11/12/2025
International Mountain Day
गुरुवार दिनांक : 11 डिसेंबर 2025
स्थळ : स्वातंत्र्यवीर राजगुरू माध्यमिक विद्यालय, साकडबाव स्वातंत्र्यवीर राजगुरू माध्यमिक विद्यालय साकडबाव येथे हा दिवस 11 डिसेंबर 2025 रोजी माउंटेनियर्स असोसिएशन डोंबिवली या संस्थेच्या वतीने उत्साहात साजरा करण्यात आला. कार्यक्रमाची वेळ सकाळी 11.00 ते दुपारी 1.00 अशी होती.
या कार्यक्रमास माउंटेनियर्स असोसिएशन डोंबिवलीचे प्रतिष्ठित सदस्य उपस्थित होते.
यामध्ये संस्थापक अध्यक्ष माननीय सतीशजी गायकवाड,(डॅडी)
संस्थेचे सचिव माननीय दिलीपजी भगत सर,
सदस्य श्री. भूषण दादा ठाकूर ,सौ. मनीषा झगडे मॅडम,
सौ.मंगला वझे मॅडम यांचा विशेष समावेश होता.
कार्यक्रमाची सुरुवात दीपप्रज्वलन करून करण्यात आली. त्यानंतर विद्यार्थ्यांनी सादर केलेल्या ईशस्तवन व स्वागतगीताने कार्यक्रमास सुयोग्य अशी सुरुवात मिळाली. मान्यवरांचे गुलाबपुष्प देऊन स्वागत करण्यात आले.
संस्थेचे अध्यक्ष माननीय सतीश गायकवाड सरांनी, आंतरराष्ट्रीय पर्वत दिनाचे महत्त्व, पर्वतांचे पर्यावरणीय योगदान तसेच मुलांमध्ये गिर्यारोहणाबद्दल आवड निर्माण होण्यासाठी प्रेरणादायी माहिती अतिशय सुंदर शब्दांत मांडली. त्यांच्या भाषणातून विद्यार्थ्यांना पर्वत, पर्यावरण आणि साहस क्रीडा याबद्दल नवीन दृष्टीकोन प्राप्त झाला.कार्यक्रमाचे सूत्रसंचालन कविता पडवळ मॅडम यांनी केले तर आभार श्री सुरोशी सर यांनी मानले.
या कार्यक्रमाला शाळेतील सर्व शिक्षक—
श्री. दिनेश सुरोशी सर, श्रीमती कविता पडवळ मॅडम,
श्रीमती सुरेखा भोये मॅडम,श्रीमती दीपिका खारीक मॅडम
तसेच सर्व विद्यार्थी मोठ्या उत्साहाने उपस्थित होते.
कार्यक्रमाचा समारोप विद्यार्थ्यांनी सादर केलेल्या पर्यावरण विषयक प्रभावी शब्द कार्यक्रमाने करण्यात आला. संपूर्ण कार्यक्रमात विद्यार्थ्यांनी उत्साहाने सहभाग नोंदवला आणि पर्वत संरक्षण, पर्यावरण संवर्धन याबद्दल विद्यार्थ्यां मध्ये जागरूकता निर्माण करण्याचा प्रयत्न केला.
