ
