30/07/2026
ਾਈਲ_ਕਬੱਡੀ ਨੂੰ ਨਵਾਂ ਮੰਚ ਦੇਣ ਲਈ ਏਸ਼ੀਅਨ ਪ੍ਰੀਮੀਅਮ ਕਬੱਡੀ ਲੀਗ (APKL-2026) ਹੋਣ ਜਾ ਰਹੀ ਹੈ। ਤਿਆਰੀਆਂ ਚੱਲ ਰਹੀਆਂ, ਕਰੋੜਾਂ ਦੀ ਇਨਾਮੀ ਰਾਸ਼ੀ ਨਾਲ ਸਜਣ ਵਾਲੀ ਇਹ ਲੀਗ 1 ਅਕਤੂਬਰ ਤੋਂ 15 ਅਕਤੂਬਰ 2026 ਤੱਕ ਖੇਡੀ ਜਾਵੇਗੀ। ਲੀਗ ਵਿੱਚ ਕੁੱਲ 10 ਟੀਮਾਂ ਮੈਦਾਨ 'ਚ ਉਤਰਣਗੀਆਂ। ਖਿਡਾਰੀਆਂ ਦੀ ਚੋਣ A, B ਅਤੇ C ਗਰੇਡ ਮੁਤਾਬਕ ਹੋਵੇਗੀ, ਤਾਂ ਜੋ ਹਰ ਟੀਮ ਵਿੱਚ ਵਧੀਆ ਸੰਤੁਲਨ ਰਹੇ ਤੇ ਹਰ ਮੁਕਾਬਲਾ ਆਖ਼ਰੀ ਪਲ ਤੱਕ ਫਸਵਾਂ ਬਣੇ। ਇਸ ਤਰੀਕੇ ਨਾਲ ਨਵੇਂ ਤੇ ਤਜਰਬੇਕਾਰ ਦੋਵੇਂ ਕਿਸਮ ਦੇ ਖਿਡਾਰੀਆਂ ਨੂੰ ਆਪਣੀ ਕਾਬਲੀਅਤ ਦਿਖਾਉਣ ਦਾ ਬਰਾਬਰ ਮੌਕਾ ਮਿਲੇਗਾ।
ਲੀਗ ਦਾ ਅਸਲ ਮਕਸਦ ਸਿਰਫ਼ ਟਰਾਫ਼ੀ ਜਿੱਤਣਾ ਨਹੀਂ, ਸਗੋਂ ਸਰਕਲ ਸਟਾਈਲ ਕਬੱਡੀ ਨੂੰ ਨਵੀਂ ਉਡਾਣ ਦੇਣਾ, ਨੌਜਵਾਨ ਖਿਡਾਰੀਆਂ ਲਈ ਵੱਡਾ ਮੰਚ ਤਿਆਰ ਕਰਨਾ ਅਤੇ ਇਸ ਖੇਡ ਨੂੰ ਦੇਸ਼-ਵਿਦੇਸ਼ ਵਿੱਚ ਹੋਰ ਮਾਣ ਦਿਵਾਉਣਾ ਹੈ।
ਕਬੱਡੀ ਨਾਲ ਜੁੜੇ ਲੋਕਾਂ ਦਾ ਕਹਿਣਾ ਹੈ ਕਿ ਜੇ ਇਹ ਲੀਗ ਕਾਮਯਾਬ ਰਹੀ ਤਾਂ ਸਰਕਲ ਕਬੱਡੀ ਲਈ ਨਵਾਂ ਦੌਰ ਸ਼ੁਰੂ ਹੋ ਸਕਦਾ ਹੈ। ਕਰੋੜਾਂ ਦੀ ਇਨਾਮੀ ਰਾਸ਼ੀ, ਵਧੀਆ ਪ੍ਰਬੰਧ ਅਤੇ ਸਖ਼ਤ ਮੁਕਾਬਲਿਆਂ ਕਾਰਨ APKL-2026 ਪਹਿਲੇ ਹੀ ਸਾਲ ਕਬੱਡੀ ਪ੍ਰੇਮੀਆਂ ਦੀ ਖਿੱਚ ਦਾ ਕੇਂਦਰ ਬਣ ਸਕਦੀ ਹੈ।
ਹੁਣ ਸਭ ਦੀਆਂ ਨਜ਼ਰਾਂ ਇਸ ਗੱਲ 'ਤੇ ਟਿਕੀਆਂ ਹਨ ਕਿ ਕਿਹੜੇ ਨਾਮੀ ਖਿਡਾਰੀ ਇਸ ਲੀਗ ਦਾ ਹਿੱਸਾ ਬਣਦੇ ਹਨ ਅਤੇ ਕਿਹੜੀ ਟੀਮ ਪਹਿਲੀ ਵਾਰ ਏਸ਼ੀਅਨ ਪ੍ਰੀਮੀਅਮ ਕਬੱਡੀ ਲੀਗ ਦੀ ਟਰਾਫ਼ੀ ਆਪਣੇ ਨਾਂ ਕਰਦੀ ਹੈ।
Plz: Like & share
ਵਲੋਂ : ਅੰਮਿ੍ਤਪਾਲ ਸਿੰਘ ਵਲਾਣ
#𝐤𝐚𝐛𝐚𝐝𝐝𝐢𝐩𝐥𝐚𝐲𝐞𝐫
