17/09/2024
"അവനവന് ആത്മ സുഖത്തിനായി ആചരിക്കുന്നവ അപരന് സുഖത്തിനായി വരേണം"
ശ്രീ നാരായണ ഗുരു
മറ്റപ്പള്ളി ജയകേരള കലാസമിതിയുടെ 72ആം വാർഷികാഘോഷവും ഓണാഘോഷ പരിപാടികളും തിരുവോണം അവിട്ടം ദിനങ്ങളിൽ നടന്നു.വയനാട് ദുരന്തത്തിന്റെ പശ്ചാത്തലത്തിൽ വിപുലമായ പരിപാടികൾ ഒഴിവാക്കി പ്രദേശത്തെ കുട്ടികളുടെ പരിപാടികൾ ഉൾപ്പെടുത്തിയാണ് വാർഷികാഘോഷം അണിയിച്ചൊരുക്കിയത്.ജാതിക്കും മതത്തിനും വർഗ്ഗത്തിനും വർണ്ണത്തിനും അതീതമായി ചിന്തിക്കുന്ന മറ്റപ്പള്ളിയിലെ നല്ലവരായ കലാസ്നേഹികൾ നൽകിയ ചെറിയ സംഭാവനകൾ സ്വരുക്കൂട്ടിയാണ് ഈ പരിപാടികളാകെ സംഘടിപ്പിച്ചത്. ഓണാഘോഷ പരിപാടിയുമായി ബന്ധപ്പെട്ട് ലഭിക്കുന്ന തുകയിൽ നിന്ന് ഒരു വിഹിതം വയനാട് ദുരിതബാധിതർക്ക് സഹായമാകുന്ന രീതിയിൽ നൽകണമെന്ന് കമ്മിറ്റി മുൻകൂട്ടി തീരുമാനം എടുത്തിരുന്നു.അതിൻറെ അടിസ്ഥാനത്തിൽ അവിട്ടം ദിനത്തിൽ നടന്ന സാംസ്കാരിക സമ്മേളനത്തിൽ വച്ച് വയനാട് ദുരിതബാധിതരെ സഹായിക്കുന്നതിനായി ക്ലബ്ബിന്റെ വകയായി 10000(പതിനായിരം രൂപ)യുടെ ചെക്ക് പാലമേൽ ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ശ്രീ.ആർ ശശിയ്ക്ക് ക്ലബ്ബ് പ്രസിഡൻറ് എസ്.അരവിന്ദ് കൈമാറി.
