圍城步快 TSW Runners

23/05/2026

緊急呼籲！
大家仲記唔記得青山上面有一隻叫「妹妹」嘅狗女？剛有人通知我佢最近受咗傷，我見到相片和影片好心痛，佢現在又傷又瘦，現希望各位行山人士，若在青山一帶遇到「妹妹」，請盡快通知何太，佢想救妹妹去睇醫生！
多謝大家🙏🏻

02/03/2026

最近見牠們又瘦了！
前排有位伯伯何先生常上去餵牠們，那時牠們長得比較健康，但我最近沒再遇到何先生，而狗狗們也瘦了 。最近見牠們很餓，我每星期只能安排上去1-2次餵牠們，有請行開屯門青山一帶嘅山友，如果遇到這兩隻狗狗，請給予牠們一些糧食🙏🏻

03/11/2025

上星期六，我們在離開青山頂，向獅子頭方向行，途中見到這隻流浪狗，見牠骨瘦如柴，我們給了牠一些小食，但是不足夠牠温飽的 。
希望山友們途經青山一帶，看看牠近況和給予牠一些關心和幫助🙏🏻

27/12/2022

青山腹地之大石墜谷虛靈谷-25/12/2022
要走呢條路線最好喺假期，否則可能遇上操炮，我就曾起碼兩次遇上，好鬼剌激😂
路線：兆康站-紫田邨-古園洞坳-大石墜谷-虛靈谷-白泥

25/12/2022

那些年在大師兄帶領下的陣容！
還有大師兄的後記：「⋯錢不欠，口不渴，氣不喘，身有力，唯獨是欠⋯⋯」

週日長課-25/12/2016

大師兄分享：
大棠紅葉葬雄心
睇睇個plan，今日要走34k，長課馬鞍崗加圍城，唔好嘞，跑濕地公園路隨時pk，改走欖堤兩轉應該夠數。平安夜早啲瞓，今朝5點起身，提早食早餐唔使等陣跑到作嘔，幾有計劃！
佢渣馬還有7個星期，長課要作佩速訓練，落到場走兩步，即刻發軟蹄，唔通唔走咩！有小部份人走水廠，大部份人先走欖堤，才去馬鞍崗。有的欖堤一圈有的圈半就各自計，走兩圈的我，出發未幾，518步速跟上帶頭隊伍(Yoko,Eric,Alvis,Kin Ming)，進入欖堤彼此相若，個半圈後，隊伍離開，我變成殿後將軍，開始運算時間，我多走1.4k，前隊步速大約510-515，如果前領步速不變，而我每k走快半分鐘，我大慨要大棠落山才追上大隊。另外，我會見邊個跑友先呢？這兩個問題在我腦際飄蕩，腳下維持著445-450步速，在凹頭終見到第一個跑友-就哥。走到八鄉路，路徑開始起伏，左腳就强力抗議，我只有貫注更大力量去驅動他，入到馬鞍崗上大石鼓的情况是不太差的，只是，當路勢由上坡轉變為平路或下坡，左腳便發軟無力，最惨就是，他變成一支無力的軟拐杖！拐步走到水塘休憩處，見到惜惜和賞哥，打個招呼往前，希望撐上大長金，於是，就形成了左邊冇力右邊用力的步姿，雖然，最終戰勝大長金，卻裁在一片紅紅的楓林間！
在楓香亭拐著步行回程，緩慢又辛苦，未幾，賞哥和惜惜從後趕上，熱心協助，無奈甚麽也幫不上，錢不欠，口不渴，氣不喘，身有力，唯獨是欠了一隻左肶，千辛萬苦行到落大棠山路口，巧遇蕭氏伉俪和振奮隊長，訴一訴苦便步往車站，試跑兩步，左膝又積水頂住，算吧！收集今天失敗印花，夠數就換番個成功回來！

30/11/2022

#明早9點可以上網預約啦
https://www.waterconservation.gov.hk/tc/ex-sspsr/index.html
前深水埗配水庫（主教山）-14/10/2022
超難book！喺一個深夜㩒㩒吓先執到後補位🥲
被評為一級歷史建築嘅配水庫，已超過百年歷史。雖未如想像中咁大，但仿羅馬式嘅建築，確很有特色！
導賞員講解咗配水庫嘅歷史、建築、設計特色、內部設備等。
之後就只剩番7分鐘比大家影相🥺我有寫意見書，希望比多少少時間影吓相。

22/11/2022

#全城追貓
#好消息：今日下午畫家已經完成埋條貓So同簽名啦！🎉
#壞消息：兩條梯都搬走埋啦😂咁點上去打卡呀😰真喺有啲難度！
當我去到時緊有點點餘光，拍下一張後就要開燈了，畫家好細心印下腳印，只要跟着腳印就可以上到去高果層，但要落貓貓果層就有難度了，好在有木川同行，來個BB抱🤣否則，我一定搞唔掂！
#貓 #貓畫 #貓壁畫 #俄羅斯藝術家

21/11/2022

#全城追貓 現場所見都唔少人 連單車友都唔怕辛苦 搬埋架車上去😂
想上到壁畫前就要爬兩次梯
行慣山嘅人應該冇問題 唔行開嘅可能要小心慢慢來
希望畫家會再去畫埋條貓so同完成簽名🙏🏻
***
update下：剛得知畫家Vladimir沒放棄，說要待日子冷淡下來才繼續這貓畫！👏

10/11/2022

尋龍貓記-9/11/2022
上次玩完尋華表之後，呢次又試下尋龍，不過因為貼士明顯，所以唔洗一分鐘就喺地圖上揾到了！之後就上大帽山揾貓貓🐱臨近黃昏冇咩人
#貓 #貓屋 #貓畫 #俄羅斯藝術家

30/10/2022

探廢-30/10/2022
被那六條有翼的巨龍柱吸引了！從相片中認出兩座山，於是打開衛星地圖，鎖定範圍，尋找了一個晚上，終於找到了！
#華表柱 （多謝@aewan619指教正確名稱）
#探廢的樂趣就像尋寶遊戲
#可從相片中找貼士