Zo Analyst, Aizawl (2026)

15/03/2021

•Tactical Profile•

Defensive midfielder ho kha!!

------------------------------------------------------------------------------

Football ah chuan mual lai luahlum tur leh game kaldan thunun tu ber ni turin midfielder te an awma, an hna ber chu game kal dan thunun a, player hrang hrang te in pawh tawnna ber an nia, defender te tan ball pek theih turin an awma, forward te tan goal khung theihna chance siam turin ball an pe chhuak thin. Hei erawh midfielder zawng zawng te hna leh role ani lo a, goal nawr lam aia goal venhim lama thawhhlawk leh tangkai zawk midfielder te an awm bawk.

Defensive midfielder kan tih hian holding midfielder angin, defense line leh central midfield line inkara awma, midfield a tawlhhnung ho chauh sawina anilo a, midfield position a awm, lehlam pawlte ball chhuhsak tu leh, an attack lo dangchat tu te ti ila a dik ber ang. Deep lying midfielder(midfielder tawlhhnung) te chauh hi defensive midfielder an ni vek kherlo a, Andrea Pirlo te ang pawh midfield ah an awmhmun sawn hnung thin mahse defensive midfielder ani kherlo, chutiang bawkin Gattuso te pawh defense line leh midfield line inkar ah tawlhhnung lo mahse Defensive midfielder tih theih zinga mi tho a ni.
Defense atanga central midfield leh forward te leh wing te ball channa tura link up na ber te pawh an ni thina, lehlam pawlin counter attack an neihin, an chakna leh tackling thatna hmangten an lo titawp thin a, forward leh midfielder thenkhat goal nawr na deuh thei ho te an man mark nasa thin bawka, inkhelh chhungin an tlan tama, an area ah ball alo thlen tawh chuan chhuhsak tumin an bei thin. Defensive midfielder thenkhat te chuan an awmna ah awm chawtin, an area ah ball alo kalin lo dan an tum thina, thenkhat erawh chuan lehlam pawlte build up leh ball in pe kual lai te leh khalh lai te, attack dang turin pressure pe in, ball chhuhsak tumin an tlankual thin bawk.

Defensive midfielder thenkhat te khelhdan han bihchiang ila-

1) Claude Makelele:
Chelsea leh Real Madrid player hlui hi a hunlai leh football history hrim hrim ah chuan a thaber pawl ti a sawi ngam a ni a, goal leh assist tamtak neilo mahse goal venhim kawngah te leh lehlam pawlte ball chhuhsak kawngah a that em vangin a hming chawiin 'Makelele role' te pawh a a awm hial anihkha.
Defensive midfielder ani chung hian ball a thiam pangai em em thoa, a ball semchhuah pawh a chhe lemlo. Real Madrid ah a hming chher chho tan in, holding midfielder pangai angin, a tawlhhnung thina, a kawppui midfielder ten mual lai ah hma an tawngin ball petu ber ani thina, a awmna zone ah free role neiin, ball kalna zawn apiangah dan tumin alo in sawn kual thin. Counter attack an neih erawh in a chakna leh a ball khalh theihna te a hmang tangkai lo chuanglo a, goal nawr lamah pawh a tangkai ve fu thin. 4-3-3 formation ah, deep lying mid anga awmin single pivot a a awmin a khel tha deuh ber thin.

2) Roy Keane:
Manchester United legend hi player technical leh technical quality sang tak nei ti a sawi theih ani lemlo a, mahse a game a huaisen in, leadership quality tha tak a neia, game ah a inpe zo em em a, tin, a defending ability (goal venhim) a tha em em bawka, tharum a ngahin a pawlte chhan a hreh ngailo. Manchester United a a khelh chhung khan 4-4-2 formation khan an inrem ngun a, midfield lai ah Paul Scholes nen an inkawp deuh chawt thin. Makelele te angin, holding position ah single pivot angin a awm ve ngai lemlo a, Paul Scholes nen ding dun in, a tawlhhma lo zawk ah a tang thin a ni. Single pivot pangai, holding midfielder ang pawn a khel ve zeuh zeuh tho.

3) Patrick Viera:
Arsenal Legend hi ft 6.3 laia sang ni mahse a tuan a muang chuanglo a, midfield ah tangkai em em in, tharum a ngah a, a defending ability pawh a tha hle. Arsenal a awm chhung khan 4-4-2 khan an inrem tlangpuia, midfield ah Gilberto Silva nen an inkawp bawk a. Mid a inkawp ah Keane nen an position a in ang chiahlo a, Gilberto Silva zawk hi defensive phase a tawlhhnung in, defender te hma ah a area a veng thin a, Viera zawk hian lehlam pawl te ball keng lai chu pressure pe in, chhusak chu a tum zawk thin a ni. Bergkamp a rawn tawlhhnung in Viera hi link up player(ball pass kal pawh tawnna) ah an hmang ber thin a, box to box role ang deuh play in, ball a keng nasa ve thin bawk, mahse a thatna ber erawh tackling leh lehlam pawlte attack dan ani thung.

4) Genaro Gattuso:
AC Milan tana sulhnu lian tak lo hnutchhiah tawh Gattuso hi a inkhelh ve lai kha chuan Roy Keane te ang thoa player rorum ti a sawi thin a ni a, tharum a ngah in, game ah a inpe zo em em thin. Ani pawh hi box to box midfielder ang deuh ani a, a that berna erawh lehlam pawl attack lo dan ani ve thung bawk. Defensive midfielder anga sawi ngam ani bawka, mahse deep lying midfielder ni turin a tawlhhnung ve ngai chuanglo. A khelhna team ah Midfielder tawlhhnung ah chuan playmaker pangai an hmanga(Regista: Pirlo) Gattuso chu attack leh defense in link up nan an hmang ve thin bawka, lehlam pawlin ball an chan laiin, a area veng tawp loin, a bulhnai a ball chang te chhuhsak a tum thin. Mual laiah a tlan hnema, lehlam pawlten an rawn nawr chu li dang hmasa bertu ani thin, Deep lying playmaker (Pirlo) in ball a chan laiin a lo cover thin bawk.

Defensive midfielder ti a sawitheih lar zual leh tha zual thenkhay te:-

1) Frank Rijkaard
2) Lothar Matthaus
3) Didier Deschamps
4) Edgar Davids
5) Javier Masherano
6) Fernando Redondo
etc.

Tunlai ah chuan Kante, Casemiro, Fabinho, Ndidi, Gueye, Rice, Busquets etc.. Te hi defensive midfielder tia sawi theih lar leh thazual te an ni a, an ni pawh hian khelhdan hran hran leh role leh position hrang hrang an nei ve bawk a ni.

Tunlai DM ah tunge tha intih ve ber le? All time ah tunge tha ber in tih ve thung?

P.S. Hetiang lam leh football lam kaihhawih hrim hrim, role leh position hrang hrang sawifiahna te, khelhdan hrang hrang, team leh player te khelhdan bihchianna(analysis) te, sensible transfer te leh news hrang hrang, football lama knowledge zauhna tur thil hrang hrang te page ah tihchhuah ka tum dawna, khawngaihin member ten lo like in, lo follow in minlo share sak ve theuh dawnnia. Ka tumna chhan bera chu, football lamah kan knowledge a zauh zel a, mizo football t**i leh sawihona hrim hrim ah advance tak leh a ai hre zawka thil kan sawiho theih nan te, game en tawp lo a a hriat a kan lo hriat theih nan te, tactical approach lamah hma kan sawna, kan t**i te alo changkan zel nan leh advance taka knowledge zau zawka alo rualkhai theih nana ti ka ni a, khawngaihin member ten theih ang angin minlo promote pui dawnnia. Link ah hian minlo luhsak theuh dawnnia.

Page link:
https://www.facebook.com/Zo-Analyst-102882481853733/

14/03/2021

•Tactical Profile•

Dennis Bergkamp & Thierry Henry

------------------------------------------------------------------------------

Football ah chuan goal tello in a chak theihloh, team ten chak tura goal thun turin player hmatawng, striker te, forward te an nei thin. Football khawvel ah hian hmatawng inkawp, goal nawr, siam leh thun te a hlauhawm em em leh inkawp fuh em em te an awm nual a, chung zingah chuan Dennis Bergkamp & Thierry Henry te inkawp hi a hmuhnawm leh thaber te zinga mi an ni ti ila kan sawisual lo ang.

Hemi te pahnih inkawp laia an khelhdan te han belchiang ila -

•Bergkamp & Henry:
Arsenal invincibles kan hre theuh anga, hetiang ang dinhmun an thlen theih nana player pawimawh leh tangkai em em zinga mi te chu Bergkamp leh Henry te hi an ni.
Dennis Bergkamp hi Dutch tih takah Netherlands Club lar leh lian tak Ajax Amsterdam atangin a rawn in chher hriam chho tan a, tha taka khel chhoin season thum chhung chu a zawnin a khelhna Dutch league Eredivisie ah top scorer a ni nghe nghe. Player quality sang tak nei ani tih lan tir zelin, club liam tam takin an hel rawn a, a career a b**g thar kai nan Ajax atangin Inter Milan chu a zawma, mahse hliam vang te, Manager inthlak zung zung avang te in beisei angin a khel chhuak theilo a, tichuan England lamah in bengbel in, 1995 khan Arsenal a zawm ta a.
A khelh danah ngai awh chho leh tanin, tha tak takin a khel leh tan ta a, khatih hunlai khan a kawppui te chu Ian Wright leh Nicolas Anelka te kha an nih in chhawk thina, two man striker ang tawpa khelh tir an nih thin vang khan Bergkamp kha hmun awl leh field chhunga tal tam na tura free role pek ani vak ngailo, khami vang khan a duh ang tak erawh kha chuan ala khel thei chiahlo.
1994 chho velah Arsene Wenger a kaihhruai Monaco ah Thierry Henry chu player pawimawh alo ni chho ve mek zel bawka, Juventus ah lut in, ani pawh Bergkamp ang thoin Italy lamah beisei a phalo. 1996 ah Arsene Wenger chu Arsenal manager atana lakluh anih khan Monaco lama alo enkawl tawh Henry chu Arsenal ah chuan a lalut ve ta bawka.
Wenger a hnuai ah hian Bergkamp hi free role pek ani deuh ta a. Dutch player, Ajax chhuak tih tak total football philosophy alo man tawh bawk nen, forward pangai ang tawp niloin, second striker leh number 10 ang deuh ni kawpin a khel hnem ta zawka. Henry pawh a tlanchak vang leh ball a thiam vanga wing lama manager hmasa zawk ten anlo tal tir thin kha centre forward pangai ang deuh role a play ve leh ta bawka. An pahnih hi technical ability leh quality sang tak nei ve ve an ni a, Henry hian ball a thiam em em a, chubakah a tlan chakin, tharum lamah pawh a chaka, tin a finishing a tha em em bawka. Bergkamp hi Henry ang em em a chak chu anilo, mahse ball thiam tak, ball khawih hmuhnawm leh dik em em, ball pet thiam tak, game hmuthiam tak ani thunga.
Build up neih laiin Bergkamp hi a forward position atanga tawlhhnung in number 10 position ah ball pass theihna remchang a in siam thin a, hetih lai hian Henry hian mual sir veilam pangah space alo zawng ve thin bawka. Midfielder inpawt zau te an rawn tawlhhma in Bergkamp chu a ai thuka a inpawt hnung thina, lehlam defender te draw in, pakhat emaw tal pawh peng a tum thina, hetia a tih theih chuan lehlam box ah space a awm dawna, forward leh a midfielder tawlhhma te tana luh theihna siamin, a vision thatna leh ball pek thatna hmangin goal thun theihna chance a siam zung zung zela. Heihi Henry bik hian hlawkpui em em in, goal pawh a thun hnem thei ta em em a ni.
Henry hi a chang chuan left wing lamah a tal nasa ve thin bawka, hetiang anih hian lehlam fullback te a pawt penga, box lai lamah Bergkamp a luhna turin space alo awm veleh chiah thin bawka, Henry chuan a ball thiamna te leh tlanchakna te hmang tangkaiin defender te a paltlang zung zung thei a, Bergkamp chuan a ball pet thiamna leh chet vel dan fing tak hmang te in goal ah alo chantir thin a ni. Bergkamp hi a tawlhhnung chang hian wing a player rawn tlan te tan ball fing tak pe in, box chhunga player awm awm te tana cross ball vawrh theihna chance siamsak tu ani thin bawk a ni.

Football khawvel ah attacking duo, defender te tana hlauhawm em em leh, tha em em tam tak an awma, chung zinga thenkhat te chu:-

1) Van Basten & Rud Gullit
2) Alan Shearer & Sutton
3) Del Piero & Trezeguet
4) Andy Cole & Dwight Yorke
5) Suarez & Messi
6) Ronaldinho & Eto
7) C.Ronaldo & Rooney
8) Robben & Ribery
etc.

Keimah bik hichuan Andy Cole leh Dwight Yorke te United 1999 treble team a an inkawp kha hmuhnawm ka ti ber mai a( live in en ve phaklo mah ila)an daih reilo mai pawh a.

Tute inkawp hi nge hmunnawm a, tha intih ve ber le???

P.S. hetiang lam leh football lam hrim hrim, role hrang hrang leh khelhdan hrang sawifiahna te, player leh team hrang hrang khelhdan bihchianna(tactical analysis) te, football lam knowledge zauh na tur hrang hrang te, sensible transfer leh news hrang hrang te tih lanna tur page ka siam ve a, link ah hian lutin khawngahin minlo like sakin, minlo follow sak ve theuh dawnnia.
Hemi ka siamchhan bera chu, football lam kan hriat zaua, tactical approach lamah te kan lo than zela, mizo football t**i hrim hrim in hma a sawn nan te, rualkhai zawka advance taka football t**i leh sawihona tha te kan lo neih theih zel zawk nana ti ka ni a, member te khawngaihin page hi minlo share sakin, theih ang angin minlo promote pui dawnnia.

Page link:
https://www.facebook.com/Zo-Analyst-102882481853733/

03/03/2021

•Tactical Profile•

Deep lying playmaker ho kha!

Classic number 6 kan tih Regista tih pawh a hriat, midfielder ball semchhuak thiam em em, mahse lehlam pawlte lama va tal na vaklo, mahni defense line bula tawma, ball pet thiamna leh game hmuh thiamna hmang tangkai a, game control thin tu te.
Classic number 10 ho kan hria anga, ball thiam tak leh pet thiam tak, lehlam pawl defense line leh midfield line inkara talna thin, forward te tana goal khung theihna chance siam thin te an ni, Classic number 6 ho erawh mual thûk lampanga awm thin ni in, an tawlhhma ve vak ngailo.

Enge Regista chu?

Mual chhungah game kaldan thunun tu ber ni turin midfielder te an awma, thiamna leh theihna , khelhdan hrang hrang nei an ni. Lehlam pawlte lama tawlhhma deuha, forward te nen in link up a, goal khung theihna chance siam turin playmaker thenkhat an tawlh hma a, lehlam defense line hnaih ta na na na chu, defender ten pressure an lo pe zung zung thina, hmun awl(space) pawh zawng hman meuhlo in a changchuan playmaker te dahbo an ni thin, hemi buaina sukiang tur hian deep lying midfielder te hi hman thin an ni.
Regista ho hian an pawl defender te hma deuh chiah ah awmhmun khuar in, an zone/line chu an venghim pah thina, defender te leh midfielder tawlhhma dangte in pawh nana kaltlang na ber an ni thin. Hetia playmaker te ber an tawlhhnung daih tâk ah chuan lehlam pawlte pawn chance a siam na tur dansak tumin rawn tawlhhma in pressure rawn pêk an tum thina, hetia an rawn tawlhhma chiah hian an defensive line ah hmun awl zau tak alo awm thin a, heihi forward thenkhat emaw wingback thenkhat ten ball chan nana hmang turin, space awm ah chuan ball vawrh anih velah rang taka tlan lutin goal khung theihna chance an nei thin, hetia ball semchhuak tu chu midfielder tawlhhnung chu a ni thin.
Chak tak, ball khalh thiam tak, tlanchak tak an nilo a, amaherawhchu an finga, game an hmuthiama, hmun awl ah an in pawt zung zung thei, an thatna ber ball semchhuah a ni bawk.

Deep lying midfielder lar zual te:

1) Andrea Pirlo:
Ani hi chu football history a, midfielder tha ber pawl ti ila kan sawisual kherlo ang.Chak tak leh, lehlam pawlte ball chhuhsak thiam tak a nilo a, mahse Ball a thiam pangai a, ball a keng laia a taksa her dan vel pawh lehlam te tana harsatna thlen theitu ani, a thatna leh a lar berna erawh a ball pêt thiam vang a ni. An box pawn deuh hret atang pawhin lehlam pawlte box thleng, ball dik takin a pe chhuak thei, tin set piece ah a tha em em bawka, long shot ah pawh a duailo. Position Thûk taka a awm thin vang hian defensive duty a neilo theilo a, a area china ball kal chhuhsak chu a hna ani telve thin, mahse sawi tawh angin, ball chhuhsak kawngah a tha ber aniloa, tharum lamah pawh chak tak ani hranlo, heivang hian a pawlte thenkhatin ball an laklet velah Pirlo chu ball pe leh vatin, a ni chuan forward te ah goal khung theihna chance siam turin, alo thawn phei leh vang vang tawh thin a ni.

2) Xabi Alonso:
Spain International pawh hi a position ro ro ah chuan a thaber pawl tih theih a ni a, ani pawh Pirlo ang thoin, a chak lemlo a, speed ah pawh a sang lutuk lo, tin technical quality hrang hrang, ball khalh leh venhim kawngah pawh a sang hranlo, mahse mi fing tak mai, a hun leh a hmun hrethiam em em, ball a chan tawh chuan forward te tlan tura in rin vek a ngai tawh thin. Ball a pet thiam em em a, Pirlo ang thoin, hla tak tak atang pawn dik takin a pawlte a pass thei thin. A ni hi chu Pirlo ang lo deuhin dinpui pawh a nei thina, Holding ang tawpa, amah chiaha awm loin, double pivot angin dinpui pawh a neive thin a ni.

3) Sergio Busquets:
2008 chhoa Barcelona kha kan hre theuh anga, Pep Guardiola enkawlna hnuaiah inkhel hmuhnawm tak, mit ti tlai tak min hmuhtir thin anikha. Tiki Taka an tih game hmangin thlirtu te mit an ti tlai a, Xavi, Iniesta, Messi, Pedro te hoin rang tak leh dik takin ball chan hlau ber ni awm takin an han in pass kual thin anihkha, hemi hlawhtlin theihnana player pawimawh ber te zinga mi langsar vut silo chu Busquets hi a ni. Ani hi chu Pirlo te leh Alonso te nen an khelh dan a in ang em em lo a, Regista role ang play chiahlo mahse Deep lying midfielder chu ani tho a ni. Tharum lamah a chak em em loa, Pirlo te angin thui tak tak in ball pawh a pass zen zen lo, mahse ball a thiam em em a, lehlam pawlin pressure an pekin a buai ve ngai eihlo a, a taksa her rem dan hmangin awlsam deuhin alo talchhuak mai zel. A passing pawh Pirlo te anga thui tak tak semchhuak thin nilo mahse, a tha em em thoa,line breaking pass te leh disguised pass te a hnehsawh hle a, defense leh fullback te leh midfielder dangte in pawh nana kaltlang na ber player a ni. Ball chhuhsak kawngah a chhe lemlo a, defender te a pui nasa hle. Ani hi chu Regista kan tih ang chiah anilo a, mahse defensive midfielder zinga complete ber pawl ti ila a dik ber ang.

4) Michael Carrick:
Manchester United midfielder hlui tuna 1st team coaching staff zinga telta hi a khelh ve lai kha chuan player, a phu tawk fakna hmulo pawl tak a tih theih ang. Carrick hi English player zinga Regista diktak tih theih tlemte zinga mi a ni a, Sir Alex khan a theihna hmu chiangin United ah a lalut anihkha. Ani pawh hi Regista dang ang thoin chak tak, speed sang tak, tharum ngah leh stamina tha a innghat chi anilo a, game a hmuhthiamin, a passing a tha em em a, thui tak takin, dik takin ball a vawrh chhuak thei a ni. Manchester United ah khan anih tur ang ani theilo ti ila kan sawisual awm lo e, engatinge kan tihchuan, English football intensity sang lutuk, tharum leh game pace sang tamna ah kha chuan an ni ang player, space mamawh, tharum ngah vaklo, pace sang vaklo ang tan kha chuan theihna diktak pholan kha a awlsam loh vang ani. A khelhna league in zir deuh se chu thaber pawl ti a sawi tur chu ani ve hial thei ang tihtur khawp a ni.

Tu hi nge hmuhnawma, tha intih ve ber? Classic number 6 ah tunge tha intih ve ber?

21/02/2021

False 9 ni silo False 9 chu!!

Harry Kane hian tun season kal mek ah goal khung chauh hi a thatna a nihloh zia a rawn tilang a, Premier League bik ah game 22 khel tawh in goal 13 khung tawh in, assist vawi 11 lai a nei tawh bawk a ni. Kane hi mi tamtak chuan a goal khung theih vang leh a shooting a that vangin kan hre lar anga, chumi phena a passing thatzia hi kan lo chik em aw?

Jose Mourinho a hnuai ah Harry Kane hian khelhdan thar a rawn nei a, False 9 kan tih mai, striker pakhat, a pawlte te an awl theih nana in siam rema goal khung theihna chance siam thin ang chi, hemi role a rawn play ngun ta hle a. Team ten an hlawkpui viau bawk a, season dang anglo takin goal bakah assist pawh a ngah ta hle a ni.

Enge False 9 chu?
False 9 kan tih chuan striker, number 9 position(centre forward) atanga tawlhhnung, a tih theih anga, engvang a tawlhhnung nge? Enge a tangkaina? kan tihchuan, a bula player dang te(a bikin winger) tan space(hmun awl) siam sak nan, a position chhuahsan in lehlam pawl defender pahnih emaw pakhat tal pawh peng chu a tum ber ani thin a, number 10 position ang deuhin, midfield leh forward inkar ah awmin, space insiam in lehlam defender te a pawh peng theihloh pawn aman space a neih chu hmang tangkaiin, a ball pek that theihna hmangin chance a siam thin a ni. Thenkhat chuan midfield-striker te pawh an ti nghe nghe.
False 9 a khel player lar tak leh thatpui em em an awm nual a, chung zingah chuan Liverpool player Roberto Firmino te, 1999 Manchester United treble theih nana player pawimawh leh tangkai em em mai Dwight Yorke te, Dennis Bergkamp te leh Francesco Totti te pawh kha false 9 an tih theih a, Pep an Barcelona a enkawl lai khan Lionel Messi pawh kha False 9 anga chhawr in a hming a chher tha hle a ni.

False 9 Harry Kane chu:
Harry Kane hi natural a False 9 role play tawp leh khel char char thin anilo a, mahse team in build up an neih lai te, counter attack an tan dawn te in, a forward position chhuahsan in field lai lamah a tawlhhnung thin a, hetia a tawlhhnung hian lehlam pawl pakhat tal a draw thin a, hei hian lehlam side a space siamin chung hmun awl chu a pawlte dangin lo hmu in an in pawt rem zung zung a, tichuan Kane chu ball pass theih na remchang ah lo insiam remin, ball a chan velah chuan a teammate tawlhhma te chu a passing ability tha tak hmang tangkai in ball tha tak a pe thin a ni. Harry Kane hi goal khung thei tha tak anih rualin ball pass thiam tak a ni tel bawka, heihi tun season bikah, season dang aia hmang tangkaiin, a thatpui hle a ni.

Kane hi khawvela striker tha ber pawl ani em? Player quality sang tak anih vang hian striker chauh lo ah pawh hian a khel thei angem?
Han sawi ve ula.

Address

Aizawl

Website

https://youtube.com/channel/UCWPk4MYk2QUveYzBtdx3tnQ

Alerts

Be the first to know and let us send you an email when Zo Analyst posts news and promotions. Your email address will not be used for any other purpose, and you can unsubscribe at any time.

Zo Analyst