Your APT - Sundae

Your APT - Sundae 專業女健身教練 泰拳教練 伸展教練
專For女士 1對1或1對2 重訓/協調/循環 訓練
增肌減脂 改善姿勢痛症 飲食建議 伸展 運動按摩
教練租場/會所/上門 新界地區 屯天元荃 馬灣
歡迎PM約試堂

✨閃光彈注意✨😎✨​今日學生傳咗張佢同老公嘅pre wedding相比我過目，第一反應除咗「哇，好靚、好幸福」之外，我對眼自動好似 X 光咁，鎖定咗佢條極致嘅鎖骨、超緊緻嘅手臂線條，仲有嗰個完美嘅體態！操咗咁耐，就係等呢一刻！🔥🔥 見唔見到...
17/05/2026

✨閃光彈注意✨😎✨

​今日學生傳咗張佢同老公嘅pre wedding相比我過目，第一反應除咗「哇，好靚、好幸福」之外，我對眼自動好似 X 光咁，鎖定咗佢條極致嘅鎖骨、超緊緻嘅手臂線條，仲有嗰個完美嘅體態！操咗咁耐，就係等呢一刻！🔥🔥 見唔見到佢嘅三角肌同手臂線條係幾靚啊啊啊啊👏👏👏👏

講明先啊佢啲圖係完全冇P過，佢要求直出唔好P自己既身型，因為佢話想等佢年紀越大嘅時候睇返以前既自己原來咁fit咁正💪

​Heidi當初嚟搵我嗰陣雖然係瘦底，但係佢既肌肉量偏低同埋膝頭有痛症，結果你睇吓依家，線條出曬黎靚到爆炸！
​見到你由第一日上堂做重訓做到叫救命，到依家可以用最自信、最靚嘅狀態，教練好Proud of you啊🥹。

多謝你百分百信任我嘅 training 同建議，你嘅堅持完全配得上咁靚嘅成果！
​新婚快樂！繼續keep住團火啦喂😜

#女教練 #健身教練 #私人教練 #增肌減脂 #香港女教練 蛋白質 痛症管理 飲食管理 伸展 伸展教練 運動按摩 泰拳教練 1對1私人教練 1對2私人教練 伸展班 提高心肺 協調 平衡 柔韌度

健身室禮儀真係唔係個個有，今日同學生上堂個陣就係遇到一個非常之無禮儀既後生仔，咳唔戴口罩唔揞嘴，做完大重量唔收餅，做完functional traning都唔執。基本上同我上堂嘅學生, 第一堂我一定要先教佢哋最基本嘅健身室禮貌：1. 儘量保...
04/12/2025

健身室禮儀真係唔係個個有，今日同學生上堂個陣就係遇到一個非常之無禮儀既後生仔，咳唔戴口罩唔揞嘴，做完大重量唔收餅，做完functional traning都唔執。

基本上同我上堂嘅學生, 第一堂我一定要先教佢哋最基本嘅健身室禮貌：

1. 儘量保持啞鈴杠鈴輕放，做機時都要慢放，避免突然大聲撞擊影響其他人。

2. 做完有重量既訓練，記得要將所有鐵餅放回原位，杠鈴啞鈴都要整齊放好。

3. 組與組之間調整好休息時間，避免休息太耐影響別人。做完就好讓翻出黎比其他人用

4. 有需要時可以向其他用緊既師兄師姐禮貌地詢問仲有幾多組，不過都要等訓練完後才靠近 避免影響別人或者導致受傷。

5. 杠鈴調翻係一個正常高度（大概9-10），太高既話有d女仔根本拎唔到落黎。

6. 每次訓練完後記得將所有用過既都要消毒抹乾淨，無論係啞鈴 手把 杠鈴 座位都要抹好。

7. 拍片/影相時避免影響其他人，如果有人入鏡既話禮貌上要講聲并問下人地介唔介意。

8. 唔舒服唔建議進行高強度運動，應該好好休息，因為健身唔係一日兩日既，要keep住成為恆常習慣。

雖然好似好基本，但其實有陣時有好多人都會忽略咗呢d小事而導致下一個要用嘅人幫你執手尾。如果大家都可以遵守嘅話維持健身室良好嘅風氣，咁就人人開心啦。

#女教練 #健身教練 #私人教練 #增肌減脂 #香港女教練 #蛋白質 #痛症管理 #飲食管理 #伸展 #伸展教練 #運動按摩 #泰拳教練 #1對1私人教練 #1對2私人教練 #伸展班 #提高心肺 #協調 #平衡 #柔韌度

8月份雖然天氣唔穩定，成日落雨但係都冇阻一班小朋友體驗融合運動及武術文化。其實唔少教練都可能驚接觸小朋友，驚佢地唔配合或者唔肯參與。但其實小朋友既世界好簡單，同你熟落咗之後就會積極參與同埋玩得好開心。與其俾小朋友日日接觸電子玩具，倒不如多啲...
19/08/2025

8月份雖然天氣唔穩定，成日落雨但係都冇阻一班小朋友體驗融合運動及武術文化。其實唔少教練都可能驚接觸小朋友，驚佢地唔配合或者唔肯參與。但其實小朋友既世界好簡單，同你熟落咗之後就會積極參與同埋玩得好開心。

與其俾小朋友日日接觸電子玩具，倒不如多啲參加唔同嘅運動體驗，或者有機會可以培養小朋友將來接觸相關嘅運動成為自己嘅興趣，甚至可能發展成為自己嘅職業或者事業。

多謝博愛醫院陳徐鳳蘭幼稚園同余師傅既邀請我向幼稚園嘅小朋友教授拳擊運動。

#女教練 #健身教練 #私人教練 #增肌減脂 #香港女教練 #蛋白質 #痛症管理 #飲食管理 #伸展 #伸展教練 #運動按摩 #泰拳教練 #1對1私人教練 #1對2私人教練 #伸展班 #提高心肺 #協調 #平衡 #柔韌度

今日有幸到大埔商會幼稚園教授K1-K3既小朋友拳擊運動，係多元文化共融運動日下小朋友應該多接觸唔同既運動，體驗各項中式同西式既武術文化。從小開始培養運動習慣，發掘自己嘅興趣同專長。唔好睇佢哋年紀細細，專注力高，出拳下下有勁力，有姿勢有實際，...
08/07/2025

今日有幸到大埔商會幼稚園教授K1-K3既小朋友拳擊運動，
係多元文化共融運動日下小朋友應該多接觸唔同既運動，體驗各項中式同西式既武術文化。從小開始培養運動習慣，發掘自己嘅興趣同專長。

唔好睇佢哋年紀細細，專注力高，出拳下下有勁力，有姿勢有實際，完全唔會輸畀大人。👏👏

#女教練 #健身教練 #私人教練 #增肌減脂 #香港女教練 #蛋白質 #痛症管理 #飲食管理 #伸展 #伸展教練 #運動按摩 #泰拳教練 #1對1私人教練 #1對2私人教練 #伸展班 #提高心肺 #協調 #平衡 #柔韌度

時間過得好快，唔經唔覺已經同呢班優才既同學仔上咗8個月泰拳堂。而佢地準備放暑假，今期泰拳班正式告一段落啦🙏從一開始學One Two，然後技術越來越純熟學埋Clinch同Sparring，個個都好認真上堂，雖然成日唔帶手帶同埋搞搞震。不過呢段...
07/06/2025

時間過得好快，唔經唔覺已經同呢班優才既同學仔上咗8個月泰拳堂。而佢地準備放暑假，今期泰拳班正式告一段落啦🙏
從一開始學One Two，然後技術越來越純熟學埋Clinch同Sparring，個個都好認真上堂，雖然成日唔帶手帶同埋搞搞震。不過呢段時間我都同大家玩得好開心。

希望下年再見啦👏😎

#女教練 #健身教練 #私人教練 #增肌減脂 #香港女教練 #蛋白質 #痛症管理 #飲食管理 #伸展 #伸展教練 #運動按摩 #泰拳教練 #1對1私人教練 #1對2私人教練 #伸展班 #提高心肺 #協調 #平衡 #柔韌度

最近大家應該有留意新聞：有一名女運動員因為教練疏忽導致深蹲時被杠鈴壓頸椎死亡。首先杠鈴做深蹲其實唔係一件困難既事，但提前一定要做足安全準備先。首先調教杠鈴既高度一定唔可以同肩膀同水平或高過肩膀，除非你係練小腿，否則用腳尖頂起會有風險。此外建...
26/02/2025

最近大家應該有留意新聞：
有一名女運動員因為教練疏忽導致深蹲時被杠鈴壓頸椎死亡。首先杠鈴做深蹲其實唔係一件困難既事，但提前一定要做足安全準備先。

首先調教杠鈴既高度一定唔可以同肩膀同水平或高過肩膀，除非你係練小腿，否則用腳尖頂起會有風險。此外建議嘗試使用空杠鈴一次確認高度是否合適。如圖2 鋼架位會調節係下線 所以我上杠鈴時身體會係微微蹲下。圖3紅圈就係安全架，如大重量時深蹲上唔到情況下，大家可以蹲低令到杠鈴掛起安全架上避免受傷，而高度視乎個人蹲幾深。我會大約調教比90°角再低1-2格位置。

謹記做任何運動同訓練前都必須要注意安全，特別接觸器械或者杠鈴，如果有需要建議揾教練指導。

#女教練 #健身教練 #私人教練 #增肌減脂 #香港女教練 #蛋白質 #痛症管理 #飲食管理 #伸展 #伸展教練 #運動按摩 #泰拳教練 #1對1私人教練 #1對2私人教練 #伸展班 #提高心肺 #協調 #平衡 #柔韌度

今日突然收到學生既Whatsapp話佢上普拉提班既時候發覺自己既肌力同控制有明顯既改善，見到學生咁大既進步其實係好開心。雖然呢位學生同教練唔係上咗好耐既堂，不過佢會堅持儘量一星期上兩堂之餘自己會額外肯花時間去跑步同做普拉提等等。加上學生對自...
23/10/2024

今日突然收到學生既Whatsapp話佢上普拉提班既時候發覺自己既肌力同控制有明顯既改善，見到學生咁大既進步其實係好開心。雖然呢位學生同教練唔係上咗好耐既堂，不過佢會堅持儘量一星期上兩堂之餘自己會額外肯花時間去跑步同做普拉提等等。加上學生對自己有要求，有陣時同佢傾計佢係想Keep住進步，希望透過訓練可以改善同提昇自己既不足之處。而我既工作亦都希望見到學生越來越好，所以每次上堂既時候我對於學生既動作完整度都會有要求。

可能好多人認為自己上YOUTUBE或者揾朋友教就會學到重訓既技巧。但係你唔會睇到自己訓練時既姿勢，發力點同完整度有沒問題。短期內唔會出現任何問題，但隨住你越做越重/高難度動作嘅時候，受傷嘅機會就越嚟越大。最後要花更加昂貴嘅醫療費去處理傷患，所以有時免費往往就係最貴既代價。

多謝學生既肯定同讚賞🙏
希望大家都會越來越進步同健康🤘

#女教練 #健身教練 #私人教練 #增肌減脂 #香港女教練 #蛋白質 #痛症管理 #飲食管理 #伸展 #伸展教練 #運動按摩 #泰拳教練 #1對1私人教練 #1對2私人教練 #伸展班 #提高心肺 #協調 #平衡 #柔韌度

多謝MYTH Henry's Fitness & boxing workshop既Henry師傅邀請我向優才書院既中學生教導2024-2025年既Kickboxing課堂現時嘅小朋友電子產品太過豐富好多時候都缺乏運動，寧願耷低頭打機都唔想去...
05/10/2024

多謝MYTH Henry's Fitness & boxing workshop既Henry師傅邀請我向優才書院既中學生教導2024-2025年既Kickboxing課堂

現時嘅小朋友電子產品太過豐富好多時候都缺乏運動，寧願耷低頭打機都唔想去跑跑跳跳。所以非常讚賞優才書院要佢哋放學後選擇一個自己嘅運動課程去學，對於學生既身心健康都有幫助。

學生仲好後生，所以新陳代謝高。多運動對佢地既發育同培養運動習慣都好重要。除咗學校之外都希望家長們可以多訓練小朋友既運動習慣，甚至可以家庭日時一家人選擇一齊去做運動，既可以同小朋友打好關係又可以健健康康。

#女教練 #健身教練 #私人教練 #增肌減脂 #香港女教練 #蛋白質 #痛症管理 #飲食管理 #伸展 #伸展教練 #運動按摩 #泰拳教練 #1對1私人教練 #1對2私人教練 #伸展班 #提高心肺 #協調 #平衡 #柔韌度

平時我會推薦學生有陣時上完堂可以飲鈣思寶個款高蛋白奶，不過最近教練係7仔見到一款更加好既豆漿推薦比各位。壹品呢款無糖有機豆漿每100ml含有4g蛋白 即係你飲一支已經有20g蛋白可以講係非常之高蛋白。最正嘅係佢含糖量非常之少得0.7g，簡直...
06/09/2024

平時我會推薦學生有陣時上完堂可以飲鈣思寶個款高蛋白奶，
不過最近教練係7仔見到一款更加好既豆漿推薦比各位。
壹品呢款無糖有機豆漿每100ml含有4g蛋白 即係你飲一支已經有20g蛋白可以講係非常之高蛋白。最正嘅係佢含糖量非常之少得0.7g，簡直係健身人士嘅恩物👏👏👏

宜家見到7仔做緊$18/2支 各位同學仔又多個選擇啦😎

#女教練 #健身教練 #私人教練 #增肌減脂 #香港女教練 #蛋白質 #痛症管理 #飲食管理 #伸展 #伸展教練 #運動按摩 #泰拳教練 #1對1私人教練 #1對2私人教練 #伸展班 #提高心肺 #協調 #平衡 #柔韌度

天氣熱大家緊係想飲d凍野或者有汽既野但出面大部分既汽水糖份都係好高，一罐350ml可樂已經含有近30克既糖。亦都有同學問我宜家外面賣緊聲稱無糖無卡路里既飲品又如何？出邊標榜無糖嘅大部分都係用緊代糖或者甜味劑 #女教練 #健身教練 #私人...
22/07/2024

天氣熱大家緊係想飲d凍野或者有汽既野
但出面大部分既汽水糖份都係好高，一罐350ml可樂已經含有近30克既糖。亦都有同學問我宜家外面賣緊聲稱無糖無卡路里既飲品又如何？出邊標榜無糖嘅大部分都係用緊代糖或者甜味劑

#女教練 #健身教練 #私人教練 #增肌減脂 #香港女教練 #蛋白質 #痛症管理 #飲食管理 #伸展 #伸展教練 #運動按摩 #泰拳教練 #1對1私人教練 #1對2私人教練 #伸展班 #提高心肺 #協調 #平衡 #柔韌度

你應如何選擇適合自己既教練？有唔少同學可能有個念頭心思思想請教練但一直掙扎緊到底乜教練適合自己。到底點揀好？以下係Sundae教練既意見並不代表其他人立場自由教練 VS 大場教練時間/場地：自由教練可以根據同學住嘅地方或者返工地方附近去配合...
30/06/2024

你應如何選擇適合自己既教練？
有唔少同學可能有個念頭心思思想請教練但一直掙扎緊到底乜教練適合自己。到底點揀好？

以下係Sundae教練既意見並不代表其他人立場

自由教練 VS 大場教練

時間/場地：自由教練可以根據同學住嘅地方或者返工地方附近去配合你，而作出場地選擇或者時間配合。而大場教練只會喺自己地址既健身室到同你上堂。

人事變動：自由教練通常都係一位負責上堂所以唔會有換教練嘅情況發生。而大場教練就會因應教練上班時間已作出調整不一定可以每次配合到同學用同一位教練。有機會學生可能上幾堂就會轉幾個教練。

用心/質素上：自己生意同埋幫人打工嘅心態，無論自由教練定係大場教練質素上一定有參次 有好有唔好。所以同學一定要去試堂搵一個適合自己嘅教練。

HARD SELL：視乎每個教練嘅心態，但係大場教練嘅話因為佢哋係要幫公司跑數所以對於HARD SELL方便佢哋會非常之進取，金額可達到數十萬。而自由教練相對地唔會叫學生買好多堂，自由度較高。

系統管理：大場教練會有公司幫佢哋記錄返學生嘅上堂堂數，而自由教練大部份都係同學生做簽紙確認堂數或者口頭記錄。系統會冇大場咁完善。有機會出現騙子或者跑數嘅情況發生，所以學生選擇教練嘅時候一定要搵有評價有口碑甚至都係要試左堂之後先好做決擇。

價錢：自由教練定價可以由低到高但係亦都係反映質素，而大場教練普遍費用都會比較貴同埋堂數數目可能會由上數十堂到上百堂不等。

場地設備：大場嘅場地通常都比較大同設備完善，同學可以做好多唔同嘅訓練，接觸多樣器械。此外訓練完之後可以留喺場地做帶氧運動等等。但係自由教練嘅話通常都係同外面租場合作，所以變相租用時間唔夠彈性完咗之後同學可能要去返自己嘅健身室做返帶氧運動。

經驗/資歷：大場既教練都一定要有相關證書或者培訓先可以同學生上堂對比坊間既自由教練可能無證書或者無經驗就胡亂同學生上堂既話學生受傷既機會較高。

所以學生無論選擇大場教練或者自由教練都好都要慢慢去了解教練同公司既評價，有需要可以多揾幾個教練去試堂，揾一個真係適合自己既教練 謹慎選擇。

#女教練 #健身教練 #私人教練 #增肌減脂 #香港女教練 #蛋白質 #痛症管理 #飲食管理 #伸展 #伸展教練 #運動按摩 #泰拳教練 #1對1私人教練 #1對2私人教練 #伸展班 #提高心肺 #協調 #平衡 #柔韌度

Address

Tuen Mun

Website

Alerts

Be the first to know and let us send you an email when Your APT - Sundae posts news and promotions. Your email address will not be used for any other purpose, and you can unsubscribe at any time.

Shortcuts

Share

Category