MBees

MBees MBees 跑團如勤勞小蜜蜂🐝，逢星期四晚陪你放工後鬆一 Zone！從九龍灣出發，穿梭觀塘海濱與啟德郵輪碼頭，維港景色伴你揮灑汗水，暫忘工作煩惱。這裏不計速度，重視隊友歡聚，新手老手都歡迎。一起在晚風中輕鬆奔跑，認識新朋友，用運動釋放壓力，收穫身心愉悅。來加入我們，跑出健康快樂，踏出開心慢步人生路！

快閃⚡️ ×mBees🐝東九 Summer Run 聯團跑🏃🏻‍♂️🏃🏻‍♀️原定 8 月 1 號舉行嘅東九 Summer Run 聯團活動，早前受天氣影響，一路延期到今日先正式開跑🌧️。呢幾日天氣始終反反覆覆，兩邊統籌團隊一路都七上八下：...
31/08/2026

快閃⚡️ ×mBees🐝東九 Summer Run 聯團跑🏃🏻‍♂️🏃🏻‍♀️

原定 8 月 1 號舉行嘅東九 Summer Run 聯團活動，早前受天氣影響，一路延期到今日先正式開跑🌧️。

呢幾日天氣始終反反覆覆，兩邊統籌團隊一路都七上八下：如果再遇惡劣天氣，到底仲延唔延期好？掙扎咗好幾輪😅

好在皇天不負有心人🙏！今日除咗起步前天色略陰之外，活動大半時間都天晴出太陽🌞，絕對係天公超級畀面！

今日出席人數突破 140 人👥，場面熱鬧十足！活動能夠順利圓滿，多得快閃將軍、樂街跑同 mBees 各路義工夥伴嘅無私協力💪，先令一眾跑友都可以開開心心、輕輕鬆鬆完成全程。

夏日聯跑，齊人就係最開心✨！期待下次再同大家一齊出動，繼續跑出歡樂🐝

#全城街馬 #快閃將軍 #九龍灣 #啟德 #一齊跑就最開心 #全城跑團 #一個人跑得快 #一班人跑得遠

mBees🐝第 45 次例跑🏃🏻‍♂️🏃🏻‍♀️今個夏天跑步，真係次次都要睇天氣食飯🌤️，一定要預啱唔落雨、冇雷暴⛈️，先可以順順利利出發開跑。好彩今晚天公造美☀️，天氣舒服又穩定，mBees 一眾跑友齊齊成團🐝，士氣滿滿向海心公園進發🏃🏻...
31/08/2026

mBees🐝第 45 次例跑🏃🏻‍♂️🏃🏻‍♀️

今個夏天跑步，真係次次都要睇天氣食飯🌤️，一定要預啱唔落雨、冇雷暴⛈️，先可以順順利利出發開跑。

好彩今晚天公造美☀️，天氣舒服又穩定，mBees 一眾跑友齊齊成團🐝，士氣滿滿向海心公園進發🏃🏻‍♂️🏃🏻‍♀️。

沿途晚風陣陣，大家邊跑邊傾計，輕輕鬆鬆完成今次例跑，又收穫一個開心嘅夜晚✨。多謝各位跑友準時赴約，期待下次繼續一齊奔跑，發掘更多靚路線🐝💨

再次多謝各位跑首和helper嘅協助🙏🙇
星期四繼續一齊跑出健康、跑出開心，不見不散！

#全城街馬 #九龍灣 #啟德 #一齊跑就最開心 #全城跑團 #一個人跑得快 #一班人跑得遠

快閃將軍 ⚡ x MBees 🐝 聯團活動【東九 Summer Run】📣 活動需知 📣🎒 不設寄存： 活動不設行李寄存，請輕裝上陣。🚰 起點設施： 起點設有一部水機但冇洗手間 🚻❌。有需要的參與者請預留時間前往調景嶺站都會駅商場或調景嶺體...
26/08/2026

快閃將軍 ⚡ x MBees 🐝 聯團活動
【東九 Summer Run】
📣 活動需知 📣

🎒 不設寄存： 活動不設行李寄存，請輕裝上陣。

🚰 起點設施： 起點設有一部水機但冇洗手間 🚻❌。有需要的參與者請預留時間前往調景嶺站都會駅商場或調景嶺體育館；起步 2K 後的華永墳場迴旋處亦設有洗手間及汽水售賣機 🥤。

👥 分隊安排： 起步將按不同配速分為 4 隊先後出發。

🏃‍♂️ 步速要求： 起步至第一個 CP（鯉魚門石礦場），全體參與者以健行／輕 jog 速度前進 🚶‍♂️；離開石礦場後則回復正常跑步速度。

🚇 官方撤退點： 第一個為油塘站，第二個為觀塘海濱公園 🌊。如需提早離隊，請務必知會大會工作人員或 Helper 🙋‍♂️。

⚠️ 切勿超越領跑： 本活動非比賽形式，每隊均設有領跑員。為策安全及避免迷路，請勿超越領跑員 🙅‍♀️。

🚦 遵守交通規則： 任何情況下絕不可衝紅燈 🛑。由於活動並無封路，行經較窄路段時請維持單行或雙人並排，並禮讓其他道路使用者 🤝。

⛰️ 安全意識： 今次活動路況多變，涵蓋行人路、碎石路、梯級及上下斜坡 🪜，請時刻提高警惕、留意路面情況，並發揮互助精神，確保活動安全愉快 🧡。

⛈️ 天氣狀況： 如遇紅雨、黑雨、雷暴警告或颱風 🌀，大會最遲會於活動前兩小時（6:00 AM）在活動網站、快閃及 MBees 社交平台／WhatsApp Group 公佈最新安排，請密切留意 📲。

今個星期六期待見到大家！🎉👟

25/08/2026

mBees🐝一週年海陸空跑團活動🏃🏻🏃🏻‍♀️🏃🏻‍♂️

呢場 mBees 一週年海陸空跑團活動，由構思路線、籌備人手到實地試路，足足籌備了接近兩個月⏳。一開始阿 Keith、後來 Eric，再到我同 Ernest 分批前去試路，次次都發現沿途幾乎所有水機都暫停服務⏸️🥲，大家一直擔心當日跑友補水💦會出問題😅。直到三日前，我同 Bony 再各自去踩線，終於發現全部水機恢復正常運作↩️，一眾籌備團隊先終於放下心頭大石😄。

義工人手方面同樣順利✨，我哋自家義工幾乎全數抽空撐場💪🏻。後來我聯絡咗友好跑團樂街跑嘅大師兄阿民👯‍♀️，問下佢哋有冇朋友可以過來幫手，點知對方反應超熱烈，人數多到直接承包咗我哋 830 配速組嘅領跑工作🤣，真係超級給力！

至於天氣，就真係牽動住所有人嘅心🌤️。天文台早幾日預測周末有雨☔️，甚至可能有雷暴⛈️，團隊一路都忐忑不安，唔知活動能否如期舉行。大家心底裡都寧願延期都唔想取消🥲，但一旦延期，人手同場地又要重新統籌，確實係一大難題🤨。

直到活動當日清晨 05:30，我即刻打開手機📱刷天文台預報：「初時有幾陣驟雨☔️，局部地區有狂風雷暴」。一路守到六點，見天文台仲未掛雷暴警告，團隊終於拍板：活動如期進行😊！

當日義工 07:45 準時集合，個個準時到場、各司其職🙌🏻。08:00 開始，跑友們陸續抵達，報到領手帶、熱身準備，現場氣氛漸漸熱鬧起來🔥。路線講解🗺️同全體大合照📷過後，8:30 準時分組起步，830、730、630 三個配速組齊齊出發🚩！

隊伍一路跑到新紅磡打卡點，天氣都仲算穩定☔️。點知跑入尖東星光大道段時，突然下起大雨🥲！但所有跑友都非常鎮定，保持隊形有序前進，一齊去到鐘樓嘅遮雨位置暫避。等齊人之後，大家仲係鐘樓前開心打卡📷，完全冇被壞天氣影響心情！真係要大讚大家嘅鎮定同團結👏🏻，多謝各位信任同配合跑團嘅安排❤️！

稍作休整後，大家按計劃一齊搭渡海小輪過灣仔碼頭⛵️。講真，我都係第一次體驗包渡海小輪跑團活動，感覺特別新鮮有趣🤪！抵達灣仔後，大家喺微雨之中，按各自組別嘅配速，繼續朝住中環摩天輪🎡嘅方向進發。

衝線一刻超級溫暖🥰！到達終點後，大家自發站成兩排，同每位抵達嘅跑友擊掌打氣👏🏻🤜🏻🤛🏻，滿滿嘅鼓勵同歡笑。天公亦都超識做，適時停雨，俾我哋順利影大合照📷、派發紀念禮物🎁，每位參加者都滿載而歸🙏🏻😊。

好開心能夠同一班志同道合嘅伙伴🧑‍🤝‍🧑一齊籌備、一齊實現呢場活動，同大家分享跑步嘅快樂。mBees🐝一週年只係一個開始，我哋「5 條煙」團隊會繼續發力，期待未來帶俾大家更多好玩嘅活動，繼續一齊輕輕鬆鬆、開開心心聯誼跑🏃🏻‍♂️🏃🏻‍♀️🏃🏻！

❤️特別嗚謝跑友Sunny幫我們製作了一段精彩活動影片，紀錄底我們這個珍貴的時刻!🙏🤗

#全城街馬 #九龍灣 #啟德 #一齊跑就最開心 #全城跑團 #一個人跑得快 #一班人跑得遠

25/08/2026

mBees 🐝 一週年✨
轉眼之間，mBees 已經迎來成立一週年的日子⏳。

回望這一年，一班志同道合的小蜜蜂齊齊相聚🐝，每一次例跑、每一個打卡點📸、每一段共同跑過的路👣，都裝滿了我們的汗水與笑聲💦😄。這一切，都離不開每一位的支持與付出🙏。

在這裡，我想首先要多謝每一位 mBees 的跑友🏃🏻‍♂️🏃🏻‍♀️。因為有你們的準時赴約、一路相伴、互相鼓勵💪🏻，跑團才有了滿滿的煙火氣與正能量🌟。無論晴天雨天☀️🌧️、無論長路短路，大家始終並肩同行，讓跑步這件事，變得比獨自奔跑更溫暖、更快樂❤️。

另外衷心多謝每一位義工跑首與 Helper 夥伴👥。多謝你們每次提前規劃路線🗺️、試路踩點📍；多謝你們帶隊領跑🏃🏻、收尾照應，確保每一位跑友都能安全歸隊✅；多謝你們默默打點好大小事務，從不計較付出。還有感謝友團的兄弟姊妹們，你們的無私撐場，是 mBees 最堅實的後盾🛡️。

最後也非常感謝 MegaBox 提供專用設施和場地安排給我們🏢🙌🏻。

一週年，是一個里程碑🏆，更是一個全新的起點🚩。
未來的日子，期待大家繼續一路相隨，繼續支持 mBees🐝。

我們始終堅信：
**一齊跑，就係開心🥳**
**Together Run, Together Fun✨**

願我們繼續並肩奔跑，跑出更多開心瞬間，遇見更好的自己。🐝

#全城街馬 #九龍灣 #啟德 #一齊跑就最開心 #全城跑團 #一個人跑得快 #一班人跑得遠

mBees🐝第44次例跑🏃🏻🏃🏻‍♀️🏃🏻‍♂️星期四傍晚例跑🌆六點鐘開始，九龍灣區開始落雨🌧️，因為跑團活動七點半先開始，所以我哋打算等到差唔多時間先再決定，究竟跑街定要留喺室內活動。之但係冇耐之後仲掛埋雷暴警告添⚠️⛈️😱我哋迫於無奈要...
23/08/2026

mBees🐝第44次例跑🏃🏻🏃🏻‍♀️🏃🏻‍♂️

星期四傍晚例跑🌆六點鐘開始，九龍灣區開始落雨🌧️，因為跑團活動七點半先開始，所以我哋打算等到差唔多時間先再決定，究竟跑街定要留喺室內活動。之但係冇耐之後仲掛埋雷暴警告添⚠️⛈️😱我哋迫於無奈要取消今晚既戶外跑步活動。

但由於有好多跑友已經到達或on the way去緊Mega Box，我哋唯有鼓起勇氣，自上年開團起首次舉行室內活動🤪

首先，要比credit Mega Box👏🏻，因為佢哋有負責我哋呢個跑團既Rachel，主動問我哋今晚係咪改喺室內做運動，佢哋仲即時安排左我哋成班上9樓一齊做熱身🏃🏻‍♂️🏃🏻‍♀️🏃🏻之但係果度比較開揚，好多旁人留意我哋做咩野，比較尷尬😅所以我即刻問可唔可以再安排另一個地方比我哋，Rachel二話不說就安排我哋上16樓，一個少人出入既地方比我哋繼續進行。

其實由決定取消街跑到轉做室內活動，係一個好短時間，我哋要決定同大家一齊做啲咩呢😱

❤️好彩跑首Dickson平時有喺IG follow一啲網紅教HIIT唧😅所以Dickson開住IG，邊睇住邊同大家一齊做🏋️大家都玩得好投入好開心😁
❤️最後大雄更親自教授大家練習15分鐘超慢跑💪🏻😊

雖然今晚因為天氣關係，而未能街跑，但係換來就係一次好難忘嘅團體室內一齊做跑步運動喇，大家仲可以同平時唔同組嘅跑友有講有笑添，真係錯有錯着喇😁

再次多謝各位跑首同 Helper 默默付出，亦多謝每位跑友準時出席、全力支持！

#全城街馬 #九龍灣 #啟德 #一齊跑就最開心 #全城跑團 #一個人跑得快 #一班人跑得遠

mBees🐝第 43 次例跑🏃🏻🏃🏻‍♀️🏃🏻‍♂️呢個 8 月，我哋 mBees🐝真係蜂起雲湧，熱鬧非常😁理由一：一齊挑戰周年月跑步目標💪🏻理由二：趁住傍晚出動，同晝夜熾熱天氣抗衡🫢理由三：難得相聚，見下一班成個星期冇見既跑友👬🏻👭無論大...
17/08/2026

mBees🐝第 43 次例跑🏃🏻🏃🏻‍♀️🏃🏻‍♂️

呢個 8 月，我哋 mBees🐝真係蜂起雲湧，熱鬧非常😁
理由一：一齊挑戰周年月跑步目標💪🏻
理由二：趁住傍晚出動，同晝夜熾熱天氣抗衡🫢
理由三：難得相聚，見下一班成個星期冇見既跑友👬🏻👭

無論大家係因為邊個原因出席都好，最重要就係一班蜂友齊齊跑，開心就夠晒喇🥳

今期我地熱列歡迎 Edward 和 阿政, 兩位師兄加入做我們Helper, 往後超能電兔Edward就陪大家盡情奔跑! (當晚我聽到段速去到4分坡🤩) 而另一位阿政師兄除了沿途照顧跑友外, 仲特意幫大家拍片留住歡樂時光! 再次感謝兩位師兄🥰

期待下次例跑，大家一齊堅持、一步一步進步，齊齊跑、齊齊笑，做最有活力嘅mBees🐝💨！

#全城街馬 #九龍灣 #啟德 #一齊跑就最開心 #全城跑團 #一個人跑得快 #一班人跑得遠

✨ 快閃將軍 ⚡ x MBees 🐝 聯團活動 ✨【東九 Summer Run - TAKE 2️⃣】再次開放報名！原定月頭舉行嘅「東九 Summer Run」反應熱烈，因天氣不穩而延期，但團隊一直記住大家嘅約定。💪今次將於 8月29日 (...
12/08/2026

✨ 快閃將軍 ⚡ x MBees 🐝 聯團活動 ✨
【東九 Summer Run - TAKE 2️⃣】再次開放報名！

原定月頭舉行嘅「東九 Summer Run」反應熱烈，因天氣不穩而延期，但團隊一直記住大家嘅約定。💪

今次將於 8月29日 (星期六) 捲土重來，時間地點不變，大家需要透過以下連結重新報名。未能報名嘅團友，今次有新機會！

👇🔗 報名連結：
https://jcfitcity.hk/....../RunOurCity-CITYRUNNERS......

📌 即時批核，額滿即止！
一齊捉緊 Summer 嘅尾巴，TAKE 2 再次由將軍澳跑到九龍灣，跑出非常夏日！🌞🏃‍♂️✨


#快閃將軍

#全城跑團
#賽馬會好動城市計劃

mBees🐝第 42 次例跑🏃🏻🏃🏻‍♀️🏃🏻‍♂️終於告別連日雨天☔️，一眾 mBees🐝跑友近期都積極出動、堅持訓練！而由於8月係mBees一週年，所以都安排了一些有趣跑步目標活動給大家一齊參與!當中 Edward 超級爭氣，僅僅八月頭...
10/08/2026

mBees🐝第 42 次例跑🏃🏻🏃🏻‍♀️🏃🏻‍♂️

終於告別連日雨天☔️，一眾 mBees🐝跑友近期都積極出動、堅持訓練！
而由於8月係mBees一週年，所以都安排了一些有趣跑步目標活動給大家一齊參與!
當中 Edward 超級爭氣，僅僅八月頭五日就達成 90 公里的跑步目標🎯，實力相當驚人，真係非常厲害💪🏻而繼Edward之後, Jason, 阿樂, Fion也達成了 90 公里的目標, 利害!!

至於另一組 "Happy Bee" 30 公里的跑步目標🎯， Elisa, Bonnie, Olive 和LoLo 已搶先完成! 勁! 勁! 勁!

大家繼續加油!

請返當晚例跑, 今次例跑設有斜路路段，加上參加資格需要八月最少出席兩次跑團活動，所以昨晚大批蜂友準時赴約🐝。大伙一邊練習爬坡、一邊閒聊吹水，跑步之餘盡情聯誼，氣氛熱鬧歡樂😁

不少跑友都大讚斜路跑趣味性十足、跑得好盡興😀
大家的心聲團隊已經收到👂路線設計師 Keith 之後都會再多規劃爬坡路線，畀大家繼續挑戰玩個夠🤪

再次多謝各位跑首同helper當晚嘅協助🙏🙇
嚟緊嘅星期四，繼續一齊跑出健康、跑出開心，不見不散！

#全城街馬 #九龍灣 #啟德 #一齊跑就最開心 #全城跑團 #一個人跑得快 #一班人跑得遠

mBees🐝第 41 次例跑隨筆mBees🐝第 41 次例跑順利舉行🏃🏻‍♂️🏃🏻‍♀️🏃🏻！近期天氣反覆不定，想要遇上一個無雨、無雷暴⛈️適合跑步嘅日子，簡直可遇不可求，每次計劃例跑都要時刻留意天氣預報，難免充滿忐忑😅。所幸上星期四傍晚及...
03/08/2026

mBees🐝第 41 次例跑隨筆

mBees🐝第 41 次例跑順利舉行🏃🏻‍♂️🏃🏻‍♀️🏃🏻！
近期天氣反覆不定，想要遇上一個無雨、無雷暴⛈️適合跑步嘅日子，簡直可遇不可求，每次計劃例跑都要時刻留意天氣預報，難免充滿忐忑😅。
所幸上星期四傍晚及時收停大雨，天氣終於轉穩定，我哋先可以如期聚首，一班小蜜蜂再度碰面閒聊吹水，盡情暢跑，痛快放鬆一番，全程玩得盡興🤪。

當晚嘅行程充滿新驚喜，我哋首次走訪全新打卡景點📸：去到五行童樂公園嘅紅色塔位置取景，背後襯住宏偉嘅啟德主場館，城市建築搭配獨特景致，拍出來嘅相片畫面感十足，大家都紛紛駐足擺 pose 留念，留住難得嘅跑步瞬間。

跑完打卡路線之後，Dickson就同 Tony 仔、Matthew 提早折返 Mega Box，預先準備好各式飲品。待全體跑友陸續抵達綠在觀塘集合地、準備進行跑後伸展 cool down 之前，大家都可以飲下水補充流失嘅水分，及時舒緩疲勞，安排細心又貼心💧。

開心嘅時光總係轉眼即逝，避過惡劣天氣順利完成今次例跑，又發掘全新打卡靚景，身邊亦有一班志同道合嘅跑友相伴，滿滿幸福感。

多謝所有人準時赴約，期待往後都可以常遇好天氣，繼續一齊慢跑、打卡、歡聚，每一次例跑都收穫滿滿喜悅🐝💨

再次多謝各位跑首同helper嘅協助🙏🙇
星期四，繼續一齊跑出健康、跑出開心，不見不散！

#全城街馬 #九龍灣 #啟德 #一齊跑就最開心 #全城跑團 #一個人跑得快 #一班人跑得遠

Address

宏照道38號
Hong Kong
852

Website

Alerts

Be the first to know and let us send you an email when MBees posts news and promotions. Your email address will not be used for any other purpose, and you can unsubscribe at any time.

Contact The Business

Send a message to MBees:

Shortcuts

Share

Category