球迷世界

球迷世界 「球迷世界」每日都為您送上世界各地嘅足球資訊及趣聞、自家製足球節目及影片、日日好波獻給你~~ 球迷世界每日為各位球迷送上最新最精彩嘅足球資訊，好波獻給你！

https://football.fanpiece.com/

【也馬公開踩德甲太無聊！拜仁球迷反擊：8-2 心理陰影未好返？】巴塞天才也馬喺訪問公開踩德甲，直言「唔鍾意睇拜仁，因為一早知佢哋會贏晒、撳住對手嚟打」。有分析指也馬咁講，主因係想透過貶低德甲嘅競爭力，從而喺金球獎討論中，將哈利簡尼同奧利斯等...
19/09/2026

【也馬公開踩德甲太無聊！拜仁球迷反擊：8-2 心理陰影未好返？】

巴塞天才也馬喺訪問公開踩德甲，直言「唔鍾意睇拜仁，因為一早知佢哋會贏晒、撳住對手嚟打」。

有分析指也馬咁講，主因係想透過貶低德甲嘅競爭力，從而喺金球獎討論中，將哈利簡尼同奧利斯等拜仁潛在對手徹底排除！潛台詞就係：喺咁輕鬆嘅聯賽刷數據根本冇含金量。

呢招「隔空開火」隨即引嚟拜仁球迷瘋狂反擊，搬出 2020 年拜仁 8-2 血洗巴塞嘅慘劇，笑稱當年得 13 歲嘅也馬仔其實只係對拜仁有心理陰影。

最近也馬頻頻高調接受訪問，睇嚟佢對金球獎真係志在必得。

【藍戰士吞3蛋兩新兵鬧大交 】英超第5輪優先場爆出冷門，車路士作客 0:3 慘敗畀賓福特。今場「車仔」排出近年最老正選，下半場防線全面崩潰。最爆嘅係失第一球之後，啱啱地標登場嘅老將軒達臣當場火起，直接指住門將馬天尼斯瘋狂開火，鬧爆佢救波反應...
19/09/2026

【藍戰士吞3蛋兩新兵鬧大交 】

英超第5輪優先場爆出冷門，車路士作客 0:3 慘敗畀賓福特。

今場「車仔」排出近年最老正選，下半場防線全面崩潰。最爆嘅係失第一球之後，啱啱地標登場嘅老將軒達臣當場火起，直接指住門將馬天尼斯瘋狂開火，鬧爆佢救波反應慢兼失「廉價波」，馬天尼斯亦唔執輸還擊，指責後衛漏人！

沙比阿朗素接手後，車仔今季 5 場聯賽場場至少失兩球，豆腐防線直接引爆內部矛盾！今季車仔想衝前四，睇怕沙比要先搞掂防線問題。

18/09/2026

告別紅軍9年歲月！
16歲超新星轉投阿仙奴在即

【41歲C朗神話延續！】雖然C朗拿度之前講過今夏美加墨世界盃係佢最後一屆，但佢依然未肯放低國家隊戰衣！葡萄牙新主帥佐治捷西斯啱啱公佈歐國聯名單，41歲嘅C朗再次入選！捷西斯開到口話：「過去唔重要，表現先重要。」呢位曾喺沙特艾納斯同C朗合作奪...
18/09/2026

【41歲C朗神話延續！】

雖然C朗拿度之前講過今夏美加墨世界盃係佢最後一屆，但佢依然未肯放低國家隊戰衣！

葡萄牙新主帥佐治捷西斯啱啱公佈歐國聯名單，41歲嘅C朗再次入選！

捷西斯開到口話：「過去唔重要，表現先重要。」呢位曾喺沙特艾納斯同C朗合作奪冠嘅老帥，表明唔會因為5座金球獎而畀特權，要上場就要用實力爭取。

自2003年披甲至今，C朗已經創下233場、146球嘅國家隊神話，今次留隊除咗想幫球隊衝擊歐國聯冠軍，相信佢更想挑戰生涯「1000球」大關！

Address

Lam Tin

Telephone

+85236203166

Website

Alerts

Be the first to know and let us send you an email when 球迷世界 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 球迷世界:

Shortcuts

Share

Category