18/09/2026
𝗞𝘆𝗹𝗶𝗮𝗻 𝗠𝗯𝗮𝗽𝗽𝗲 𝗹𝗲𝗮𝘃𝗲𝘀 𝗡𝗜𝗞𝗘 𝘁𝗼 𝗷𝗼𝗶𝗻 𝗢𝗡 𝗙𝗢𝗢𝗧𝗕𝗔𝗟𝗟!
今日足球界爆出近年最震撼嘅代言人變動——法國球星麥巴比（Kylian Mbappé）正式告別合作咗近 20 年嘅 Nike，轉投瑞士新興運動品牌 On（On Running），成為 On 正式進軍足球界（On Football）嘅全球代言人同靈魂人物。
麥巴比於 2019 年迎來首對 Signature Nike Mercurial Superfly 7 之外，轉眼間 Superfly 已經黎到第 11 代，係美斯C朗代言能力漸漸減少時充當住 Nike 嘅門面球星。今次呢個頂級（或者係現時最強球星）嘅跳槽，絕對係一壇大單野！
On 呢個牌子可能年輕少少踢開波嘅嘅朋友會少接觸，On 成立於瑞士，最初憑藉獨特嘅 CloudTec 避震科技喺專業跑鞋市場打響名堂。其後喺費達拿以投資者同代言人身份注入資金同影響力後，On 嘅知名度呈爆發式增長。近年 On 成功由單一嘅跑鞋品牌，擴展至日常休閒（Lifestyle）同高端運動市場，香港唔少中產及年輕消費者 / 運動員都應該好清楚佢地，香港都有唔少分店。
相對地，麥巴比嘅離去亦暴露出 Nike 目前面臨嘅危機：
- 過度依賴復刻經典鞋款，喺新鞋款嘅研發上逐漸失去優勢
- 先前推行直營策略，削減與實體零售商嘅合作，畀咗其他新興品牌崛起嘅機會。係足球以外，On、Hoka、Salomon 、Asics、Mizuno等等嘅牌子都係近年跑步界常見嘅。
傳統巨頭獨霸市場嘅時代正告一段落，取而代之嘅係主打高端科技、創新工藝同社群認同嘅新興品牌，足球界亦然！
