29/11/2021
الجواب باختصار : صحيح بس بشروط ...🤗😉
الأهم انو تكون "غير محمصة" 🙂
✅ المكسرات تساعد على الشبع المبكر وتقي من البدانة:
المكسرات فيها بروتينات والياف، وبالتالي بتعبي المعدة وبتخلينا نحس بالشبع لمدة اطول....
وغنية بالدهون الصحية (غير مشبعة unsaturated fatty acid وهي الاهم)، يلي بترفع ال HDL او الكولسترول الجيد.
فتناول كمية معينة من المكسرات متل اللوز والجوز والفستق والكاجو والبندق يوميا بشكل منتظم ممكن يقي من البدانة.
✅ المكسرات تحسن الصحة الجنسية والإنجابية:
دراسة تانية على المكسرات تساوت على مجموعة من الرجال 🥸♂️ وقسمت لمجموعتين. المجموعة الاولى 🟢 عطوها حصص جاهزة موزونة مجانية شهرية من مكسرات نيئة ٦٠ غرام يومياً (30 غرام جوز ، 15 غرام لوز ، 15 غرام بندق). ومجموعة تانية 🔴 تركوها على أكلها العادي ومنعوها من اي شي اسمو مكسرات نهائياً. استمرت الدراسة ل ١٤ اسبوع. ⏳
النتيجة كانت تحسن الوظيفة الجنسية عندن حسب استبيانات انعملت 💪 . وتحسن انتاج ونوعية النطاف 💪.
علاغلب السبب كان هو احتواءها على مشتقات مركب NO (يلي بحسن التروية الدموية)، وعنصر الأرجنين ، ومختلف أنواع مضادات.
#ملاحظة: المكسرات ""المحمصة"" مؤذية ☠ ومالا مفيدة :
المكسرات النيئة هي المقصودة انها مفيدة 😄
الإكثار من المكسرات ""المحمصة"" مو منيح صحياً بلعكس 😊 لأن خلال التحميص بتتشكل مادة ضارة اسمها اكريلاميد Acrylamide
يعني اذا اكلت مكسرات محمصة يوميا بتكون بدل ما تكحلها عميتها 👁😆
☠مادة الأكريلاميد Acrylamide☠ :
سامة على الأعصاب💀
مسرطنة💀
سامة على الجهاز التناسلي 😱💀
*طبعا مو دغري بتأذي بس تتراكم كتير بالجسم لمدة طويلة ممكن تأذي 😅
بتتشكل اثناء طبخ الطعام 🍲🫕🥣🍳🥘 بدرجات حرارة عالية (فوق 100 درجة مئوية سيليسوس) متل الشوي والتحميص والقلي.
الكمية المتحملة منها باليوم الواحد بالنسبة لسمية لأعصاب 40 مكروغرام بالكيلوغرام
2.6 مكروغرام بالكيلوغرام بالنسبة للسرطانات.
طبعا ما حدا حيقدر يقيس اديش عم ياكل اكريلاميد بس مشان تاخدو فكرة انو متلها متل غيرها 😄😅..
Daite
