15/01/2019
為左令未知前文後理既讀者深入了解，關於欠款問題，小編會把事情講解一下事情如下：
拍拖一段時間後，馬先生話自己貨車開始殘舊又成日要維修，咁不如租比人哋，買過一部新嘅，每個月可以多幾千蚊收入，等大家生活可以鬆動啲。但由於佢話自己信貸資料庫信貸評級過低，又話稅務問題俾人凍結左戶口，所以上唔到會，叫我幫佢上會，當時大家情侶關係覺得幫得就幫，咁我就幫佢咩起咗左條450,000嘅上會數！當然最後梗係又拖數仲有時唔還錢俾我添，當時我見情侶關係亦無追得佢太緊。關係仲算保持到
之後有段時間有人找馬先生合作開車場（佢聲稱），佢見上次得手又叫我用自己公司名義去借一下財務20幾萬，經過上次買車事件，多次拖數，我已經唔想再借俾佢！其實我一個好憎借錢嘅人，我多番拒絕佢，但係佢一路氹我，又話從來做生意都係借人哋錢做㗎啦，又逼我話情侶唔係咁做嘅，又話為咗將來結婚搵多啲錢，每一日都喺度重複覆咁同我借錢嘅問題，嗰陣時我真係覺得好煩，亦唔想破壞大家嘅關係所以最後都借咗俾佢，係我天真係覺得呢個人會遵守承諾每月還返俾我，（當然在稍後只有頭的幾個月有依時及還足款項，之後每個月亦只還小數金額什至沒有還款。
本身我一路都有自己的設計公司，有自己的office。但因為我哋兩個都鍾意飛鏢所以亦同意設立一個新品牌做飛鏢生意，就在這時我嘅辦公室亦因租約期滿，馬先生提議不如一齊租個鋪頭將設計公司同飛鏢道場合併在一起好讓我可以租便宜一點，咁當然我都唔介意免費顧一顧店～每個月我都準時繳付$5300的租金，開始時飛鏢事業蠻好的，嗰陣時我一般都係有求必應所以佢對我嘅態度都還算可以，(但並不代表A有每月私人繳付所有每月必需清還的債務)店內所有的梳化，椅子，枱等都是我親手選擇好的及訂購。所有的裝條工程亦一一做好。 一開始新店的確不用投放太多的資金，因為免費的人看店，也不需要顧及太多的東西。越來越心雄既馬先生開始明白需要一點宣傳，於是找來一些比較了得的 players 開始為他們提供sponsor。
馬先生又突然想做一些自家products。因為 我一直從事設計工作所以根本做設計就是比較容易的事。我相信馬先生亦係睇中我的這點吧。出衫，出褲出 products包括公司logo都係我做。樣樣都說為我好可以賺多一點但根本我從來沒有從中獲任何利益，設計當然也是免費的，並沒有收過任何一元的費用。連有些products 印刷的費用都是我先墊出來。 每個月的供車，租金，還有先幫馬先生借下的錢。每個月百上加斤。
我嘅積蓄都已經用得7788，自己公司嘅印刷費同幫佢借嘅錢還款期就到，我就好強烈咁要佢俾返啲錢我，但係佢真係可以睇住我死話冇錢，叫我自己再出去借。我最後頭無路逼住同屋企人借錢！
公司開始營運資金不足！馬先生真係不知廉恥，之後再一次想我幫佢借錢，我真係覺得佢禽獸不如，想揸干我到最後一刻！
以上就是追數故事的開端
#求你還錢慘過乞米
#看圖便知借完錢態度180度轉變
