26/02/2023
موسى عليه السلام ديوې پيغلې اوځوان واده ته دعوت شوي و، په واده کې خوشحالي وه، ځوان او پېغله هم خوشحال او خندان وو.
د شپې په اخيره کې حضرت موسى (ع) د دوى د بام په سر عزرائيل وليده او د هغه څخه يې پوښتنه وکړه چې څنګه راغلى يې او دلته څه کوې؟
عزرائیل وويل:
نن شپه د خداى ﷻ په امر د ناوي او زوم څخه روح اخلم. يو تور مار به راشي دوى به وچيچي او زه به يې روح واخلم. موسى عليه السلام په چورت کې لاړ، چې سبا شو راغلو تر څو د نېک عمله ځوان او پيغلي په جنازه کې ګډون وکړي، چې ګوري ځوان او پېغله خوشحاله ولاړ دي او پېغمبر يو تور مار هم مړ او پروت وليده.
حضرت موسى عليه السلام دالله ﷻ څخه د دوى د عمر د اوږد والي پوښتنه وکړه؟
جبرائيل راغى او ورته يې وويل، چى د ناوي او زوم څخه د دوى د اعمالو پوښتنه وکړه.
موسى عليه السلام راغى او د دوى څخه يې پوښتنه وکړه.
دوى ورته وويل چې کله ټول خلګ لاړل او رخصت شول شپه کې يو غريب سوالګر راغى او دروازه يې ارامه ټک ټک کړه، چې کله زه دروازې ته ورغلم هغه راته وويل چې د لیري کلي څخه راغلى يم او خبر شوى يم، چې ستاسو واده دى. دا څو ورځي مې مناسبه ډوډۍ نه ده خوړلي نن به موږ هم خوږه ډوډۍ وخورو.
نوره ډوډۍ نه وه پاته يواځي د ناوي لپاره لږ ډوډۍ پاته وه، زه نا اميده په دروازه کې پاتې شوم چې ګورم ناوي سوالګر ته ډوډۍ راوړه او هغه سوالګر ته يې ورکړه او زموږ لپاره يې د اوږده عمر دُعا وکړه.
کله چې چپرکټ ته راتلو، د ناوي څخه يو دروند دېګ په چپرکټ ولوېده چې هغه تور مار پرې ولګيده او مړ شو او موږ ټوله شپه په عبادت تېره کړه.
جبرايل وويل:
اى موسى! په دې پوهه شه چې صدقه د ټولو بلاګانو مخه نيسي او د عمر د اوږوالي سبب هم ګرځي.
که مو لوستلي وي کمنټ کي سبحان الله ولیکئ او شیر یې کړئ.
