Brar chotian wala

01/03/2026

#ਯਾਦਗਾਰੀ_ਹੋ_ਨਿੱਬੜਿਆ_ਪਿੰਡ_ਚੰਦ_ਨਵੇਂ_ਦਾ_ਖੇਡ_ਮੇਲਾ
ਬੀਤੇ ਦਿਨੀਂ 25 ਅਤੇ 26 ਫਰਵਰੀ ਨੂੰ ਮੋਗਾ ਜ਼ਿਲ੍ਹੇ ਦੇ ਪਿੰਡ ਚੰਦ ਨਵਾਂ ਵਿਖੇ ਕਰਵਾਇਆ ਗਿਆ ਦੋ ਦਿਨਾਂ ਕਬੱਡੀ ਖੇਡ ਮੇਲਾ ਅਮਿੱਟ ਪੈੜਾਂ ਛੱਡਦਾ ਹੋਇਆ ਸਮਾਪਤ ਹੋ ਗਿਆ|ਸਮੂੰਹ ਗ੍ਰਾਮ ਪੰਚਾਇਤ ਯੂਥ ਕਲੱਬਾਂ ਤੇ ਐਨ ਆਰ ਆਈ ਵੀਰਾਂ ਦੇ ਸਹਿਯੋਗ ਨਾਲ਼ ਕਰਵਾਏ ਗਏ ਇਸ ਖੇਡ ਮੇਲੇ ਦੇ ਪਹਿਲੇ ਦਿਨ ਤੀਹ ਚਾਲੀ਼ ਤੇ ਪਚਵੰਜਾ ਕਿੱਲੋ ਦੇ ਵਜਨੀਂ ਮੁਕਾਬਲੇ ਕਰਵਾਏ ਗਏ ਜੋ਼ ਬਹੁਤ ਹੀ ਸਾ਼ਨਦਾਰ ਹੋਏ|ਦੂਜੇ ਦਿਨ ਕਬੱਡੀ ਓਪਨ ਦੇ ਮੁਕਾਬਲਿਆਂ ਲਈ ਵੀ ਸਾਰੀਆਂ ਟੀਮਾਂ ਬਹੁਤ ਵਧੀਆ ਬਣੀਆਂ ਹੋਈਆਂ ਸਨ|ਇਸ ਵਾਰ ਪ੍ਰਬੰਧਕਾਂ ਵੱਲੋਂ ਹਰ ਪ੍ਰਬੰਧ ਬਹੁਤ ਸਿਸਟੈਮੈਟਿਕ ਢੰਗ ਨਾਲ਼ ਕੀਤਾ ਹੋਇਆ ਸੀ|ਜਿਵੇਂ ਕੇ ਸਮੇਂ ਸਿਰ ਸਨਮਾਨਾਂ ਦੀ ਰਸਮ, ਲਿਮਟਿਡ ਟੀਮਾਂ ਅਤੇ ਦਰਸ਼ਕਾਂ ਦੇ ਦੇਖਣ ਲਈ ਵਧੀਆ ਪ੍ਰਬੰਧ|ਬਲਜੀਤ ਮੈਂਬਰ ਅਮਨਾ ਨੰਬਰਦਾਰ ਸੀਪਾ ਸਿੰਘਾਂਵਾਲਾ ਤੇ ਹੈਪੀ ਰਾਜਿਆਣਾ ਦਾ ਦਿਨ ਰਾਤ ਜੋਰ ਲੱਗਾ ਹੋਇਆ ਸੀ ਕਬੱਡੀ ਓਪਨ ਦੀਆਂ ਟੌਪ ਦੀਆਂ ਟੀਮਾਂ ਖਿਡਾਉਣ ਦੇ ਲਈ,ਪ੍ਰਸਿੱਧ ਕਬੱਡੀ ਪ੍ਰਮੋਟਰ ਮਿੱਠੂ ਸਰਪੰਚ ਵੀ ਇਨ੍ਹਾਂ ਨੌਜਵਾਨਾਂ ਨੂੰ ਪੂਰਾ ਸਹਿਯੋਗ ਕਰ ਰਹੇ ਸਨ|ਕਬੱਡੀ ਓਪਨ ਦੀਆਂ 32 ਦੇ ਲਗਭਗ ਸਾਰੀਆਂ ਟੀਮਾਂ ਹੀ ਬਹੁਤ ਵਧੀਆ ਬਣੀਆਂ ਸਨ ਜਿਨ੍ਹਾਂ ਦੇ ਮੈਚਾਂ ਦੀ ਸੁ਼ੁਰੂਆਤ 2 ਵਜੇ ਹੋ ਗਈ ਸੀ|ਜਿੱਥੇ ਪਹਿਲੇ ਰਾਊਂਡ ਦੇ ਮੈਚ ਚੱਲ ਰਹੇ ਸਨ ਓਥੇ ਸਕੂਲੀ ਖੇਡਾਂ ਚ ਮਹਾਂਰਾਸ਼ਟਰ ਤੱਕ ਖੇਡ ਕੇ ਆਈਆਂ ਬੱਚੀਆਂ ਦਾ ਮਾਣ ਸਨਮਾਨ ਸੁੱਖੀ ਬਰਾੜ ਤੇ ਬਿੰਨੀ ਬਰਾੜ ਐਨ ਆਰ ਆਈ ਭਰਾਵਾਂ ਵੱਲੋਂ ਕੀਤਾ ਗਿਆ|ਵਿਦੇਸਾ਼ਂ ਦੀ ਧਰਤੀ ਤੋਂ ਪਰੇਮ ਕੈਨੇਡਾ ਜੱਸਾ ਇੰਗਲੈਂਡ,ਕਬੱਡੀ ਖਿਡਾਰੀ ਜੱਸੀ ਕੈਨੇਡਾ ਹੈਪੀ ਰਾਜਿਆਣਾ ਤੇ ਹੋਰ ਵੀ ਬਹੁਤ ਸਾਰੇ ਭਰਾਵਾਂ ਦੇ ਵੱਡੇ ਸਹਿਯੋਗ ਸਨ|ਕੈਸੀ਼ਅਰ ਸੁਖਦੀਪ ਸਿੰਘ ਬਰਾੜ ਤੇ ਵੱਡੀਆਂ ਜਿੰਮੇਵਾਰੀਆਂਂ ਸਨ|ਗੁਰੂ ਕੇ ਲੰਗਰਾਂ ਦੀ ਸੇਵਾ ਸੋ੍ਮ਼ਣੀ ਸ਼ਹੀਦ ਬਾਬਾ ਜੀਵਨ ਸਿੰਘ ਜੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ,ਸ਼ਿਵ ਮੰਦਰ ਕਮੇਟੀ ਅਤੇ ਸਮੂਹ ਨਗਰ ਨਿਵਾਸੀਆਂ ਦੇ ਸਹਿਯੋਗ ਨਾਲ਼ ਅਤੁੱਟ ਵਰਤਾਏ ਗਏ|ਗੁਰਮੀਤ ਸਿੰਘ ਗੀਤਾ ਠੇਕੇਦਾਰ ਤੇ ਗੁਰਪ੍ਰੀਤ ਸਿੰਘ ਗੋਪੀ ਜਿੰਮੇ ਵੀ ਵੱਡੀਆਂ ਜਿੰਮੇਵਾਰੀਆਂ ਸਨ|ਇਸ ਸਮੇਂ ਸੀਰਾ ਮੈਂਬਰ ਚੰਦ ਨਵਾਂ ਕੈਨੇਡਾ ਰਾਣਾ ਸਰਪੰਚ ਚੰਦ ਨਵਾਂ ਗੁਰਮੀਤ ਸਰਪੰਚ ਚੰਦ ਨਵਾਂ ਕਾਕਾ ਸਰਪੰਚ ਚੋਟੀਆਂ ਠੋਬਾ ਨੇਂ ਖਿਡਾਰੀਆਂ ਦੀ ਭਰਭੂਰ ਹੌਂਸਲਾ ਅਫਜ਼ਾਈ ਕੀਤੀ|ਆਖਿਰ ਵਿੱਚ ਕਬੱਡੀ ਓਪਨ ਦੇ ਆਪੋ ਆਪਣੇ ਮੁਕਾਬਲਿਆਂ ਵਿੱਚ ਚੰਦ ਨਵਾਂ ਦੀ ਟੀਮ ਜਿਊਣਵਾਲਾ ਨੂੰ ਤੇ ਰਾਜੇਆਣਾ ਦੀ ਟੀਮ ਭਿੰਡਰਾਂ ਦੀ ਟੀਮ ਨੂੰ ਹਰਾ ਕੇ ਫਾਈਨਲ ਵਿੱਚ ਪਹੁੰਚ ਗਈਆਂ|ਹੁਣ ਇਹ ਟੂਰਨਾਮੈਂਟ ਆਪਣੇ ਸਿਖਰ ਤੇ ਸੀ ਫਾਈਨਲ ਮੈਚ ਮੇਜ਼ਬਾਨ ਟੀਮ ਚੰਦ ਨਵਾਂ ਤੇ ਰਾਜਿਆਣਾ ਦੇ ਦਰਮਿਆਨ ਬਹੁਤ ਸੋਹਣਾ ਖੇਡਿਆ ਗਿਆ ਜਿਸ ਵਿੱਚ ਰਾਜਿਆਣਾ ਵੱਲੋਂ ਖੇਡ ਰਹੇ ਖੁਸ਼ੀ ਕਡਿਆਣਾ ਦੀਆਂ ਸਾ਼ਨਦਾਰ ਕਬੱਡੀਆਂ ਤੇ ਬੂਟਾ ਅੰਨਦਾਣਾ ਦੇ ਟੌਪ ਦੇ ਜੱਫਿਆਂ ਦੀ ਬਦੌਲਤ ਰਾਜਿਆਣਾ ਦੀ ਟੀਮ ਚੰਦ ਨਵਾਂ ਦੇ ਇਸ ਟੂਰਨਾਮੈਂਟ ਦੀ ਜੇਤੂ ਟੀਮ ਬਣੀ ਤੇ ਚੰਦ ਨਵਾਂ ਦੀ ਟੀਮ ਨੇੰ ਵੀ ਬਹੁਤ ਸੋਹਣਾ ਪ੍ਰਦਰਸ਼ਨ ਕੀਤਾ|ਖੁਸ਼ੀ ਕਡਿਆਣਾ ਨੇਂ 8 ਬੇਰੋਕ ਕਬੱਡੀਆਂ ਪਾ ਕੇ 8 ਅੰਕ ਹਾਸਲ ਕੀਤੇ ਅਤੇ ਬੂਟਾ ਅੰਨਦਾਣਾ ਨੇਂ 6 ਟੱਚ ਲੈ ਕੇ 3 ਜੱਫੇ ਲਾਏ|ਚੰਦ ਨਵਾਂ ਵੱਲੋਂ ਖੇਡ ਰਹੇ ਅਰਸ਼ ਬੁੱਕਣਵਾਲਾ਼ ਤੇ ਸੁਨੀਲ ਨੇਂ ਵੀ ਬਹੁਤ ਸੋਹਣੀ ਖੇਡ ਦਾ ਪ੍ਰਦਰਸ਼ਨ ਕੀਤਾ|ਪਹਿਲੇ ਮੈਚ ਤੋਂ ਲੈ ਕੇ ਕਬੱਡੀ ਓਪਨ ਦੇ ਸਾਰੇ ਮੈਚ ਹੀ ਬਹੁਤ ਸ਼ਾਨਦਾਰ ਹੋਏ|ਸੰਤ ਬਾਬਾ ਗੁਰਦੀਪ ਸਿੰਘ ਜੀ ਚੰਦ ਪੁਰਾਣਾ ਵਾਲੇ਼ ਅਤੇ ਐਮ ਐਲ ਏ ਅੰਮ੍ਰਿਤਪਾਲ ਸਿੰਘ ਸੁਖਾਨੰਦ ਇਸ ਖੇਡ ਮੇਲੇ ਦੇ ਮੁੱਖ ਮਹਿਮਾਨ ਸਨ|ਆਖਿਰ ਵਿੱਚ ਅਗਲੇ ਸਾਲ ਫਿਰ ਮਿਲਣ ਦੇ ਵਾਅਦੇ ਨਾਲ਼ ਖੂਬਸੂਰਤ ਯਾਦਾਂ ਛੱਡਦਾ ਇਹ ਦੋ ਰੋਜ਼ਾ ਖੇਡ ਮੇਲਾ ਆਪਣੀ ਸਮਾਪਤੀ ਵੱਲ ਵਧ ਗਿਆ!✍️ sukhchain Brar

01/03/2026

18/04/2025

ਮੁੜ ਮੁੜ ਕੇ ਨੀਂ ਪੈਦਾ ਹੋਣਾ ਮਨ ਨੂੰ ਇਹ ਸਮਝਾਲਾ।
ਲੱਖਾਂ ਵਿੱਚੋਂ ਇੱਕ ਬਣਦਾ ਕੋਈ ਬਾਜੇਖਾਨੇ ਵਾਲ਼ਾ!

11/02/2025

#ਮਹਾਂ_ਕਬੱਡੀ_ਚੈਂਪੀਅਨਸ਼ਿਪ_ਬਾਗੜੀਆਂ_ਜਿਲ੍ਹਾ_ਕਪੂਰਥਲਾ 11-2-2025

ਅੱਜ ਹੋਣ ਜਾ ਰਹੀ ਆ ਪੰਜਾਬ ਦੀ ਸਭ ਤੋਂ ਵੱਡੀ ਮਹਾਂ ਚੈਂਪੀਅਨਸ਼ਿਪ ਆਫ ਕਬੱਡੀ ਪਿੰਡ ਬਾਗੜੀਆਂ ਨੇੜੇ ਭੁਲ਼ੱਥ ਜਿਲ੍ਹਾ ਕਪੂਰਥਲਾ।ਜਿੱਥੇ ਵੱਖ ਵੱਖ ਜਿਲ੍ਹਿਆਂ ਦੀਆਂ ਟੀਮਾਂ ਜੋੜ ਕੇ ਮੈਚ ਕਰਵਾਏ ਜਾਣਗੇ।ਪਹਿਲਾ ਇਨਾਮ ਪੰਜ ਲੱਖ ਦੂਸਰਾ ਚਾਰ ਲੱਖ ਹੋਣਗੇ।ਹਰ ਪਹਿਲੇ ਰਾਂਊੰਡ ਦਾ ਮੈਚ ਹਾਰਨ ਵਾਲ਼ੀ ਟੀਮ ਲਈ ਸਵਾ ਲੱਖ ਤੇ ਕੁਆਟਰ ਮੈਚ ਖੇਡਣ ਵਾਲ਼ੀ ਟੀਮ ਦੇ ਲਈ ਡੇਡ ਡੇਡ ਲੱਖ ਦੇ ਪ੍ਰਾਈਜ ਹੋਣਗੇ ਤੇ ਸੈਮੀਫਾਈਨਲ ਖੇਡਣ ਵਾਲ਼ੀਆਂ ਟੀਮਾਂ ਦੇ ਲਈ ਦੋ ਦੋ ਲੱਖ ਰੁਪਏ ਦੀ ਇਨਾਮੀ ਰਾਸ਼ੀ ਹੋਵੇਗੀ।ਫਾਈਨਲ ਮੈਚ ਦੇ ਵਿੱਚ ਉੱਤਮ ਰਹਿਣ ਵਾਲ਼ੇ ਰੇਡਰ ਤੇ ਜਾਫੀ ਲਈ ਨਿਊ ਹੌਲੈਂਡ 3630 ਫੋਰਡ ਟਰੈਕਟਰ ਹੋਣਗੇ।ਮੈਚਾਂ ਦਾ ਸਿੱਧਾ ਪ੍ਰਸਾਰਣ www.kabaddi365.com ਤੇ ਹੋਰ ਵੱਖ ਵੱਖ ਸਾਈਟਾਂ ਤੇ ਕੀਤਾ ਜਾਵੇਗਾ।ਏਸ ਐਨੀ ਵੱਡੀ ਚੈਂਪੀਅਨ ਦੇ ਕੁਝ ਰੂਲ ਹਨ ਜਿਵੇਂ ਕੇ ਕਿਸੇ ਵੀ ਖਿਡਾਰੀ ਤੇ ਪੈਸੇ ਲਾਉਣ ਵਾਲ਼ੇ ਕਿਸੇ ਵੀ ਆਮ ਖਾਸ ਇਨਸਾਨ ਦਾ ਨਾਮ ਨਹੀਂ ਬੋਲਿਆਂ ਜਾਂਦਾ ਕਿਉੰਕਿ ਆਰਗੇਨਾਈਜੇਸ਼ਨ ਦਾ ਇੱਕੋ ਈ ਮੋਟਿਵ ਹੁੰਦਾ ਕੇ ਦਰਸ਼ਕਾਂ ਨੂੰ ਕਬੱਡੀ ਦੇਖਣ ਚ ਕੋਈ ਦਿੱਕਤ ਨਾ ਆਵੇ।ਐਨੀ ਵੱਡੀ ਟੀਮ ਦੇ ਹੁੰਦਿਆਂ ਵੀ ਜਿਆਦਾ ਜਿੰਮੇਵਾਰੀ ਤੇ ਡੀਲਿੰਗ Kala Bagrian ਅਤੇ ਗੱਬਰ ਹੀ ਕਰਦੇ ਹਨ।ਦੂਰੋਂ ਆਉਣ ਵਾਲ਼ੇ ਦਰਸ਼ਕਾਂ ਦੇ ਰਹਿਣ ਲਈ ਹੋਟਲ਼ ਲੈ ਕੇ ਰਹਿਣ ਦੇ ਖਾਸ ਪ੍ਰਬੰਧ ਕੀਤੇ ਜਾਂਦੇ ਹਨ ਤੇ ਦਰਸ਼ਕਾਂ ਦੇ ਬੈਠਣ ਲਈ ਵੀ ਬਹੁਤ ਵਧੀਆ ਪ੍ਰਬੰਧ ਹੁੰਦੇ ਹਨ।ਹਰ ਟੀਮ ਦੇ ਖਾਣੇ ਦਾ ਪ੍ਰਬੰਧ ਇੱਕ ਖਾਸ ਰੈਸਟੋਰੈਂਟ ਚ ਹੁੰਦਾ ਤੇ ਦਰਸ਼ਕਾਂ ਲਈ ਵੀ ਵੱਖਰੇ ਖਾਣਪੀਣ ਦਾ ਪ੍ਰਬੰਧ ਹੁੰਦਾ।ਗਰਾਂਊੰਡ ਨੂੰ ਬਿਲਕੁਲ ਸਾਫ ਰੱਖਣ ਦਾ ਖਾਸ ਖਿਆਲ ਰੱਖਿਆ ਜਾਂਦਾ।ਇਹ ਨਹੀਂ ਕੇ ਓਨੇ ਖਿਡਾਰੀ ਤੇ ਰੈਫਰੀ ਨਹੀਂ ਗਰਾਂਊੰਡ ਚ ਜਿੰਨੇ ਪਿੰਡ ਵਾਲ਼ੇ ਫਿਰਦੇ ਹੋਣਗੇ ਜਿਵੇਂ ਕੇ ਆਮਤੌਰ ਤੇ ਹੁੰਦਾ।ਪੂਰੇ ਅਨੁਸਾਸ਼ਨ ਨਾਲ਼ ਸਿਰਫ ਤੇ ਸਿਰਫ ਕਬੱਡੀ ਦਿਖਾਉਣਾ ਹੀ ਪ੍ਰਬੰਧਕਾਂ ਦਾ ਮੇਨ ਟਾਰਗਿਟ ਹੁੰਦਾ।ਹਰ ਕੰਮ ਬਹੁਤ ਹੀ ਯੋਜਨਾਬੱਧ ਤਰੀਕੇ ਨਾਲ਼ ਕੀਤਾ ਜਾਂਦਾ ਹੈ।ਸੋ ਲਾਓ ਫਿਰ ਅੰਦਾਜੇ ਕੁਮੈਂਟਾਂ ਵਿੱਚ ਕੇ ਨਿਊ ਹੌਲੈਂਡ ਇਸ ਵਾਰ ਕਿਹੜੇ ਦੋ ਖਿਡਾਰੀਆਂ ਦੇ ਘਰਾਂ ਦਾ ਸ਼ਿੰਗਾਰ ਬਣਨਗੇ?ਮਾਲਵੇ ਦੀ ਗੱਲ ਕਰੀਏ ਤਾਂ ਮੋਗਾ+ਮੁਕਤਸਰ+ਫਾਜਿਲਕਾ+ਫਿਰੋਜਪੁਰ ਜਿਲ੍ਹਿਆਂ ਨੂੰ ਜੋੜ ਕੇ ਟੀਮ ਬਣਾਈ ਗਈ ਹੈ।ਅਸੀਂ ਵਾਹਿਗੁਰੂ ਜੀ ਦੇ ਚਰਨਾਂ ਚ ਇਹ ਕਾਮਨਾ ਕਰਦੇ ਹਾਂ ਕੇ ਬਿਨ੍ਹਾਂ ਕਿਸੇ ਖਿਡਾਰੀ ਦੇ ਸੱਟ ਚੋਟ ਲੱਗਿਆਂ ਇਹ ਮਹਾਂ ਚੈਂਪੀਅਨਸ਼ਿਪ ਸਫਲਤਾ ਦੀਆਂ ਬੁਲੰਦੀਆਂ ਨੂੰ ਛੂਹੇ!👍🤼✍️ਸੁਖਚੈਨ ਬਰਾੜ ਚੋਟੀਆਂ ਠੋਬਾ

16/01/2025

ਰਾਮੂੰਵਾਲ਼ਾ ਨਵਾਂ ਪਿੰਡ ਹੈ ਜਗਦੇਵ ਸਿੰਘ ਪੰਨੂ ਦਾ ਪਰ ਪਿਛਲੇ ਕਾਫੀ ਸਾਲਾਂ ਤੋਂ ਓਹ ਸ਼ਾਹਕੋਟ ਲਾਗੇ ਪਿੰਡ ਕਮਾਲਕੇ ਦੇ ਵਿੱਚ ਰਹਿ ਰਹੇ ਹਨ।ਪਿੰਡੋਂ ਬਾਹਰ ਮੋਗਾ ਜਲੰਧਰ ਜੀਟੀ ਰੋਡ ਤੇ ਖੇਤਾਂ ਦੇ ਵਿੱਚ ਤਿੰਨ ਸ਼ਾਨਦਾਰ ਕੋਠੀਆਂ ਰੋਡ ਤੋਂ ਥੋੜ੍ਹਾ ਹਟਵਾਂ ਬਣੀਆਂ ਨਜਰ ਆਂਉੰਦੀਆਂ ਹਨ ਜਿਨ੍ਹਾਂ ਬਾਰੇ ਇੱਕ ਵਾਰ ਮੈਨੂੰ ਬਾਘੇਪੁਰਾਣੇ ਵਾਲ਼ੇ ਅੰਕਲ ਸ੍ਰ:ਜਸਮੇਲ ਸਿੰਘ ਬਰਾੜ ਨੇਂ ਦੱਸਿਆ ਸੀ ਕੇ ਓਹ ਕੋਠੀਆਂ ਸੁਖਚੈਨ ਕਬੱਡੀ ਦੇ ਵੱਡੇ ਪਰਮੋਟਰਾਂ ਚ ਆਪਣਾ ਨਾਮ ਦਰਜ ਕਰਵਾ ਚੁੱਕੇ ਰਾਮੂੰਵਾਲ਼ੀਏ ਜੱਗੀ ਕੀਆਂ।ਬੇਸ਼ੱਕ ਜੱਗੀ ਦੀ ਕਰਮਭੂਮੀ ਔਕਲੈਂਡ ਨਿਊਜੀਲੈਂਡ ਹੈ ਪਰ ਪਿਛਲੇ ਸੱਤ ਕੁ ਸਾਲਾਂ ਤੋਂ ਓਹ ਕਬੱਡੀ ਦੇ ਲਈ ਆਪਣਾ ਜਿਆਦਾ ਸਮਾਂ ਪੰਜਾਬ ਦੇ ਵਿੱਚ ਹੀ ਗੁਜਾਰਦਾ ਹੈ।ਪੰਜਾਬ ਸਪੋਰਟਸ ਐਂਡ ਕਲਚਰਲ ਕਲੱਬ ਔਕਲੈਂਡ ਨਿਊਜੀਲੈਂਡ ਦਾ ਪ੍ਰਧਾਨ ਹੋਣ ਦੇ ਨਾਤੇ ਕਦੇ ਇਕੱਲਾ ਤੇ ਕਦੇ ਆਪਣੀ ਸੱਜੀ ਬਾਂਹ ਹਰਪ੍ਰੀਤ ਸਿੰਘ ਹੈਪੀ ਗਿੱਲ ਰਾਏਸਰ ਨਾਲ਼ ਓਹ ਚੋਣ ਕਰਨ ਲਈ ਪੰਜਾਬ ਆਂਉੰਦਾ ਹੈ ਓਸ ਟੇਲੈਂਟ ਦੀ ਜਿਨ੍ਹਾਂ ਨੂੰ ਅਜੇ ਤੱਕ ਕਿਸੇ ਵੱਡੇ ਮੁਲਕ ਵਿੱਚ ਆਪਣੀ ਕਲਾ ਦਾ ਜਾਦੂ ਬਿਖੇਰਨ ਦਾ ਮੌਕਾ ਨਹੀਂ ਮਿਲ਼ਿਆ।ਚਾਹੇ ਓਹ ਕੋਈ ਕਬੱਡੀ ਖਿਡਾਰੀ ਕਬੱਡੀ ਬੁਲਾਰਾ ਕਬੱਡੀ ਰੈਫਰੀ ਕਬੱਡੀ ਲੇਖਕ ਜਾਂ ਕਬੱਡੀ ਨਾਲ਼ ਜੁੜੀ ਕੋਈ ਵੀ ਸਖਸ਼ੀਅਤ ਹੋਵੇ ਪਰ ਜੱਗੀ ਰਾਮੂੰਵਾਲ਼ੀਆ ਅੱਜ ਅੜੇ ਗੱਡੇ ਕੱਢਣ ਲਈ ਜਾਣਿਆ ਜਾਣ ਜਾਣ ਵਾਲ਼ਾ ਨਾਮ ਹੈ।ਕਬੱਡੀ ਨਾਲ਼ ਉਸਦੀ ਬੇਇੰਤਹਾ ਮੁਹੱਬਤ ਦੀ ਅੱਜ ਇਹੀ ਨਿਸ਼ਾਨੀ ਹੈ ਕੇ ਚੱਲ ਰਹੇ ਦੌਰ ਚ ਓਹ ਨਿਊਜੀਲੈਂਡ ਨਾਲ਼ੋਂ ਵੱਧ ਸਮਾਂ ਪੰਜਾਬ ਚ ਗੁਜਾਰਦਾ ਹੈ ਤੇ ਦੁਨੀਆਂ ਉਸਨੂੰ ਜੱਗੀ ਪ੍ਰਧਾਨ ਨਿਊਜੀਲੈਂਡ ਵਾਲ਼ਾ ਦੇ ਨਾ ਨਾਲ਼ ਜਾਣਦੀ ਹੈ।ਸ਼ਾਹਕੋਟ ਤੋਂ ਮੋਗਾ ਬਾਘਾਪੁਰਾਣਾ ਦੇ ਪਿੰਡਾਂ ਨੂੰ ਅੱਜ ਉਸਨੇਂ ਅਏਂ ਬਣਾ ਰੱਖਿਆ ਹੈ ਜਿਵੇਂ ਬਾਘੇਪੁਰਾਣੇ ਤੋਂ ਰਾਜਿਆਣੇ ਨੂੰ ਜਾਈਦਾ ਹੈ।ਜਿੱਥੇ ਕਬੱਡੀ ਨੇਂ ਐਨੀ ਤਰੱਕੀ ਕੀਤੀ ਹੈ ਓਥੇ ਅੱਜ ਕ੍ਰਿਕਟ ਫੁੱਟਬਾਲ ਵਾਂਗ ਕਬੱਡੀ ਦਾ ਹਰ ਦਰਸ਼ਕ ਵੀ ਬਹੁਤ ਜਾਗਰੂਕ ਹੋ ਚੁੱਕਿਆ ਹੈ।ਹੁਣ ਜੱਗੀ ਪ੍ਰਧਾਨ ਜਿਸ ਮੇਲੇ ਤੇ ਪਹੁੰਚਦਾ ਹੈ ਤਾਂ ਦਰਸ਼ਕ ਅੰਦਾਜੇ ਲਾਉਣੇ ਸ਼ੁਰੂ ਕਰ ਦਿੰਦੇ ਹਨ ਕੇ ਔਹ ਆਗਿਆ ਜੱਗੀ ਪ੍ਰਧਾਨ ਦੇਖੋ ਅੱਜ ਵਾਹਿਗੁਰੂ ਦੀ ਕ੍ਰਿਪਾ ਨਾਲ਼ ਕੀਹਦੇ ਤੇ ਕਰਦਾ ਮੇਹਰਬਾਨੀ ਤੇ ਕੀਹਦੇ ਪਾਸਪੋਰਟ ਤੇ ਲਗਦੀ ਆ ਕੀਵੀਆਂ ਦੇ ਦੇਸ਼ ਦੀ ਸਟਿੰਪ?ਏਸੇ ਤਰ੍ਹਾਂ ਕੱਲ੍ਹ 15 ਜਨਵਰੀ ਨੂੰ ਉਸਦੀ ਗੱਡੀ ਡਰੋਲੀ ਭਾਈ ਦੇ ਕਬੱਡੀ ਕੱਪ ਤੇ ਪਹੁੰਚੀ ਤਾਂ ਜਦ ਓਹ ਸਟੇਡੀਅਮ ਦੇ ਅੰਦਰ ਇੰਟਰ ਹੋਇਆ ਤਾਂ ਦਰਸ਼ਕਾਂ ਚ ਥੋੜ੍ਹੀ ਜਿਹੀ ਹਿੱਲਜੁੱਲ ਜਿਹੀ ਹੋਈ ਕਿਉੰਕਿ ਇੱਕ ਐਲਾਨ ਕਰਵਾਉਣਾ ਸੀ ਕੱਲ੍ਹ ਜਿਸਦਾ ਥੋੜ੍ਹਾ ਜਿਹਾ ਹਿੰਟ ਉਸਨੇਂ ਪਿਛਲੇ ਦਿਨੀਂ ਪਿੰਡ ਡਾਲ਼ੇ ਦੇ ਟੂਰਨਾਮੈਂਟ ਤੇ ਦੇ ਦਿੱਤਾ ਸੀ।ਪਰ ਜਿਸ ਲਈ ਇਹ ਐਲਾਨ ਹੋਣਾ ਸੀ ਡਰੋਲੀ ਭਾਈ ਦਾ ਖੇਡ ਮੇਲਾ ਓਸਦੀਆਂ ਜੜ੍ਹਾਂ ਸਨ ਤੇ ਗੁਆਂਡ ਵੀ।ਕਿਉੰਕਿ ਜਦ ਓਹ ਆਪਣੇ ਖੇਤਰ ਕੁਮੈਂਟਰੀ ਦੇ ਵਿੱਚ ਅੱਜ ਤੋਂ ਪੂਰੇ ਅਠਾਰਾਂ ਵਰ੍ਹੇ ਪਹਿਲਾਂ 2007 ਦੇ ਵਿੱਚ ਪੁੰਗਰਿਆ ਸੀ ਚਾਹੇ ਓਹ ਗੱਲ ਡਰੋਲੀ ਭਾਈ ਦੇ ਨਾਲ਼ ਲਗਦੇ ਕਬੱਡੀ ਦੀ ਇੱਕ ਹੋਰ ਵੱਡੀ ਨਰਸਰੀ ਵਜੋਂ ਜਾਣੇ ਜਾਂਦੇ ਪਿੰਡ ਘੱਲ ਕਲਾਂ ਦੀ ਹੋਵੇ ਜਿੱਥੇ ਉਸਨੇਂ ਪਹਿਲੀ ਵਾਰ ਮਾਈਕ ਤੇ ਖੁੱਲ੍ਹ ਕੇ ਆਪਣਾ ਝਾਕਾ ਖੋਲ੍ਹਿਆ ਸੀ।ਜੀ ਹਾਂ ਲਾਈਵ ਦੇਖਦਿਆਂ ਜਦ ਦੂਜੇ ਸੈਮੀਫਾਈਨਲ ਤੋਂ ਪਹਿਲਾਂ ਅਮਨ ਲੋਪੋ ਨੇਂ ਦਰਸ਼ਕਾਂ ਨੂੰ ਸੰਬੋਧਿਤ ਹੁੰਦਿਆਂ ਕਿਹਾ ਕੇ ਦਰਸ਼ਕ ਵੀਰੋ ਧਿਆਨ ਨਾਲ਼ ਸੁਣੋਂ ਅੱਜ ਇੱਕ ਐਲਾਨ ਹੋਣ ਲੱਗਾ ਫੇਰ ਅਮਨ ਨੇਂ ਆਪਣੀ ਨਜਰ ਜੱਗੀ ਪ੍ਰਧਾਨ ਨਾਲ਼ ਮਿਲ਼ਾਈ ਤੇ ਪੁੱਛਿਆ ਕੇ ਹਾਂਜੀ ਬਾਈ ਜੀ ਕਰਦੀਏ ਐਲਾਨ ਫਿਰ ਤਾਂ ਓਧਰੋਂ ਹਾਂ ਦਾ ਇਸ਼ਾਰਾ ਹੁੰਦਿਆਂ ਹੀ ਅਮਨ ਲੋਪੋ ਨੇਂ ਫੇਰ ਦਰਸ਼ਕਾਂ ਨੂੰ ਸੰਬੋਧਿਤ ਹੁੰਦਿਆਂ ਕਿਹਾ ਕੇ ਲਓ ਵੀ ਦਰਸ਼ਕ ਵੀਰਿਓ ਤੁਹਾਡੇ ਇਲਾਕੇ ਦਾ ਮੁੰਡਾ ਜੋ ਕਬੱਡੀ ਦਾ ਬਹੁਤ ਹੀ ਵਧੀਆ ਬੁਲਾਰਾ ਜਿਹੜਾ ਕੇ ਪਿਛਲੇ ਸਮੇਂ ਬਹੁਤ ਦੁੱਖਾਂ ਤਕਲੀਫਾਂ ਚੋਂ ਵੀ ਗੁਜਰਿਆ ਓਹ ਆ ਦਿਲਬਾਗ ਬਰਾੜ ਗੱਜਣਵਾਲ਼ਾ ਜੋ ਇਸ ਵਾਰ ਨਿਊਜੀਲੈਂਡ ਦੇ ਵਿੱਚ ਤੁਹਾਨੂੰ ਬੋਲ ਬੋਲਦਾ ਨਜਰ ਆਵੇਗਾ ਤਾਂ ਸ਼ਾਇਦ ਹੀ ਕੋਈ ਦਰਸ਼ਕ ਹੋਵੇ ਜਿਸ ਨੇਂ ਖੁਸ਼ੀ ਚ ਤਾੜੀ ਨਾ ਮਾਰੀ ਹੋਵੇ ਤੇ ਸਭ ਦੇ ਚੇਹਰਿਆਂ ਝਲਕਦੀ ਖੁਸ਼ੀ ਸ਼ਾਇਦ ਜੱਗੀ ਪ੍ਰਧਾਨ ਰਾਮੂੰਵਾਲ਼ੀਏ ਨੂੰ ਐਪਰੀਸੇਸ਼ਨ ਦੀ ਗਵਾਹੀ ਭਰ ਰਹੀ ਹੋਵੇ ਕੇ ਵਾਹ ਓ ਜੱਟਾ ਆਹ ਵਾਕਿਆ ਈ ਅੜਿਆ ਗੱਡਾ ਕੱਢਿਆ ਅੱਜ ਤੂੰ।ਸੋ ਲੈ ਵੀ ਦਿਲਬਾਗ ਕਦੇ ਕਦੇ ਤੂੰ ਮੇਰੇ ਨਾਲ਼ ਹਾਸੇ ਭਾਣੇ ਗਿਲਾ ਕਰਦਾ ਯਾਰਾ ਕੇ ਮੈਂ ਤਾਂ ਉਦੋਂ ਮੰਨੂੰ ਜਦੋਂ ਸਾਡੇ ਬਾਰੇ ਲਿਖੇਂਗਾ ਤੇ ਮੈਂ ਤੈਨੂੰ ਹਰ ਵਾਰ ਏਹੀ ਆਖਦਾ ਸੀ ਕੇ ਵਾਹਿਗੁਰੂ ਸਮਾਂ ਲਿਆਵੇ ਬਾਬੇ ਉਦੋਂ ਤੈਨੂੰ ਕਹਿਣ ਦੀ ਲੋੜ ਥੋੜ੍ਹੀ ਆ।ਕਿਉੰਕਿ ਵਾਕਿਆ ਈ ਮੈਨੂੰ ਹਮੇਸ਼ਾਂ ਤੇਰੇ ਦੁੱਖਾਂ ਚ ਹੀ ਲਿਖਣਾ ਪਿਆ ਕਿਉੰਕਿ ਦੁੱਖ ਹੀ ਐਨੇ ਸਨ।ਜਿਉੰਦਾ ਰਹਿ ਰਾਮੂੰਵਾਲ਼ੀਆ ਜੱਟਾ ਤੇ ਜਿਉੰਦੇ ਰਹਿਣ ਓਹ ਸਾਰੇ ਭਰਾ ਜਿਨ੍ਹਾਂ ਏਸ ਇੱਕ ਨੇਕ ਕੰਮ ਚ ਆਪਣਾ ਯੋਗਦਾਨ ਦਿੱਤਾ।ਸੋ ਬਹੁਤ ਬਹੁਤ ਮੁਬਾਰਕਾਂ ਬਾਬਾ ਤੈਨੂੰ,ਸਾਡੀ ਛੋਟੀ ਭੈਣ ਸੰਦੀਪ,ਬੱਚੀ ਰੁਪਿੰਦਰ,ਆਪਣੇ ਤੇਜੀ,ਭਾਣਜੇ ਆਕਾਸ਼ ਤੇ ਤੈਨੂੰ ਸਾਰੇ ਪਿਆਰ ਕਰਨ ਵਾਲ਼ਿਆਂ ਨੂੰ।ਕੋਟਿਨ ਕੋਟਿਨ ਸ਼ੁਕਰਾਨਾ ਦਾਤੇ ਦਾ ਜਿਨ੍ਹਾਂ ਮੇਹਰ ਕੀਤੀ ਤੇ ਦਿਲੋਂ ਧੰਨਵਾਦ ਸਾਰੀ ਕਲੱਬ ਤੇ ਬਾਈ ਜੀ ਪ੍ਰਧਾਨ ਸਾਹਬ ਹੁਣਾਂ ਦਾ ਜਿਨ੍ਹਾਂ ਦੇ ਹੱਥੋਂ ਦਾਤੇ ਨੇਂ ਇਹ ਉਪਰਾਲਾ ਕਰਵਾਇਆ ਤੇ ਪ੍ਰਮਾਤਮਾ ਨੇਂ ਉਨ੍ਹਾਂ ਨੂੰ ਇਹ ਵਡਿਆਈ ਬਖਸ਼ੀ।ਸੋ ਇੱਕ ਵਾਰ ਫੇਰ ਬਹੁਤ ਬਹੁਤ ਮੁਬਾਰਕਾਂ Dilbag Gajjanwala ਛੋਟੇ ਵੀਰ ਤੇ ਸ਼ੁੱਭ ਇਛਾਵਾਂ।ਖੂਬ ਤਰੱਕੀਆਂ ਕਰੋਂ!✍️ਸੁਖਚੈਨ ਬਰਾੜ ਚੋਟੀਆਂ ਠੋਬਾ

10/01/2025

#ਭੋਗ_ਤੇ_ਵਿਸ਼ੇਸ਼_ਸ੍ਰ_ਕਰਨੈਲ_ਸਿੰਘ_ਬਰਾੜ

ਪਿੰਡ ਚੋਟੀਆਂ ਠੋਬਾ ਦੇ ਸਾਬਕਾ ਸਰਪੰਚ ਸ੍ਰ: ਹਰਮੰਦਰ ਸਿੰਘ (ਕਾਕਾ ਬਰਾੜ) ਦੇ ਪਿਤਾ ਜੀ ਸ੍ਰ: ਕਰਨੈਲ ਸਿੰਘ ਬਰਾੜ ਜਿਨ੍ਹਾਂ ਦਾ 2 ਜਨਵਰੀ 2025 ਨੂੰ ਲਗਭਗ 101 ਸਾਲ ਦੀ ਉਮਰ ਚ ਦਿਹਾਂਤ ਹੋ ਗਿਆ।ਛੇ ਭੈਣ ਭਰਾਵਾਂ ਚੋਂ ਇੱਕ ਭੈਣ ਤੋਂ ਛੋਟੇ ਅਤੇ ਇੱਕ ਭੈਣ ਤੇ ਤਿੰਨ ਭਰਾਵਾਂ ਤੋਂ ਵੱਡੇ ਸ੍ਰ;ਕਰਨੈਲ ਸਿੰਘ ਬਰਾੜ ਦਾ ਜਨਮ 1924 ਦੇ ਲਗਭਗ ਮਾਤਾ ਸ਼ਾਮ ਕੌਰ ਦੀ ਕੁੱਖੋਂ ਸ੍ਰ:ਰਲ਼ਾ ਸਿੰਘ ਬਰਾੜ ਦੇ ਘਰ ਹੋਇਆ।ਆਪਣੇ ਹਮ ਉਮਰ ਸਾਥੀਆਂ ਤੇ ਉਮਰੋਂ ਛੋਟਿਆਂ ਵਿੱਚ ਉਨ੍ਹਾਂ ਦਾ ਬਹੁਤ ਸਤਿਕਾਰ ਸੀ।ਉਹ ਬਹੁਤ ਖੁਸ਼ਦਿਲ ਤੇ ਮਖੌਲੀਆ ਸੁਭਾਅ ਦੇ ਇਨਸਾਨ ਸਨ।ਸ੍ਰ: ਕਰਨੈਲ ਸਿੰਘ ਬਰਾੜ ਇੱਕ ਬਹੁਤ ਹੀ ਮਿਹਨਤੀ ਤੇ ਸੁਲ਼ਝੇ ਹੋਏ ਇਨਸਾਨ ਸਨ।ਆਪਣੇ ਪਿਤਾ ਜੀ ਦੇ ਦਿਹਾਂਤ ਮਗਰੋਂ ਉਨ੍ਹਾਂ ਆਪਣੇ ਸਾਰੇ ਭੈਣ ਭਰਾਵਾਂ ਨੂੰ ਬਹੁਤ ਹੀ ਵਧੀਆ ਤਰੀਕੇ ਨਾਲ਼ ਸੰਭਾਲ਼ਿਆ।ਉਨ੍ਹਾਂ ਦੀ ਇੱਕ ਵੱਡੀ ਭੈਣ ਜੋ ਮਲੇਸ਼ੀਆ ਰਹਿੰਦੇ ਸਨ ਉਨ੍ਹਾਂ ਦਾ ਦਿਹਾਂਤ ਵੀ ਵੀਹ ਕੁ ਦਿਨ ਪਹਿਲਾਂ ਹੀ ਹੋਇਆ ਹੈ।ਸ੍ਰ: ਕਰਨੈਲ ਸਿੰਘ ਦਾ ਵਿਆਹ ਪਿੰਡ ਰੌਂਤਾ ਜਿਲ੍ਹਾ ਮੋਗਾ ਦੇ ਰਹਿਣ ਵਾਲ਼ੇ ਮਾਤਾ ਸੁਰਜੀਤ ਕੌਰ ਨਾਲ਼ ਹੋਇਆ।ਵਾਹਿਗੁਰੂ ਜੀ ਦੀ ਕ੍ਰਿਪਾ ਦੇ ਨਾਲ਼ ਉਨ੍ਹਾਂ ਦੇ ਘਰ ਪੰਜ ਬੱਚਿਆਂ ਜਿਨ੍ਹਾਂ ਵਿੱਚ ਬਾਈ ਸੁਖਪਿੰਦਰ ਸਿੰਘ ਬਰਾੜ ਸਵ:ਬਲਦੇਵ ਸਿੰਘ ਬਰਾੜ ਬੇਟੀ ਸਵੱਰਨਜੀਤ ਕੌਰ,ਪਿੰਡ ਚੋਟੀਆਂ ਠੋਬਾ ਦੇ ਸਾਬਕਾ ਸਰਪੰਚ ਸ੍ਰ: ਹਰਮੰਦਰ ਸਿੰਘ ਬਰਾੜ (ਕਾਕਾ) ਤੇ ਛੋਟੀ ਬੇਟੀ ਕਰਮਜੀਤ ਕੌਰ ਨੇਂ ਜਨਮ ਲਿਆ।ਆਪਣੀ ਸਖਤ ਮਿਹਨਤ ਅਤੇ ਸੂਝਬੂਝ ਜਰੀਏ ਉਨ੍ਹਾਂ ਆਪਣੇ ਸਾਰੇ ਬੱਚਿਆਂ ਦਾ ਪਾਲਣ ਪੋਸ਼ਣ ਬਹੁਤ ਵਧੀਆ ਤਰੀਕੇ ਕੀਤਾ ਤੇ ਪੜ੍ਹਾਈ ਲਿਖਾਈ ਦੇ ਨਾਲ਼ ਨਾਲ਼ ਚੰਗੇ ਸੰਸਕਾਰ ਦਿੱਤੇ।ਉਨ੍ਹਾਂ ਦੇ ਵੱਡੇ ਪੁੱਤਰ ਸ੍ਰ: ਸੁਖਪਿੰਦਰ ਸਿੰਘ ਬਰਾੜ ਤੇ ਨੂੰਹ ਸਵ: ਸਰਦਾਰਨੀ ਚਰਨਜੀਤ ਕੌਰ ਜੋ ਕੁਝ ਮਹੀਨੇ ਪਹਿਲਾਂ ਹੀ ਸਵੱਰਗ ਸਿਧਾਰ ਗਏ ਸਨ ਨੇਂ ਉਨ੍ਹਾਂ ਦੀ ਬਹੁਤ ਸੇਵਾ ਕੀਤੀ।ਉਨ੍ਹਾਂ ਦੇ ਦੂਜੇ ਪੁੱਤਰ ਬਾਈ ਬਲਦੇਵ ਸਿੰਘ ਬਰਾੜ (ਬੱਲੂ) ਜੋ 2007 ਚ ਇੱਕ ਸੜਕ ਹਾਦਸੇ ਚ ਸਵੱਰਗ ਸਿਧਾਰ ਗਏ ਸਨ ਦੀ ਮੌਤ ਦਾ ਉਨ੍ਹਾਂ ਦੇ ਮਨ ਤੇ ਬਹੁਤ ਗਹਿਰਾ ਦੁੱਖ ਸੀ।ਸਵ:ਬਲਦੇਵ ਸਿੰਘ ਦੀ ਧਰਮਪਤਨੀ ਦਲਜੀਤ ਕੌਰ ਅੱਜਕੱਲ੍ਹ ਆਪਣੇ ਪੁੱਤਰ ਲਵਪ੍ਰੀਤ ਸਿੰਘ ਬਰਾੜ ਕੋਲ਼ ਆਸਟ੍ਰੇਲੀਆ ਦੇ ਐਡੀਲੇਡ ਵਿਖੇ ਰਹਿ ਰਹੇ ਹਨ।ਉਨ੍ਹਾਂ ਦਾ ਛੋਟਾ ਪੁੱਤਰ ਹਰਮੰਦਰ ਸਿੰਘ ਬਰਾੜ (ਕਾਕਾ ਬਰਾੜ) ਜੋ ਕੋਆਪ੍ਰੇਟਿਵ ਸੋਸਾਇਟੀ ਚੰਦ ਨਵਾਂ ਵਿਖੇ ਸੈਕਟਰੀ ਦੀਆਂ ਸੇਵਾਵਾਂ ਨਿਭਾਅ ਰਹੇ ਹਨ ਤੇ ਛੋਟੀ ਨੂੰਹ ਹਰਮੀਤ ਕੌਰ 2018 ਤੋਂ 2023 ਤੱਕ ਸਰਬਸੰਮਤੀ ਨਾਲ਼ ਪਿੰਡ ਦੇ ਸਰਪੰਚ ਰਹੇ ਹਨ।ਆਪਣੀ ਰੁਝੇਵਿਆਂ ਭਰੀ ਜਿੰਦਗੀ ਚੋਂ ਵੀ ਬਾਈ ਹਰਮੰਦਰ ਸਿੰਘ ਕਾਕਾ ਉਨ੍ਹਾਂ ਦਾ ਬਹੁਤ ਖਿਆਲ ਰੱਖਦੇ ਸਨ।ਉਨ੍ਹਾਂ ਦੀ ਵੱਡੀ ਬੇਟੀ ਸਵੱਰਨਜੀਤ ਕੌਰ ਲੁਧਿਆਣਾ ਜਿਲ੍ਹੇ ਦੀ ਤਹਿਸੀਲ ਰਾਏਕੋਟ ਦੇ ਲਾਗੇ ਪਿੰਡ ਝੋਰੜਾਂ ਵਿਖੇ ਵਿਆਹੇ ਹੋਏ ਹਨ ਜੋ ਅੱਜਕੱਲ੍ਹ ਆਪਣੇ ਪ੍ਰੀਵਾਰ ਸਮੇਤ ਕੈਨੇਡਾ ਵਿਖੇ ਰਹਿੰਦੇ ਹਨ।ਛੋਟੀ ਬੇਟੀ ਕਰਮਜੀਤ ਕੌਰ ਬਾਘਾਪੁਰਾਣਾ ਦੇ ਨਾਲ਼ ਲਗਦੇ ਪਿੰਡ ਗਿੱਲ ਵਿਖੇ ਬਹੁਤ ਚੰਗੇ ਪ੍ਰੀਵਾਰ ਚ ਵਿਆਹੀ ਹੋਈ ਹੈ।ਵਾਹਿਗੁਰੂ ਦੀ ਕ੍ਰਿਪਾ ਦੇ ਨਾਲ਼ ਅੱਜ ਉਨ੍ਹਾਂ ਦੇ ਦੋਹਤੇ ਦੋਹਤੀ ਪੋਤੇ ਪੋਤੀਆਂ ਨਿਊਜੀਲੈਂਡ ਕੈਨੇਡਾ ਤੇ ਆਸਟ੍ਰੇਲੀਆ ਵਰਗੇ ਮੁਲਕਾਂ ਚ ਸੈਟਲ ਹਨ।ਉਨ੍ਹਾਂ ਦੇ ਧਰਮਪਤਨੀ ਸਾਡੇ ਤਾਈ ਜੀ ਸਰਦਾਰਨੀ ਸੁਰਜੀਤ ਕੌਰ ਦੀ ਉਮਰ ਵੀ ਸੌ ਸਾਲ ਤੋਂ ਉੱਪਰ ਹੈ ਜੋ ਬਹੁਤ ਹੀ ਸਾਊ ਸੁਭਾਅ ਦੇ ਔਰਤ ਹਨ।ਸਵ: ਸ੍ਰ: ਕਰਨੈਲ ਸਿੰਘ ਬਰਾੜ ਦੀ ਆਤਮਿਕ ਸ਼ਾਂਤੀ ਰੱਖਵਾਏ ਗਏ ਸ਼੍ਰੀ ਸਹਿਜ ਪਾਠ ਜੀ ਦੇ ਭੋਗ 12 ਜਨਵਰੀ 2025 ਦਿਨ ਐਤਵਾਰ ਨੂੰ ਗੁਰੂਦੁਆਰਾ ਸਾਹਿਬ ਸੰਤ ਬਾਬਾ ਪ੍ਰੇਮ ਸਿੰਘ ਜੀ ਪਿੰਡ ਚੋਟੀਆਂ ਠੋਬਾ ਵਿਖੇ ਦੁਪਿਹਰ 12 ਤੋਂ 1 ਵਜੇ ਤੱਕ ਪਾਏ ਜਾਣਗੇ!

ਸ੍ਰ: ਸੁਖਪਿੰਦਰ ਸਿੰਘ ਬਰਾੜ 📱 99143-96846
ਸ੍ਰ:ਹਰਮੰਦਰ ਸਿੰਘ ਸਰਪੰਚ (ਕਾਕਾ ਬਰਾੜ) 📱94631-00271

✍️ਸੁਖਚੈਨ ਬਰਾੜ ਚੋਟੀਆਂ ਠੋਬਾ

31/12/2024

ਿਨ_ਵਿਸ਼ੇਸ_ਤੇ_ਕਿਵੇਂ_ਹੋਈ_ਬਾਈ_ਹਰਭਜਨ_ਮਾਨ_ਨਾਲ਼_ਮੇਰੀ_ਪਹਿਲੀ_ਮਿਲਣੀ🎂🍰🎁🎉🙏🫡

ਪੰਜਾਬੀ ਬੋਲੀ ਦੇ ਓਹ ਅਸਲ ਪਹਿਰੇਦਾਰ ਜੋ ਪਿਛਲੇ ਪੂਰੇ 32 ਸਾਲ ਤੋਂ ਪੰਜਾਬੀ ਮਾਂ ਬੋਲੀ ਦੇ ਜੀਰੀਏ ਪੰਜਾਬੀਆਂ ਦੀ ਲਗਾਤਾਰ ਲਗਤਾਰ ਸੇਵਾ ਕਰਦੇ ਆ ਰਹੇ ਹਨ।ਆਪਣੇ ਏਸ 32 ਸਾਲ ਦੇ ਸਫਰ ਦੌਰਾਨ ਕੈਸੇਟਾਂ ਤੋਂ ਲੈ ਕੇ ਅੱਜ ਦੇ ਯੂਟਿਊਬ ਯੁੱਗ ਤੱਕ ਹਰ ਉਮਰ ਦੇ ਸਰੋਤਿਆਂ ਦੇ ਦਿਲਾਂ ਤੇ ਰਾਜ ਕੀਤਾ ਤੇ ਉਹ ਇੱਕ ਅਜਿਹੇ ਗਾਇਕ ਹਨ ਜਿਨ੍ਹਾਂ ਨੂੰ ਵਿਦੇਸ਼ਾਂ ਚ ਵੀ ਪੂਰੇ ਦੇ ਪੂਰੇ ਪ੍ਰੀਵਾਰ ਸੁਣਨ ਆਂਉੰਦੇ ਹਨ।ਸੰਨ 2002 ਚ ਸ੍ਰ:ਮਨਮੋਹਣ ਸਿੰਘ ਦੀ ਡਾਇਰੈਕਸ਼ਨ ਹੇਠ ਆਪਣੀ ਪਹਿਲੀ ਫਿਲਮ ‘ਜੀ ਆਇਆਂ ਨੂੰ’ ਰਾਹੀਂ ਬਾਈ ਹਰਭਜਨ ਨੇਂ ਪੰਜਾਬੀ ਫਿਲਮਾਂ ਨੂੰ ਇੱਕ ਵੱਖਰੀ ਦਿਸ਼ਾ ਦਿੱਤੀ ਤੇ ਪੰਜਾਬੀ ਸਿਨੇਮੇ ਦੇ ਪੂਰੀ ਤਰ੍ਹਾਂ ਡਿੱਗ ਚੁੱਕੇ ਗ੍ਰਾਫ ਨੂੰ ਉੱਪਰ ਚੁੱਕਿਆ।ਪਰ ਉਨ੍ਹਾਂ ਆਪਣੇ ਮੇਨ ਫੀਲਡ ਗਾਇਕੀ ਨੂੰ ਹਮੇਸ਼ਾਂ ਅੱਗੇ ਰੱਖਿਆ ਤੇ ਗੀਤਾਂ ਦੇ ਨਾਲ਼ ਨਾਲ਼ ਕਲੀਆਂ ਕਵੀਸ਼ੀਰੀਆਂ ਸਮੇਤ ਹਰ ਰੰਗ ਪੰਜਾਬੀਆਂ ਦੀ ਝੋਲ਼ੀ ਪਾਇਆ ਜਿਸ ਵਿੱਚ ਉਨ੍ਹਾਂ ਦੇ ਛੋਟੇ ਵੀਰ ਪਾਈਲਟ ਗੁਰਸੇਵਕ ਮਾਨ ਨੇਂ ਵੀ ਜੀ ਤੋੜ ਸਾਥ ਦਿੱਤਾ।ਸ਼ੁਰੂ ਸ਼ੁਰੂ ਚ ਸਟੇਜਾਂ ਤੇ ਗਾਇਕੀ ਦੇ ਨਾਲ਼ ਨਾਲ਼ ਕੀ ਬੋਰਡ ਪਲੇਅਰ ਤੇ ਵੀ ਉਨ੍ਹਾਂ ਸਾਥ ਵੀ ਗੁਰਸੇਵਕ ਮਾਨ ਨੇਂ ਹੀ ਦਿੱਤਾ।1993 ਚ ਉਨ੍ਹਾਂ ਦੀ ਸੁਪਰ ਡੁਪਰ ਟੇਪ ਚਿੱਠੀਏ ਨੀਂ ਚਿੱਠੀਏ ਹਰ ਘਰ ਦਾ ਸ਼ਿੰਗਾਰ ਬਣੀ।ਮੇਰੇ ਪੰਜਵੀਂ ਕਲਾਸ ਤੋਂ ਲੈ ਕੇ ਦਸਵੀਂ ਕਲਾਸ ਤੱਕ ਸਾਥੀ ਸਟੂਡੈਂਟ ਤੇ ਟੀਚਰ ਜਾਣਦੇ ਹਨ ਕੇ ਹਰ ਬਾਲ ਸਭਾ ਚ ਉਨ੍ਹਾਂ ਦੇ ਗੀਤ ਚਿੱਠੀਏ ਨੀਂ ਚਿੱਠੀਏ ਤੋਂ ਲੈ ਕੇ ਜਾਵੀਂ ਵੇ ਜਾਵੀਂ ਕਾਵਾਂ,ਤੇਰੀ ਭਿੱਜਗੀ ਕੁੜਤੀ ਲਾਲ,ਤੇਰੇ ਵਾਲ਼ਾਂ ਵਿੱਚਲਾ ਚੀਰ,ਚਿੱਠੀ ਦਾ ਜਵਾਬ,ਅੱਖੀਆਂ,ਮਿਰਜਾ ਜੱਗ ਜੰਕਸ਼ਨ ਰੇਲਾਂ ਦਾ ਤੇ ਯਾਦਾਂ ਰਹਿ ਜਾਣੀਆਂ ਵਰਗੇ ਗੀਤਾਂ ਨੂੰ ਮੈਂ ਅਨੇਕਾਂ ਬਾਲ ਸਭਾਵਾਂ ਤੇ ਰਿਸਤੇਦਾਰਾਂ ਦੇ ਵਿਆਹਾਂ ਚ ਸੁਰਜੀਤ ਬਿੰਦਰੱਖੀਆਂ ਪ੍ਰਗਟ ਭਾਗੂ ਬਲਕਾਰ ਸਿੱਧੂ ਤੇ ਗੁਲਾਮ ਜੁਗਨੀ ਵਰਗਿਆਂ ਦੀਆਂ ਸਟੇਜਾਂ ਤੇ ਖੂਬ ਗਾਇਆ ਤੇ ਭਰਭੂਰ ਪਿਆਰ ਮਿਲ਼ਿਆ।ਪਰ ਮੇਰੀ ਸ਼ੁਰੂ ਤੋਂ ਹੀ ਇੱਛਾ ਹਰਭਜਨ ਬਾਈ ਨੂੰ ਮਿਲਣ ਦੀ ਸੀ ਜੋ 29 ਨਵੰਬਰ 2002 ਨੂੰ ਜਾ ਕੇ ਪੂਰੀ ਹੋਈ ਕਿਉੰਕਿ ਉਦੋਂ ਫਿਲਮਾਂ ਪ੍ਰਮੋਟ ਕਰਨ ਦਾ ਟ੍ਰੈਂਡ ਵੀ ਹਰਭਜਨ ਬਾਈ ਨੇਂ ਹੀ ਸ਼ੁਰੂ ਕੀਤਾ ਸੀ ਤੇ ਕੁਝ ਦਿਨ ਪਹਿਲਾਂ ਹੀ ਕੁਦਰਤੀ ਮੈਂ ਬਾਈ ਜੀ ਨੂੰ ਕੈਸੇਟ ਤੋਂ ਨੰਬਰ ਲੱਭ ਕੇ ਫੋਨ ਕੀਤਾ ਤਾਂ ਉਦੋਂ ਓਹ ਪਟਿਆਲ਼ੇ ਰਹਿੰਦੇ ਸਨ ਤੇ ਆਹੀ ਸਾਰਾ ਹਾਲ ਦੱਸਣ ਬਾਅਦ ਜਦ ਮੈਂ ਬਾਈ ਜੀ ਨੂੰ ਦੱਸਿਆ ਕੇ ਜੀ ਆਇਆਂ ਨੂੰ ਮੈਂ ਆਪਣੇ ਵੱਖ ਵੱਖ ਦੋਸਤਾਂ ਨਾਲ਼ 17 ਵਾਰ ਦੇਖ ਲਈ ਹੈ ਸਰ ਪਰ ਮਨ ਫੇਰ ਵੀ ਨਹੀਂ ਅੱਕਦਾ ਬਹੁਤ ਸੋਹਣੀ ਫਿਲਮ ਬਣਾਈ ਹੈ ਤੁਸੀਂ ਤਾਂ ਉਨ੍ਹਾਂ ਕਿਹਾ ਕੇ 29 ਨਵੰਬਰ ਨੂੰ ਮੈਂ ਆਪਣੀ ਫਿਲਮ ਦੀ ਟੀਮ ਨਾਲ਼ ਫਿਲਮ ਦੀ ਪ੍ਰਮੋਸ਼ਨ ਲਈ ਭਾਗ ਸਿਨੇਮਾ ਮੋਗਾ ਵਿਖੇ ਆ ਰਿਹਾਂ ਓਥੇ ਤੂੰ ਮੈਨੂੰ ਜਰੂਰ ਮਿਲ਼ੀਂ।ਲਓ ਜੀ ਸਾਡਾ ਤਾਂ ਚਾਅ ਨਾ ਚੱਕਿਆ ਜਾਵੇ ਕਿਵੇਂ ਨਾ ਕਿਵੇਂ ਮੈਂ ਤਪਤੇਜ ਸਿੰਘ ਮਾਰਕਿਟ ਚੋਂ ਬਾਈ ਬੱਗੇ ਕੋਲ਼ੋਂ ਅੰਦਾਜੇ ਨਾਲ਼ 34 ਵੇਸਟ ਦੀ ਇੱਕ ਵਧੀਆ ਜਿਹੀ ਬਲੈਕ ਕਲਰ ਦੀ ਟਰਾਊਜਰ ਤੇ ਸਕਾਈ ਕਲਰ ਦੀ ਸਵਿੱਟ ਸ਼ਰਟ ਜਿੰਨੀ ਕੁ ਜੋਗੇ ਸੀ ਖ੍ਰੀਦ ਕੇ ਪੈਕ ਕਰਵਾ ਲਈ ਤੇ ਮੋਰੀ ਬਾਜਾਰ ਚੋਂ ਇੱਕ ਦਸ ਦਸ ਦੇ ਨੋਟਾਂ ਵਾਲ਼ਾ ਪੰਜ ਸੌ ਰੁਪਏ ਦਾ ਹਾਰ ਬਣਵਾ ਲਿਆ।ਉਸਤੋਂ ਬਾਅਦ ਕਮਲ ਮੈਂ ਤੇ ਸਾਡਾ ਇੱਕ ਹੋਰ ਦੋਸਤ ਦੀਪ ਜੋ ਪੀਸੀਓ ਤੇ ਕੰਮ ਕਰਦਾ ਸੀ ਅਸੀਂ ਤਿੰਨੋਂ ਜਾਣੇ ਚੇਤਕ ਸਕੂਟਰ ਤੇ ਡੀ ਐਮ ਕਾਲਿਜ ਦੇ ਨਾਲ਼ ਅਲਕਨੰਦਾ ਸਟੂਡੀਓ ਵਾਲ਼ੇ ਬਾਈ ਸੀਰੇ ਕੋਲ਼ ਗਏ ਤੇ ਉਸਨੂੰ ਕੈਮਰਾ ਲੈ ਕੇ ਨਾਲ਼ ਚੱਲਣ ਦੀ ਗੁਜਾਰਿਸ਼ ਕੀਤੀ ਤੇ ਬਾਈ ਸੀਰਾ ਆਪਣੇ ਸਕੂਟਰ ਤੇ ਸਾਡੇ ਨਾਲ਼ ਭਾਗ ਸਿਨਮੇ ਨੂੰ ਚੱਲ ਪਿਆ ਤੇ ਗਾਂਧੀ ਰੋਡ ਵੱਲ ਦੀ ਅਸੀਂ ਭਾਗ ਸਿਨੇਮੇ ਪਹੁੰਚ ਗਏ।ਦਸ ਕੁ ਮਿੰਟ ਬਾਅਦ ਹੀ ਜੀ ਆਇਆਂ ਨੂੰ ਦੀ ਸਾਰੀ ਟੀਮ ਬਾਈ ਸਮੇਤ ਓਥੇ ਪਹੁੰਚ ਗਈ।ਚਾਹ ਪਾਣੀ ਦੀ ਰਸਮ ਤੋਂ ਪੂਰੀ ਟੀਮ ਨੇਂ ਪ੍ਰੈਸ ਕਾਨਫਰੰਸ ਕੀਤੀ ਤੇ ਉਸ ਤੋਂ ਬਾਅਦ ਸਿਨੇਮੇ ਵਾਲ਼ੇ ਉਦੋਂ ਓਹ ਦੋਵੇਂ ਪਿਉ ਪੁੱਤ ਹੀ ਸਨ ਜਿਨ੍ਹਾਂ ਨਾਲ਼ ਸਾਡੀ ਚੰਗੀ ਸੱਥਰੀ ਪੈਣ ਲੱਗ ਗਈ ਸੀ ਤਾਂ ਓਹ ਕਹਿਣ ਲੱਗੇ ਮਾਨ ਸਾਹਬ ਆਹ ਜੀ ਓਹ ਮੁੰਡਾ ਜੀਹਨੇਂ ਸਤਾਰਾਂ ਵਾਰ ਦੇਖੀ ਮੂਵੀ ਤਾਂ ਬਾਈ ਜੀ ਝੱਟ ਆਖਣ ਲੱਗੇ ਹਾਂ ਆਓ ਯਰ ਇਹਦੇ ਨਾਲ਼ ਮੇਰੀ ਗੱਲ ਵੀ ਹੋਈ ਪਟਿਆਲ਼ੇ ਹੁਣ ਤਾਂ ਅਸੀਂ ਕੁਝ ਦਿਨ ਪਹਿਲਾਂ ਹੀ ਮੋਹਾਲ਼ੀ ਮੂਵ ਹੋ ਗਏ ਆਂ ਆਓ ਯਰ ਆਓ।ਤਾਂ ਅਸੀਂ ਨਾਲ਼ ਈ ਸਟੂਡੀਓ ਵਾਲ਼ੇ ਬਾਈ ਸੀਰੇ ਨੂੰ ਕਿਹਾ ਕੇ ਬੱਸ ਦੱਬੀ ਆਈ ਫੋਟੋਆਂ ਵਾਲ਼ਾ ਬਟਨ।ਬਾਈ ਨੇਂ ਮੈਨੂੰ ਜੱਫੀ ਚ ਲਿਆ ਤੇ ਕਿਹਾ ਸ਼ਾਬਾਸ਼ ਯਰ ਸੁਖਚੈਨ ਐਨਾ ਪਿਆਰ ਦੇਣ ਲਈ ਤਾਂ ਮੈਂ ਕਿਹਾ ਨਹੀਂ ਬਾਈ ਜੀ ਤੁਹਾਡੇ ਗੀਤਾਂ ਤੇ ਸ਼ਸਖਸ਼ੀਅਤ ਨਾਲ਼ ਪਿਆਰ ਈ ਐਨਾ ਮੈਂ ਤੁਹਾਡੇ ਗੀਤ ਵੀ ਪੰਜਵੀਂ ਕਲਾਸ ਤੋਂ ਦਸਵੀਂ ਕਲਾਸ ਤੱਕ ਬਹੁਤ ਗਾਏ ਤਾਂ ਨਾਲ਼ ਹੀ ਮੈਂ ਬਾਈ ਜੀ ਨੂੰ ਗਿਫਟ ਦੇਣ ਬਾਰੇ ਕਿਹਾ ਤਾਂ ਉਨ੍ਹਾਂ ਸਪੈਸ਼ਲ ਮੈਨੂੰ ਕਿਹਾ ਕੇ ਆ ਆਪਾਂ ਪਰਦੇ ਦੇ ਅੱਗੇ ਦਰਸ਼ਕਾਂ ਨਾਲ਼ ਵੀ ਦੋ ਗੱਲਾਂ ਕਰਨੀਆਂ ਨੇਂ ਓਥੇ ਹੀ ਇਹ ਰਸਮ ਕਰਲਾਂਗੇ ਨਾਲ਼ ਕਹਿਣ ਲੱਗੇ ਇਹ ਖੇਚਲ਼ ਕਾਹਤੋਂ ਕੀਤੀ ਤੂੰ ਤਾਂ ਮੈਂ ਕਮਲ ਤੇ ਦੀਪ ਸੇਤੀਆਂ ਬਾਈ ਜੀ ਦੇ ਨਾਲ਼ ਹੀ ਪਰਦੇ ਸਾਹਮਣੇ ਸਟੇਜ ਤੇ ਚਲੇ ਗਏ।ਉਨ੍ਹਾਂ ਕੁਝ ਗੱਲਾਂ ਤੇ ਫਿਲਮ ਦੇ ਦੋ ਗੀਤਾਂ ਦਾ ਇੱਕ ਅੰਤਰਾ ਦਰਸ਼ਕਾਂ ਨਾਲ਼ ਸਾਂਝਾ ਕੀਤਾ ਤੇ ਫਿਲਮ ਨੂੰ ਐਨਾ ਪਿਆਰ ਦੇਣ ਲਈ ਧੰਨਵਾਦ ਵੀ।ਸਾਡੀ ਖੁਸ਼ੀ ਦਾ ਕੋਈ ਟਿਕਾਣਾ ਨਾ ਕੇ ਓਸ ਸਮੇਂ ਤੇ ਅਸੀਂ ਬਾਈ ਜੀ ਦੇ ਨਾਲ਼ ਖੜ੍ਹੇ ਹਾਂ ਜਦ ਉਨ੍ਹਾਂ ਦੀ ਏਸ ਫਿਲਮ ਦੀ ਹਰ ਪਾਸੇ ਚਰਚਾ।ਫਿਰ ਬਾਈ ਨੇਂ ਮੈਨੂੰ ਤੇ ਮੇਰੇ ਦੋ ਦੋਸਤਾਂ ਨੂੰ ਵੀ ਬੁਲਾ ਲਿਆ ਦਰਸ਼ਕਾਂ ਤੇ ਪੱਤਰਕਾਰਾਂ ਨੂੰ ਸੰਬੋਧਨ ਹੁੰਦਿਆਂ ਆਖਣ ਲੱਗੇ ਕੇ ਇਹ ਮੁੰਡਾ ਸੁਖਚੈਨ ਮੇਰਾ ਪੱਕਾ ਫੈਨ ਆ ਜੀ ਮੇਰੇ ਗੀਤ ਵੀ ਸਾਰੇ ਜਾਣਦਾ ਤੇ ਸਭ ਤੋਂ ਖਾਸ ਗੱਲ ਇਹ ਜੋ ਤੁਸੀਂ ਆਪਣੀ ਮੂਵੀ ਅੱਜ ਦੇਖਣ ਆਏ ਹੋ ਇਹ ਪਹਿਲੇ ਸ਼ੋਅ ਤੋਂ ਲੈ ਕੇ ਹੁਣ ਤੱਕ 17 ਵਾਰ ਦੇਖ ਚੁੱਕਿਆ ਤੇ ਅੱਜ ਮੈਨੂੰ ਮਿਲਣ ਵੀ ਆਇਆ ਸਪੈਸ਼ਲੀ ਤੇ ਫਿਰ ਉਨ੍ਹਾਂ ਪੱਤਰਕਾਰਾਂ ਨੂੰ ਕਿਹਾ ਇਹਦੀ ਵੀ ਵਿੱਚ ਖਬਰ ਜਰੂਰ ਲਾਇਓ।ਫਿਰ ਮੈਂ ਆਪਣੇ ਦੋਵੇਂ ਦੋਸਤਾਂ ਕਮਲ ਤੇ ਦੀਪ ਨੂੰ ਨਾਲ਼ ਲੈ ਕੇ ਪਹਿਲਾਂ ਬਾਈ ਜੀ ਦੇ ਗਲ਼ ਚ ਹਾਰ ਪਾਇਆ ਤੇ ਫਿਰ ਗਿਫਟ ਭੇਂਟ ਕੀਤਾ ਤੇ ਹੌਲੀ ਕੁ ਦੇਣੇ ਕਿਹਾ ਬਾਈ ਜੀ ਭਾਵੇਂ ਪੰਜ ਮਿੰਟ ਹੀ ਪਾਇਓ ਪਰ ਕਿਸੇ ਗੀਤ ਜਾਂ ਫਿਲਮ ਚ ਪਾਇਓ ਜਰੂਰ ਤੇ ਉਨ੍ਹਾਂ ਇਹ ਵਾਅਦਾ ਨਿਭਾਇਆ ਵੀ ਫਿਰ ਅਸਾਂ ਨੂੰ ਮਾਣ ਵਤਨਾਂ ਦਾ ਫਿਲਮ ਦੇ ਇੱਕ ਸੀਨ ਚ ਓਹ ਗਿਫਟਡ ਸਕਾਈ ਰੰਗ ਦੀ ਸਵਿੱਟ ਤੇ ਬਲੈਕ ਟ੍ਰਾਊਜਰ ਜਰੂਰ ਪਾਈ।30 ਨਵੰਬਰ ਨੂੰ ਜਦ ਮੈਂ ਆਪਣੇ ਹੋਰ ਮਿੱਤਰਾਂ ਨਾਲ਼ ਤਪਤੇਜ ਸਿੰਘ ਮਾਰਕਿਟ ਆਪਣੇ ਟਿਕਾਣੇ ਤੇ ਬੈਠਾ ਸੀ ਤਾਂ ਇੱਕ ਦੁਕਾਨ ਵਾਲ਼ੇ ਵੀਰ ਨੇਂ ਦਵਾ ਦਵ ਆ ਕੇ ਹਿੰਦੀ ਦਾ ਅਮਰ ਉਜਾਲਾ ਅਖਬਾਰ ਮੇਰੇ ਮੂਹਰੇ ਕਰਦਿਆਂ ਕਿਹਾ ਦੇਖ ਆਹ ਤੇਰੀ ਫੋਟੋ ਨੀਂ ਭਲਾ?ਤਾਂ ਮੈਂ ਖੁਸ਼ੀ ਚ ਹੋਰ ਖੀਵਾ ਹੁੰਦੇ ਨੇਂ ਆਖਿਆ ਹਾਂਜੀ ਹਾਂਜੀ ਮੇਰੀ ਆ ਕੱਲ੍ਹ ਭਾਗ ਸਿਨੇਮੇ ਹਰਭਜਨ ਮਾਨ ਆਇਆ ਸੀ ਤੇ ਅਸੀਂ ਬਾਈ ਨੂੰ ਮਿਲਣ ਗਏ ਸੀ।2002 ਜਦ ਅਜੇ ਫੋਨ ਕਿਸੇ ਕਿਸੇ ਕੋਲ਼ ਹੀ ਸੀ ਤਾਂ ਮਾਰਕਿਟ ਚ ਮੇਰੀ ਪੂਰੀ ਟੌਹਰ ਬਣ ਗਈ ਤੇ ਦੁਕਾਨਦਾਰ ਆਪਣੇ ਸਟਾਈਲ ਚ ਇੱਕ ਦੂਜੇ ਨੂੰ ਦੱਸਣ ਕੇ ਫੋਟੋ ਆਈ ਏਹਦੀ ਅਖਬਾਰ ਚ ਦੇਖੀ ਅੱਜ?ਤਾਂ ਵਿੱਚ ਵਿੱਚ ਜਵਾਜ ਆਵੇ ਕੇ ਹਾਂ ਹਾਂ ਦੇਖੀ ਹਰਭਜਨ ਮਾਨ ਆਇਆ ਸੀ ਭਾਗ ਚ ਓਥੇ ਦੀ ਆ ਉਹਨੂੰ ਮਿਲ਼ ਕੇ ਆਇਆ ਇਹ ਕੁਝ ਗਿਫਟ ਵੀ ਲਗਿਆ ਕੱਲ੍ਹ ਬੱਗੇ ਕੋਂ ਇਹ।ਸੋ ਇਹ ਸੀ ਸਾਡੀ ਬਾਈ ਹਰਭਜਨ ਨਾਲ਼ ਪਹਿਲੀ ਮਿਲਣੀ ਜੋ ਨੌਂ ਸਾਲਾਂ ਬਾਅਦ ਜਾ ਕੇ ਪੂਰੀ ਹੋਈ।ਇੱਕ ਸ਼ਾਹ ਅਸਵਾਰ ਗਾਇਕ ਦੇ ਨਾਲ਼ ਨਾਲ਼ ਹਰ ਪੱਖ ਤੋਂ ਓਹ ਬਹੁਤ ਸੁਲ਼ਝੇ ਹੋਏ ਇਨਸਾਨ ਹਨ।ਐਨੇ ਲੰਬੇ ਕੈਰੀਅਰ ਜਿਸਦੀ ਲਹਿਰ ਹਰ ਦੌਰ ਚ ਨਿਰੰਤਰ ਵਗ ਰਹੀ ਹੈ ਕਦੇ ਕਿਸੇ ਕੰਟਰੋਵਰਸੀ ਚ ਨਹੀਂ ਦੇਖਿਆ ਹੋਣਾ ਕਿਸੇ ਨੇਂ ਉਨ੍ਹਾਂ ਨੂੰ ਤੇ ਏਹੀ ਕਾਰਨ ਹੈ ਕੇ ਹਰ ਸਮੇਂ ਦੇ ਸਟਾਰ ਚਾਹੇ ਸੁਪਰ ਸਟਾਰ ਹੋਣ ਉਨ੍ਹਾਂ ਦਾ ਸਤਿਕਾਰ ਕਰਦੇ ਹਨ।ਅੱਜ ਬਾਈ ਜੀ ਦੇ ਜਨਮ ਦਿਨ ਤੇ ਇਹ ਕਾਲਮ ਲਿਖ ਕੇ ਮੈਨੂੰ ਬਹੁਤ ਖੁਸ਼ੀ ਹੋ ਰਹੀ ਹੈ।ਵਾਹਿਗੁਰੂ ਜੀ ਉਨ੍ਹਾਂ ਨੂੰ ਹਮੇਸ਼ਾਂ ਸਿਹਤਯਾਬੀ ਬਖਸ਼ਣ ਤੇ ਉਨ੍ਹਾਂ ਦੀ ਉਮਰ ਲੋਕ ਗੀਤਾਂ ਜਿੰਨੀ ਲੰਬੀ ਹੋਵੇ ਤਾਂ ਜੋ ਹੋਰ ਵੀ ਪੰਜਾਬੀ ਗੀਤ ਕਲੀਆਂ ਕਵੀਸ਼ਰੀ ਦਾ ਖਜਾਨਾ ਜੋ ਉਨ੍ਹਾਂ ਕੋਲ਼ ਪਿਆ ਸ੍ਰ:ਬਾਬੂ ਸਿੰਘ ਮਾਨ ਮਰ੍ਹਾੜਾਂ ਵਾਲ਼ਿਆਂ ਦੀ ਕਲਮ ਚੋਂ ਉਪਜੇ ਗੀਤ ਓਹ ਆਪਣੀ ਖੂਬਸੂਰਤ ਆਵਾਜ ਪੰਜਾਬ ਤੇ ਪੰਜਾਬੋਂ ਬਾਹਰ ਆਪਣੇ ਸਰੋਤਿਆਂ ਦੀ ਝੋਲ਼ੀ ਪਾਂਉੰਦੇ ਰਹਿਣ ਆਮੀਨ!✍️ਸੁਖਚੈਨ ਬਰਾੜ ਚੋਟੀਆਂ ਠੋਬਾ
ਮਾਨਾਂ ਮਰ ਜਾਣਾ ਪਿੱਛੇ ਯਾਦਾਂ ਰਹਿ ਜਾਣੀਆਂ🙏❤️🙏

25/11/2024

#ਆਪਣੇ_ਆਪ_ਚ_ਹੀ_ਕਬੱਡੀ_ਦੀ_ਇੱਕ_ਸੰਸਥਾ_ਹੈ_ਕਾਲ਼ਾ_ਬਾਗੜੀਆਂ🤼

ਭੁਲੱਥ ਹਲਕਾ ਪੈਂਦਾ ਇਸ ਤਸਵੀਰ ਵਾਲ਼ੇ ਨੌਜੁਆਨ ਦੇ ਪਿੰਡਾਂ ਨੂੰ ਜਾਣ ਲਈ।ਜੇਕਰ ਵੱਖ ਵੱਖ ਸਮੇਂ ਤੇ ਸਿਆਸਤਦਾਨਾਂ ਨੇਂ ਭੁਲ਼ੱਥ ਨੂੰ ਸਿਆਸਤ ਦੀ ਇੱਕ ਹੌਟ ਸੀਟ ਬਣਾਇਆ ਤਾਂ ਓਥੇ ਪੰਜਾਬੀਆਂ ਦੀ ਮਾਂ ਕਹੀ ਜਾਣ ਵਾਲ਼ੀ ਖੇਡ ਕਬੱਡੀ ਨੂੰ ਪਹਿਲਾਂ ਖੇਡ ਕੇ ਤੇ ਫਿਰ ਪੰਜਾਬ ਦੇ ਸਾਰੇ ਜਿਲ੍ਹਿਆਂ ਸਮੇਤ ਹਰਿਆਣਾ ਰਾਜਸਥਾਨ ਤੇ ਯੂਪੀ ਤੱਕ ਦੀਆਂ ਟੀਮਾਂ ਸ਼ਾਮਿਲ ਕਰ ਚੈਂਪੀਅਨਸ਼ਿੱਪਾਂ ਕਰਵਾ ਕੇ ਦੁਨੀਆਂ ਨੂੰ ਦੱਸਿਆ ਕੇ ਕਪੂਰਥਲਾ ਜਿਲ੍ਹਾ ਕਿੱਥੇ ਪੈਂਦਾ ਤੇ ਕਪੂਰਥਲੇ ਜਿਲ੍ਹੇ ਚ ਬਾਗੜੀਆਂ ਕਿੱਥੇ ਕੁ ਜੇ ਪੈਂਦਾ।ਪਰ ਇਸ ਵਾਰ ਪਿਛਲੇ ਸਾਲਾਂ ਨਾਲ਼ੋਂ ਵੀ ਇੱਕ ਸਟਿੱਪ ਅੱਗੇ ਮਹਾਂ ਚੈਪੀਂਅਨਸ਼ਿਪ ਕਰਵਾ ਰਹੇ ਨੇਂ ਕਾਲ਼ਾ ਤੇ ਉਸਦੇ ਯਾਰ ਬੇਲੀ।ਏਥੇ ਕੋਈ ਹਜਾਰ ਰੁਪਿਆ ਦੇ ਦੇਵੇ ਤਾਂ ਪੋਸਟਰ ਤੇ ਫੋਟੋ ਪਹਿਲਾਂ ਭਾਲ਼ਦਾ ਪਰ ਬਾਗੜੀਆਂ ਦੇ ਪੋਸਟਰ ਤੇ ਤਿੰਨ ਹੀ ਫੋਟੋ ਜਿਆਦਾਤਰ ਓਹ ਵੀ ਇੱਕ ਕਾਰਨਰ ਚ ਦੇਖਣ ਮਿਲ਼ਦੀਆਂ ਕਾਲ਼ਾ ਗੱਬਰ ਤੇ ਕੋਚ ਸਾਬ।ਸਭ ਤੋਂ ਪਹਿਲਾਂ ਇਹ ਚੈਂਪੀਅਨ ਸ਼ਿਪ 20 ਨਵੰਬਰ ਨੂੰ ਕਰਵਾਈ ਜਾਂਦੀ ਸੀ ਪਰ ਕੁਝ ਖਿਡਾਰੀਆਂ ਦੇ ਬਾਹਰੋਂ ਲੇਟ ਆਉਣ ਕਾਰਨ ਇਹ ਚੈਂਪੀਅਨਸ਼ਿਪ ਹੁਣ ਫਰਵਰੀ ਦੇ ਦੂਜੇ ਵੀਕ ਕਰਵਾਈ ਜਾਣ ਲੱਗੀ ਹੈ ਤੇ ਸਭ ਤੋਂ ਖਾਸ ਗੱਲ ਇਹ ਕੇ ਕਾਲ਼ਾ ਇੱਕ ਚੈਂਪੀਂਅਨਸ਼ਿਪ ਕਰਵਾ ਕੇ ਘਰ ਨਹੀਂ ਬੈਠਦਾ ਸਗੋਂ ਅਗਲੀ ਵਾਰੀ ਚੈਂਪੀਅਨਸ਼ਿਪ ਨੂੰ ਹੋਰ ਬਿਹਤਰ ਬਣਾਉਣ ਚ ਜੁਟ ਜਾਂਦਾ ਹੈ।ਜੇ ਮੈਂ ਭੁੱਲਦਾ ਨਾ ਹੋਵਾਂ ਤਾਂ 11 ਫਰਵਰੀ 2025 ਨੂੰ ਹੋਣ ਨੂੰ ਹੋਣ ਜਾ ਰਹੀ ਮਹਾਂ ਚੈਪੀਂਅਨਸ਼ਿਪ ਦਾ ਪੋਸਟਰ ਕਾਲ਼ੇ ਨੇਂ ਜੂਨ ਜੁਲਾਈ ਹੀ ਆਪਣੀ ਫੇਸਬੁੱਕ ਟਾਈਮਲਾਈਨ ਤੇ ਇੰਸਟਾਗ੍ਰਾਮ ਤੇ ਪਾ ਦਿੱਤਾ ਸੀ ਤੇ ਤੁਸੀਂ ਅੰਦਾਜਾ ਲਾਓ ਕੇ ਹੁਣ ਕਿੰਨੀ ਤਿਆਰੀ ਚੱਲ ਰਹੀ ਹੋਵੇਗੀ।ਕਬੱਡੀ ਚ ਇੱਕ ਰੁਝਾਨ ਇਹ ਵੀ ਰਿਹਾ ਕੇ 500 ਰੁਪਿਆ ਬੁਲਾਰੇ ਜਾਂ ਖਿਡਾਰੀ ਨੂੰ ਦੇ ਕੇ ਅਗਲਾ ਸਾਰਾ ਸਾਰਾ ਦਿਨ ਨਵੇਂ ਮੁੰਡਿਆਂ ਤੋਂ ਆਪਣਾ ਹੀ ਨਾ ਬੁਲਵਾਈ ਜਾਂਦਾ ਸੀ ਤੇ ਬਹੁਤ ਤਾਂ ਘਰ ਬੈਠ ਕੇ ਵੀ ਨਾ ਬੁਲਾ ਜਾਂਦੇ ਹਨ ਪਰ ਕਾਲ਼ੇ ਦੀ ਬੈਕ ਬੋਨ ਉਸਦੇ ਚੋਟੀ ਚੋਟੀ ਦੇ ਪ੍ਰਮੋਟਰਾਂ ਨੇਂ ਰਾਇ ਕਰਕੇ ਇਹ ਮੁੱਦਾ ਹੀ ਖਤਮ ਕਰਤਾ ਕੇ ਮੰਨਲੋ ਜਿਸ ਕਿਸੇ ਨੇਂ ਰੇਡਰ ਦੀਆਂ ਇੱਕ ਜਾਂ ਦੋ ਕਬੱਡੀਆਂ ਜਾਂ ਕਿਸੇ ਚੰਗੇ ਜਾਫੀ ਦੁਆਰਾ ਜੱਫਾ ਲਾਏ ਜਾਣ ਤੇ ਪੈਸੇ ਦੇਣੇ ਆ ਤਾਂ ਕੁਮੈਂਟੇਟਰ ਸਿਰਫ ਇੰਨਾ ਹੀ ਬੋਲੇਗਾ ਕੇ ਫਲਾਣੇ ਜਾਫੀ ਨੇਂ ਆਹ ਰੇਡਰ ਨੂੰ ਜੱਫਾ ਲਾਤਾ ਇਹਦੇ ਲਈ ਪੰਜ ਹਜਾਰ ਜਾਂ ਦਸ ਹਜਾਰ ਆਇਆ ਪਰ ਆਇਆ ਕੀਹਦੇ ਵੱਲੋਂ ਆ ਇਹ ਰੱਬ ਜਾਣਦਾ।ਕਾਲ਼ੇ ਤੇ ਉਸਦੀ ਟੀਮ ਦੀ ਇਸ ਸੋਚ ਨੂੰ ਹਰ ਕਬੱਡੀ ਪ੍ਰੇਮੀ ਨੇਂ ਸਲਾਹਿਆ।ਜਿਹਨੂੰ ਕਹਿੰਦੇ ਆ ਨਾ ਠਾਠਾ ਮਾਰਦਾ ਇਕੱਠ ਤਾਂ ਓਹ ਹੁੰਦਾ ਓਥੇ।ਜਿੱਥੇ ਪਹਿਲੇ ਸਾਲਾਂ ਚ ਦੋ ਸਾਲ ਬੈਸਟ ਰੇਡਰ ਤੇ ਜਾਫੀ ਨੂੰ ਅਲਟੋ ਕਾਰਾਂ ਦਿੱਤੀਆਂ ਜਾਂਦੀਆਂ ਰਹੀਆਂ ਫਿਰ ਨਵੇਂ ਫਾਰਮ ਟ੍ਰੈਕ ਤੇ ਦੋ ਕੁ ਸਾਲਾਂ ਤੋਂ ਕਾਲ਼ੇ ਹੁਣਾਂ ਵੱਲੋਂ ਟੀ ਟਵੰਟੀ ਕ੍ਰਿਕੇਟ ਦੇ ਮੈਚਾਂ ਵਾਂਗ ਹਰ ਮੈਚ ਚ ਬੈਸਟ ਰੇਡਰ ਤੇ ਜਾਫੀ ਲਈ ਵੀ 42 ਇੰਚ ਐਲ ਈਡੀਜ ਮੈਚ ਸਮਾਪਤ ਹੁੰਦੇ ਹੀ ਗਰਾਂਊੰਡ ਚ ਪਹੁੰਚਾ ਦਿੱਤੀਆਂ ਜਾਂਦੀਆਂ ਹਨ।ਇਸ ਵਾਰ ਵੀ ਪੰਜਾਬ ਹਰਿਆਣਾ ਰਾਜਸਥਾਨ ਯੂਪੀ ਦੇ ਜਿਲ੍ਹਿਆਂ ਨੂੰ ਜੋੜ ਕੇ ਟੀਮਾਂ ਬਣਾਈਆਂ ਗਈਆਂ ਹਨ ਤੇ ਲਗਭਗ ਪੰਦਰਾਂ ਪੰਦਰਾਂ ਲੱਖ ਦੀ ਕੀਮਤ ਵਾਲ਼ੇ ਫੋਰਡ 3630 ਨਿਊ ਹੋਲੈਂਡ ਫਾਈਨਲ ਮੈਚ ਦੇ ਉੱਤਮ ਰੇਡਰ ਤੇ ਜਾਫੀਆਂ ਨੂੰ ਦਿੱਤੇ ਜਾਣਗੇ ਜੋ ਕਿਸਦੇ ਘਰ ਦਾ ਸ਼ਿੰਗਾਰ ਬਣਨਗੇ ਇਹ ਅਜੇ ਸਮੇਂ ਦੇ ਗ੍ਰਭ ਚ ਆ।ਸਲਿਊਟ ਆ ਕਾਲ਼ੇ ਦੀ ਸੋਚ ਨੂੰ ਕੇ ਕਰੋੜ ਡੇਡ ਕਰੋੜ ਦੀ ਲਾਗਤ ਵਾਲੀ ਇਸ ਚੈਂਪਅਨਸ਼ਿਪ ਨੂੰ ਉਹ ਬਹੁਤ ਸਹਿਜ ਤੇ ਠਰੰਮੇ ਨਾਲ਼ ਚਲਾਉੰਦਾ ਹੈ ਤੇ ਮੈਂ ਕਦੇ ਉਸਦੇ ਚਿਹਰੇ ਤੇ ਸਕਿਸ਼ਤ ਨਹੀਂ ਦੇਖੀ ਤੇ ਨਾ ਹੀ ਮੈਂ ਉਸਨੂੰ ਕਦੇ ਕਿਸੇ ਨਵੇਂ ਰੈਫਰੀ ਕੁਮੈਂਟੇਟਰ ਨੂੰ ਖਾਲੀ ਮੋੜਦਾ ਦੇਖਿਆ।ਓਹ ਆਏ ਹੋਏ ਹਰ ਵਿਆਕਤੀ ਦਾ ਬਹੁਤ ਨਿਮਰਤਾ ਨਾਲ਼ ਮਾਣ ਕਰਦਾ।ਵਾਕਿਆ ਹੀ ਪੰਜਾਬੀਆਂ ਦੀ ਮਾਂ ਖੇਡ ਕਹੀ ਜਾਣ ਵਾਲ਼ੀ ਕਬੱਡੀ ਨੂੰ ਕਾਲ਼ੇ ਵਰਗੇ ਪਹਿਲਾਂ ਖੇਡੇ ਤੇ ਹੁਣ ਖਿਡਾ ਰਹੇ ਨੌਜੁਆਨਾਂ ਦੀ ਲੋੜ ਹੈ ਜੋ ਕਬੱਡੀ ਨੂੰ ਬਹੁਤ ਹੀ ਵਿਉੰਤਬੰਦੀ ਨਾਲ਼ ਨੇਪਰੇ ਚਾੜ੍ਹਨ ਦਾ ਜੋਸ਼ ਤੇ ਜਜਬਾ ਰੱਖਦੇ ਹਨ।ਤਿਆਰੀ ਰੱਖਿਓ ਫਿਰ 11 ਫਰਵਰੀ ਨੂੰ ਪੂਰੀ ਜਿਹੜੇ ਨਹੀਂ ਪਹੁੰਚ ਸਕਦੇ ਓਹ 365.com ਤੇ ਯੂਟਿਊਬ ਦੀ ਚੀਕਾਂ ਪੈਂਦੀਆਂ ਚ ਸ਼ਾਮਿਲ ਹੋਜਿਓ ਫਿਰ।ਅਸੀਂ ਵੀ ਪਹੁੰਚਾਂਗੇ ਰੁਪਿੰਦਰ ਜਾਂ ਬੂਟੇ ਯਾਰ ਨਾਲ਼ ਜੇ ਉਦੋਂ ਤੱਕ ਡਾਕਟਰ ਸਾਹਿਬ ਨੇਂ ਤੁਰਨ ਦੀ ਪ੍ਰਮਿਸ਼ਨ ਦੇਤੀ ਤਾਂ।ਜਿਉੰਦੇ ਰਹੋ ਜਵਾਨੀਆਂ ਮਾਣੋਂ।ਬਾਕੀ ਟਾਈਮ ਟੂ ਟਾਈਮ ਹੋਰ ਵੀ ਇਸ ਚੈਪੀਂਅਨਸ਼ਿਪ ਬਾਰੇ ਨਵੀਂ ਨਵੀਂ ਅੱਪਡੇਟ ਤੁਹਾਡੇ ਤੱਕ ਪਹੁੰਚਾਂਉੰਦੇ ਰਹਾਂਗੇ।ਜੀਓ ਜੀਅ ਭਰ ਕੇ!🙏🤼✍️ਸੁਖਚੈਨ ਬਰਾੜ ਚੋਟੀਆਂ ਠੋਬਾ

ਨੋਟ:ਚੈਂਪੀਅਨਸ਼ਿਪ ਤਾਂ ਵਧੀਆ ਹੋਊ ਹੀ ਹੋਊ ਕੋਈ ਦੋ ਰਾਇ ਨੀ ਪਰ ਜੇ ਪ੍ਰਾਈਜ ਤੇ ਪੋਸਟ ਵਧੀਆ ਲੱਗੇ ਤਾਂ ਲਾਈਕ ਤੇ ਆਪਣੇ ਸੁਝਾਅ ਰੂਪੀ ਕੁਮੈਂਟ ਜਰੂਰ ਕਰਿਓ ਇਹਦੇ ਨਾਲ਼ ਇੱਕ ਲਿਖਣ ਵਾਲ਼ੇ ਦਾ ਵੀ ਹੌਂਸਲਾ ਜਰੂਰ ਵਧਦਾ।🙏ਬਾਕੀ ਇਹ ਪੋਸਟ ਵੱਧ ਤੋਂ ਵੱਧ ਸ਼ੇਅਰ ਕਰਦੋ ਮੇਰੇ ਵੀਰ ਤੇ ਦੱਸਿਓ ਕੇ ਕੌਣ ਕਿੱਥੋਂ ਕਿੱਥੋਂ ਆ ਰਿਹਾ।ਜੇ ਕਿਸੇ ਨੇਂ ਦੂਰੋਂ ਆਉਣਾ ਹੋਇਆ ਤਾਂ ਉਨ੍ਹਾਂ ਲਈ ਰਾਤ ਦੇ ਰਹਿਣ ਦਾ ਵੀ ਅ੍ਰਾਗੇਨਾਈਜੇਸ਼ਨ ਵੱਲੋਂ ਪੂਰਾ ਪ੍ਰਬੰਧ ਆ।ਆਹ ਕਾਲ਼ੇ ਦਾ ਨੰਬਰ ਆ 98725-37152 ਸੋ ਸ਼ੇਅਰ ਜਰੂਰ ਕਰਿਓ ਸਾਰੇ ਭਰਾ🙏🤼

28/10/2024

ਿਨ_ਮੁਬਾਰਕ_ਕਲੋਜ_ਫਾਈਟਰ_ਪਾਲਾ_ਜਲਾਲਪੁਰੀਆ

ਅੱਜ ਮੇਰੇ ਬਹੁਤ ਹੀ ਪਿਆਰੇ ਅਤੇ ਛੋਟੇ ਵੀਰ ਅੰਤਰ੍ਰਾਸਟਰੀ ਕਬੱਡੀ ਦੇ ਕਲੋਜਫਾਈਟਰ ਸੁਪਰ ਡੁਪਰ ਸਟਾਰ ਸਭ ਦੀ ਪਸੰਦ ਬਲਵੀਰ ਸਿੰਘ ਪਾਲੇ ਦਾ ਜਨਮ ਦਿਨ ਹੈ।28 ਅਕਤੂਬਰ 1988 ਨੂੰ ਸ੍ਰ: ਸੋਹਣ ਸਿੰਘ ਸਿੱਧੂ ਦੇ ਘਰ ਮਾਤਾ ਸੁਰਜੀਤ ਕੌਰ ਦੀ ਕੁੱਖੋਂ ਪੈਦਾ ਹੋਏ ਬਲਵੀਰ ਨੂੰ ਬਚਪਨ ਤੋਂ ਕਬੱਡੀ ਖੇਡਣ ਦਾ ਸ਼ੌਂਕ ਸੀ ਪਰ ਕੋਈ ਰਾਹ ਨਹੀਂ ਸੀ ਲੱਭ ਰਿਹਾ।ਲੋਹੀਆਂ ਦੇ ਲਾਗੇ ਜਲਾਲਪੁਰ ਪਿੰਡ ਚ ਪਹਿਲਾਂ ਉਸਦੇ ਦਾਦੇ ਬਾਬੇ ਘੁਲ਼ਦੇ ਰਹੇ ਸਨ ਪਰ ਬਲਵੀਰ ਦਾ ਮਨ ਸਦਾ ਕਬੱਡੀ ਖੇਡਣ ਲਈ ਲੋਚਦਾ ਰਹਿੰਦਾ।ਪਿੰਡ ਪੱਧਰ ਤੇ ਓਹ ਥੋੜ੍ਹੀ ਬਹੁਤੀ ਕਬੱਡੀ ਖੇਡ ਛੱਡਦਾ ਪਰ ਉਸਦੇ ਸੁਪਨੇ ਵੱਡੇ ਸਨ ਤੇ ਉਹ ਕੁਝ ਕਰ ਗੁਜਰਨ ਦੀ ਸਮਰੱਥਾ ਰੱਖਦਾ ਸੀ।ਵਾਹਿਗੁਰੂ ਦੀ ਕ੍ਰਿਪਾ ਹੋਈ ਤੇ ਪਾਤਰ ਸਾਬ ਦੀਆਂ ਲਾਈਨਾਂ ਇਸ ਚੋਬਰ ਤੇ ਬਾਖੂਬੀ ਢੁਕੀਆਂ ਕੇ ‘ਉੱਗਣ ਵਾਲ਼ੇ ਉੱਗ ਪੈਂਦੇ ਨੇਂ ਪਾੜ ਕੇ ਸੀਨਾ ਪੱਥਰਾਂ ਦਾ’ਉਸਦਾ ਜਨੂੰਨ ਸੀ ਕਬੱਡੀ ਪ੍ਰਤੀ ਤੇ ਓਹ ਜਾ ਪਹੁੰਚਿਆ ਗੁਰਮੇਲ ਸਿੰਘ ਮੋਲੋ ਪੂਨੀਆਂ ਰੇੜਵਾਂ ਵਾਲ਼ਿਆਂ ਕੋਲ਼।ਉਸਨੇਂ ਸੰਗਦਿਆਂ ਸੰਗਦਿਆਂ ਕੋਚ ਸਾਬ ਨਾਲ਼ ਉਨ੍ਹਾਂ ਕੋਲ਼ ਕਬੱਡੀ ਦੀ ਮਿਹਨਤ ਬਾਰੇ ਗੱਲ ਕੀਤੀ।ਕੋਚ ਸਾਬ ਨੇਂ ਵੀ ਉਸਦਾ ਮਜਬੂਤ ਤੇ ਛਾਂਟਵਾਂ ਸ਼ਰੀਰ ਭਾਂਪ ਲਿਆ ਤੇ ਲੰਬੇ ਹੱਥ ਦੇਖ ਆਪਣੇ ਕੋਲ਼ ਮਿਹਨਤ ਕਰਵਾਉਣ ਦੀ ਹਾਮੀ ਭਰ ਦਿੱਤੀ।ਬੱਸ ਫਿਰ ਬਲਵੀਰ ਨੇਂ ਵੀ ਜੀਅ ਜਾਨ ਲਾਅ ਕੇ ਮਿਹਨਤ ਕੀਤੀ ਤੇ ਪਤਾ ਈ ਨਾ ਲੱਗਾ ਕਦ ਵੱਖ ਵੱਖ ਕਲੱਬਾਂ ਲਈ ਖੇਡਦਾ ਖੇਡਦਾ ਓਹ ਬਲਵੀਰ ਤੋਂ ਪਾਲਾ ਜਲਾਲਪੁਰੀਆ ਬਣ ਗਿਆ।ਉਸਦੇ ਵੱਡੇ ਭਰਾ ਜੀਤੇ ਨੇ ਪਾਲੇ ਦੇ ਇਸ ਸੰਘਰਸ਼ ਭਰੇ ਦੌਰ ਚ ਵਿਦੇਸ਼ ਬੈਠਿਆਂ ਉਸਦੀ ਖੁਰਾਕ ਤੋਂ ਇਲਾਵਾ ਹੋਰ ਸਾਰੀ ਦੇਖਭਾਲ਼ ਵਿੱਚ ਪੂਰਾ ਜੋਰ ਲਾਇਆ ਤੇ ਸਹਿਯੋਗ ਦਿੱਤਾ ਉਸਦੇ ਸੁਪਰ ਸਟਾਰ ਬਣਨ ਤੱਕ ਤੇ ਗੱਲਬਾਤ ਕਰਦਿਆਂ ਜੀਤਾ ਬਾਈ ਦੱਸਦਾ ਕੇ ਪਹਿਲਾਂ ਮੇਰਾ ਜੋ ਫਰਜ ਬਣਦਾ ਸੀ ਮੈਂ ਕੀਤਾ ਤੇ ਫਿਰ ਵਿਦੇਸ਼ ਚੋਂ ਵਾਪਸ ਆਉਣ ਤੋਂ ਬਾਅਦ ਪਾਲੇ ਨੇਂ ਮੈਨੂੰ ਅੱਜ ਕਿਸੇ ਚੀਜ ਦੀ ਕਮੀ ਨਹੀਂ ਆਉਣ ਦਿੱਤੀ।ਅਣਗਿਣਤ ਮੋਟਰਸਾਈਕਲ ਐਲ ਸੀਡੀਜ ਚੋਨੇ ਚਾਂਦੀ ਦੀਆਂ ਚੇਨਜ ਤੇ ਮੁੰਦਰੀਆਂ ਕੈਂਠੇ ਨੁਕਰੇ ਬਛੇਰੇ ਦੋ ਨੈਨੋ ਗੱਡੀਆਂ ਇੱਕ 5911 ਤੇ ਇੱਕ ਫੋਰਡ ਟਰੈਕਟਰ ਤੇ ਲੱਖਾਂ ਰੁਪਏ ਦੇ ਨਕਦ ਇਨਾਮ ਆਪਣੀ ਜਾਨਦਾਰ ਖੇਡ ਦੇ ਸਦਕਾਂ ਜਿੱਤੇ ਤੇ ਇੱਕ ਸਫਾਰੀ ਤੇ ਇੱਕ ਫਾਰਚੂਨਰ ਗੱਡੀਆਂ ਸਨਮਾਨ ਚ ਮਿਲ਼ੀਆਂ।ਸ਼ਾਇਦ ਮੈਂ ਭੁੱਲਦਾ ਹੋਵਾਂ ਜਿੱਤਣ ਵਾਲੇ ਤੇ ਸਨਮਾਨਿਤ ਇਨਾਮ ਹੋਰ ਵੀ ਹੋ ਸਕਦੇ ਹਨ ਜਿਸ ਲਈ ਮੁਆਫੀ ਚਾਹਾਂਗਾ।ਪਿਛਲੇ ਲੰਬੇ ਸਮੇਂ ਤੋਂ ਪਾਲਾ ਸਰੀ ਦੇ ਵੱਡੇ ਕਾਰੋਬਾਰੀ ਤੇ ਗਰੇਟ ਇਨਸਾਨ ਸਟਾਰ ਆਟੋ ਬਾਡੀ ਦੇ ਮਾਲਕ ਸ੍ਰ:ਸੇਵਾ ਸਿੰਘ ਰਾਣਾ ਦੀ ਛਤਰ ਛਾਇਆ ਹੇਠ ਤੇ ਉਨ੍ਹਾਂ ਦੀ ਆਪਣੀ ਕਲੱਬ ‘ਸਰਹਾਲ਼ਾ ਰਾਣੂੰਆਂ’ ਵੱਲੋ ਖੇਡਦਾ ਆ ਰਿਹਾ ਤੇ ਖੇਡਦਾ ਰਹੇਗਾ।ਇੰਗਲੈਂਡ ਯੌਰਪ ਕੈਨੇਡਾ ਅਮਰੀਕਾ ਨਿਊਜੀਲੈਂਡ ਆਸਟ੍ਰੇਲੀਆ ਡੁਬਈ ਵਰਗੇ ਮੁਲਕ ਉਸਨੇਂ ਆਪਣੀ ਸ਼ਾਨਦਾਰ ਖੇਡ ਸਿਰ ਤੇ ਗਾਹ ਮਾਰੇ ਹਨ।ਦੁਨੀਆ ਉਸਦੀ ਖੇਡ ਦੇ ਨਾਲ਼ ਨਾਲ਼ ਇਨਸਾਨੀਅਤ ਤੇ ਉਸਦੇ ਨਰਮ ਸੁਭਾਅ ਦੀ ਦੀਵਾਨੀ ਹੈ।ਦਸੰਬਰ ਜਨਵਰੀ ਦੇ ਮਹੀਨੇ ਉਸਦੇ ਚਹੁੰਣ ਵਾਲ਼ੇ ਉਸਦੀਆਂ ਝੜਪਾਂ ਦੇਖਣ ਲਈ ਬੇਸਬਰੀ ਨਾਲ਼ ਉਸਦਾ ਇੰਤਜਾਰ ਕਰਦੇ ਹਨ ਕਿਉੰਕਿ ਓਹ ਕੈਨੇਡਾ ਦਾ ਸਿਟੀਜਨ ਹੋ ਗਿਆ ਹੈ ਤੇ ਹਰ ਸਾਲ ਪੰਜਾਬ ਕਬੱਡੀ ਸੀਜਨ ਖੇਡਣ ਲਈ ਆਂਉੰਦਾ ਹੈ।ਅੱਜ ਉਸਦੇ ਜਨਮ ਦਿਨ ਤੇ ਵਾਹਿਗੁਰੂ ਜੀ ਦੇ ਚਰਨਾਂ ਚ ਅਸੀਂ ਇਹੋ ਦੁਆ ਕਰਦੇ ਹਾਂ ਕੇ ਮਾਂ ਖੇਡ ਕਬੱਡੀ ਦਾ ਇਹ ਹੀਰਾ ਪੁੱਤ ਜਿੰਦਗੀ ਦੀ ਹਰ ਖੁਸ਼ੀ ਤੰਦਰੁਸਤੀ ਤੇ ਤਰੱਕੀਆਂ ਨੂੰ ਮਾਣਦਿਆ ਅਜੇ ਕਈ ਸਾਲ ਗਰਾਂਊੰਡਾਂ ਦਾ ਸ਼ਿੰਗਾਰ ਬਣ ਦਰਸ਼ਕਾਂ ਤੇ ਆਪਣੀ ਖੇਡ ਦਾ ਜਾਦੂ ਬਿਖੇਰਦਾ ਰਹੇ ਤੇ ਆਪਣੇ ਚਹੁੰਣ ਵਾਲ਼ਿਆਂ ਦਾ ਪਿਆਰ ਖੱਟਦਾ ਰਹੇ।ਓਹ ਹਰ ਸਾਹ ਨਾਲ਼ ਉਸ ਪਰਮ ਪ੍ਰਮਾਤਮਾ ਤੇ ਮਾਂ ਖੇਡ ਕਬੱਡੀ ਦਾ ਸ਼ੁਕਰਾਨਾ ਕਰਦਾ ਹੈ ਕੇ ਮਾਲਿਕ ਨੇਂ ਕੋਈ ਕਮੀ ਨਹੀਂ ਛੱਡੀ।ਬੱਸ ਹੁਣ ਤਾਂ ਮੇਰੀ ਇੱਕ ਦੁਆ ਪਾਲੇ ਜਲਾਲਪੁਰ ਲਈ ਆਪਣੇ ਅਤੇ ਉਸਦੇ ਚਹੁੰਣ ਵਾਲ਼ਿਆਂ ਵੱਲੋਂ ਬਾਬਾ ਬੁੱਢਾ ਜੀ ਦੇ ਚਰਨਾਂ ਚ ਕੇ ਹੁਣ ਮਾਲਿਕ ਉਸਦੀ ਝੋਲ਼ੀ ਇੱਕ ਸੋਹਣਾ ਜਿਹਾ ਲਾਲ ਪਾਵੇ ਤੇ ਓਹ ਹਮੇਸ਼ਾਂ ਹੱਸਦਾ ਵੱਸਦਾ ਤੰਦਰੁਸਤੀ ਤੇ ਤਰੱਕੀਆਂ ਮਾਣੇਂ!✍️ਸੁਖਚੈਨ ਬਰਾੜ ਚੋਟੀਆਂ ਠੋਬਾ

18/10/2024

ਿਨ_ਤੇ_ਵਿਸ਼ੇਸ਼_ਪ੍ਰਧਾਨ_ਸਰੂਪਇੰਦਰ_ਸਿੰਘ_ਰਿੰਟੂ_ਮੱਲ੍ਹੀ_ਭਿੰਡਰ

ਪਿੰਡ ਭਿੰਡਰ ਨਾਲ਼ ਕਬੱਡੀ ਕਰਕੇ ਮੇਰਾ ਗੂੜ੍ਹਾ ਪਿਆਰ ਹੈ।ਉੱਥੋਂ ਦੇ ਰਹਿਣ ਵਾਲ਼ੇ ਹਰ ਵੱਡੇ ਖਿਡਾਰੀ ਵੀਰਾਂ ਪਰਮੋਟਰ ਭਰਾਵਾਂ ਲਈ ਮੇਰੇ ਦਿਲ ਚ ਸਤਿਕਾਰ ਹੈ ਤੇ ਛੋਟਿਆਂ ਲਈ ਪਿਆਰ।ਭਿੰਡਰਾਂ ਨੂੰ ਜਾਂਦੀਆਂ ਰਾਹਵਾਂ ਮੈਨੂੰ ਬਹੁਤ ਚੰਗੀਆਂ ਲਗਦੀਆਂ ਹਨ ਤੇ ਰੌਲ਼ੀ ਦਾਤੇ ਵਿੱਚ ਦੀ ਜਾਂਦਿਆਂ ਰਸਤੇ ਚ ਆਂਉੰਦੇ ਦੋ ਪਿੱਪਲ਼ ਦੇ ਦਰੱਖਤ ਮੈਨੂੰ ਬਚਪਨ ਤੋਂ ਹੀ ਬਹੁਤ ਚੰਗੇ ਲਗਦੇ ਹਨ ਤੇ ਮੈਂ ਹਮੇਸ਼ਾਂ ਓਥੇ ਰੁਕ ਕੇ ਜਾਂਦਾ ਹਾਂ।ਪਹਿਲਾਂ ਭਿੰਡਰਾਂ ਦੇ ਟੂਰਨਾਮੈਂਟ ਵੇਲ਼ੇ ਨੂੰ ਝੋਨਾ ਪੱਕ ਜਾਂਦਾ ਸੀ ਜਾਂ ਫਿਰ ਪੂਰਾ ਜਵਾਨ ਹੋ ਜਾਂਦਾ।ਉਨ੍ਹਾਂ ਰਾਹਵਾਂ ਤੇ ਗਿਆਰਾਂ ਝੋਨੇ ਦੀ ਵਾਸ਼ਨਾ ਅੱਜ ਵੀ ਮੇਰੇ ਮਨ ਚ ਵੱਸੀ ਹੋਈ ਹੈ।ਉਨ੍ਹੀਂ ਦਿਨੀਂ ਹੀ ਇੱਕ ਨਾਮ ਸਰੂਪਇੰਦਰ ਸਿੰਘ ਰਿੰਟੂ ਪ੍ਰਧਾਨ ਮੈਨੂੰ ਆਮ ਹੀ ਸੁਣਨ ਨੂੰ ਮਿਲ਼ਦਾ।ਫੇਰ ਪਤਾ ਲੱਗਾ ਕੇ ਸਰੂਪਇੰਦਰ ਰਿੰਟੂ ਇਸ ਟੂਰਨਾਮੈਂਟ ਕਮੇਟੀ ਦਾ ਪ੍ਰਧਾਨ ਵੀ ਹੈ ਤੇ ਕਬੱਡੀ ਵੀ ਖੇਡਦਾ ਅਤੇ ਤੇਜ ਤਰਾਰ ਤੇ ਸਮ੍ਰਾਟੀ ਰੇਡਰ ਵਿਜੈਦੀਪ ਭਿੰਡਰ ਵੀ ਉਸਦਾ ਹੀ ਛੋਟਾ ਭਰਾ ਹੈ ਤੇ ਓਹ ਸੂਬੇਦਾਰ ਨਛੱਤਰ ਸਿੰਘ ਮੱਲ੍ਹੀ ਦੇ ਬੇਟੇ ਹਨ।ਰਿੰਟੂ ਦੀ ਟੀਮ ਪਹਿਲਾਂ ਕਬੱਡੀ 62 ਚ ਜਿੱਤਾਂ ਦੇ ਝੰਡੇ ਗੱਡਦੀ ਰਹੀ ਉਦੋਂ ਉਹਦਾ ਛੋਟਾ ਵੀਰ ਇਕੱਲਾ ਹੀ 62 ਚ ਕਬੱਡੀਆਂ ਪਾਂਉੰਦਾ ਤੇ ਰਿੰਟੂ ਨਾਲ਼ ਜਾਫੀ ਗੋਲਡੀ ਭਿੰਡਰ ਰਾਜਿੰਦਰਾ ਤੇ ਗੋਗੇ ਵਰਗੇ ਹੁੰਦੇ।ਓਹ ਟੂਰਨਾਮੈਂਟ ਦਾ ਸਾਰਾ ਹਿਸਾਬ ਕਿਤਾਬ ਵੀ ਦੇਖਦਾ ਤੇ ਮੈਚ ਵੀ ਖੇਡਦਾ।ਫਿਰ ਓਪਨ ਚ ਉਨ੍ਹਾਂ ਨਾਲ਼ ਧਰਮਾ ਇੰਦਗੜ੍ਹ ਆ ਗਿਆ ਤੇ ਸ਼ਾਇਦ ਹੀ ਕੋਈ ਟੂਰਨਾਮੈਂਟ ਹੋਵੇ ਫੇਰ ਜਿਹੜਾ ਉਨ੍ਹਾਂ ਨਾ ਜਿੱਤਿਆ ਹੋਵੇ।ਬਹੁਤ ਸਾਲ ਫਿਰ ਰਿੰਟੂ ਦੀ ਟੀਮ ਨੇਂ ਜਿੱਤ ਦੇ ਝੰਡੇ ਗੱਡੇ।2006 ਚ ਉਸਦਾ ਛੋਟਾ ਵੀਰ ਤੇ ਭਿੰਡਰਾਂ ਦਾ ਓਸ ਸਮੇਂ ਟੌਪ ਦਾ ਰੇਡਰ ਵਿਜੈਦੀਪ ਮੱਲ੍ਹੀ ਅਮਰੀਕਾ ਚਲਿਆ ਗਿਆ।ਮੈਨੂੰ ਅੱਜ ਵੀ ਯਾਦ ਹੈ ਕੇ 2006 ਦੀ 14 ਸਤੰਬਰ ਨੂੰ ਪੌੜੀਆਂ ਤੇ ਬੈਠਿਆਂ ਵਿਜੈ ਬਾਈ ਨੇਂ ਓਸ ਦਿਨ ਮੇਰੇ ਨਾਲ਼ ਬਹੁਤ ਗੱਲਾਂ ਕੀਤੀਆਂ।ਓਸੇ ਸਾਲ ਓਸੇ ਮਹੀਨੇ ਸੱਤ ਦਿਨ ਬਾਅਦ 21 ਸਤੰਬਰ ਨੂੰ ਮੇਰਾ ਐਕਸੀਡੈਂਟ ਹੋਣ ਤੋਂ ਬਾਅਦ ਮੈਂ ਅਪਾਹਜ ਹੋ ਗਿਆ ਤੇ ਓਸੇ ਸੱਟ ਚ ਖੜ੍ਹੀ ਬਾਂਹ ਦੇ ਭਿਆਨਕ ਦਰਦ ਨਾਲ਼ ਮੇਰੀ ਲੜਾਈ ਅੱਜ ਵੀ ਜਾਰੀ ਹੈ ਤੇ ਤਮਾਮ ਉਮਰ ਹੀ ਰਹਿਣੀ ਹੈ।ਵਿਜੈਦੀਪ ਮੱਲ੍ਹੀ ਦਾ ਅੱਜ ਅਮਰੀਕਾ ਦੀ ਲੂਜੀਆਨਾ ਸਟੇਟ ਚ ਆਪਣਾ ਬਹੁਤ ਵੱਡਾ ਸਟੋਰ ਹੈ ਤੇ ਅਮਰੀਕਾ ਚ ਓਹ ਅੱਜ ਟੈਨਿਸ ਦਾ ਚੋਟੀ ਦਾ ਖਿਡਾਰੀ ਹੈ।ਧਰਮਾ ਕੈਨੇਡਾ ਤੇ ਗੋਲਡੀ ਮਨੀਲਾ ਚਲੇ ਗਏ ਤੇ ਓਹ ਥਾਂ ਫਿਰ ਅੱਗੇ ਨਵੇਂ ਖਿਡਾਰੀਆਂ ਨੇਂ ਲੈ ਲਈ।ਅੱਜ ਜਦ ਮੈਨੂੰ ਪਤਾ ਲੱਗਾ ਕੇ ਰਿੰਟੂ ਬਾਈ ਦਾ ਜਨਮ ਦਿਨ ਹੈ ਤਾਂ ਨੱਬੇ ਦੇ ਦਹਾਕੇ ਚ ਵੇਖੇ ਓਹ ਸਾਰੇ ਟੂਰਨਾਮੈਂਟ ਤੇ ਬਚਪਨ ਦੀਆਂ ਓਥੇ ਲਈਆਂ ਮੌਜਾਂ ਅੱਖਾਂ ਅੱਗੇ ਘੁੰਮ ਗਈਆਂ ਕਿਉੰਕਿ 1994 ਚ ਆਪਣੇ ਵਿਚਕਾਰਲੇ ਚਾਚਾ ਜੀ ਤਰਸੇਮ ਨਾਲ਼ ਉਨ੍ਹਾਂ ਦੇ ਓਥੇ ਸੌਹਰੇ ਹੋਣ ਕਾਰਨ ਜਾਣਾ ਸ਼ੁਰੂ ਕੀਤਾ ਸੀ ਤੇ ਮਾਮਾ ਚਰਨਾ ਫਿਰ ਬਹੁਤ ਮਾਣ ਤਾਣ ਤੇ ਸੇਵਾ ਕਰਦਾ ਸਾਡੀ ਅਤੇ ਮੈਂ ਤੇ ਵੱਡੇ ਮਾਮੇ ਬਿੰਦਰ ਦਾ ਵੱਡਾ ਮੁੰਡਾ ਤੋਤਾ ਫਿਰ ਓਥੇ ਰਵਾਇਤੀ ਖੇਡਾਂ ਜਿਵੇਂ ਚੰਡੋਲ ਵਗੈਰਾ ਤੇ ਹੋਰ ਖੇਡਾਂ ਦੇ ਨਾਲ਼ ਨਾਲ਼ ਕਬੱਡੀ ਦੇਖਦੇ ਤੇ ਹਰਜੀਤ ਬਰਾੜ ਦੀ ਟੀਮ ਪੰਜਾਬ ਪੁਲਿਸ ਤੇ ਬਿਜਲੀ ਬੋਰਡ ਦਾ ਮੈਚ ਦੇਖਣ ਸਮੇਂ ਦਰਸ਼ਕਾਂ ਦਾ ਇਕੱਠ ਵੇਖਿਆਂ ਹੀ ਬਣਦਾ।ਉਦੋਂ ਹੀ ਫਿਰ ਪਹਿਲੀ ਵਾਰ ਮੈਂ ਤੇ ਤੋਤੇ ਨੇਂ ਹਰਜੀਤ ਬਰਾੜ ਨਾਲ਼ ਹੱਥ ਮਿਲ਼ਾਇਆ ਸੀ ਜੋ ਸਾਡੇ ਲਈ ਬਹੁਤ ਵੱਡੀ ਗੱਲ ਸੀ।ਮੁਆਫ ਕਰਨਾ ਰਿੰਟੂ ਬਾਈ ਦੇ ਜਨਮ ਦਿਨ ਵਾਲ਼ੀ ਪੋਸਟ ਲਿਖਣ ਵੇਲ਼ੇ ਮੈਂ ਤਾਂ ਆਪਣੀਆਂ ਈ ਯਾਦਾਂ ਚ ਗਵਾਚ ਗਿਆ।ਰਿੰਟੂ ਮੱਲ੍ਹੀ ਬਾਈ ਇੱਕ ਬਹੁਤ ਹੀ ਸੁਲਝਿਆ ਹੋਇਆ ਇਨਸਾਨ ਹੈ ਤੇ ਬਹੁਤ ਕੁਝ ਸਿੱਖਣ ਨੂੰ ਮਿਲ਼ਿਆ ਹੈ ਵੀਰੇ ਹੁਣਾਂ ਤੋਂ 29 ਸਾਲ ਦੇ ਏਸ ਸਫਰ ਚ।ਰਿੰਟੂ ਵੀਰੇ ਦੇ ਜਨਮ ਦਿਨ ਤੇ ਸਮੁੱਚੇ ਕਬੱਡੀ ਜਗਤ ਤੇ ਆਪਣੇ ਵੱਲੋਂ ਅਸੀਂ ਵਾਹਿਗੁਰੂ ਜੀ ਦੇ ਚਰਨਾਂ ਚ ਇਹੋ ਦੁਆ ਕਰਦੇ ਹਾਂ ਕੇ ਓਹ ਜਿੰਦਗੀ ਦੀ ਹਰ ਖੁਸ਼ੀ ਤੰਦਰੁਸਤੀ ਤੇ ਤਰੱਕੀਆਂ ਮਾਨਣ ਤੇ ਹਮੇਸ਼ਾਂ ਹੱਸਦੇ ਵੱਸਦੇ ਰਹਿਣ!🎂🍰🎉✍️ਸੁਖਚੈਨ ਬਰਾੜ ਚੋਟੀਆਂ ਠੋਬਾ

09/10/2024

#ਕਬੱਡੀ_ਦੇ_ਸ਼ਬਦ_ਆਪ_ਮੁਹਾਰੇ_ਉਸਦੇ_ਬੁੱਲ੍ਹਾਂ_ਤੇ_ਨੱਚਦੇ_ਹਨ🎤

ਅੱਜ ਓਹ ਕਬੱਡੀ ਦਾ ਇੱਕ ਅਜਿਹਾ ਪਾਤਰ ਹੈ ਜਿਸਨੇਂ ਸ਼ਾਇਦ ਆਪਣੇ ਫੀਲਡ ਚ ਸ਼ਾਨਦਾਰ ਬੋਲਾਂ ਸਦਕਾਂ ਸਭ ਤੋਂ ਘੱਟ ਉਮਰ ਚ ਵੱਧ ਮੁਲਕ ਗਾਹ ਮਾਰੇ ਹਨ।ਕਬੱਡੀ ਲਈ ਕੰਮ ਆਉਣ ਵਾਲ਼ੇ ਹਰ ਸਾਂਚੇ ਚ ਫਿੱਟ ਬੈਠਦਾ ਹੈ ਓਹ।ਪਿੰਡ ਜਲਾਲ ਦੇ ਰਹਿਣ ਵਾਲ਼ੇ ਸਵ:ਸ੍ਰ ਹਾਕਮ ਸਿੰਘ ਸਿੱਧੂ ਦੇ ਵੱਡੇ ਪੁੱਤਰ ਸ੍ਰ:ਰਣਜੀਤ ਸਿੰਘ ਸਿੱਧੂ ਦੇ ਘਰ 9 ਅਕਤੂਬਰ 1988 ਚ ਮਾਤਾ ਸੁਰਿੰਦਰ ਕੌਰ ਦੀ ਕੁੱਖ ਨੂੰ ਭਾਗ ਲੱਗੇ ਤੇ ਉਨ੍ਹਾਂ ਦੇ ਘਰ ਇੱਕ ਪੁੱਤਰ ਨੇਂ ਜਨਮ ਲਿਆ।ਪ੍ਰੀਵਾਰ ਨੇਂ ਬੱਚੇ ਦਾ ਨਾਮ ਰੁਪਿੰਦਰ ਸਿੰਘ ਰੱਖਿਆ ਪਰ ਸ੍ਰ:ਹਾਕਮ ਸਿਓਂ ਤੇ ਉਸਦੇ ਪ੍ਰੀਵਾਰ ਨੇਂ ਕਦੇ ਇਹ ਨਹੀਂ ਸੋਚਿਆ ਹੋਵੇਗਾ ਕੇ ਕਲੀਆਂ ਦੇ ਬਾਦਸ਼ਾਹ ਉਨ੍ਹਾਂ ਦੇ ਪੇਂਡੂ ਕੁਲਦੀਪ ਮਾਣਕ ਤੇ ਅੰਤਰ੍ਰਾਸਟਰੀ ਕਬੱਡੀ ਖਿਡਾਰੀ ਅਜਮੇਰ ਜਲਾਲ ਤੋਂ ਬਾਅਦ ਇਹ ਬੱਚਾ ਸਾਡਾ ਤੇ ਸਾਡੇ ਪਿੰਡ ਜਲਾਲ ਦਾ ਨਾਮ ਪੂਰੇ ਪੰਜਾਬ ਤੇ ਵੱਖ ਵੱਖ ਮੁਲਕਾਂ ਚ ਹਰ ਪਾਸੇ ਚਮਕਾ ਕੇ ਜਲਾਲ ਜਲਾਲ ਕਰਵਾ ਦੇਵੇਗਾ ਤੇ ਰੁਪਿੰਦਰ ਸਿੰਘ ਸਿੱਧੂ ਤੋਂ ਰੁਪਿੰਦਰ ਜਲਾਲ ਦੇ ਨਾਮ ਨਾਲ਼ ਜਾਣਿਆ ਜਾਵੇਗਾ।2000 ਸੰਨ ਦੇ ਲਗਭਗ ਅਜਮੇਰ ਦੇ ਬਾਹਰੋਂ ਖੇਡ ਕੇ ਆਉਣ ਤੋਂ ਬਾਅਦ ਰੁਪਿੰਦਰ ਮਾਂ ਖੇਡ ਕਬੱਡੀ ਨੂੰ ਪੂਰੀ ਤਰ੍ਹਾਂ ਹੀ ਸਮ੍ਰਪਿਤ ਹੋ ਗਿਆ ਸੀ ਤੇ 2007-08 ਤੱਕ ਜਾਂਦਿਆਂ ਜਾਂਦਿਆਂ ਰੁਪਿੰਦਰ ਦਾ ਦੌਰ ਸ਼ੁਰੂ ਹੋ ਗਿਆ ਸੀ ਜੋ ਵਾਹਿਗੁਰੂ ਜੀ ਦੀ ਕ੍ਰਿਪਾ ਉਸਦੀ ਨਿਮਰਤਾ ਸਿਆਣਪ ਤੇ ਸਲੀਕੇ ਕਾਰਨ ਅੱਜ ਵੀ ਬੱਦਸਤੂਰ ਜਾਰੀ ਹੈ ਤੇ ਦੁਆ ਕਰਦੇ ਹਾਂ ਕੇ ਸਾਲ ਦਰ ਸਾਲ ਅੱਗੇ ਵੀ ਜਾਰੀ ਰਹੇ।ਜੇ ਸੱਚ ਜਾਣੀਏ ਤਾਂ ਕਬੱਡੀ ਚ ਓਹ ਇੱਕ ਬਰੈਂਡ ਹੈ।ਜਿੱਥੇ ਓਹ ਇੱਕ ਸ਼ੌਂਕੀਆ ਇਨਸਾਨ ਹੈ ਓਥੇ ਕਬੱਡੀ ਚ ਵਿੱਚਰ ਰਹੇ ਹਰ ਇਨਸਾਨ ਦੇ ਦੁੱਖ ਸੁੱਖ ਦਾ ਵੀ ਭਾਈਵਾਲ਼ ਹੈ।ਕਬੱਡੀ ਜਗਤ ਚ ਕਿਸੇ ਤੇ ਵੀ ਭੀੜ ਪਈ ਤੋਂ ਓਹ ਜਿੰਨਾ ਕਰ ਸਕਦਾ ਓਨਾ ਕਰਦਾ ਤੇ ਇੱਕ ਮੋਹਰੀ ਭੂਮਿਕਾ ਨਿਭਾਉੰਦਾ।ਸ਼ਾਇਦ ਇਹ ਗੱਲ ਵੀ ਕਿਸੇ ਤੋਂ ਲੁਕੀ ਛਿਪੀ ਨਹੀਂ ਕੇ ਜਦ ਕਿਸਾਨੀ ਲਈ ਤਿੰਨ ਮਾਰੂ ਕਨੂੰਨ ਸੈਂਟਰ ਸਰਕਾਰ ਵੱਲੋਂ ਲਾਗੂ ਕੀਤੇ ਗਏ ਤਾਂ ਪ੍ਰੀਵਾਰ ਸਮੇਤ ਉਸਨੇਂ ਦਿਲੋ ਜਾਨ ਤੋਂ ਆਪਣੇ ਆਪ ਨੂੰ ਓਥੇ ਝੋਕ ਦਿੱਤਾ ਤੇ ਇਹ ਓਥੇ ਰਹਿੰਦਿਆਂ ਮੈਂ ਆਪਣੇ ਅੱਖੀਂ ਦੇਖਿਆ ਕੇ ਟਿੱਕਰੀ ਬਾਰਡਰ ਤੇ ਬੈਠੇ ਅਣਗਿਣਤ ਕਿਸਾਨਾਂ ਲਈ ਆਪਣੇ ਚਹੁੰਣ ਵਾਲ਼ਿਆਂ ਜਾਂ ਕਮਾਏ ਹੋਏ ਭੈਣ ਭਰਾਵਾਂ ਦੀ ਮਦਦ ਨਾਲ਼ ਦੁੱਧ ਦੀਆਂ ਨਦੀਆਂ ਵਹਾ ਦਿੱਤੀਆਂ ਤੇ ਹੋਰ ਵੀ ਬਹੁਤ ਸਾਰੀਆਂ ਸਹੂਲਤਾਂ ਆਪਣੇ ਕਿਸਾਨ ਭਰਾਵਾਂ ਨੂੰ ਪ੍ਰੋਵਾਈਡ ਕਰਵਾਈਆਂ।ਅੱਜ ਦੇ ਦੌਰ ਚ ਵਰਤੇ ਜਾਣ ਵਾਲ਼ੇ ਜਿਆਦਾਤਰ ਸ਼ਬਦਾਂ ਜਿਵੇਂ ਕਿਸੇ ਦਾ ਫੈਨ ਤਾਂ ਰੁਪਿੰਦਰ ਕਿਸੇ ਨੂੰ ਵੀ ਫੈਨ ਨਹੀਂ ਸਗੋਂ ਆਪਣੇ ਭਰਾ ਮੰਨਦਾ ਹੈ।ਕੈਨੇਡਾ ਨਿਊਜੀਲੈਂਡ ਆਸਟ੍ਰੇਲੀਆ ਡੁੱਬਈ ਮਲੇਸ਼ੀਆ ਤੇ ਪੂਰੇ ਯੌਰਪ ਚ ਓਹ ਆਪਣੇ ਜਾਦੂਮਈ ਬੋਲਾਂ ਦੇ ਰੰਗ ਬਿਖੇਰ ਚੁੱਕਾ ਹੈ।ਕਿਸੇ ਮਹਾਨ ਕਲਾਕਾਰ ਦੇ ਸਟੇਜ ਬੰਨ੍ਹਣ ਵਾਂਗ ਓਹ ਗਰਾਂਊੰਡ ਨੂੰ ਬੰਨ੍ਹ ਕੇ ਰੱਖ ਦਿੰਦਾ ਹੈ।ਜਿੱਥੇ ਦਰਸ਼ਕ ਕਬੱਡੀ ਦੇਖਣ ਲਈ ਆਂਉੰਦੇ ਹਨ ਤਾਂ ਇਸ ਗੱਲ ਨੂੰ ਵੀ ਅੱਖੋਂ ਪਰੋਖੇ ਨਹੀਂ ਕੀਤਾ ਜਾ ਸਕਦਾ ਕੇ ਬਹੁਗਿਣਤੀ ਲੋਕ ਉਸਦੀ ਕੁਮੈਂਟਰੀ ਸੁਣਨ ਵੀ ਆਂਉੰਦੇ ਹਨ।ਜਦ ਓਹ ਗਰਾਂਊੰਡ ਚ ਆਪਣਾ ਇੱਕ ਵੱਖਰਾ ਹੀ ਰਨਅੱਪ ਬਣਾ ਕੇ ਐਧਰ ਓਧਰ ਨੂੰ ਵਗਦਿਆਂ ਕੁਮੈਂਟਰੀ ਕਰਦਾ ਹੈ ਤਾਂ ਇੰਜ ਪ੍ਰਤੀਤ ਹੁੰਦਾ ਜਿਵੇਂ ਉੱਡੇ ਜਾਂਦੇ ਪੰਛੀ ਵੀ ਉਸਦੇ ਬੋਲ ਸੁਣਨ ਲਈ ਘੜੀ ਪਲ ਰੁਕ ਗਏ ਹੋਣ।ਵੱਖ ਵੱਖ ਸ਼ਬਦ ਉਸਦੇ ਬੁੱਲ੍ਹਾਂ ਤੇ ਨੱਚਦੇ ਨਜਰ ਆਂਉੰਦੇ ਹਨ।ਕਬੱਡੀ ਦੇ ਨਾਲ਼ ਜੁੜੇ ਕਿਸੇ ਵੀ ਸ਼ਖਸ ਚਾਹੇ ਓਹ ਕੋਈ ਖਿਡਾਰੀ ਕੁਮੈਂਟੇਟਰ ਲੇਖਕ ਰੈਫਰੀ ਜਾਂ ਕੋਈ ਵੀ ਹੋਵੇ ਆਪਣੇ ਦਰਸ਼ਕਾਂ ਅੱਗੇ ਪਪੀਹੇ ਦੀ ਤਰ੍ਹਾਂ ਕੂਕਦਾ ਹੈ ਤੇ ਲੋੜ ਪੂਰੀ ਕਰਵਾ ਕੇ ਦਮ ਲੈਂਦਾ ਹੈ।ਏਹੀ ਕਾਰਨ ਹੈ ਕੇ ਪ੍ਰਮਾਤਮਾ ਨੇਂ ਵੀ ਅੱਜ ਉਹਦੇ ਤੋਂ ਕੁਝ ਨਹੀਂ ਲਕੋਇਆ।ਸੁੱਘੜ ਸਿਆਣੀ ਜੀਵਨਸਾਥਣ ਕੁਲਵਿੰਦਰ ਕੌਰ ਦੋ ਬੱਚੇ ਮਨਜਾਪ ਸਿੰਘ ਤੇ ਜੁਝਾਰ ਸਿੰਘ ਅਤੇ ਬਹੁਤ ਹੀ ਭਲੇ ਸੁਭਾਅ ਵਾਲ਼ੇ ਬੇਬੇ ਬਾਪੂ ਅੱਜ ਉਸਦੇ ਘਰ ਦਾ ਸ਼ਿੰਗਾਰ ਹਨ।ਅੱਜ ਉਸਦੇ 36ਵੇਂ ਜਨਮ ਦਿਨ ਤੇ ਸਮੁੱਚੇ ਕਬੱਡੀ ਜਗਤ ਵੱਲੋਂ ਉਸ ਲਈ ਮੁਬਾਰਕਬਾਦ ਅਤੇ ਢੇਰ ਸਾਰੀਆਂ ਦੁਆਵਾਂ ਹਨ।ਨਾਲ਼ ਰੁਪਿੰਦਰ ਜਲਾਲ ਲਈ ਅਸੀਂ ਇਹ ਕਾਮਨਾ ਵੀ ਕਰਦੇ ਹਾਂ ਕੇ ਕਬੱਡੀ ਚ ਓਹ ਹੋਰ ਵੀ ਵੱਡੀਆਂ ਉਡਾਣਾਂ ਭਰੇ ਤੇ ਤੰਦਰੁਸਤੀ ਨਾਲ਼ ਲਬਰੇਜ ਜਿੰਦਗੀ ਦੇ ਹਰ ਪਲ ਨੂੰ ਮਾਣਦਿਆਂ ਹਮੇਸ਼ਾਂ ਹਸਦਾ ਵਸਦਾ ਰਹੇ।ਆਮੀਨ!✍️ਸੁਖਚੈਨ ਬਰਾੜ ਚੋਟੀਆਂ ਠੋਬਾ