Delhi ICI KTP

30/03/2025

Delhi ICI Kristien Ṭhlai Pawl music video thar “Lalpa Chu Chawimawi Seng ro”.

Music: Joseph Remruotsang (sunbeam music)Recording: Lian Zo Mixing & Mastering: Paul SungteVideography: Keircsinate Pictures

16/08/2024

Come one, Come all!!!

09/06/2024

Please share, like & subscribe- https://youtu.be/4nEWvwQFS18?si=2VD2SuomxWh-FJvP

01/08/2023

CSIR HNUOIA JRF A HMU

Tv. Isak Lalrinmawia Hriler, S/o Dr George Joute chun Council of Scientific and Industrial Research (CSIR) in National Eligibility Test (NET) / Junior Research Fellowship (JRF) Exam - 2023 a conduct-na a chun Mathematics subject ah JRF an ziek tling. Delhi University a M.Sc (Maths) inchûk mêk lai a nih.

Ei hriet thiem thei dan dingin JRF hmuhai hin Lectureship (NET) an qualified bakah thlatin research thawna dingin scholarship Rs 37,000/- k*m 3 sung hmung an ta, chun, SRF (Senior Research Fellowship) Rs 42,000/- k*m 2 dang an hmu sunzawm ding a nih.
Ei lawmpui hle 👏👏👏 Hma tieng peia hlawtlingna chang zawm pei dingin ditsakna insängtak ei inhlân a nih.

Tv. Isak is ei thalai member active em em a ni baka, KTP Education Cell a member a ni bawka, hlasak thiem le Mathematics thiem em em a ni bawk. Hla le Maths indawn nuom hai ta dingin an hawng zing a nih.

- KTP Education Cell

16/07/2023

CUET UNDER GRADUATE RESULT A SUOK, ADMISSION THAW DINGHAI HRIET DING

Common University Entrance Test (CEUT), Under Graduate result suk suok a ni tah a, result en nuomhai ta dingin a hnuoia link a hin login a en thei anih.

https://cuet.samarth.ac.in/

Chun, college admission hi Common Seat Allocation System (CSAS) dungzuia thaw ding a ni leiin, Delhi le NCR area a college admission thaw dinghai admission chungchanga țhangpui ngaihai chun a hnuoiahai hi contact thei zing an nih.

1. Mob 9871729403 (Isak Lalrinmawia)
2. Mob 9366073838 (Jacob Malsawmdawnglien)

Education Cell
Kristien Ţhalai Pawl
Delhi City Church

17/06/2023

SCHOOL OF OPEN LEARNING ADMISSION ȚAN MÊK A NIH

Delhi University hnuoia distance education Programme hai chu admission țan mêk a nih.

Lekha inchûk zawm nuom si, sinthaw lei le thil dang dang leia regular taka college kai zawm thei tanaw hai ta dingin, Delhi University chun School of Open Learning (SOL), admission chu Under Graduate programme hai a hawng mek a nih.

Inhnikna nei chun a hnuoia link a hin thu kimchâng hmu thei ning a ta, Education Cell, Delhi ICI KȚP hai contact thei zing kan ni bawk.

https://sol.du.ac.in/admission_23_24/index.html

- Education Cell
Delhi ICI KȚP

1. Jacob Malsawmdawnglien (93660 73838)
Student, B.Com(Hons), SRCC

2. Isak Hriler (98717 29403)
M.Sc(Hons) Mathematics, Kirori Mal College

3. Ramhmangai Khobung (9582647932)
Convennor

05/04/2020

Mani In senga inthawkin, "Hosanna, Hosanna, Hosanna" tiin ICI Delhi Kohran mipui hai an khek suok.

ICI Delhi Church members shouting, "Hosanna, Hosanna, Hosanna!" from home on Palm Sunday amidst National Lockdown. For the Glory of God.

https://www.youtube.com/watch?v=IPss9CyM3f4&feature=youtu.be

26/03/2020

INHRIETTIRNA

Thilthawhai 4:32 “Chun, a ringtu mipuihai chu lungril hmunkhat le ngaituo hmunkhatin an um a; anni laia pakhat khawmin an sum nei ‘ka ta bîk a nih’ an ti nawh; thil po po an inṭawm lem hlak”

Ei hriet seng angin Covid-19 hri lêng leiin khawvêl chu an phi buoi mêk a, hi natna hri laka invêngna dingin India sawrkâr chun date 23 March, 2020 (Thawṭan zân) a inthawk inṭanin ni sawmhni pakhat (21 days) sûng a rampumpui LOCKDOWN (inkhum Bing) a lo puong ta a nih. Hi natna hri hin kiem zâi a rêl naw chun inkhum bing hi ieng chen am suksei a ni nawk ding ti hi hriet antak ta hle.

Hi lockdown hin khawsak rêlbâwl dân, abîkin khawpuia chênghai nasatakin a sukbuoi ring a um. A san chu office, dâwr, restaurant le a dang danghai khâr vawng an ni leiin thawktuhai hlaw an pêk thei ring a um nawh. Chuong ang bawkin Europe ram le America ramhai khawm ‘Inkhum Bing’ an thaw leiin BPO tamtak sin thaw ding nei lovin an um a nih. Hieng MNC-hai hin an thawktuhai hlaw an pêk thei dim ti hi thil ngaituo um a ni tah. Chuleiin, kohran member-hai abikin Private/Multi National Company a thawkhai thiem taka (in ret taka) khawsak ei rêlbawl ṭan zing a țul a nih.

Hi le inzawm hin Tuolsung Local Committee chun Bethesda Social Service Wing (BSSW) ṭhuoituhai le ṭhangtlângin LOCKDOWN CARE COMMITTEE a lo indin tah a nih. Hi committee hin Delhi ICI kohran members lockdown leia harsatna tuokhai a thei ang angin sawmdâwl a tih. Chuleiin, kohran member mi tuelkhawm hlaw lâk theinaw leia harsatna tuok ei um a ni chun inzak amani, inthlahrung thila la lova mani harsatnahai hotu pakhat tak kuoma phone amani, message annaw leh, mi dang hmanga intlun dingin ei inngên a nih. Chuong ang bawkin, kohran ṭhuoitu, BSSW ṭhuoitu le Area ṭhuoituhai khawm harsatna tuok ei um le umnaw enkaia, na lo sit seng dingin ei infiel bawk a nih.

Iengkim thawthei Pathien neituhai ei nih ti hi iengtiklai khawm theinghil ngainawm ei niu a, Pathien bel tlat tu ni tum seng ei tiu.

Published by-
ICI Delhi - Lockdown Care Committee (LCC)

22/03/2020

INHRIETTIRNA

Delhi ICI KṬP member list felfai taka siem tum a ni a. Hi ding hin online registration siem a na, Delhi ICI KṬP member hai po po chu in register dinga fiel ei nih. An register hai po hi KṬP rawngbawlna chi hran hran – Missionary support, Theology Student Support, member contribution, etc. haia rawngbawl tlang dingin remruot ning a tih.

Registration Link -

KṬP Executive Committee in a rêl angin, rawngbâwlna ei ṭhang tlâng seng theina ding le ei inhriet kim theina dingin hi registration form hi siem a nih.

15/12/2019

CHRISTMAS CAROL 2019

14th Dec 2019: Delhi ICI KȚP member 50 lai fe khâwmin, Delhi khawsûnga family 13 le Mizoram MP, Pu C. Lalrosanga hai kuoma Krismas Carol hlim le lawm taka nei a nih.

Carolna hmun tina hai Krismas hla hai sakin, Krismas thucha hrilin, ei hma ela hung tlung ding ei Lal Krista piengchampha-a Lal chibai bûk dinga insingsa malamin, Pathien inpâk le chawimâwina hun hmang pei a nih.

Zan dar 7 a țanin, zing tieng dar 4 velin malsawmna tamtak dawngin an țin dar.

Christmas Chibai!

21/08/2019

18/08/2019

FRESHERS' MEET 2019

New Delhi (17-Aug-2019): Vawisun Delhi ICI KTP huoihawt, Freshers' Meet vawi 7-na chu inhawi takin BSSC, hmuna hmang zo a lo ni tah. K*m khat sunga Delhi ICI KTP hung zawm thar lawmlut hai po hi 50 vel an nih. Hi programme hi hun hnia hmang a nih a, sun dar 2.30 a tan a nih a, zan dar 10.30 chen inhawi taka hmang a nih.

Hun khatna a Nk. Luanngaihnem Seldo le Tv. Isak Hriler in hnesaw takin an thuoia, hi huna hin Freshers hai inhmelhriet puina nei a ni baka, Freshers haia inthawkin thu le hla ngainuomum tak tak hai ngaitlak a nih a. Delhi a khawsak dan ding, abikin khawtlang tlawmngaina le Kohran ah thalai hai rawngbawl theina hai inhrilhrietna huna hmang a nih. Hi baka a hin inchukna a thaw tha bik zuolhai kuoma Lawmpuina memento pek an nih bawk.

Hun hnina a hi Freshers hai leh in nel nawl zuol theina dingin insukhlimna huna hmang a nih a. Hi huna hin talent dang dang hai, lam dam, hlasak dam suk lang a nih a. Mipui khawm inhawi takin an lam baka, an khek indur nasa hle.

Chun, ICI Mission Field dang dang hai hriet chieng nawk zuolna dingin Mission Field hai cultural costumes hai suklang a nih bawk.

Miss le Mister Freshers dingin Nk. Janeth Joute le Tv. Ramnunmawia Thiek hai thlang an ni bawk.

Programme hlawtling taka min hmangtirtu Pathien kuoma lawmthu um raw seh.