未圓湖水怪 - Lake Ad Excellentiam Monsters F.C.

22/05/2019

［未圓湖水怪教我的事之 方公成秦傳］

5月21日晚上，寶康公園，豪雨。

「我射穿大細龍門呀！」快翼方狀大喊一句。其氣勢比「真正嘅比賽而家先開始」的大空翼和「仲有角球呀」的葉恭介猶有過之。

這是未圓湖水怪作客KTGS的賽事，安排到陣中元老魚春最嚮往，具備淋浴設備的寶康公園上演。

雨戰，水怪眾將都濕出個鳥來。為了平衡早已傾斜的勝負天秤，水怪眾將派膠的派膠、失位的失位、own goal的own goal。半場完，KTGS遙遙領先未圓湖水怪3-0，得勢不饒人的K隊更豪言繼續搶攻，看來水怪已成強弩之末。

先任後備的快翼方狀看在眼裏，急了急了。嚷著要入替中場大腦賭仔棋，賭仔棋也不甘示弱，仿如艾利沙巴拿加般拒絕被換。一次不成，兩次，兩次不成，三次，三次方狀入替賭仔棋還是失敗告終，直到Torres勇戰受傷，入替的方狀知道：「機會來了。」

水怪這個名字改得好，雨越下得越大，水怪眾將就越起勁，得方狀如斯大將壓陣，全隊更是殺紅了眼。寶康公園的雷聲，雨聲，彷彿只是向以方狀為首的水怪球員的打氣聲。下半場反勝的號角，隨著水怪一次角球攻勢，迫得KTGS龍門own goal 而徐徐奏起。

水怪以長傳急攻大軍壓境，猛將Tony和賭仔棋先後建功，以獅子撲兔以勢於完場前六分鐘扳成平手。只是賭仔棋因一時怠慢，扳平後未有執波。此時作為水怪精神支柱的方狀，大叱一聲：「此役不勝，更待何時？！」眾將聽之，如同當頭棒喝，士氣隨即大振。

方狀深明，反勝之路從來不是一蹴而就，不能單靠愚勇， 要靠智取。機智的方狀，不惜以兵行險著實行一招欲擒故縱，將水怪眾人壓入禁區圍攻的角球，親自踢出底線之外。當KTGS以為水怪攻勢有所放緩之際，一個偶然的攻勢，皮球溜向左路禁區邊，此時起觸球範圍既只有方狀！只見方狀不徐不疾地追波、控球、修正，動作一氣呵成。對方守衛仍未回防。方狀拉弓勁射一記地波，急勁的皮球在球場上的積水上滑行，宛如摩西分紅海一樣，皮球直奔網角。這刻，世界彷彿停頓了。

「我射穿大細龍門呀！」方狀大叱一聲，世界重新轉動，除了比賽的比數改寫成水怪領先4-3之外，世界還是沒有兩樣。方狀的大叱，就像是真三國無雙中的「敵Sor is Doctor Lee」，是勝利的吶喊。KTGS的球員已盡全力，僅敗於方狀的絕殺之下，也不是甚麼需要羞恥的事。

史詩式反勝固然開心、挾三連勝姿態殺上榜首亦可喜可賀。但對水怪眾將而言，能夠和方公成秦此等偉大良將並肩作戰，才叫人生無憾。

11/10/2018

Windfreezer 0-2 未圓湖水怪

記得以前中文老師特別指導，警惕我寫文章不要太露骨，否則唔好睇。但奈何大家鐘意睇J 文，咁我唯有一寫。

本周對戰排名第二既對手，我方將士用命，贏得清脆利落，賽果十分合理。今晚我特別為學弟阿輝感到欣慰，除上半場入左球世界波笠死龍門之外，亦為佢場上表現感到高興。輝仔是一個謙順和善的人，縱然不是技術特別出眾的球員，未必場場有正選踢，但是幾乎每場比賽都會參與。近幾場比賽換了打左閘位，無論是信心還是踢波意識，進步特別明顯。有時候背後默默努力，別人未必知道，但有所進步和成長就是最快樂的回報。其實不論19歲還是29歲，只要願意反思不足、作出改變，就會有成長，放在生活中也是一樣道理。（Sh*t，好矯情）

今季仲有6場比賽，希望水怪今年可以成功護級，明年升班。

P.S 祝Samson 考教練C 牌順順利利，球隊會等你返黎。另外，本人在此敦促中堅球員余春、BY 盡快蒲頭，出席餘下賽事。

13/01/2018

眨下眼又到未圓湖水怪昨晚賽季煞科戰，喺馬會打吡火併香體露憑未圓湖朗尼大演帽子戲法，以3:1 反cup全取三分，全季以第四名過終點。

到呢刻終於體會雲加名句，Top Four is a Trophy係咩意思。

上季22戰27分排第八，今季躍進至22戰40分排第四，實在是萬千星輝飛躍進步球隊。成績都係其次，有得贏J下固然開心；更重要係球隊要享受賽季嘅過程，Victory grows out of harmony，大家踢得開心，自自然然就會贏波。

感謝一眾手足的付出，有個前四J下，都可以叫係今季嘅安慰獎。

下季，一齊俾個目標自己：衝擊未圓湖水怪建隊以來首個錦標。

隊長
徐丙

10/11/2017

[未圓湖水怪教我的事］
球場上，總會遇到唔想赦的對手，你唔只想佢輸，仲要佢輸到一敗塗地。

未圓湖水怪喺昨晚嘅比賽，對戰成個聯賽踢法最卑劣同污穢的標準坦克。賽前手足們都已經戰意高昂話要踢佢老母云云，結果未圓湖水怪講得出做得到，大炒對手七個一皮，亦係球隊創隊兩年以來最大勝仗。

呢場波，作為隊長嘅我冇去到，但睇個賽果頁面都已經足夠高潮一日。由以前俾人炒兩轉11:0嘅等埋發叔，到今日唔只識贏波，仲識得開主其他咁大炒對手，實在有種火凰凰重生的感動。

我特意不去考究自己缺席和球隊大勝的關係，只是想將三分送給正值低潮的所有人，就算被人炒幾多轉11:0都好，只要唔放棄，終有一日可以炒返人七個一皮。

隊長 徐丙

12/10/2017

[未圓湖水怪教我的事］

今晚嘅J文，出賣咗部分手足的胴體，如果你覺得水怪的手足好J，咁今晚比賽嘅戰情比水怪們的胴體好J大約999999999倍。

是晚未圓湖水怪夜戰盃賽，對手是來自高兩級賽事的對手。據場邊阿茂目測開盤，賽前水怪受讓六球。

結果，未圓湖水怪踢出咗一場出乎意料地好丁嘅波。喺疑似冇帶牌嘅球證執法之下，臨完場水怪門將墨魚被對手撞傷，下半場焗住由奧斯丙拿守龍。

由個回晒塘嘅隊長守龍，失波都好難避免。雖然先失一球，但係未圓湖水怪唔知點解踢出咗摧枯拉朽的意志，由Tony、Alfred同埋Tommy呢個三叉戟一球一球咁吹響反cup嘅號角，一路勇戰一路尻叫，最後熱血反勝3:1，盃賽亦順利晉級。

見到手足咁熱血嘅表現，作為隊長嘅我唔知點樣答謝大家，唯有萬歲咗大家嘅球證費。


#未圓湖水怪

04/01/2017

終於嚟到賽季煞科戰，未圓湖水怪以3-1擊敗B&F，畫上完美句號。

首先，由衷地感謝每位手足的付出，由一開始場場俾人炒、到入到波、再到識得搶分贏波，一切一切功勞最大的，是水怪的每位手足。

然後，要感謝樣靚身材正的小妹編輯們，永遠是未圓湖水怪的最強應援團。

還有每一位支持未圓湖水怪的朋友，容許我致以最真誠的謝意。

最後，雖然球隊賽事完結，但最後排名仍然要等其他球隊比賽完晒先有結果，但值得J一J嘅係，我地嘅球皇懷喺神射手榜叫緊胡。

最後最後，嚟緊將會依照球隊優良傳統，進行整季出席率最高活動——打邊爐。

未圓湖水怪，下季再會。

隊長
徐丙
04-01-2017

14/12/2016

［＃球員介紹—縱慾過度 有損健康]
未圓湖水怪10號球員TOMMY體格精壯，能勝任多個位置，遠射尤其出色，外號＂馬料水朗尼＂。
是日出戰落水狗，TOMMY擔任正選中場，但被發現於賽前熱身時間多次無故進出更衣室，神情閃縮。上半場比場中段，TOMMY已是下盤不穩，面無血色。
球證甫吹響完半場哨子，TOMMY急不及待向隊友借來兩張紙巾。不料未及步入更衣室，已手足冒汗，雙眼空洞，軟癱在地。

28/11/2016

［未圓湖水怪教我的事III］
如果贏波係100分開心的話，咁反cup贏波就係120分開心。未圓湖怪喺先落後一球的情況下，成功反勝KFC兩比一。

你以為反勝好熱血咩？再熱血啲都仲有。敝隊球員比完賽唔願走，去隔離場加操練對抗。

作為一個唔係好跑得郁嘅隊長，見到此情此景，實在慚愧。

23/11/2016

[未圓湖水怪是日壽星］
今日係敝隊鋼門羅列飛Godfrey牛一，未圓湖水怪仝人祝願Godfrey兄：
年年有今日
場場有clean sheet

另，請撫平熱刺歐聯分組賽出局的哀傷。

未圓湖水怪仝人
致意

04/11/2016

［未圓湖水怪是日壽星］
今日乃敝隊快翼方成秦廿五歲生日，未圓湖水怪仝人謹祝成秦：
牛一快樂
入球助攻停不了
早日出pool唔使毒到玩手指

25/10/2016

今晚，一齊為未圓湖水怪集氣！

21:00, 摩士公園

~
10月25日
香體露 大戰 未圓湖水怪！
#香體露 #未圓湖水怪

22/10/2016

未圓湖水怪今日於九龍仔公園作客對戰有KC Lau 領軍的全力少年（註：中大法律系），對方有張強及卓宜中等大將缺陣，而未圓湖水怪亦有射手懷仔倦勤。最終兩隊各一言和。

圖為聲稱今場波冇乜波掂，但對方一中龍就失波的敝隊門將Izzy。