08/06/2021
*सोळा वर्षांखालील राज्य निवड चाचणी बुद्धिबळ स्पर्धेत दुसऱ्या दिवसा अखेर मुलांच्या गटात हृदय शेठ व जीत शाह संयुक्तपणे आघाडीवर तर मुलींच्या गटात संस्कृती वानखेडेने घेतली एका पूर्ण गुणाची बढत*
ऑनलाइन चालू असलेल्या महाराष्ट्र राज्य निवड चाचणी स्पर्धेत १६ वर्षांखालील गटात विक्रमी २६४ खेळाडूंनी सहभाग नोंदवला आहे.
मुलांच्या गटात १८६ तर मुलींच्या गटात ७८ खेळाडूंमध्ये बक्षिसांसाठी चढाओढ असेल.
या गटांमधील विजेत्या खेळाडूंना उद्याचे महाराष्ट्राचे भविष्य मानले जाते. या गटांमधील अजिंक्य पदासाठी खऱ्या अर्थाने आंतरराष्ट्रीय मानांकित खेळाडूंमध्ये चुरस असेल, मुलांच्या गटात आदित्य सामंत, कशीश जैन, जीत शाह या तुल्लबळ खेळाडूंसह ११० मानांकित खेळाडू असल्याने इथे नक्कीच कडवी लढत पहावयास मिळेल.
मुलींच्या गटात देखील यावेळी लढती रंगणार असून जळगावची भाग्यश्री पाटील, औरंगाबादची तनिषा बोरमाणीकर, संस्कृती वानखेडे विजेतेपदाचे प्रबळ दावेदार मानले जात आहेत.
स्पर्धेच्या पहिल्या दिवशी मुले व मुली दोन्ही गटांत तीन फेऱ्या खेळवल्या गेल्या. काही मोजके अपवाद सोडले तर बाकी सर्व मानांकित खेळाडूंनी आपल्या प्रतिस्पर्धी खेळाडूंना लीलया पराभूत करत दुसऱ्या दिवसाच्या कडव्या लढतींचे संकेत दिले.
दुसऱ्या दिवसाच्या अखेरच्या, सहाव्या फेरीमध्ये, मुलांच्या पहिल्या पटावर, हृदय शेठ ने कशिश जैन ला पराभूत करत विजेतेपदा कडे आपली वाटचाल सुरू केली आहे. कशिश च्या 'पर्क' या बचाव पद्धतीला भेदत पांढऱ्या प्यादाची 'ड ५' चाल खेळली आणि नंतर काळ्याच्या पटाचा मध्य खिळखिळा केला, आपल्या उंटाला थेट 'सी ५' घरावर बळकट केल्यावर एकापेक्षा एक चाली रचत त्याने कशिश ला पुरते बेजार केले, शेवटी वेळे अभावी काळयाला डाव सोडावा लागला.
मुलींच्या गटात पहिल्या पटावर संस्कृती व भाग्यश्री मधील लढत 'क्वीन्स गॅम्बिट डीक्लाईन' या लोकप्रिय बचाव पद्धतीने झाली,
पांढऱ्या सोंगट्या नी खेळणाऱ्या संस्कृतीने डावाच्या सुरवातीस प्यादाची मारामारी करीत लढाईचे मैदान मोकळे केले, तीस चाली पर्यंत पटावरची परिस्थिती एकसमान होती पण मोकळ्या झालेल्या काळया राजाकडील बाजूने घात केला. संस्कृतीने मोकळ्या 'सी' पट्टीवरून वजीर व हत्ती फिरवीत,शेवटच्या आडव्या फळीतून व उघड्या पडलेल्या एच पट्टीतून काळ्या राजावर घणाघाती हल्ला चढवला व ५७ व्या चालीत भाग्यश्रीला शरणागती पत्करण्यास भाग पाडले.
सहाव्या फेरीचे अखेरचे निकाल हाती आले तेंव्हा हृदय व जीत सहा गुणांसह आघाडीवर होते तर आदित्य सामंत साडेपाच गुणांसह तिसऱ्या क्रमांकावर होता, मुलींच्या गटात देखील संस्कृती सहा पैकी सहा गुणांसह आघाडीव
