23/03/2026
近日有關健身人士因使用所謂「增肌產品」而引發健康風險嘅新聞，再次提醒我哋，運動訓練除咗追求進步與表現，更需要重視安全、健康同長遠發展。
作為環球健體運動培訓學會，我哋一直相信，運動訓練嘅核心價值，係幫助不同人士按自己身體條件、目標同階段，建立一套更穩定、更可持續嘅訓練方向。
我哋尊重不同運動項目、訓練模式及競技文化都有其特定要求；而我哋一直關注嘅，係大眾喺健康運動、體能提升同訓練安全上，如何作出更全面嘅理解與選擇。
當一個人想突破表現、改善體態或者追求更高層次成果時，除咗效果，更需要同時考慮身體承受能力、風險評估、恢復管理，以及多方面嘅專業意見。尤其當涉及不明成分、來源未明，或者可能影響荷爾蒙、器官功能及長遠健康嘅方法時，更加值得審慎了解同理性判斷。
我哋相信，完整嘅訓練規劃，應包括訓練安排、恢復、營養、身體監察，以及風險管理。無論目標係健康、體態管理，還是表現提升，健康始終係最重要嘅基礎。
作為教練、導師同運動從業員，專業不單止係協助學員進步，亦包括幫助佢哋更了解自己身體、認識風險，並作出更適合自己嘅選擇。
運動可以帶來改變，
訓練可以帶來進步，
而健康，先係長遠發展最重要嘅根基。
環球健體運動培訓學會
重視健康運動 提倡專業判斷 關注訓練安全
愛健康.品生活.GFTA
