02/05/2017
[League Game 7 Post-Match Report]
26/4/2017 (WEDNESDAY) 2100 vs Football Central at 牛津道遊樂場 7:0 勝
文：復出康
刑土殘陣迎戰 黎膠半場帶帽 七球佔領Football Central
相隔兩星期後，刑土再於聯賽出擊，迎戰榜尾球隊Football Central。賽前球隊傳出不利消息，實牙實齒會披甲上陣的朱隊長於開賽前突然喺自己個名後面加上maybe一字，以工作為由拒絕上陣。幸得後衛Patten刑滿復出，六個月來首次於正式比賽上陣，加上因航代表David，球隊可謂如虎添翼。
今場對手雖然實力一般，近四場失16球，但中堅James喺開波前警告一眾隊友切勿輕敵，以爭取控球權為目標，再以地面組織策動攻勢。上半場以Patten、James及Terry三人組成的防線未受太大威脅，因而有較大空間壓上前協助兩名中場(Edmond、Alex)及單箭頭黎膠。喺控球率高達68.9%下，刑土喺開賽初段攻勢唔算入肉，直至10分鐘，終於由黎膠於禁區頂一記冷箭先開紀錄，掀起佔領Football Central的序幕。球隊喺開紀錄後越踢越順，皮球基本上只喺前半場流動，令前半場的擠逼程度猶如當年既龍和道！五分鐘後，球隊一輪短傳滲入，黎膠再冷靜扭過對方門將輕鬆幾皮球送入網窩。呢位把握力強既射手更於18分鐘完成帽子戲法，接應Terry界外球後腳控入，而Terry亦成為球隊史上第一位用手助攻既球員。球隊輕鬆以三球的比數結束上半場。
球隊於半場決定換入星洲援將Oceany、因航David及機械工程為，為球隊注入活力。三個調動有立竿見影的效果，兩名主宰球賽的中場於開賽四分鐘內分別遠射得手，令球球以五球遙遙領先；呢兩球靚波同時令對方的後備席廂鴉雀無聲，一眾WAGS心想：「早知睇拆彈專家好過。」
得勢不饒人的刑土並未因爲領先五球而放軟手腳，反而為球隊的得失球繼續努力，衝擊對方的防線！此時的刑土，球場上的七個人，只有一個目標，就是要協助前鋒為開齋！眾志成城的刑土於37分鐘終於得到回報，機械為於門前混戰快腳篤入，射入加盟刑土三個球季以來第一個入球，機械為入波後直奔後備席，Patten施展呢半年來學成的磨鞋神技，場面令人感動！說時遲那時快，球隊僅喺一分鐘之後再將紀錄拉開。星洲援將Oceany被羈押後，不但無減低對足球的熱誠，反而踢法越趨成熟，今場波他多番以一人之力拯救已被清場的後防外，助攻方面亦交足功課。從左後場大腳一吊到對方禁區，新加盟的Alex心口一控，乘對方門將出迎之際，大腳狂抽入網梅開二度，為球隊帶來第七球。比賽餘下的時間，中堅James試圖將自己的名字加入入球名單，可惜無論頭頂腳踢都未能逼使對方讓步，反而令後場暴露更多空位，幸好David及門將Ivan將之一一化解！最後刑土以7：0小勝對手，實現聯賽四連勝，緊守聯賽第二位，保持爭標希望！
記者賽後親自致電因傷缺席的羅教練訪問球隊的表現，他表示有觀看電視直播，認為球隊表現符合預期，但仍有進步的空間；他特別提到球隊射手機械為開齋，比球隊入七球更值得開心，「證明球隊當初羅致機械為的決定正確，而新加盟的Alex表演可人，亦證明此子已融入球隊。」教練亦坦言對個別球隊未能出席感到可惜，不過亦理解到今時今日搵食艱難，希望各隊員為糊口奔馳的同時，亦不忘刑土精神。 完
![[League Game 12 Post-Match Report]5/7/2017 (WEDNESDAY) 2100 vs 同學會 at 佛光街遊樂場 2:1 勝何文田雙子發威 大雨下力克同學會於星期三舉行的聯賽賽事，刑土憑前鋒為打出生涯...](https://img5.gyms1.com/080/110/1426211410801101.jpg)
![[Breaking News] 恭喜刑土隊員 PTK 入選省港盃大軍名單！](https://img4.gyms1.com/304/581/1237097663045811.jpg)
![[Breaking News] 刑土大戰前夕傳來好消息，左閘左出洋子於新加坡提前獲釋，領隊羅92決定自資包機接載他返回香港，預計能夠趕及在今仗生死之戰上陣。 Oceany Chan Hei Yeung](https://img4.gyms1.com/750/318/1192523927503185.jpg)
