El Capitano الكابتن

14/12/2025

فوز مستحق وسيطرة كاملة أربكت الفريق الخصم.
دخلوا المباراة بدون أي خسارة، ومقتنعين أنهم أقوى فريق في الدوري، لكن على أرض الملعب واجهوا واقعًا مختلفًا تمامًا.

أداء الكباتن، الانضباط، والسيطرة الفنية منذ الدقائق الأولى، سحبت البساط وأخرجت الفريق المقابل عن تركيزه، لدرجة أن بعض لاعبيهم فقدوا أعصابهم في الدقائق الأخيرة، وبدل مراجعة مستواهم، لجأوا إلى تصرفات غير رياضية (اللاعبين والطاقم) واتهامات غير منطقية وصلت حد الادعاء بتزوير لاعبين.

نحن نختار دائمًا الرد داخل الملعب فقط.
بكرة نظيفة، تنظيم مهني، احترام للخصم…
والنتيجة كانت واضحة للجميع.

هكذا تُبنى الفرق القوية،
وهكذا يُصنع اللاعب الحقيقي. 💚💛⚽

14/12/2025

انتصار نادي الكابتن
وأداء رائع💪
نادي الكابتن 9
شباب يركا 2
نستمر بالعمل والتطور
الحضور لتمارين كتير مهم ✋✋لعب جماعي مع إداء مميز، إلى الأمام

11/11/2025

💚⚽ من الكابتن لمكابي حيفا!

الكابتن رايق يوسف أبو الهيجاء، ابن نادي الكابتن، بيكمّل طريقه بخطوة كبيرة 👏 في بداية الموسم انضم رسميًا لفريق مكابي حيفا وعم بقدّم أداء مميز! 🔥

هذا الولد مثال للإصرار، الالتزام، والهدوء بالشغل…
اشتغل عَ نفسه بهدوء، تعب، وضل مؤمن بحاله 💪

إحنا فخورين فيك يا رايق!
وهيك بنحب نشوف أولادنا — بحب، انضباط، وطموح عالي 🌟

انت بالبداية بس… والأفضل جاي 💚

#طموح

04/10/2025

🔥 انطلاقة قوية لفريق الكابتن براعم ب ⚽
بحماس كبير، افتتح فريق براعم “ب” موسمه الكروي بانتصار مميز بنتيجة 20–6 أمام فريق شباب حيفا 💪💚

أداء جماعي مبشّر، روح قتالية عالية، وبداية تعكس العمل الجاد والتحضيرات المكثفة للموسم الجديد 🙌
الطريق طويل، لكن البداية ولا أروع 👏✨

10/08/2025

💥 التجربة الرياضية الأقوى 💥

⚽️ نادي حقيقي لتأسيس، تطوير، وتمييز ابنك – لأجيال 4–14:
✅ تدريب احترافي وممتع
✅ طاقم مهني شغوف مُلهِم متميز وملتزم
✅ مباريات، بطولات، دوريات ومعسكرات داخل وخارج البلاد
✅ النادي الوحيد بالمنطقة بشراكة مهنية مع مكابي حيفا
✅ متابعة شخصية وتواصل شفاف مع الأهل
✅ مواصلات منظمة وآمنة – من البيت للملعب وبالعكس (طمرة)
✅ بيئة عائلية داعمة مليئة بالشغف والانتماء

📍 ملاعب خاصة مجهّزة وآمنة
📌 الأماكن محدودة – سجّل الآن وابدأ مشوار التميّز!

📞 للتواصل: 0526859901

التجربة_الرياضية_الأقوى

29/07/2025

في مقابلتنا الأخيرة على راديو الشمس، حكينا عن معسكر رومانيا ونادي الكابتن 💚⚽كيف معسكر رومانيا صار نموذجًا للتميّز الرياضي والتربوي، وكيف “نادي الكابتن” عم ببني جيل قوي، واثق، ومُلهِم .حكينا عن:– تجربة الأولاد المذهلة– روح الفريق والانضباط– بطاقات القدرات والتحليل الشخصي– الشراكة مع مكابي حيفا– ومفاجآت اخرى للتسجيل والانضمام تواصلوا معنا⁩⁩⁩

23/07/2025

الكباتن انهت المعسكر مش بس بذكريات وتجربة، بل مع بطاقة قدرات شخصية مصممة خصيصًا – مبنية على اختبارات حديثة ومهنية فحصت جوانب متعددة من الأداء الرياضي: السرعة، خفة الحركة، رد الفعل، التحمّل، التمرير والمراوغة!
كل كابتن بعرف بالضبط وين نقاط قوته، وين لازم يشتغل، وكيف يطوّر مستواه.
هاي البطاقة مش بس ورقة – هي خريطة الطريق لمرحلة جديدة من التقدّم

22/07/2025

مباريات المعسكر كان إلها طابع خاص، أجواء مختلفة ونكهة غير

20/07/2025

من ملعب التدريب في معسكر الكابتن برومانيا…
شغف، عرق، والتزام 👊.. كل تدريب خطوة لقدام

18/07/2025

18/07/2025

16/07/2025

🎉⚽️ نهاية موسم.. بداية حلم جديد ⚽️🎉
بعد سنة مليانة تعب، شغف، تحديات، وفرح – ختمنا موسم 2024–2025 في نادي الكابتن بألطف طريقة ممكنة!
ختمنا السنة بطريقة بتشبه ولادنا – ملونة، مليانة حركة، صوت ضحك، صور، وكؤوس بتختصر مشوار كامل من الجدّ والاجتهاد 🏅🌞

📸 ألبوم الصور اللي بنشارككم فيه اليوم (80 صورة!) هو مرآة حقيقية لكل لحظة عشناها سوا… من البداية وحتى الختام.

🔚 شو مرقنا خلال الموسم؟
– بدأنا بمعسكر دولي في رومانيا 🇷🇴 2024
– خضنا مباريات وتجارب ضد فرق أكاديمية مكابي حيفا 🟢
– شاركنا ببطولات ودوريات واثبتنا جودة فرقنا وتعلمنا من كل تجربة
– نظمنا برامج وفعاليات اجتماعية حلوة مع الأهل
– تابعنا مباريات في استاد سامي عوفر، وشفنا الحلم من المدرجات
– وقفنا كلنا مع بعض بظل ظروف الحرب الصعبة، وقررنا نكمل لأجل أولادنا ومستقبلهم

🌱 النتيجة؟
– 14 لاعب من نادينا رح يقدّموا امتحانات في مكابي حيفا من خلال بوابة الكابتن 💚
- نتائج مشرفة جداً لجميع الفرق بالدوري
- تطور ملفت للكباتن على مدار السنة
– كسبنا احترام وتقدير في كل مكان
– والأهم؟ زرعنا عادة الالتزام، اللعب النظيف، والروح العالية في كل واحد من الكباتن

💚 نادي الكابتن هو مش بس تدريب وكرة…
هو بيت، رفقة، انتماء، وحلم عم يكبر مع ولادنا خطوة بخطوة.

📆 الموسم الجاي؟ مبلشين بالتسجيل من بكرة!
رؤيا متجددة، وأهداف أكبر – بس بنفس القلب والعيلة.