24 hour Fitness Tips

19/10/2016

15/10/2016

Thats Why We DeadLift
لهيك منتمرن تمرين " الرفعة المميتة" .👌💪

26/09/2016

And Yes You Can Do It .

01/09/2016

خلي تمرينك مختصر مفيد بوتيرة سريعة High Intensity ،
بين 30-45 دقيقة لنتائج افضل وحرق دهون اسرع 💪،
ودايما خلي الكارديو بعد التمرين ،

Do Cardio Before Your Weightlift session .

17/08/2016

بدك تضعفي ؟ او توكلي وانت متطمني انك متزديش وزن كبير ؟
الحل بسيط ، حاولي دايما ارفعي ال BMR ( Besal Metabolic Rate) بهاي الخطوات البسيطة :

1-العضلات ، كل ما كان عضلات اكثر في جسمك كل ما زاد ال BMR لان العضلات خلايا حيوية وبتستهلك طاقة كثير عدا عن انها مسؤولة عن تنسيق شكل جسمك وجاذبيته .

2- المي ، حاولي اشربي عالاقل لتر ونص يوميا

3-تقسيم الوجبات خلال اليوم لعدد مناسب الك بتراوح بين 4-6 وجبات صغيرة عمدار اليوم ، هاض الاشي بسمح لجسمك انه يرفع معدل حرق الطاقة ( يستحسن يكون بروتين اغلب الاكل " البروتين سر للتنحيف " ) ، وحاولي انتبهي للكالوري خلال يومك.

4-الحركة ، حاولي اشتركي بالنادي الرياضي او اعملي رياضه بيتية (HIIT)او اركضي كل يوم شوي او اذا كان عملك فيو مشي كثير بكون ممتاز .

5-الكمون والبهارات بشكل عام بتساعد على التنحيف كمان .

☺

25/07/2016

الدايت الانسب للتخسيس شباب وصبايا هو "دايت البروتين" ،،
كيف وليش ؟
اولا معروف البروتين بطيئ الهضم نسبة للكاربوهيدرات ولما كل غرام منه يساوي 4 سعرات حرارية (مثل الكاربوهيدرات) الفرق بسرعة الهضم هي الي بتمييز الواحد عن الاخر ، كل ما كان هضم ابطأ كل ما شعرت انك مليان ومش بحاجه لاكل وهيك بتحرق سعرات حرارية اكثر خلال اليوم .
اشي اخر ، البروتين هو اكثر نوع اكل اللي بحرق طاقة خلال هضمه وامتصاصه حوالي 20-30% من السعرات الحرارية اللي بتفوتها من البروتين بتروح بس عشان للاشيائين اللي ذكرتهن والباقي لجسمك واحتياجاته ، بالمقارنة بالكاربوهيدرات اللي بس بتحرق 10% من سعراتها الحرارية .

ف هيك لكل كيلوغرام من جسمك اعطيه 2 غرام بروتين ، وتحرمش حالك من الكاربوهيدرات نهائيا بل دخل على جسمك 1.5 غرام كاربوهيدرات لكل كيلوغرام من جسمك ،
لازم يكونو مقسات ل 4-5-6 وجبات (كل ما كان وجبات صغيرة اكثر كل ما زادت سرعة الميتابوليزم "وهيك بتحرق دهون اكثر " .

# # # :
شخص وزنه 75 كيلو ، اذا اكل مثل ما حكيت فوق يعني 150 غ بروتين و 112 غ كاربوهيدرات وخلينا نقول مع 30 غ دهون (خلينا نحكي على دهون صحية) ..
بكون ماكل هاضا الشخص 600 سعرة حرارية من البروتين بس لما بتنحرق منها 20-30% معناها بالاخر بطلع حوالي 450 سعرة حرارية بس من البروتين ،
ومن الكاربوهيدرات حوالي 400 سعرة ومن الدهون حوالي 270 سعرة ،
يعني حوالي 1120 سعرة باليوم .
اسا هاضا الشخص ان كان ذكر راح يحرق حوالي 0.8 كيلو دهون خلال جمعة وإن كان يتمرن راح يحرق حوالي 1.1 كيلو دهون خلال جمعة .
الان ان كانت انثى ف راح تحرق من 0.4 كيلو - 0.8 كيلو خلال اسبوع برضو .

#ملاحظة : البرنامج هاض بخليك تحرق/ي شومنيم اكثر من عضلات وبالتالي راح تحصل على جسم قليل دهون ومتناسق وحلو .

#لخدمتكم☺

17/07/2016

لما تعرف كيف ووينتا تتمرن ، شو توكل ووينتا توكل ، كيف تضعف ، كيف تنصح ، كيف تبني عضل ، شو تشتري وتستعمل (مكملات غذائية بجودة عالية) .. هاي النتيجة بتكون والآتي اعظم .💪

#فادي


😈

16/07/2016

ערב טוב חברים יקרים
וככה הגיעה הבשורה
משלוח ראשון כבר הגיע מהמותג העולמי שיכבוש את העיר בכוח למענכם
נגדל בכם ואתכם ולמענכם 💪💪
מהיום ניתן להזמין במחירים מטורפים

15/07/2016

صباح الخير ❤
لما بدك توكل اشي كربوهيدرات ( ان كانت نشويات مثل الخبز او الرز او الذرة او سكر بسيط مثل الشكلاطات والحلويات) وعشان متخليش جسمك يهضم الكربوهيدرات بسرعة كل معها مكسرات لانها بتحتوي على دهون صحية مثل اوميجا 3 واوميجا 6 بس متكثرش -يعني 4 حبات- (لان الجسم ابسط اشي عنده انو يهضم الكربوهيدرات) ، اسا ليش كل هاض ؟
الجواب لانه الدهون بتبطئ عملية الهضم والاشي برجع بالايجاب الك لما توكل كربوهيدرات وتخلطها مع دهون لان انت هيك بتمنع spike in insulin يعني بكلمات اخرى بتضلك محافظ على مستويات انسولين معتدلة وبهيك بتمنع بشكل كبير تخزين السكر ك دهون .
💪

14/07/2016

#للشباب
قديش هرمون التستسترون مهم جدا جدا من اهم فوائده :
1-تخفيض نسبة الدهون في الجسم
2-بناء عضلات اقوى واسرع
3-تحسين القدرة الجنسية
4-زياد كثافة الشعر والحفاظ عليه
5-خشونة الصوت (صوت شبابي)
6-الحفاظ على صحة الجسم بشكل عام
لكن للاسف هاض الهرمون ببلش يقل في الرجال طبيعيا ابتداءا من جيل 30 (ممكن في جيل ابكر ) وكمان ممكن اي شب يعاني من نقص من هاض الهرمون ونتيجة للنقص بكون مستحيل ينزل دهون جسمه او يبني عضلات ، وللحفاظ على مستويات طبيعيه / عالية اعمل هيك :

1- أتمرن تمارين مركبة يلي بتشغل اكثر من عضله كبيرة بنفس الوقت وباوزان عاليه هاض من شأنه يحرر هرمون التستسترون بجسمك (تمارين مثل : deadlift , squats , military shoulder press)
2-زيد كمية الدهون صحية healthy fats والكوليسترول جيد HDL ; الدهون الصحية هي مثلا زيت زتون ، زيت جوز الهند ، مكسرات ،ابوكادو .
كوليسترول الجيد مثل البيض الابوكادو (الاوميجا 3 والمكسرات برضو الدهون اللي فيها بتساعد على تقليل الكوليسترول السيء وبترفع الكوليسترول الجيد)
3-دخل على جسمك فيتامينات ومعادن ؛ زنك ومجنيسيوم و فيتامين D وفيتامين D3 (فيتامين D3 بتتحصل عليه من تعرضك للشمس ) .
4-نام منيح لانو خلال النوم بتكون اعلى مستويات التستسترون (7-8 ساعات متواصله) .
5-قلل السكر البسيط واذا بتغدر امتنع عنه لانو برفع الانسولين والانسولين بعيق عمل التستسترون .
6- خذ BCAa's من شانه يساعدك كثير ببناء عضلات اسرع واقوى ومن شانه رفع الهرمون .

13/07/2016

اصدقائي 💪💪
لكل حدا مش عارف قديش ووينتا يدخل على جسمه بروتين هون بتعرف 👇👇..
للاستفادة الكبرى من كل غرام بروتين عشان توفر عحالك مصاريف وعشان متدخلش زيادة على جسمك عالفاضي :

15-20 غرام بروتين بكل وجبة كل ساعتين ( 6-7 وجبات باليوم)
من ضمن الوجبات طبعا ال protein shake قبل التمرين بنص ساعه بالكمية نفسها (15-20غ بروتين) وبعد التمرين فورا ، ومن وقت ما بتشرب اخر مرا (اللي هي بعد التمرين فورا) بتعد ساعتين للوجبة التاليه وهكذا دواليك ..

💪

12/07/2016

💪

ا- proteins يعني بروتينات يعني חלבונים ..
اليوم جاي اوضح شغله مهمة كثير مفهومة غلط كليا بمجتمعنا ..
شب عادي (ملوش بالرياضة والتغذية) شاف شب بتمرن وجسمه حلو ومرتب ،بسأله :
بتتمرن بالمخون ؟
-اه
بتوخذ اشي؟
-اه חלבונים
اي دقوول ياعمي جسمك مش طبيعي ،خليك عالطبيعي خيا احسنلك
-Go To Hell 😑 .
الصراحة الجهل مستفز احيانا لا وأوخرا بعند وبصر على رايه انه الحلفون مش طبيعي ..
مقدمة ملخصة عن البروتينات (חלבונים) عشان نفهم بالزبط شو السيري ..
البروتين هو عبارة عن سلسلة مركبة من احماض امينية (amino acids) ،وفي بالطبيعه 20 حمض اميني ؛ 8 ضروريات وال 12 الباقيات مش ضروريات بمعنى انه الجسم بنتجهن بنفسه بينما ال 8 هضلاك ف لأ ﻻزم ندخلهن عن طريق الاكل .
اسا تقول لواحد انا باخذ بروتينات ، بتكون ردة فعله عاديه جدا وطبيعي ..اما بس تيجي تقلو חלבונים خلص معناه انت مش طبيعي .. يعنييي اختلفت المعاني بأختلاف المسميات ..
طيب هات اقلكو شغله ..انا شخصيا كنت اعتقد مثلكو بأنه الحلفونيم مش طبيعيه ومش منيحة و و و الخ..
بس لما بلشت اقرا واتعلم واتثقف من مصادر موثوق فيها (بروفيسورية ومقالات طبية علمية ) عرفت وقتها اني كنت على خطأ ..
الحلفونيم الي منحكي عنها مسمهاش حلفونيم اسمها مكلات غذائية ( supplements) يعني هي بس بتساعدنا بالاضافه لاكلنا الطبيعي على زيادة مادة طبيعيه معينة (بروتين .كاربوهيدرات. دهون) مش اكثر ولا اقل بالاضافه لفوائدها الاخرى (البوست الجاي بوضح الفوائد).
والمكملات الغذائية هاي مستخرجة ومصنعه من نفس الاكل الطبيعي الي كلنا يوم يوم منوكلو (حليب، بيض ، سمك).

فبالنهاية منقول انه لأ مش مضر بالعكس مفيد وطبيعي ولأ مش عم بعمل دعاي لاي حدا او اي منتج بس حبيت اوضح هاي النقطة من زمان ، وانا شخصيا عندي من هاي المكملات الغذائية والاشي صحي كثير عكس ما كيف كنا متخيلين الاشي وما في اي ضرر ولو كان فيو ضرر او بحال حسيت بأي اشي مش طبيعي بجسمي كان الاشي بستاهلش اغلب حالي واكتب بوست طويل عريض عنه .

شغلة اخيرة احب اوضحها كمان واللي فعلا هي اللي مقلقتكو ..
في بعض مواد اللي بلعبو رياضه كمال الاجسام بيستخدموها عشان يضخمو اسرع ويبنو عضل اكبر واقوى وهاي المواد اللي ممكن تسبب ضرر وقلق لقدام .
المواد اللي بحكي عنها هي : الهرمون الذكوري (تيستستيرون) ، والحقن .
اه صحيح هون فتنا بعالم ثاني"مش طبيعي" ..
بينما العالم الاول الي حكينا عنه (البروتينات חלבונים) فهي "طبيعي 100%" .

# # لو انه المكملات الغذائية مش مفيدة او ضرر عالصحة كان ما بشتري وما بستعملها ونفس الشي عشرات ملايين الناس حول العالم .

.
❤