12/08/2026
ഐ.പി.എല്: സഞ്ജു സാംസണ് ക്യാപ്റ്റന് സ്ഥാനത്തേക്ക്; ധോണിക്ക് പുതിയ റോള് !
ഇന്ത്യൻ പ്രീമിയർ ലീഗ് 2027 സീസണിനായി ടീമുകള് ഒരുക്കങ്ങള് ആരംഭിച്ചു കഴിഞ്ഞു. ട്രേഡുകളും ഫിറ്റ്നസ് ക്യാംപുകളും സജീവമായി നടക്കുമ്പോള്, മുൻ ചാമ്പ്യന്മാരായ ചെന്നൈ സൂപ്പർ കിങ്സ് തങ്ങളുടെ കഴിഞ്ഞ വർഷങ്ങളിലെ പിഴവുകള് തിരുത്തി ശക്തമായ തിരിച്ചുവരവിനാണ് തയ്യാറെടുക്കുന്നത്. 2023-ല് കിരീടം ചൂടിയതിന് ശേഷം സി.എസ്.കെയ്ക്ക് കാര്യമായ തിളക്കം കാഴ്ചവെക്കാനായിരുന്നില്ല.
ഇതിന്റെ ഭാഗമായി ടീമില് വലിയ അഴിച്ചുപണികളാണ് നടക്കുന്നത്. ആദ്യ പടിയായി പരിശീലകൻ സ്റ്റീഫൻ ഫ്ലെമിങ്ങിനെ ഒഴിവാക്കി പകരം മൈക്കല് ഹസിയെ പുതിയ പരിശീലകനാക്കാനുള്ള ചർച്ചകള് പുരോഗമിക്കുകയാണ്. കൂടാതെ റുതുരാജ് ഗെയ്ക്വാദെ നായകസ്ഥാനത്ത് നിന്ന് മാറ്റിയേക്കുമെന്നും, പകരം സഞ്ജു സാംസണെ അടുത്ത സീസണില് നായകനായി കൊണ്ടുവന്നേക്കുമെന്നുമാണ് സൂചനകള്.
ഇതിനിടയില് പേസ് ഓള്റൗണ്ടർ ഹാർദിക് പാണ്ഡ്യയെ ടീമിലെത്തിക്കാൻ സി.എസ്.കെ ശ്രമം നടത്തിയെങ്കിലും, അദ്ദേഹത്തിന് ക്യാപ്റ്റൻ സ്ഥാനം ആവശ്യമായതിനാല് ഈ കൂടുമാറ്റം നിലവില് അസാധ്യമായി മാറിയിരിക്കുകയാണ്. അതേസമയം, എം.എസ്. ധോണി അടുത്ത സീസണില് കളിക്കാരനായി തുടരില്ലെന്ന് ഏകദേശം ഉറപ്പായിട്ടുണ്ട്. എങ്കിലും ടീമിന്റെ മെന്റർ ആയി അദ്ദേഹം തുടരാനുള്ള സാധ്യതകളാണ് കൂടുതലുള്ളത്.
