11/09/2026
學游水｜由怕水，到自己跳落海。
但今次真正學到嘅，未必只係游泳
有時，一個人唔係做唔到。
只係未試過喺一個安全、被尊重、又有人相信佢可以做到嘅環境入面，真正行出第一步。
今次係一個家庭一齊參與《三分鐘學識游水》。
開始時，小朋友面對陌生環境同教練，未必即刻願意表達自己；爸爸亦對深水、漂浮、踩水同「如果真係跌落海，我應該點？」有好多疑慮。
教練冇急住叫佢哋「勇敢啲」。
亦冇用一句「唔使驚」就當處理咗恐懼。
反而先讓佢哋認識環境、裝備、流程，同埋知道一件好重要嘅事：
人有得選擇。
可以試。
可以停。
可以再準備好先行下一步。
冇人逼你做一件你唔願意做嘅事。
之後，挑戰先慢慢拆開。
由感受浮力、漂浮、移動、踩水、水中自救，到真正游出去。
每做到一步，就再行下一步。
有人學得快，有人問題比較多。
有人要少講多做，有人要先知道「點解」。
教練要做嘅，唔係叫所有人用同一個方法學。
而係睇清楚眼前呢一個人，需要用咩方法先行得前。
最後，最令人記得嘅畫面唔係「游咗幾多米」。
係爸爸同孩子，都企上咗船頭。
然後，自己選擇跳落大海。
再靠自己游返船邊，返上船。
嗰一刻，見到嘅已經唔只係「學游水」。
而係一個人真真正正建立咗一次：
「原來，我真係做得到。」
呢種經驗，未必只屬於游水。
將來再面對另一件覺得好難、好驚、未試過嘅事，
可能佢會記得👉🏼
我曾經都以為自己唔得。
但最後，我做到了。
所以如果有人問我，《三分鐘學識游水》最想教嘅係乜？
未必只係游泳技巧。
我更加想讓人知道：
人應該有好多可能性。
你而家未做到，
唔代表你永遠做唔到。
有時，只係未搵到適合自己嘅方法，
未遇到一個願意陪你拆細困難嘅人，
又或者👉🏼
你仲未俾自己一次真正嘗試嘅機會。
如果你而家都怕水、唔識游水，或者一直覺得「我
