13/10/2025
ଶହୀଦ ରଞ୍ଜନ ଦାଶଙ୍କ ସ୍ମୃତିରେ ୩୮ତମ ଦ୍ୱି-ଦିବସୀୟ ମାଁ ମାଉଲି ଫୁଟବଲ କପ୍, ମାଲିପାଲି-୨୦୨୫ ଉଦ୍ଯାପିତ: ବରଗଡ଼ ୟୁନାଇଟେଡ୍ ଚାମ୍ପିଅନ
Athletic Association,Malipali ତରଫରୁ ଅନୁଷ୍ଠିତ ଶହୀଦ ରଞ୍ଜନ ଦାଶଙ୍କ ସ୍ମୃତିରେ ୩୮ତମ ଦ୍ୱି-ଦିବସୀୟ ମାଁ ମାଉଲି ଫୁଟବଲ କପ୍ , ମାଲିପାଲି-୨୦୨୫ ର ଉଦଯାପନୀ ଅବସରରେ ମୁଖ୍ୟଅତିଥି ଭାବେ ପୂର୍ବତନ ବରଗଡ଼ ବିଧାୟକ ଶ୍ରୀଯୁକ୍ତ ଦେବେଶ ଆଚାର୍ଯ୍ୟ, ସମ୍ମାନିତ ଅତିଥି ଭାବେ ଶହୀଦ ରଞ୍ଜନ ଦାଶଙ୍କ ବଡ଼ ଭାଇ ଶ୍ରୀଯୁକ୍ତ ଉତ୍ତମ ଦାଶ, ବରଗଡ଼ ବ୍ଲକ ଉପାଧ୍ୟକ୍ଷ ତଥା ଗାଇସୀମା ଗ୍ରାମ-ପଞ୍ଚାୟତର ସମିତି ସଭ୍ୟ ଶ୍ରୀଯୁକ୍ତ ଉମେଶ ପଣ୍ଡା, ନିଷ୍ଠା ପରିବାର ତଥା ଅଡଗାଁ ପ୍ୟାକ୍ସର ସଭାପତି ଶ୍ରୀଯୁକ୍ତ ଅଶ୍ୱିନୀ ତ୍ରିପାଠୀ, ଗାଈସୀମା ସରପଞ୍ଚ ଶ୍ରୀଯୁକ୍ତ ଧିରନ୍ ମହାପାତ୍ରଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ତଥା ମାଲିପାଲି ଗ୍ରାମବାସୀ ଓ ଦର୍ଶକମାନେ ଯୋଗଦାନ କରି ଖେଳାଳୀମାନଙ୍କୁ ଉତ୍ସାହିତ କରିଥିଲେ। ଶେଷରେ ଶହୀଦ ରଞ୍ଜନ ଦାଶଙ୍କ ବଡ଼ ଭାଇ ଶ୍ରୀଯୁକ୍ତ ମଦନ ମୋହନ ଦାଶ ଧନ୍ୟବାଦ ଅର୍ପଣ କରିଥିଲେ ।
ଏହି ଟୁର୍ଣ୍ଣାମେଣ୍ଟରେ ୮ ଟି ଦଳ : ଝାରସୁଗୁଡ଼ା (ଶାନ୍ତିନଗର), ବଲାଙ୍ଗିର (ସ୍ପୋର୍ଟସ୍ ହଷ୍ଟେଲ), ବରଗଡ଼ (ୟୁନାଇଟେଡ଼), ଜାମସେଦପୁର (ଅରୁଣା ସମିତି କ୍ଲବ୍), ଫୁଲବାଣୀ (ସ୍ପୋର୍ଟସ୍ ହଷ୍ଟେଲ), ବି.ଏମ.ପୁର (ସିସି.ଏଫ୍.ଏ), ରାଉରକେଲା (ଏଲ୍ ଏସ୍ ବ୍ରଦର୍ଶ) ଓ ସମ୍ବଲପୁର (ସମଲେଶ୍ଵରୀ କ୍ଲବ୍) ଭାଗ ନେଇଥିଲେ ।
ଟୁର୍ଣ୍ଣାମେଣ୍ଟର ପ୍ରଥମ ସେମି-ଫାଇନାଲ ଝାରସୁଗୁଡ଼ା (ଶାନ୍ତିନଗର) ଓ ବରଗଡ଼ (ୟୁନାଇଟେଡ଼) ମଧ୍ୟରେ ଅନୁଷ୍ଠିତ ହୋଇଥିଲା ଯେଉଁଥିରେ ବରଗଡ଼ (ୟୁନାଇଟେଡ଼) ୪-୧ ଗୋଲରେ ବିଜୟଲାଭ କରି ଫାଇନାଲକୁ ପ୍ରବେଶ କରିଥିଲା। ଅପରପକ୍ଷରେ ଦ୍ୱିତୀୟ ସେମି-ଫାଇନାଲ ବି.ଏମ.ପୁର (ସିସି.ଏଫ୍.ଏ) ଓ ସମ୍ବଲପୁର (ସମଲେଶ୍ଵରୀ କ୍ଲବ୍) ମଧ୍ୟରେ ଅନୁଷ୍ଠିତ ହୋଇଥିଲା ଯେଉଁଥିରେ ବି.ଏମ.ପୁର (ସିସି.ଏଫ୍.ଏ) ୫-୦ ଗୋଲରେ ବିଜୟଲାଭ କରି ଫାଇନାଲକୁ ପ୍ରବେଶ କରିଥିଲା।
ଟୁର୍ଣ୍ଣାମେଣ୍ଟର ଫାଇନାଲ ବରଗଡ଼ (ୟୁନାଇଟେଡ଼) ଓ ବି.ଏମ.ପୁର (ସିସି.ଏଫ୍.ଏ) ମଧ୍ୟରେ ଅନୁଷ୍ଠିତ ହୋଇଥିଲା ଯେଉଁଥିରେ ବରଗଡ଼ (ୟୁନାଇଟେଡ଼) ୧-୦ ଗୋଲରେ ବିଜୟଲାଭ କରି ଶହୀଦ ରଞ୍ଜନ ଦାଶଙ୍କ ସ୍ମୃତିରେ ୩୮ତମ ଦ୍ୱି-ଦିବସୀୟ ମାଁ ମାଉଲି ଫୁଟବଲ କପ୍, ମାଲିପାଲି-୨୦୨୫ ର ଚାମ୍ପିଅନ ହୋଇଥିଲା।
ଟୁର୍ଣ୍ଣାମେଣ୍ଟରେ ଅଂଶଗ୍ରହଣ କରିଥିବା ସମସ୍ତ ଅତିଥି, ରେଫରି, ଖେଳାଳି, ଦର୍ଶକ ତଥା ସମସ୍ତଙ୍କୁ Athletic Association Malipali ତରଫରୁ ଅଶେଷ ଅଶେଷ ଧନ୍ୟବାଦ 🙏
