29/01/2022
खराडी येथील ऐतिहासिक कुस्ती मैदानात राम सारंग सर यांचा चांदीची गदा देऊन गौरव.
१९८२ सालच्या राष्ट्रकुल स्पर्धेत देशाला सुवर्ण पदक मिळवून देणारे कोल्हापूरचे सुपूत्र पैलवान राम सारंग सर यांचा खराडी येथील कुस्ती मैदानात चांदीची गदा देऊन गौरविण्यात आले. कुस्तीतील दानशूर कर्ण अर्थात आदरणीय पंढरीनाथ पठारे आण्णा यांच्या ७४ व्या वाढदिवसा निमित्ताने चंदननगर खराडी, पुणे येथे ऐतिहासिक कुस्ती मैदान पार पडले. या मैदानात राज्यातील महाराष्ट्र केसरी, हिंद केसरी व आंतरराष्ट्रीय स्पर्धेत चमकलेल्या अनेक मल्लांचा सन्मान करण्यात आला पण पठारे अण्णांनी राष्ट्रकुल स्पर्धेत प्रतिकूल परिस्थितीत पदक मिळवून देणारे पैलवान रघुनाथ पवार , राहुल आवारे व राम सारंग सर यांचा प्रत्येकी दोन किलो चांदीची गदा व रोख ३१ हजार रुपये देऊन विशेष सन्मान करण्यात आला.
राम सारंग सर यांनी राष्ट्रकुल स्पर्धेत पदक मिळवले नंतर कुस्ती पंढरी कोल्हापूर येथे गेल्या चार दशकापासून अनेक राष्ट्रीय व आंतरराष्ट्रीय पैलवान घडवण्याचे काम केले आहे. आजही ग्रामीण भागातील कुस्ती जिवंत ठेवण्यासाठी सारंग सर नेहमी प्रयत्न करत करत असतात. पाच वर्षांपूर्वी कोल्हापूर शहरात सारंग सरांनी लोक वर्गणीतून राष्ट्रकुल कुस्ती संकुल उभा केले असून भविष्यात चांगले खेळाडू इथल्या मातीत तयार व्हावे यासाठी आजही दिवसरात्र मुलांना कुस्ती प्रशिक्षण देण्याचे काम आहेत. पैलवान पंढरीनाथ अण्णांनी कुस्तीसाठी संपूर्ण आयुष्य खर्ची घातलेल्या एका तपस्वी व्यक्तीचा सन्मान केले बद्दल कुस्ती शौकीन वर्गातून समाधान व्यक्त करण्यात येत आहे
धन्यवाद
*कुस्ती हेच जीवन सोशल मीडिया टीम.*
