一體

一體 足球都可以係投資，《一體》主打專業分析及心得，唔使課金或者入會，只須課like、share 同comment！

主場咁輸法 50年首見 卡域克仲有幾多quota?曼聯真係離晒譜，繼英超主場有晨早就打多個優勢，結果輸畀曼城後，再喺奧脫出事，而且更加肉酸，英聯盃第3圈對白禮頓，曼聯領先兩球，竟然倒輸2:3出局。藉拿斯同美臣蒙特入波，曼聯開波10分鐘已領先...
16/09/2026

主場咁輸法 50年首見 卡域克仲有幾多quota?

曼聯真係離晒譜，繼英超主場有晨早就打多個優勢，結果輸畀曼城後，再喺奧脫出事，而且更加肉酸，英聯盃第3圈對白禮頓，曼聯領先兩球，竟然倒輸2:3出局。

藉拿斯同美臣蒙特入波，曼聯開波10分鐘已領先2:0，你點估到喺奧脫福，可以倒輸3球咁羞家。

事實上，曼聯上次主場出現領先兩球下而反輸，已經係50年前，1976年畀熱刺反勝3:2，之後未出現過咁羞家情況。

完場後曼聯球迷勁噓卡域克同球員，入咗通道噓聲依然未停，入場fans真係好嬲。

今個星期日如果輸埋畀富咸，曼聯會唔會趁住國際賽期……

林伯D頭髮越甩越多，情陷地中海！英超打完4輪賽事，列斯聯周二凌晨4:1炒紐卡素後，唔覺唔覺升咗上第3位另一支升班馬侯城亦高居第4位以英冠冠軍姿態升班嘅高雲地利呢？4戰4敗，失10球，0入球最得人驚，係主場輸咗畀侯城同0:5慘負白禮頓林柏特，...
15/09/2026

林伯D頭髮越甩越多，情陷地中海！

英超打完4輪賽事，列斯聯周二凌晨4:1炒紐卡素後，唔覺唔覺升咗上第3位

另一支升班馬侯城亦高居第4位

以英冠冠軍姿態升班嘅高雲地利呢？

4戰4敗，失10球，0入球

最得人驚，係主場輸咗畀侯城同0:5慘負白禮頓

林柏特，真係冇教英超能力同命水？

輸曼市打吡 卡域克露底經過一場鬧劇賽事，再次肯定英超球證係幾咁廢，亦睇到卡域克調兵遣將唔多掂開波23分鐘已經好彩打多個（科頓未出報復撐雞腳前，B費踢佢seafood嗰吓已經可以見紅），曼聯打吡戰主場都輸0:1。冇錯，夏蘭特入嗰球，安素費南迪...
14/09/2026

輸曼市打吡 卡域克露底

經過一場鬧劇賽事，再次肯定英超球證係幾咁廢，亦睇到卡域克調兵遣將唔多掂

開波23分鐘已經好彩打多個（科頓未出報復撐雞腳前，B費踢佢seafood嗰吓已經可以見紅），曼聯打吡戰主場都輸0:1。冇錯，夏蘭特入嗰球，安素費南迪斯的確越位，負責管理英格蘭球證嘅Pro Ref賽後已發聲明認錯，向曼聯承認誤判。

但好早就踢多一人優勢下，卡域克未有把握機會加強進攻，要等到落後之後，67分鐘先至換入狀態大勇嘅箭頭班捷文施斯高，就真係令人𢱑爆頭。唔少球迷批評卡域克踢法保守，而且剩係識穩守突擊，踢多個反而唔識得主動進攻。

卡域克上季以臨時領隊身份接替艾摩廉，前19場聯賽狂搶42分，但佢新球季坐正之後，開咧4場只得1勝1和2負，同艾摩廉上季頭4場成績，其實係一樣咁差。

科木意甲之光 法比仔賽後呢句真係型！科木史上首次參戰歐聯，周五凌晨主場即以4比1大勝德甲R B萊比錫，仲係首輪唯一贏波意甲球隊。作為當今最炙手可熱少帥，法比加斯只用3年時間，將科木由意乙帶到歐聯，飛躍程度令人難以置信，呢位前西班中場未來執...
11/09/2026

科木意甲之光 法比仔賽後呢句真係型！

科木史上首次參戰歐聯，周五凌晨主場即以4比1大勝德甲R B萊比錫，仲係首輪唯一贏波意甲球隊。

作為當今最炙手可熱少帥，法比加斯只用3年時間，將科木由意乙帶到歐聯，飛躍程度令人難以置信，呢位前西班中場未來執教生涯，令人充滿期待。

連今場歐聯，科木季初3勝1和，而取得球會歷史性勝利之後，法比加斯拋低簡單—句：

我只容許球員開心5分鐘。

除少帥有料有型，科木領導層賽前無私行動，感謝追隨多年老球迷，更受到—致讚賞。

科木上季以第4名完成意甲聯賽，球會創立百多年來首次取得歐洲賽參賽資格。不過，小球會主場座位不多，科木的主場只可容納大約1.2萬名觀眾；加上歐洲足協的轉播要求等，周四的歐聯比賽座位數目再減大約100個。

球隊首次參加歐洲賽，比賽門票自然一票難求，早早售罄。印尼籍會長蘇華素（Mirwan Suwarso）賽前宣佈，他與部份管理層人員決定放棄自己的座位，把現場親身見證這個歷史性時刻的機會讓給球迷：「我們想把座位讓給等候最久的支持者——1950年或之前出生、在不同時代與級別一直追隨科木的球迷。」

蘇華素更稱，把自己的座位讓給這批忠心老球迷是他們的「榮幸」。

加埋賽前暖心行動，真正做到上下—心，首戰歐聯即得到歷史性大勝，絕非偶然。

熟悉的名字 勵志的故事由被恥笑的「歐聯罪人」，到—夫當關的「拜仁終結者」，卡利奧斯走出幽暗低谷，重新得到尊重。剛過去周末最大冷門，其實係拜仁作客0:0和史浩克04，1.09倍W玩完，班霸連續5 8場有波入神話終結神話終結者，其實係史浩克龍...
07/09/2026

熟悉的名字 勵志的故事

由被恥笑的「歐聯罪人」，到—夫當關的「拜仁終結者」，卡利奧斯走出幽暗低谷，重新得到尊重。

剛過去周末最大冷門，其實係拜仁作客0:0和史浩克04，1.09倍W玩完，班霸連續5 8場有波入神話終結

神話終結者，其實係史浩克龍門卡利奧斯，天神下凡，抵擋拜仁所有狂轟猛炸，補時更撲出哈利簡尼嘅絕殺遠射。

卡利奧斯這個名字，既熟悉，又陌生？他曾經効力利物浦，但在2018年歐聯決賽對皇馬，連番出錯導致紅軍失落錦標。

這場著名決賽之後，卡利奧斯遭受無數嘲笑和辱罵，信心盡失。離開利物浦後，輾轉加盟比錫達斯、柏林聯及紐卡素，毫不例外坐冷板，中間更曾陷入無班可落的困境。

經過7年的低潮與頹勢，卡利奧斯還拒絕再沉淪，上年年初返回祖家加盟史浩克，成為了轉捩點，他除了成為升班功臣，幫助球會重返德甲，今仗更以世界級水準力擋班霸，徹底恢復名譽。

拜仁主帥甘賓尼，賽後亦特別找上這位昔日英超球場上的對手，致以祝賀。尊重，永遠是靠自己換來的

寸棍做標王 祝曼城好運洛迪真巴閉，世—防中轉會巴塞，曼城耗資3.23億鎊（約港幣34億）買夠3個中場，頂替佢嘅功能。英超轉會窗關閉，阿根廷國腳安素費南迪斯終於成功轉會曼城，跟返同佢好夾嘅領隊馬列斯卡。安素臭寸乞人憎，都係搞搞震之人，祝曼城好...
02/09/2026

寸棍做標王 祝曼城好運

洛迪真巴閉，世—防中轉會巴塞，曼城耗資3.23億鎊（約港幣34億）買夠3個中場，頂替佢嘅功能。

英超轉會窗關閉，阿根廷國腳安素費南迪斯終於成功轉會曼城，跟返同佢好夾嘅領隊馬列斯卡。安素臭寸乞人憎，都係搞搞震之人，祝曼城好運。

曼城買安素，畀咗車路士1.25億鎊，寸棍除咗成為今次轉會窗標王，亦追平利物浦中鋒伊沙克上年所創紀錄，成為英國史上最高身價球員之一。

加上之前以1.16億鎊收購森林中場艾利洛安達臣，仲有喺世界盃起朶嘅18歲摩洛哥中場保阿迪，里爾都收8140萬鎊，完成超貴中場換班。即管睇吓進入「後哥帥」、「後洛迪」時代嘅曼城，可唔可以撼動阿仙奴新霸主地位。

截標前，曼城亦以6500萬鎊（約6.9億港元），收購愛華頓翼鋒伊利文尼戴耶，今個夏天總共用咗4.58億鎊（約48.5億港元）增兵，真係痴撚線。

同係嗰句：祝福藍月亮

開咧兩場仲未有波贏，拿拿淋搞掂呢單轉會先喇！官宣！利物浦出1.23億鎊轉會費，買到聖日耳門法國國腳翼鋒巴特利巴高拿，雙方簽約5年。另外終於知自己板櫈深度唔夠，嚟緊難應付埋歐聯，決定留用加普，唔畀佢轉會曼城。話時話，利物浦啲過億收購好擇駛，你...
01/09/2026

開咧兩場仲未有波贏，拿拿淋搞掂呢單轉會先喇！

官宣！利物浦出1.23億鎊轉會費，買到聖日耳門法國國腳翼鋒巴特利巴高拿，雙方簽約5年。

另外終於知自己板櫈深度唔夠，嚟緊難應付埋歐聯，決定留用加普，唔畀佢轉會曼城。

話時話，利物浦啲過億收購好擇駛，你睇伊薩克同域斯，暫時都係屬於有買貴，希望長遠唔好買錯階段，巴高拿呢個價，大家又點睇？

新一季英超嚟緊周六凌晨開鑼有埋鈴木彩艷！英超史上首位日本門將！轉會聖日耳門臨尾撻Q，維拉即向帕爾馬報價，以3500萬鎊成功收購即係達米安馬天尼斯會離隊艷仔取代大馬，點睇？
19/08/2026

新一季英超嚟緊周六凌晨開鑼

有埋鈴木彩艷！

英超史上首位日本門將！

轉會聖日耳門臨尾撻Q，維拉即向帕爾馬報價，以3500萬鎊成功收購

即係達米安馬天尼斯會離隊

艷仔取代大馬，點睇？

得中場，得天下！世—防中、世界盃金球獎得主洛迪，官宣加盟巴塞隆拿巴塞以6540萬鎊轉會費，簽到世界第—屏障、超級攻守轉換器，真正抵刁。連鎖效應皇馬慘被截胡，西甲爭標先處下風曼城更杰，睇完社區盾，馬列斯卡會唔會好快……
19/08/2026

得中場，得天下！

世—防中、世界盃金球獎得主洛迪，官宣加盟巴塞隆拿

巴塞以6540萬鎊轉會費，簽到世界第—屏障、超級攻守轉換器，真正抵刁。

連鎖效應

皇馬慘被截胡，西甲爭標先處下風

曼城更杰，睇完社區盾，馬列斯卡會唔會好快……

23年前嘅今日，C朗首次代表曼聯上陣。23年後嘅今日，41歲嘅C朗正式宣佈，今季將會係佢職業生涯最後一季。「今年應該係我足球生涯嘅最後一年，我希望締造一段燦爛嘅傳奇。」
16/08/2026

23年前嘅今日，
C朗首次代表曼聯上陣。

23年後嘅今日，
41歲嘅C朗正式宣佈，
今季將會係佢職業生涯最後一季。

「今年應該係我足球生涯嘅最後一年，
我希望締造一段燦爛嘅傳奇。」

Address


Website

Alerts

Be the first to know and let us send you an email when 一體 posts news and promotions. Your email address will not be used for any other purpose, and you can unsubscribe at any time.

Shortcuts

  • Want your business to be the top-listed Gym/sports Facility?

Share